Ideas of India Summit 2023:‘ਮਨੀਸ਼ ਸਿਸੋਦੀਆ ਦੀ ਹੋਵੇਗੀ ਗ੍ਰਿਫ਼ਤਾਰੀ’, ਬੋਲੇ ਸੀਐਮ ਅਰਵਿੰਦ ਕੇਜਰੀਵਾਲ, MCD ‘ਚ ਹੋਈ ਹਥੋਂਪਾਈ ‘ਤੇ ਵੀ ਦਿੱਤਾ ਬਿਆਨ
Ideas of India 2023: ਏਬੀਪੀ ਨਿਊਜ਼ ਦੇ ਆਈਡੀਆਜ਼ ਆਫ਼ ਇੰਡੀਆ ਸਮਿਟ ਦਾ ਦੂਜਾ ਐਡੀਸ਼ਨ ਮੁੰਬਈ ਵਿੱਚ ਚੱਲ ਰਿਹਾ ਹੈ। ਲਿਜ਼ ਟਰਸ, ਭਗਵੰਤ ਮਾਨ, ਅਰਵਿੰਦ ਕੇਜਰੀਵਾਲ ਵਰਗੀਆਂ ਉੱਘੀਆਂ ਹਸਤੀਆਂ ਇਸ ਵਿੱਚ ਆਪਣੇ ਵਿਚਾਰ ਪੇਸ਼ ਕਰਨਗੀਆਂ।
Background
Ideas of India Summit 2023: ਏਬੀਪੀ ਨੈੱਟਵਰਕ (ABP Network) ਇੱਕ ਵਾਰ ਫਿਰ ਆਪਣਾ ਦੋ ਰੋਜ਼ਾ ਪ੍ਰੋਗਰਾਮ 'ਆਈਡੀਆਜ਼ ਆਫ਼ ਇੰਡੀਆ ਸਮਿਟ 2023' (Ideas of India Summit 2023) ਆਯੋਜਿਤ ਕਰਨ ਜਾ ਰਿਹਾ ਹੈ। ਇਸ ਸੰਮੇਲਨ ਦਾ ਇਹ ਦੂਜਾ ਐਡੀਸ਼ਨ ਹੋਵੇਗਾ, ਜੋ 24-25 ਫ਼ਰਵਰੀ ਨੂੰ ਗ੍ਰੈਂਡ ਹਯਾਤ ਮੁੰਬਈ ਵਿਖੇ ਹੋਣਾ ਹੈ। ਇਸ 'ਚ ਸਾਰੀਆਂ ਪ੍ਰਸਿੱਧ ਸ਼ਖਸੀਅਤਾਂ ਇੱਕ ਮੰਚ 'ਤੇ ਸਬੰਧਤ ਵਿਸ਼ਿਆਂ ਅਤੇ ਮੁੱਦਿਆਂ 'ਤੇ ਆਪਣੇ ਵਿਚਾਰ ਪੇਸ਼ ਕਰਨਗੀਆਂ।
ਏਬੀਪੀ ਨੈੱਟਵਰਕ ਦੇ ਸੀਈਓ ਅਵਿਨਾਸ਼ ਪਾਂਡੇ ਨੇ ਕਿਹਾ ਕਿ 2022 'ਚ ਏਬੀਪੀ ਨੈੱਟਵਰਕ ਦੇ 'ਆਈਡੀਆਜ਼ ਆਫ਼ ਇੰਡੀਆ' (Ideas of India Summit 2023) ਦਾ ਉਦਘਾਟਨੀ ਐਡੀਸ਼ਨ ਇੱਕ ਵੱਡੀ ਸਫ਼ਲਤਾ ਸਾਬਤ ਹੋਇਆ। ਉਨ੍ਹਾਂ ਕਿਹਾ ਕਿ ਏਬੀਪੀ ਆਈਡੀਆਜ਼ ਆਫ਼ ਇੰਡੀਆ ਦਾ ਪ੍ਰੋਗਰਾਮ ਸਿਰਫ਼ ਇੱਕ ਸੰਮੇਲਨ ਨਹੀਂ ਹੈ, ਸਗੋਂ ਇਹ ਇੱਕ ਪਲੇਟਫਾਰਮ ਹੈ ਜੋ ਬਾਹੁਲਵਾਦ ਦੀ ਪ੍ਰਤੀਨਿੱਧਤਾ ਕਰਦਾ ਹੈ ਅਤੇ ਇਸ ਦਾ ਵਿਸਤਾਰ ਕਰਦਾ ਹੈ। ਉਨ੍ਹਾਂ ਕਿਹਾ ਕਿ ਸਾਲ 2023 ਦਾ ਸੰਮੇਲਨ ਨਵਾਂ ਭਾਰਤ ਬਣਾਉਣ ਬਾਰੇ ਸੋਚਦਾ ਹੈ ਅਤੇ ਦੁਨੀਆ ਤੱਕ ਪਹੁੰਚਣ ਦਾ ਰਾਹ ਲੱਭਦਾ ਹੈ।
