ਮਹਿਲਾਵਾਂ ਨੂੰ 2500 ਰੁਪਏ ਕਿਵੇਂ ਮਿਲਣਗੇ ? ਅਪਲਾਈ ਕਰਨ ਤੋਂ ਪਹਿਲਾਂ ਤਿਆਰ ਰੱਖੋ ਇਹ ਦਸਤਾਵੇਜ਼
Delhi Lakshmi Yojana : ਸਰਕਾਰ ਵੱਲੋਂ ਸਮੇਂ-ਸਮੇਂ 'ਤੇ ਲੋਕਾਂ ਦੀ ਸਹੂਲਤ ਅਤੇ ਆਰਥਿਕ ਮਦਦ ਲਈ ਕਈ ਯੋਜਨਾਵਾਂ ਸ਼ੁਰੂ ਕੀਤੀਆਂ ਜਾਂਦੀਆਂ ਹਨ। ਹੁਣ ਇਸੇ ਕੜੀ ਵਿੱਚ ਦਿੱਲੀ ਸਰਕਾਰ ਨੇ ਮਹਿਲਾਵਾਂ ਨੂੰ ਆਰਥਿਕ ਸਹਾਇਤਾ ਦੇਣ ਲਈ
Delhi Lakshmi Yojana : ਸਰਕਾਰ ਵੱਲੋਂ ਸਮੇਂ-ਸਮੇਂ 'ਤੇ ਲੋਕਾਂ ਦੀ ਸਹੂਲਤ ਅਤੇ ਆਰਥਿਕ ਮਦਦ ਲਈ ਕਈ ਯੋਜਨਾਵਾਂ ਸ਼ੁਰੂ ਕੀਤੀਆਂ ਜਾਂਦੀਆਂ ਹਨ। ਹੁਣ ਇਸੇ ਕੜੀ ਵਿੱਚ ਦਿੱਲੀ ਸਰਕਾਰ ਨੇ ਮਹਿਲਾਵਾਂ ਨੂੰ ਆਰਥਿਕ ਸਹਾਇਤਾ ਦੇਣ ਲਈ ਦਿੱਲੀ ਲਕਸ਼ਮੀ ਯੋਜਨਾ ਸ਼ੁਰੂ ਕੀਤੀ ਹੈ। ਇਸ ਯੋਜਨਾ ਤਹਿਤ ਯੋਗ ਮਹਿਲਾਵਾਂ ਦੇ ਬੈਂਕ ਖਾਤਿਆਂ ਵਿੱਚ ਹਰ ਮਹੀਨੇ ₹2500 ਭੇਜੇ ਜਾਣਗੇ। ਇਸ ਲਈ ਅਰਜ਼ੀਆਂ 1 ਅਗਸਤ 2026 ਤੋਂ ਸ਼ੁਰੂ ਹੋ ਚੁੱਕੀਆਂ ਹਨ। ਜੇ ਤੁਸੀਂ ਵੀ ਇਸ ਯੋਜਨਾ ਦਾ ਲਾਭ ਲੈਣਾ ਚਾਹੁੰਦੇ ਹੋ, ਤਾਂ ਪਹਿਲਾਂ ਯੋਗਤਾ, ਲੋੜੀਂਦੇ ਦਸਤਾਵੇਜ਼ ਅਤੇ ਹੋਰ ਸ਼ਰਤਾਂ ਬਾਰੇ ਜਾਣਕਾਰੀ ਜ਼ਰੂਰ ਲੈ ਲਵੋ।
ਕੀ ਦਿੱਲੀ ਦੀ ਹਰ ਮਹਿਲਾ ਨੂੰ ਮਿਲੇਗਾ ਯੋਜਨਾ ਦਾ ਲਾਭ?
