ਹਿੰਦੂ ਏਕਤਾ ਯਾਤਰਾ ਦੌਰਾਨ ਧੀਰੇਂਦਰ ਸ਼ਾਸਤਰੀ 'ਤੇ ਹੋਇਆ ‘ਹਮਲਾ’, ਬਾਬੇ ਦੀ ਗੱਲ੍ਹ ਤੇ ਮਾਰਿਆ ਚਲਾਵਾਂ ਮੋਬਾਇਲ, ਜਾਣੋ ਪੂਰਾ ਮਾਮਲਾ
21 ਨਵੰਬਰ ਤੋਂ ਸ਼ੁਰੂ ਹੋਈ ਬਾਬਾ ਦੀ ਇਸ ਯਾਤਰਾ ਵਿੱਚ ਅਦਾਕਾਰ ਸੰਜੇ ਦੱਤ ਅਤੇ ਦਿ ਗ੍ਰੇਟ ਖਲੀ ਨੇ ਵੀ ਸ਼ਿਰਕਤ ਕੀਤੀ ਹੈ। ਇਸ ਤੋਂ ਇਲਾਵਾ ਭਾਜਪਾ ਦੇ ਜਨਰਲ ਸਕੱਤਰ ਕੈਲਾਸ਼ ਵਿਜੇਵਰਗੀਆ, ਭਾਜਪਾ ਵਿਧਾਇਕ ਰਾਜੇਸ਼ਵਰ ਸ਼ਰਮਾ ਅਤੇ ਕਾਂਗਰਸ ਵਿਧਾਇਕ ਜੈਵਰਧਨ ਸਿੰਘ ਸਮੇਤ ਕਈ ਨੇਤਾਵਾਂ ਨੇ ਵੀ ਉਨ੍ਹਾਂ ਦੀ ਯਾਤਰਾ ਦਾ ਸਮਰਥਨ ਕੀਤਾ ਹੈ।
Dhirendra Shastri: ਬਾਗੇਸ਼ਵਰ ਧਾਮ ਦੇ ਪੀਠਾਧੀਸ਼ਵਰ ਧੀਰੇਂਦਰ ਸ਼ਾਸਤਰੀ ਦੀ ਹਿੰਦੂ ਏਕਤਾ ਯਾਤਰਾ ਯੂਪੀ ਦੇ ਝਾਂਸੀ ਪਹੁੰਚ ਗਈ ਹੈ। ਇਸ ਯਾਤਰਾ ਦੌਰਾਨ ਕਿਸੇ ਵਿਅਕਤੀ ਨੇ ਬਾਬੇ 'ਤੇ ਮੋਬਾਇਲ ਫੋਨ ਸੁੱਟ ਦਿੱਤਾ, ਜੋ ਬਾਬਾ ਦੀ ਗੱਲ੍ਹ 'ਤੇ ਵੱਜਿਆ। ਇਸ ਸਬੰਧੀ ਬਾਬਾ ਬਾਗੇਸ਼ਵਰ ਨੇ ਕਿਹਾ ਕਿ ਕਿਸੇ ਨੇ ਮੋਬਾਈਲ ਸੁੱਟ ਕੇ ਮਾਰਿਆ ਹੈ, ਸਾਨੂੰ ਮੋਬਾਈਲ ਮਿਲ ਗਿਆ ਹੈ ।
ਬਾਬਾ ਆਪਣੇ ਸ਼ਰਧਾਲੂਆਂ ਨਾਲ ਯਾਤਰਾ ਦੌਰਾਨ ਪੈਦਲ ਜਾ ਰਿਹਾ ਸੀ, ਜਿਸ ਦੌਰਾਨ ਇਹ ਘਟਨਾ ਵਾਪਰੀ। ਉਹ ਮਾਈਕ ਰਾਹੀਂ ਆਪਣੇ ਨਾਲ ਆਏ ਸ਼ਰਧਾਲੂਆਂ ਤੇ ਸਮਰਥਕਾਂ ਨੂੰ ਸੰਬੋਧਨ ਕਰ ਰਹੇ ਸਨ। ਇਸ ਦੌਰਾਨ ਉਨ੍ਹਾਂ ਨੇ ਕਿਹਾ, "ਕਿਸੇ ਨੇ ਸਾਡੇ 'ਤੇ ਫੁੱਲਾਂ ਸਮੇਤ ਮੋਬਾਈਲ ਫੋਨ ਸੁੱਟ ਕੇ ਮਾਰਿਆ ਹੈ। ਸਾਨੂੰ ਲੱਭ ਗਿਆ ਹੈ।"