ਇਸ ਪ੍ਰੋਗਰਾਮ ਵਿਚ ਯੂਕੇ ਦੇ ਸਾਬਕਾ ਪ੍ਰਧਾਨ ਮੰਤਰੀ ਲਿਜ਼ ਟਰਸ, ਇਨਫੋਸਿਸ ਦੇ ਸੰਸਥਾਪਕ ਅਤੇ ਚੇਅਰਮੈਨ ਨਰਾਇਣ ਮੂਰਤੀ, ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ, ਅਸ਼ਵਨੀ ਵੈਸ਼ਨਵ, ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ, ਮੁੰਬਈ ਦੇ ਮੁੱਖ ਮੰਤਰੀ ਏਕਨਾਥ ਸ਼ਿੰਦੇ, ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਇਸ ਪ੍ਰੋਗਰਾਮ ਵਿੱਚ ਹਿੱਸਾ ਲੈਣਗੇ।
ਇਸ ਸੰਮੇਲਨ 'ਚ ਬਾਲੀਵੁੱਡ ਦੇ ਦਿੱਗਜ ਕਲਾਕਾਰ ਵੀ ਸ਼ਿਰਕਤ ਕਰਨਗੇ। ਇਸ ਵਿੱਚ ਅਮਨ, ਆਸ਼ਾ ਪਾਰੇਖ, ਸੋਸ਼ਲ ਮੀਡੀਆ ਇੰਫਲੂਐਂਸਰ, ਸੰਗੀਤ ਵਰਗੀਆਂ ਉੱਘੀਆਂ ਹਸਤੀਆਂ ਆਈਡੀਆਜ਼ ਆਫ਼ ਇੰਡੀਆ ਸਮਿਟ 2023 ਦੇ ਮੰਚ ਤੋਂ ਨਿਊ ਇੰਡੀਆ ਬਾਰੇ ਆਪਣੇ ਵਿਚਾਰ ਪੇਸ਼ ਕਰਨਗੀਆਂ। ਇਸ ਤੋਂ ਇਲਾਵਾ ਅਮਿਤਾਵ ਘੋਸ਼ ਅਤੇ ਦੇਵਦੱਤ ਪਟਨਾਇਕ ਵਰਗੇ ਉੱਘੇ ਲੇਖਕ ਵੀ ਮੰਚ ਸਾਂਝਾ ਕਰਨਗੇ।
ਏਬੀਪੀ ਨੈੱਟਵਰਕ ਆਈਡੀਆਜ਼ ਆਫ਼ ਇੰਡੀਆ ਸਮਿਟ 2023 ਨੂੰ ABP Live YouTube 'ਤੇ ਲਾਈਵ-ਸਟ੍ਰੀਮ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ ABP ਨੈੱਟਵਰਕ ਦੇ ਚੈਨਲ 'ਤੇ ਆਈਡੀਆਜ਼ ਆਫ਼ ਇੰਡੀਆ ਸਮਿਟ ਦੇ ਸੈਸ਼ਨਾਂ ਦਾ ਵੀ ਪ੍ਰਸਾਰਣ ਕੀਤਾ ਜਾਵੇਗਾ।
ਆਈਡੀਆਜ਼ ਆਫ ਇੰਡੀਆ ਸਮਿਟ ਦੇ ਨਵੀਨਤਮ ਅਪਡੇਟਸ ਅਤੇ ਹਾਈਲਾਈਟਸ ਨੂੰ ਏਬੀਪੀ ਲਾਈਵ ਦੇ ਸੋਸ਼ਲ ਮੀਡੀਆ ਹੈਂਡਲ facebok, twitter, instagram 'ਤੇ ਵੀ ਦੇਖਿਆ ਜਾ ਸਕਦਾ ਹੈ।
ਕਿਹੜੇ ਸਵਾਲ ਹੋਣਗੇ ਇਸ ਸੰਮੇਲਨ 'ਚ?
