ਸੰਸਦ ਮੈਂਬਰ ਕੇਡੀ ਸਿੰਘ ਖਿਲਾਫ ਵੱਡੀ ਕਾਰਵਾਈ, 238 ਕਰੋੜ ਰੁਪਏ ਦੀ ਜਾਇਦਾਦ ਕੁਰਕ

ਨਵੀਂ ਦਿੱਲੀ: ਤ੍ਰਿਣਮੂਲ ਕਾਂਗਰਸ ਦੇ ਰਾਜ ਸਭਾ ਸਾਂਸਦ ਕੇਡੀ ਸਿੰਘ ਖਿਲਾਫ ਈਡੀ ਨੇ ਵੱਡੀ ਕਾਰਵਾਈ ਕੀਤੀ ਹੈ। ਈਡੀ ਨੇ ਮਨੀ ਲੌਂਡਰਿੰਗ ਐਕਟ ਤਹਿਤ ਸਿੰਘ ਦੀ ਕੰਪਨੀਆਂ ਦੀ 238 ਕਰੋੜ ਰੁਪਏ ਦੀ ਜਾਇਦਾਦ ਕੁਰਕ ਕੀਤੀ ਹੈ। ਈਡੀ ਨੇ ਜਿਫਰੀ ‘ਚ ਉਸ ਦੇ ਰਿਸੋਰਟ, ਚੰਡੀਗੜ੍ਹ ਸ਼ੋਅਰੂਮ ਸਮੇਤ ਪੰਚਕੂਲਾ, ਪੰਜਾਬ ਤੇ ਹਰਿਆਣਾ ‘ਚ ਕੇਡੀ ਸਿੰਘ ਦੀ ਜਾਇਦਾਦ ਕੁਰਕ ਕੀਤੀ ਹੈ। ਈਡੀ ਨੇ ਐਚਡੀਐਫਸੀ ਤੇ ਪੀਐਨਬੀ ਬੈਂਕ ਦੇ ਕੇਡੀ ਸਿੰਘ ਦੇ ਖਾਤੇ ਵੀ ਕੁਰਕ ਕਰ ਦਿੱਤੇ ਹਨ। ਈਡੀ ਦੀ ਇਹ ਅਲਕੈਮਿਸਟ ਗਰੁੱਪ ਆਫ ਕੰਪਨੀਜ਼ ਖਿਲਾਫ ਵੱਡੀ ਕਾਰਵਾਈ ਹੈ। ਕੰਪਨੀ ‘ਤੇ ਇਲਜ਼ਾਮ ਹੈ ਕਿ ਇਸ ਗਰੁੱਪ ਨੇ ਨਿਵੇਸ਼ਕਾਂ ਤੋਂ ਵੱਖ-ਵੱਖ ਪੋਂਜੀ ਸਕੀਮਾਂ ਰਾਹੀਂ 1900 ਕਰੋੜ ਰੁਪਏ ਵਸੂਲੇ ਹਨ।

Enforcement Directorate has seized properties worth Rs 238 Crore of TMC MP KD Singh in connection with Ponzi scheme case. The seized properties include a resort in Kufri, a showroom in Chandigarh, properties in Haryana and bank accounts. pic.twitter.com/e4SdD3S8ff

— ANI (@ANI) January 28, 2019

ਕੰਪਨੀਆ ਨੇ ਜਿਸ ਮਕਸਦ ਨਾਲ ਲੋਕਾਂ ਤੋਂ ਪੈਸੇ ਲਏ ਸੀ, ਉਸ ਦਾ ਉਸ ਚੀਜ਼ ਲਈ ਇਸਤੇਮਾਲ ਨਹੀਂ ਕੀਤਾ ਗਿਆ। ਕੰਪਨੀ ਨੇ ਇਸ ਪੈਸੇ ਨੂੰ ਦੂਜੀਆਂ ਕੰਪਨੀਆਂ ਨੂੰ ਭੇਜਿਆ ਤੇ ਜ਼ਮੀਨ ਖਰੀਦੀ। ਸੇਬੀ ਦੀ ਰਿਪੋਰਟ ਮੁਤਾਬਕ ਈਡੀ ਨੇ ਮਨੀ ਲੌਂਡਰਿੰਗ ਦਾ ਮੁਕਦਮਾ ਦਰਜ ਕੀਤਾ ਸੀ। ਕੇਡੀ ਸਿੰਘ ਭਾਰਤੀ ਹਾਕੀ ਮਹਾਸੰਘ ਤੇ ਹਾਕੀ ਐਸੋਸੀਏਸ਼ਨ ਆਫ ਹਰਿਆਣਾ ਦੇ ਪ੍ਰਧਾਨ ਵੀ ਹਨ। ਉਨ੍ਹਾਂ ਦਾ ਰਾਜਨੀਤਕ ਕਰੀਅਰ ਕਈ ਵਾਰ ਵਿਵਾਦਾਂ ‘ਚ ਰਿਹਾ ਹੈ।