Gujarat Assembly Election: ਮਿਸ਼ਨ ਗੁਜਰਾਤ ਤਹਿਤ ਦੋ ਦਿਨਾ ਗੁਜਰਾਤ ਦੌਰੇ 'ਤੇ ਜੇਪੀ ਨੱਢਾ
ਅੱਜ ਸਵੇਰੇ 9 ਵਜੇ ਜੇਪੀ ਨੱਢਾ ਗਾਂਧੀਨਗਰ ਦੇ ਨਭੋਈ ਦੇ ਪਟੇਲ ਫਾਰਮ ਵਿਖੇ ਭਾਰਤੀ ਜਨਤਾ ਪਾਰਟੀ ਕਿਸਾਨ ਮੋਰਚਾ ਦੀ ਅਗਵਾਈ ਹੇਠ ਆਯੋਜਿਤ ਪ੍ਰੋਗਰਾਮ "ਨਮੋ ਕਿਸਾਨ ਪੰਚਾਇਤ: ਈ-ਬਾਈਕ" ਦੀ ਸ਼ੁਰੂਆਤ ਕਰਨਗੇ।
BJP National President JP Nadda in Gujarat: ਭਾਜਪਾ ਦੇ ਨੇਤਾ ਅੱਜ ਗੁਜਰਾਤ ਤੋਂ ਉੱਤਰ ਪ੍ਰਦੇਸ਼ ਤੱਕ ਜ਼ਬਰਦਸਤ ਐਕਸ਼ਨ ਵਿੱਚ ਨਜ਼ਰ ਆਉਣਗੇ। ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਜੇਪੀ ਨੱਢਾ ਅੱਜ ਅਤੇ ਭਲਕੇ (20-21 ਸਤੰਬਰ) ਦੋ ਦਿਨਾਂ ਦੇ ਦੌਰੇ 'ਤੇ ਗੁਜਰਾਤ 'ਚ ਰਹਿਣਗੇ, ਜਿੱਥੇ ਉਹ ਕਈ ਜਨਤਕ ਅਤੇ ਸੰਗਠਨਾਤਮਕ ਮੀਟਿੰਗਾਂ 'ਚ ਸ਼ਾਮਲ ਹੋਣਗੇ। ਅੱਜ ਸਵੇਰੇ 9 ਵਜੇ ਉਹ ਗਾਂਧੀਨਗਰ ਦੇ ਨਭੋਈ ਦੇ ਪਟੇਲ ਫਾਰਮ ਵਿਖੇ ਭਾਰਤੀ ਜਨਤਾ ਪਾਰਟੀ ਕਿਸਾਨ ਮੋਰਚਾ ਦੀ ਅਗਵਾਈ ਹੇਠ ਆਯੋਜਿਤ ਪ੍ਰੋਗਰਾਮ "ਨਮੋ ਕਿਸਾਨ ਪੰਚਾਇਤ: ਈ-ਬਾਈਕ" ਦੀ ਸ਼ੁਰੂਆਤ ਕਰਨਗੇ। ਇਸ ਤੋਂ ਬਾਅਦ ਉਹ ਗਾਂਧੀਨਗਰ ਦੇ ਹੋਟਲ ਲੀਲਾ 'ਚ 'ਮੇਅਰਜ਼ ਸਮਿਟ' 'ਚ ਹਿੱਸਾ ਲੈਣਗੇ।
ਸੂਬਾ ਭਾਜਪਾ ਮੋਰਚਾ ਪ੍ਰਧਾਨਾਂ ਨਾਲ ਮੀਟਿੰਗ
ਪਾਰਟੀ ਸੂਤਰਾਂ ਅਨੁਸਾਰ ਨੱਢਾ ਦੁਪਹਿਰ 2 ਵਜੇ ਰਾਜਕੋਟ ਸ਼ਹਿਰ ਦੇ ਰੇਸ ਕੋਰਸ ਮੈਦਾਨ 'ਚ ਨਗਰ ਨਿਗਮ ਮੈਂਬਰਾਂ, ਮਿਉਂਸਪਲ ਕੌਂਸਲਰਾਂ ਅਤੇ ਸਹਿਕਾਰੀ ਸੰਸਥਾਵਾਂ ਦੇ ਚੁਣੇ ਹੋਏ ਨੁਮਾਇੰਦਿਆਂ ਦੇ ਇੱਕ ਮੈਗਾ ਸੰਮੇਲਨ ਨੂੰ ਸੰਬੋਧਨ ਕਰਨਗੇ। ਨੱਢਾ ਸ਼ਾਮ 5 ਵਜੇ ਮੋਰਬੀ ਵਿੱਚ ਇੱਕ ਸ਼ਾਨਦਾਰ ਰੋਡ ਸ਼ੋਅ ਕਰਨਗੇ। ਰਾਤ 8:30 ਵਜੇ ਹੋਟਲ ਲੀਲਾ, ਗਾਂਧੀਨਗਰ ਵਿਖੇ 'ਵੀਰਾਂਜਲੀ ਪ੍ਰੋਗਰਾਮ' ਵਿਚ ਹਿੱਸਾ ਲੈਣਗੇ।