ਧੀਰੇਂਦਰ ਸ਼ਾਸਤਰੀ ਦੀ ਹਿੰਦੂ ਏਕਤਾ ਯਾਤਰਾ ਦਾ ਅੱਜ ਛੇਵਾਂ ਦਿਨ ਹੈ। ਬਾਗੇਸ਼ਵਰ ਧਾਮ ਤੋਂ ਓਰਛਾ ਤੱਕ ਦੀ ਉਨ੍ਹਾਂ ਦੀ ਯਾਤਰਾ ਨੂੰ ਲੋਕਾਂ ਦਾ ਭਰਪੂਰ ਸਮਰਥਨ ਮਿਲ ਰਿਹਾ ਹੈ। ਉਨ੍ਹਾਂ ਦੇ ਨਾਲ ਹਜ਼ਾਰਾਂ ਲੋਕ ਚੱਲ ਰਹੇ ਹਨ। ਇਸ ਮਾਰਚ ਦਾ ਲੰਘਣ ਵਾਲੇ ਰਸਤਿਆਂ 'ਤੇ ਫੁੱਲਾਂ ਨਾਲ ਸਵਾਗਤ ਕੀਤਾ ਜਾ ਰਿਹਾ ਹੈ।
21 ਨਵੰਬਰ ਤੋਂ ਸ਼ੁਰੂ ਹੋਈ ਬਾਬਾ ਦੀ ਇਸ ਯਾਤਰਾ ਵਿੱਚ ਅਦਾਕਾਰ ਸੰਜੇ ਦੱਤ ਅਤੇ ਦਿ ਗ੍ਰੇਟ ਖਲੀ ਨੇ ਵੀ ਸ਼ਿਰਕਤ ਕੀਤੀ ਹੈ। ਇਸ ਤੋਂ ਇਲਾਵਾ ਭਾਜਪਾ ਦੇ ਜਨਰਲ ਸਕੱਤਰ ਕੈਲਾਸ਼ ਵਿਜੇਵਰਗੀਆ, ਭਾਜਪਾ ਵਿਧਾਇਕ ਰਾਜੇਸ਼ਵਰ ਸ਼ਰਮਾ ਅਤੇ ਕਾਂਗਰਸ ਵਿਧਾਇਕ ਜੈਵਰਧਨ ਸਿੰਘ ਸਮੇਤ ਕਈ ਨੇਤਾਵਾਂ ਨੇ ਵੀ ਉਨ੍ਹਾਂ ਦੀ ਯਾਤਰਾ ਦਾ ਸਮਰਥਨ ਕੀਤਾ ਹੈ।
ਇਸ ਯਾਤਰਾ ਦੀ ਸ਼ੁਰੂਆਤ ਕਰਦੇ ਹੋਏ ਧੀਰੇਂਦਰ ਸ਼ਾਸਤਰੀ ਨੇ ਕਿਹਾ ਸੀ ਕਿ ਸਾਨੂੰ ਸਾਰਿਆਂ ਨੂੰ ਜਾਤ-ਪਾਤ ਦੇ ਜਾਲ ਤੋਂ ਬਾਹਰ ਆਉਣਾ ਹੋਵੇਗਾ। ਉਨ੍ਹਾਂ ਨੇ ਨਾਅਰਾ ਦਿੱਤਾ-ਜਾਤ ਨੂੰ ਅਲਵਿਦਾ, ਅਸੀਂ ਸਾਰੇ ਹਿੰਦੂ ਭਰਾ ਹਾਂ। ਆਪਣੇ ਸ਼ਰਧਾਲੂਆਂ ਨੂੰ ਸੰਬੋਧਨ ਕਰਦਿਆਂ ਬਾਬਾ ਕਹਿੰਦੇ ਹਨ ਕਿ ਸਾਰੇ ਸ਼ਰਧਾਲੂਆਂ ਦਾ ਇੱਕੋ ਇੱਕ ਟੀਚਾ ਹੈ ਕਿ ਸਨਾਤਨ ਧਰਮ ਮਜ਼ਬੂਤ ਹੋਵੇ, ਆਪਸ ਵਿੱਚ ਏਕਤਾ ਹੋਵੇ, ਕੋਈ ਭੇਦਭਾਵ ਨਾ ਹੋਵੇ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਤਫ਼ਸੀਲ ਨਾਲ ਪੜ੍ਹ ਸਕਦੇ ਹੋ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
