Go First Update: ਗੋ ਫਰਸਟ ਨੇ 30 ਜੁਲਾਈ ਤੱਕ ਰੱਦ ਕੀਤੀਆਂ ਸਾਰੀਆਂ ਉਡਾਣਾਂ, ਏਅਰਲਾਈਨਸ ਨੇ ਛੇਤੀ ਬੁਕਿੰਗ ਸ਼ੁਰੂ ਕਰਨ ਦਾ ਦਿੱਤਾ ਭਰੋਸਾ
Go First News: ਡੀਜੀਸੀਏ ਤੋਂ ਮਨਜ਼ੂਰੀ ਮਿਲਣ ਤੋਂ ਬਾਅਦ ਛੇਤੀ ਹੀ ਏਅਰਲਾਈਨਸ ਦਾ ਸੰਚਾਲਨ ਸ਼ੁਰੂ ਹੋਣ ਦੀ ਸੰਭਾਵਨਾ ਹੈ।
Go First Update News: GoFirst ਨੇ ਇੱਕ ਵਾਰ ਫਿਰ 30 ਜੁਲਾਈ 2023 ਤੱਕ ਆਪਣੇ ਜਹਾਜ਼ਾਂ ਦੇ ਸੰਚਾਲਨ ਨੂੰ ਰੱਦ ਕਰਨ ਦਾ ਐਲਾਨ ਕੀਤਾ ਹੈ। ਕੰਪਨੀ ਨੇ ਟਵੀਟ ਕੀਤਾ ਕਿ ਸੰਚਾਲਨ ਕਾਰਨਾਂ ਕਰਕੇ GoFirst ਨੇ 30 ਜੁਲਾਈ ਤੱਕ ਉਡਾਣਾਂ ਰੱਦ ਕਰ ਦਿੱਤੀਆਂ ਹਨ। ਕੰਪਨੀ ਨੇ ਹਰ ਵਾਰ ਦੀ ਤਰ੍ਹਾਂ ਯਾਤਰੀਆਂ ਤੋਂ ਵਾਰ-ਵਾਰ ਮੁਆਫੀ ਮੰਗੀ ਹੈ। 3 ਮਈ, 2023 ਤੋਂ ਵਿੱਤੀ ਸੰਕਟ ਦਾ ਸਾਹਮਣਾ ਕਰਦੇ ਹੋਏ, ਗੋ ਫਰਸਟ ਨੇ ਆਪਣੀਆਂ ਸਾਰੀਆਂ ਉਡਾਣਾਂ ਨੂੰ ਰੱਦ ਕਰਨ ਦਾ ਐਲਾਨ ਕੀਤਾ ਸੀ, ਜੋ ਹੁਣ ਤੱਕ ਜਾਰੀ ਹੈ।
ਪਰ GoFirst ਦੀ ਉਡਾਣ ਫਿਰ ਤੋਂ ਸ਼ੁਰੂ ਹੋਣ ਦੀ ਉਮੀਦ ਬੱਝਣ ਲੱਗੀ ਹੈ। ਪਿਛਲੇ ਸ਼ੁੱਕਰਵਾਰ 21 ਜੁਲਾਈ ਨੂੰ ਹਵਾਬਾਜ਼ੀ ਖੇਤਰ ਦੇ ਰੈਗੂਲੇਟਰ ਡੀਜੀਸੀਏ ਨੇ GoFirst ਨੂੰ ਸ਼ਰਤਾਂ ਦੇ ਨਾਲ ਉਡਾਣ ਭਰਨ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਡੀਜੀਸੀਏ ਨੇ ਅੰਤਰਿਮ ਫੰਡਾਂ ਦੀ ਉਪਲਬਧਤਾ ਅਤੇ ਰੈਗੂਲੇਟਰ ਤੋਂ ਫਲਾਈਟ ਸ਼ਡਿਊਲ ਦੀ ਮਨਜ਼ੂਰੀ ਤੋਂ ਬਾਅਦ ਕੰਮ ਸ਼ੁਰੂ ਕਰਨ ਲਈ ਕਿਹਾ ਹੈ।
Due to operational reasons, Go First flights until 30th July 2023 are cancelled. We apologise for the inconvenience caused and request customers to visit https://t.co/FdMt1cRjeD for more information. For any queries or concerns, please feel free to contact us. pic.twitter.com/kF7gwGFjRD
— GO FIRST (@GoFirstairways) July 28, 2023