ਅਗਲੇ ਦਿਨ ਬੁੱਧਵਾਰ ਨੂੰ ਸਵੇਰੇ 10 ਵਜੇ ਪ੍ਰਦੇਸ਼ ਭਾਜਪਾ ਦਫਤਰ ਸ਼੍ਰੀਕਲਮ, (ਕੋਬਾ, ਗਾਂਧੀਨਗਰ) ਵਿਖੇ ਪ੍ਰਦੇਸ਼ ਭਾਜਪਾ ਅਹੁਦੇਦਾਰਾਂ ਅਤੇ ਪ੍ਰਦੇਸ਼ ਭਾਜਪਾ ਮੋਰਚੇ ਦੇ ਪ੍ਰਧਾਨਾਂ ਨਾਲ ਮੀਟਿੰਗ ਕਰਨਗੇ। ਇਸ ਤੋਂ ਬਾਅਦ ਸਵੇਰੇ 11:30 ਵਜੇ ਪ੍ਰਦੇਸ਼ ਭਾਜਪਾ ਦਫਤਰ 'ਚ ਹੀ ਗੁਜਰਾਤ ਤੋਂ ਭਾਜਪਾ ਦੇ ਲੋਕ ਸਭਾ ਅਤੇ ਰਾਜ ਸਭਾ ਸੰਸਦ ਮੈਂਬਰਾਂ ਨਾਲ ਬੈਠਕ ਕਰਨਗੇ। ਦੁਪਹਿਰ 1:30 ਵਜੇ ਟੈਗੋਰ ਹਾਲ, ਅਹਿਮਦਾਬਾਦ ਵਿਖੇ 'ਪ੍ਰੋਫੈਸਰਜ਼ ਸਮਿਟ' ਨੂੰ ਸੰਬੋਧਨ ਕਰਨਗੇ।
ਯੂਪੀ ਵਿੱਚ ਵੀ ਵਿਸ਼ੇਸ਼ ਮੀਟਿੰਗ
ਇਸ ਦੌਰਾਨ ਭਾਜਪਾ ਅੱਜ ਯੂਪੀ ਵਿੱਚ ਨਵੇਂ ਸੂਬਾ ਪ੍ਰਧਾਨ ਦੀ ਮੀਟਿੰਗ ਵੀ ਕਰੇਗੀ। ਸੰਗਠਨ ਦੇ ਸਾਰੇ ਵਿਭਾਗਾਂ ਅਤੇ ਸਾਰੇ ਸੈੱਲਾਂ ਦੀ ਬੈਠਕ ਲਖਨਊ 'ਚ ਹੋਵੇਗੀ, ਸੂਬਾ ਪ੍ਰਧਾਨ ਬਣਨ ਤੋਂ ਬਾਅਦ ਭੂਪੇਂਦਰ ਚੌਧਰੀ ਕਰਨਗੇ ਸੰਗਠਨ ਦੇ ਸਾਰੇ ਵਿਭਾਗਾਂ ਦੇ ਸੈੱਲਾਂ ਦੀ ਬੈਠਕ, ਭਾਜਪਾ ਸੰਗਠਨ 'ਚ ਕਰੀਬ 22 ਵਿਭਾਗ ਹਨ ਅਤੇ ਕੁੱਲ 28 ਸੈੱਲ, ਜਿਸ ਵਿੱਚ ਨਮਾਮੀ ਗੰਗੇ ਵਿਭਾਗ ਬੇਟੀ ਬਚਾਓ ਬੇਟੀ ਪੜ੍ਹਾਓ ਵਿਭਾਗ ਆਈਟੀ ਵਿਭਾਗ ਨੀਤੀ ਖੋਜ ਵਿਭਾਗ ਸੋਸ਼ਲ ਮੀਡੀਆ ਵਿਭਾਗ ਚੋਣ ਪ੍ਰਬੰਧਨ ਵਿਭਾਗ ਮੀਡੀਆ ਸੰਪਰਕ ਵਿਭਾਗ ਦੇ ਮੁਖੀ-ਕਨਵੀਨਰ ਅਤੇ ਇਨ੍ਹਾਂ ਵਿਭਾਗਾਂ ਦੇ ਕੋ-ਕਨਵੀਨਰ ਮੀਟਿੰਗ ਵਿੱਚ ਸ਼ਾਮਲ ਹੋਣਗੇ। ਮੀਟਿੰਗ ਸਵੇਰੇ 11 ਵਜੇ ਸ਼ੁਰੂ ਹੋਵੇਗੀ। ਇਸ ਮੀਟਿੰਗ ਦੀ ਅਗਵਾਈ ਸੂਬਾ ਪ੍ਰਧਾਨ ਭੁਪਿੰਦਰ ਚੌਧਰੀ ਅਤੇ ਜਨਰਲ ਸਕੱਤਰ ਜਥੇਬੰਦੀ ਧਰਮਪਾਲ ਸੈਣੀ ਕਰਨਗੇ।
Before You Go
CM ਮਾਨ ਦਾ ਤਿੱਖਾ ਵਾਰ! 'ਵਿਰੋਧੀ ਲੋਕਾਂ ਨੂੰ ਭੜਕਾ ਰਹੇ ਹਨ'
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