ਇਸ ਯੋਜਨਾ ਦਾ ਲਾਭ ਲੈਣ ਲਈ ਹੇਠ ਲਿਖੀਆਂ ਸ਼ਰਤਾਂ ਪੂਰੀਆਂ ਹੋਣੀਆਂ ਲਾਜ਼ਮੀ ਹਨ:
ਮਹਿਲਾ ਦੀ ਉਮਰ 21 ਤੋਂ 60 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ।
ਪਰਿਵਾਰ ਦੀ ਸਾਲਾਨਾ ਆਮਦਨ ₹2.5 ਲੱਖ ਤੋਂ ਵੱਧ ਨਾ ਹੋਵੇ।
ਮਹਿਲਾ ਦਿੱਲੀ ਦੀ ਸਥਾਈ ਨਿਵਾਸੀ ਹੋਵੇ ਅਤੇ ਘੱਟੋ-ਘੱਟ 10 ਸਾਲ ਤੋਂ ਦਿੱਲੀ ਵਿੱਚ ਰਹਿ ਰਹੀ ਹੋਵੇ।
ਪਰਿਵਾਰ ਦਾ ਕੋਈ ਵੀ ਮੈਂਬਰ ਇਨਕਮ ਟੈਕਸ ਜਾਂ GST ਨਾ ਭਰਦਾ ਹੋਵੇ।
ਪਰਿਵਾਰ ਦਾ ਕੋਈ ਵੀ ਮੈਂਬਰ ਸਰਕਾਰੀ ਨੌਕਰੀ ਵਿੱਚ ਨਾ ਹੋਵੇ।
ਪਰਿਵਾਰ ਦੇ ਨਾਮ 'ਤੇ ਕਾਰ ਨਹੀਂ ਹੋਣੀ ਚਾਹੀਦੀ।
ਅਰਜ਼ੀ ਤੋਂ ਪਹਿਲਾਂ ਇਹ ਦਸਤਾਵੇਜ਼ ਤਿਆਰ ਰੱਖੋ
ਜੇ ਤੁਸੀਂ ਇਸ ਯੋਜਨਾ ਲਈ ਅਰਜ਼ੀ ਦੇਣੀ ਚਾਹੁੰਦੇ ਹੋ, ਤਾਂ ਇਹ ਦਸਤਾਵੇਜ਼ ਪਹਿਲਾਂ ਹੀ ਤਿਆਰ ਰੱਖੋ:
ਆਧਾਰ ਕਾਰਡ
ਪਛਾਣ ਪੱਤਰ
ਬੈਂਕ ਖਾਤੇ ਦੀ ਜਾਣਕਾਰੀ
ਆਧਾਰ ਨਾਲ ਲਿੰਕ ਕੀਤਾ ਬੈਂਕ ਖਾਤਾ
ਦਿੱਲੀ ਵਿੱਚ ਰਹਿਣ ਦਾ ਸਬੂਤ
ਪਾਸਪੋਰਟ ਸਾਈਜ਼ ਫੋਟੋ
ਦਸਤਖ਼ਤ
10 ਸਾਲ ਦੇ ਨਿਵਾਸ ਦਾ ਸਬੂਤ ਦੇਣ ਲਈ ਤੁਸੀਂ ਹੇਠਾਂ ਦਿੱਤੇ ਦਸਤਾਵੇਜ਼ਾਂ ਵਿੱਚੋਂ ਕੋਈ ਇੱਕ ਪੇਸ਼ ਕਰ ਸਕਦੇ ਹੋ:
ਵੋਟਰ ਆਈਡੀ ਕਾਰਡ
ਡਰਾਈਵਿੰਗ ਲਾਇਸੈਂਸ
ਬਿਜਲੀ ਦਾ ਬਿੱਲ
ਗੈਸ ਕਨੈਕਸ਼ਨ
ਰਾਸ਼ਨ ਕਾਰਡ
ਉਮਰ ਦਾ ਸਬੂਤ ਦੇਣ ਲਈ ਇਹ ਦਸਤਾਵੇਜ਼ ਚੱਲਣਗੇ
ਜੇ ਤੁਹਾਡੀ ਉਮਰ 21 ਤੋਂ 60 ਸਾਲ ਦੇ ਵਿਚਕਾਰ ਹੈ, ਤਾਂ ਉਮਰ ਸਾਬਤ ਕਰਨ ਲਈ ਹੇਠ ਲਿਖਿਆਂ ਵਿੱਚੋਂ ਕੋਈ ਇੱਕ ਦਸਤਾਵੇਜ਼ ਜਮ੍ਹਾਂ ਕਰ ਸਕਦੇ ਹੋ।
ਪੈਨ ਕਾਰਡ
ਵੋਟਰ ਆਈਡੀ ਕਾਰਡ
10ਵੀਂ ਦੀ ਮਾਰਕਸ਼ੀਟ
ਜਨਮ ਸਰਟੀਫਿਕੇਟ
MLA ਜਾਂ MP ਦੀ ਸਿਫ਼ਾਰਸ਼ ਵੀ ਲਾਜ਼ਮੀ
ਇਨ੍ਹਾਂ ਦਸਤਾਵੇਜ਼ਾਂ ਤੋਂ ਇਲਾਵਾ ਆਪਣੇ ਇਲਾਕੇ ਦੇ MLA ਜਾਂ MP ਦਾ ਸਮਰਥਨ ਪੱਤਰ ਵੀ ਅਰਜ਼ੀ ਨਾਲ ਜਮ੍ਹਾਂ ਕਰਨਾ ਲਾਜ਼ਮੀ ਹੋਵੇਗਾ।
ਆਨਲਾਈਨ ਅਰਜ਼ੀ ਕਿਵੇਂ ਕਰੀਏ?