ਏਬੀਪੀ ਨੈੱਟਵਰਕ ਦਾ ਇਹ ਸੰਮੇਲਨ ਅਜਿਹੇ ਸਮੇਂ 'ਚ ਹੋਣ ਜਾ ਰਿਹਾ ਹੈ ਜਦੋਂ ਦੁਨੀਆ ਭੂ-ਰਾਜਨੀਤਿਕ ਤਣਾਅ ਵਿੱਚੋਂ ਲੰਘ ਰਹੀ ਹੈ। ਭਾਰਤ 'ਚ ਅਗਲੇ ਸਾਲ 2024 'ਚ ਲੋਕ ਸਭਾ ਚੋਣਾਂ ਹੋਣ ਜਾ ਰਹੀਆਂ ਹਨ। ਅਜਿਹੇ ਸਮੇਂ 'ਨਿਊ ਇੰਡੀਆ: ਲੁਕਿੰਗ ਇਨਵਰਡ, ਰੀਚਿੰਗ ਆਊਟ' ਵਿਸ਼ੇ 'ਤੇ ABP ਦਾ ਇਹ ਸੰਮੇਲਨ ਦੇਸ਼ ਦੇ ਕਈ ਸਵਾਲਾਂ ਦੇ ਜਵਾਬ ਦੇਵੇਗਾ। ਦੋ ਰੋਜ਼ਾ ਪ੍ਰੋਗਰਾਮ 'ਚ ਭਾਰਤ ਇਸ ਸਮੇਂ ਇਤਿਹਾਸ 'ਚ ਕਿੱਥੇ ਖੜ੍ਹਾ ਹੈ, ਮਹਾਂਮਾਰੀ ਤੋਂ ਬਾਅਦ ਦੀਆਂ ਤਬਦੀਲੀਆਂ, ਨਵੇਂ ਕਾਰਪੋਰੇਟ ਸੱਭਿਆਚਾਰ ਬਾਰੇ ਚਰਚਾ ਕੀਤੀ ਜਾਵੇਗੀ।
ਕੌਣ ਸ਼ਾਮਲ ਹੋਵੇਗਾ ਇਸ ਕਾਨਫ਼ਰੰਸ 'ਚ?
ਏਬੀਪੀ ਨੈੱਟਵਰਕ ਆਈਡੀਆਜ਼ ਆਫ਼ ਇੰਡੀਆ ਸਮਿਟ ਦੇ ਦੂਜੇ ਐਡੀਸ਼ਨ 'ਚ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਅਤੇ ਕੇਂਦਰੀ ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਖ਼ਾਸ ਤੌਰ 'ਤੇ ਆਪਣੇ ਵਿਚਾਰ ਸਾਂਝੇ ਕਰਨਗੇ। ਇਸ ਦੇ ਨਾਲ ਹੀ ਲੇਖਕ ਅਮਿਤਾਵ ਘੋਸ਼ ਅਤੇ ਦੇਵਦੱਤ ਪਟਨਾਇਕ ਦੇ ਨਾਲ-ਨਾਲ ਅਦਾਕਾਰਾ ਆਸ਼ਾ ਪਾਰੇਖ ਅਤੇ ਅਦਾਕਾਰ ਆਯੁਸ਼ਮਾਨ ਖੁਰਾਨਾ ਵਰਗੀਆਂ ਮਸ਼ਹੂਰ ਹਸਤੀਆਂ ਵੀ ਇਸ ਦਾ ਹਿੱਸਾ ਬਣਨਗੀਆਂ। ਅਮਨ ਅਤੇ ਆਸ਼ਾ ਪਾਰੇਖ ਦੇ ਨਾਲ-ਨਾਲ ਆਯੁਸ਼ਮਾਨ ਖੁਰਾਨਾ ਵਰਗੇ ਸਮਾਜਿਕ ਸੰਦੇਸ਼ ਦੇਣ ਵਾਲੇ ਫ਼ਿਲਮਾਂ ਦੇ ਸੁਪਰਸਟਾਰ ਵੀ ਇਸ ਰਾਹੀਂ ਆਪਣਾ ਸੰਦੇਸ਼ ਦੇਣਗੇ।
