Himachal Rains: ਪੰਜਾਬੀਓ ਅਜੇ ਨਾ ਜਾਇਓ ਹਿਮਾਚਲ ! ਬੱਦਲ ਫਟਣ ਨਾਲ ਲਾਹੌਲ ਤੇ ਸਪਿਤੀ 'ਚ ਤਬਾਹੀ

Himachal Cloud Burst News: ਹਿਮਾਚਲ ਪ੍ਰਦੇਸ਼ ਵਿੱਚ 2 ਅਗਸਤ ਨੂੰ ਮਨਾਲੀ-ਲਦਾਖ ਰੋਡ ਉੱਤੇ ਬੱਦਲ ਫਟਣ ਕਾਰਨ ਕੁਪਾਟਾ ਬ੍ਰਿਜ ਅਤੇ ਬੇਲੀ ਬ੍ਰਿਜ ਨੂੰ ਨੁਕਸਾਨ ਪਹੁੰਚਿਆ ਹੈ। ਸੜਕ ’ਤੇ ਮਲਬਾ ਖਿਲਰਿਆ ਪਿਆ ਹੈ, ਜਿਸ ਦੀ ਸਫ਼ਾਈ ਕੀਤੀ ਜਾ ਰਹੀ ਹੈ।

Himachal Pradesh Rains

Source : Abp Live

Cloud Burst In Lahaul And Spiti: ਹਿਮਾਚਲ ਪ੍ਰਦੇਸ਼ ਦੇ ਲਾਹੌਲ ਅਤੇ ਸਪਿਤੀ ਵਿੱਚ ਬੱਦਲ ਫਟਣ ਨਾਲ ਭਾਰੀ ਨੁਕਸਾਨ ਹੋਇਆ ਹੈ। ਬੱਦਲ ਫਟਣ ਤੋਂ ਬਾਅਦ ਪਾਣੀ ਦੇ ਤੇਜ਼ ਵਹਾਅ ਨਾਲ ਦੋ ਪੁਲ ਰੁੜ੍ਹ ਗਏ। ਜਾਣਕਾਰੀ ਮੁਤਾਬਕ 2 ਅਗਸਤ ਨੂੰ ਮਨਾਲੀ-ਲਦਾਖ ਰੋਡ 'ਤੇ ਬੱਦਲ ਫਟਣ ਕਾਰਨ ਕੁਪਾਟਾ ਬ੍ਰਿਜ ਅਤੇ ਬੇਲੀ ਬ੍ਰਿਜ ਨੂੰ ਨੁਕਸਾਨ ਪਹੁੰਚਿਆ ਹੈ।

ਜਾਣਕਾਰੀ ਦਿੰਦੇ ਹੋਏ ਦਾਰਚਾ-ਸ਼ਿੰਕੂ ਐਲ.ਏ.ਰੋਡ 126 ਆਰ.ਸੀ.ਸੀ.ਬੀ.ਆਰ.ਓ. ਦੇ ਓ.ਆਈ.ਸੀ. ਆਸ਼ੂਤੋਸ਼ ਗਾਡੇਕਰ ਨੇ ਦੱਸਿਆ ਕਿ 2 ਅਗਸਤ ਨੂੰ ਰਾਤ ਸਾਢੇ 8 ਵਜੇ ਦੇ ਕਰੀਬ ਬੱਦਲ ਫਟਣ ਕਾਰਨ ਇੱਕ ਬੇਲੀ ਬ੍ਰਿਜ ਅਤੇ ਨਵਾਂ ਬਣਿਆ ਪੁਲ ਰੁੜ੍ਹ ਗਿਆ। ਟੀਮ ਕੰਮ ਕਰ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਦੋ-ਤਿੰਨ ਦਿਨਾਂ ਵਿੱਚ ਸੜਕ ਨੂੰ ਮੁੜ ਤੋਂ ਚਾਲੂ ਕਰ ਦਿੱਤਾ ਜਾਵੇਗਾ।