ਦਿੱਲੀ ਲਕਸ਼ਮੀ ਯੋਜਨਾ ਦੇ ਅਧਿਕਾਰਕ ਪੋਰਟਲ 'ਤੇ ਜਾਓ।
Citizen Login 'ਤੇ ਕਲਿੱਕ ਕਰੋ।
Register Now ਚੁਣੋ।
ਆਪਣਾ ਆਧਾਰ ਨੰਬਰ ਅਤੇ ਜਨਮ ਮਿਤੀ (DOB) ਦਰਜ ਕਰੋ।
ਰਜਿਸਟ੍ਰੇਸ਼ਨ ਪੂਰਾ ਹੋਣ ਤੋਂ ਬਾਅਦ ਯੂਜ਼ਰ ਆਈਡੀ ਅਤੇ ਪਾਸਵਰਡ ਬਣਾਓ।
ਪੋਰਟਲ 'ਤੇ ਲਾਗਇਨ ਕਰਕੇ ਅਰਜ਼ੀ ਫਾਰਮ ਭਰੋ।
ਆਪਣੀ, ਪਰਿਵਾਰ ਅਤੇ ਬੈਂਕ ਨਾਲ ਸੰਬੰਧਿਤ ਜਾਣਕਾਰੀ ਦਰਜ ਕਰੋ।
ਸਾਰੇ ਲੋੜੀਂਦੇ ਦਸਤਾਵੇਜ਼ ਅਪਲੋਡ ਕਰੋ।
MLA/MP ਦਾ ਸਮਰਥਨ ਪੱਤਰ ਵੀ ਅਪਲੋਡ ਕਰੋ।
ਸਾਰੀ ਜਾਣਕਾਰੀ ਇੱਕ ਵਾਰ ਚੈੱਕ ਕਰਕੇ ਫਾਰਮ ਸਬਮਿਟ ਕਰ ਦਿਓ।
ਯੋਜਨਾ ਦਾ ਇਹ ਨਿਯਮ ਵੀ ਜਾਣੋ
ਇਸ ਯੋਜਨਾ ਦਾ ਲਾਭ ਇੱਕ ਪਰਿਵਾਰ ਵਿੱਚੋਂ ਸਿਰਫ਼ ਇੱਕ ਮਹਿਲਾ ਨੂੰ ਹੀ ਮਿਲੇਗਾ। ਜੇ ਪਰਿਵਾਰ ਵਿੱਚ ਦੋ ਯੋਗ ਮਹਿਲਾਵਾਂ ਹਨ, ਜਿਵੇਂ ਇੱਕ ਦੀ ਉਮਰ 40 ਸਾਲ ਅਤੇ ਦੂਜੀ ਦੀ 35 ਸਾਲ ਹੈ, ਤਾਂ ਵੱਧ ਉਮਰ ਵਾਲੀ ਮਹਿਲਾ ਨੂੰ ਹੀ ਯੋਜਨਾ ਦਾ ਲਾਭ ਮਿਲੇਗਾ। ਸਰਕਾਰ ਦੀ ਤਿਆਰੀ ਹੈ ਕਿ ਯੋਗ ਮਹਿਲਾਵਾਂ ਦੇ ਬੈਂਕ ਖਾਤਿਆਂ ਵਿੱਚ ਪਹਿਲੀ ਕਿਸ਼ਤ ਰੱਖੜੀ (ਰੱਖਸ਼ਾ ਬੰਧਨ) ਦੇ ਮੌਕੇ 'ਤੇ ਭੇਜੀ ਜਾਵੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