ਕੁਰਸੀ ਛੱਡਣਾ ਨਹੀਂ ਚਾਹੁੰਦੇ - ਕੇਜਰੀਵਾਲ
ਸੀਐਮ ਕੇਜਰੀਵਾਲ ਨੇ ਐਮਸੀਡੀ ਦੇ ਮੁੱਦੇ 'ਤੇ ਏਬੀਪੀ ਦੇ ਪਲੇਟਫਾਰਮ 'ਤੇ ਕਿਹਾ ਕਿ ਇਨ੍ਹਾਂ ਲੋਕਾਂ ਨੇ 15 ਸਾਲ ਰਾਜ ਕੀਤਾ। ਉਨ੍ਹਾਂ ਕਿਹਾ ਕਿ ਇੱਥੇ ਹਾਲਾਤ ਅਜਿਹੇ ਹੋ ਗਏ ਹਨ ਜਿਵੇਂ ਟਰੰਪ ਅਮਰੀਕਾ ਵਿੱਚ ਚੋਣ ਹਾਰ ਗਏ ਸਨ। ਉਨ੍ਹਾਂ ਨੇ ਵ੍ਹਾਈਟ ਹਾਊਸ ਬਾਰੇ ਬੋਲਦਿਆਂ ਕਿਹਾ ਕਿ ਮੈਂ ਚੋਣਾਂ 'ਚ ਵਿਸ਼ਵਾਸ ਨਹੀਂ ਰੱਖਦਾ, ਉਨ੍ਹਾਂ ਨੂੰ ਬੜੀ ਮੁਸ਼ਕਲ ਨਾਲ ਬਾਹਰ ਕੱਢਣਾ ਪਿਆ। ਉਹ ਹੀ ਹਾਲਾਤ ਇਨ੍ਹਾਂ ਨੇ ਕਰ ਰੱਖੇ ਹਨ। ਕੁਰਸੀ ਛੱਡਣਾ ਨਹੀਂ ਚਾਹੁੰਦੇ। ਉਨ੍ਹਾਂ ਕਿਹਾ ਕਿ ਜਨਤੰਤਰ ਦੇ ਅੰਦਰ ਇਹ ਗੁੰਡਾਗਰਦੀ ਚੰਗੀ ਨਹੀਂ ਹੈ।
ਦਬਾਅ ‘ਚ ਆ ਕੇ ਕੁਝ ਸਕਾਰਾਤਮਕ ਨਹੀਂ ਹੋ ਸਕਦਾ – ਬੋਲੀ ਸਾਰਾ ਖਾਨ
ਆਪਣੇ ਮਾਤਾ-ਪਿਤਾ ਅਤੇ ਦਾਦੀ ਦੀ ਐਕਟਿੰਗ ਲੇਗੇਸੀ ਬਾਰੇ ਸਾਰਾ ਨੇ ਕਿਹਾ ਕਿ ਮੈਨੂੰ ਨਹੀਂ ਲੱਗਦਾ ਕਿ ਦਬਾਅ ਸਹੀ ਸ਼ਬਦ ਹੈ। ਉਨ੍ਹਾਂ ਕਿਹਾ ਕਿ ਮੈਂ ਇਸ ਗੱਲ ਤੋਂ ਜਾਣੂ ਹਾਂ, ਪਰ ਮੈਨੂੰ ਨਹੀਂ ਲੱਗਦਾ ਕਿ ਦਬਾਅ 'ਚ ਕੁਝ ਵੀ ਸਕਾਰਾਤਮਕ ਹੋ ਸਕਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
