ਇਹ ਛੋਟ ਲੋਕਾਂ ਨੂੰ ਉਨ੍ਹਾਂ ਦੇ ਜੀਐਸਟੀ 'ਤੇ ਮਿਲੇਗੀ। ਇਸ 'ਚ ਇੱਕ ਫੀਸਦੀ ਛੋਟ ਸੈਂਟਰਲ ਜੀਐਸਟੀ ਤੇ ਇੱਕ ਫੀਸਦੀ ਸਟੇਟ ਜੀਐਸਟੀ 'ਤੇ ਮਿਲੇਗੀ। ਮੀਡੀਆ ਰਿਪੋਰਟਾਂ ਮੁਤਾਬਕ ਵਿੱਤ ਮੰਤਰਾਲੇ ਦੇ ਵੱਡੇ ਅਧਿਕਾਰੀ ਨੇ ਕਿਹਾ ਕਿ ਇਸ ਨਾਲ ਟੈਕਸ ਚੋਰੀ ਘਟ ਜਾਵੇਗੀ। ਬਿੱਲ 'ਤੇ ਵੱਧ ਤੋਂ ਵੱਧ ਛੋਟ 100 ਰੁਪਏ ਦੀ ਹੋਵੇਗੀ।
ਇਸ ਹਿਸਾਬ ਨਾਲ 5 ਫੀਸਦੀ ਸਲੈਬ 'ਚ ਆਉਣ ਵਾਲੀ ਚੀਜ਼ਾਂ 'ਤੇ 3 ਫੀਸਦੀ, 12 ਫੀਸਦੀ ਸਲੈਬ ਵਾਲੀਆਂ ਚੀਜ਼ਾਂ 'ਤੇ 10 ਫੀਸਦੀ, 18 ਫੀਸਦੀ ਸਲੈਬ ਵਾਲੀਆਂ ਚੀਜ਼ਾਂ 'ਤੇ 16 ਫੀਸਦੀ ਤੇ 28 ਫੀਸਦੀ ਸਲੈਬ 'ਚ ਆਉਣ ਵਾਲੀਆਂ ਚੀਜ਼ਾਂ 'ਤੇ ਸਿਰਫ 26 ਫੀਸਦੀ ਟੈਕਸ ਲੱਗੇਗਾ।
ਖਰੀਦਦਾਰ ਨੂੰ ਪੇਸ਼ਕਸ਼ ਕੀਤੀ ਜਾਵੇਗੀ ਕਿ ਜੇਕਰ ਉਹ ਕਾਰਡ ਨਾਲ ਪੇਮੈਂਟ ਕਰਦਾ ਹੈ ਤਾਂ ਦੋ ਫੀਸਦੀ ਟੈਕਸ ਘੱਟ ਦੇਣਾ ਪਵੇਗੀ। ਇਸ ਛੋਟ ਦਾ ਮਤਲਬ ਇਹ ਹੈ ਕਿ ਸਰਕਾਰ ਨੂੰ ਕਮਾਈ ਥੋੜ੍ਹੀ ਘਟਾਉਣੀ ਪਵੇਗੀ। ਸਰਕਾਰ ਨੂੰ ਉਮੀਦ ਹੈ ਕਿ ਇਸ ਨਾਲ ਟੈਕਸ ਦੀ ਚੋਰੀ ਘਟੇਗੀ।