ਇਹ ਵੀ ਪੜ੍ਹੋ: IndiGo Airlines: DGCA ਨੇ ਇੰਡੀਗੋ 'ਤੇ ਲਗਾਇਆ ਲੱਖਾਂ ਦਾ ਭਾਰੀ ਜ਼ੁਰਮਾਨਾ, ਦਸਤਾਵੇਜ਼ਾਂ ਨੂੰ ਲੈ ਕੇ ਦਿੱਤੇ ਇਹ ਨਿਰਦੇਸ਼
ਡੀਜੀਸੀਏ ਨੇ GoFirst ਨੂੰ 15 ਜਹਾਜ਼ਾਂ ਨਾਲ ਰੋਜ਼ਾਨਾ 115 ਉਡਾਣਾਂ ਚਲਾਉਣ ਦੀ ਇਜਾਜ਼ਤ ਦਿੱਤੀ ਹੈ। ਰੈਗੂਲੇਸ਼ਨ ਨੇ ਕਿਹਾ ਕਿ ਏਅਰਲਾਈਨਸ ਫਲਾਈਟ ਸ਼ਡਿਊਲ ਨੂੰ ਮਨਜ਼ੂਰੀ ਮਿਲਣ ਤੋਂ ਬਾਅਦ ਟਿਕਟਾਂ ਦੀ ਬੁਕਿੰਗ ਸ਼ੁਰੂ ਕਰ ਸਕਦੀਆਂ ਹਨ। 25 ਜੁਲਾਈ ਨੂੰ ਕੰਪਨੀ ਨੇ ਟਵੀਟ ਕੀਤਾ ਕਿ ਉਸਨੇ ਮੁੰਬਈ ਤੋਂ ਹੈਂਡਲਿੰਦ ਫਲਾਈਟ ਨੂੰ ਸ਼ੁਰੂ ਕਰ ਦਿੱਤਾ ਹੈ। ਲੰਬੇ ਸਮੇਂ ਤੱਕ ਜਹਾਜ਼ ਦੇ ਉਡਾਣ ਨਹੀਂ ਭਰਨ ਤੋਂ ਬਾਅਦ ਪਹਿਲਾਂ ਏਅਰਲਾਈਨਸ ਹੈਂਡਲਿੰਗ ਫਲਾਈਟਸ ਨੂੰ ਆਪਰੇਟ ਕਰਦੀ ਹੈ। ਇਸ ਨਿਯਮ ਦੇ ਜ਼ਰੀਏ ਡੀਜੀਸੀਏ ਇਹ ਯਕੀਨੀ ਬਣਾਉਣਾ ਚਾਹੁੰਦਾ ਹੈ ਕਿ ਜਹਾਜ਼ ਸੰਚਾਲਨ ਲਈ ਤਿਆਰ ਹੈ।
ਡੀਜੀਸੀਏ ਨੇ GoFirst ਨੂੰ ਉਡਾਣ ਭਰਨ ਦੀ ਇਜਾਜ਼ਤ ਦਿੰਦੇ ਹੋਏ ਕਿਹਾ ਕਿ ਏਅਰਲਾਈਨਸ ਲਈ ਏਅਰ ਆਪਰੇਟਰ ਸਰਟੀਫਿਕੇਟ ਹੋਣਾ ਬਹੁਤ ਜ਼ਰੂਰੀ ਹੈ। ਨਾਲ ਹੀ, ਓਪਰੇਸ਼ਨ ਵਿੱਚ ਵਰਤਿਆ ਜਾਣ ਵਾਲਾ ਜਹਾਜ਼ ਉੱਡਣ ਲਈ ਬਿਹਤਰ ਸਥਿਤੀ ਵਿੱਚ ਹੋਣਾ ਚਾਹੀਦਾ ਹੈ। ਹੈਂਡਲਿੰਗ ਫਲਾਈਟ ਤੋਂ ਬਿਨਾਂ ਕਿਸੇ ਵੀ ਜਹਾਜ਼ ਦੀ ਵਰਤੋਂ ਨਹੀਂ ਕੀਤੀ ਜਾਣੀ ਚਾਹੀਦੀ। ਡੀਜੀਸੀਏ ਨੇ ਕਿਹਾ ਕਿ ਰੈਜ਼ੋਲਿਊਸ਼ਨ ਪ੍ਰੋਫੈਸ਼ਨਲ ਨੂੰ ਰੈਗੂਲੇਟਰ ਨੂੰ ਫਲਾਈਟ ਸ਼ਡਿਊਲ, ਏਅਰਕ੍ਰਾਫਟ ਕੰਡੀਸ਼ਨ, ਪਾਇਲਟ, ਕੈਬਿਨ ਕ੍ਰੂ, ਏਐਮਈ, ਫਲਾਈਟ ਡਿਸਪੈਚਰ ਬਾਰੇ ਜਾਣਕਾਰੀ ਦੇਣੀ ਹੋਵੇਗੀ।
ਇਹ ਵੀ ਪੜ੍ਹੋ: International Tiger Day 2023: ਕਿਉਂ ਮਨਾਇਆ ਜਾਂਦਾ ਇੰਟਰਨੈਸ਼ਨਲ ਟਾਈਗਰ ਡੇਅ, ਜਾਣੋ ਇਤਿਹਾਸ ਤੇ ਮਹੱਤਵ
Before You Go
ਆਂਗਣਵਾੜੀ ਵਰਕਰਾਂ ਦਾ ਸਰਕਾਰ ਖਿਲਾਫ਼ ਹੱਲਾ ਬੋਲ! ਮੰਤਰੀ ਦੇ ਦਫ਼ਤਰ ਅੱਗੇ ਧਰਨਾ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
