Independence Day 2025: ਸੁਤੰਤਰਤਾ ਦਿਵਸ ‘ਤੇ ਲਾਲ ਕਿਲ੍ਹੇ ‘ਚ ਪ੍ਰੋਗਰਾਮ ਦੇਖਣਾ ਚਾਹੁੰਦੇ ਹੋ? ਜਾਣੋ ਟਿਕਟ ਕਿਵੇਂ ਬੁੱਕ ਕਰੀਏ
ਸੁਤੰਤਰਤਾ ਦਿਵਸ ਨੂੰ ਲੈ ਕੇ ਦੇਸ਼ ਦੇ ਵਿੱਚ ਜ਼ੋਰਾਂ ਸ਼ੋਰਾਂ ਦੇ ਨਾਲ ਤਿਆਰੀਆਂ ਚੱਲ ਰਹੀਆਂ ਹਨ। ਜਿਸ ਕਰਕੇ ਹਰ ਸਾਲ ਦਿੱਲੀ ਦੇ ਲਾਲ ਕਿਲ੍ਹੇ ਵਿੱਚ ਇੱਕ ਵਿਸ਼ਾਲ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਜਾਂਦਾ ਹੈ। ਜੇਕਰ ਤੁਸੀਂ ਵੀ ਇੱਥੇ ਜਾਣਾ ਚਾਹੁੰਦੇ ਹੋ..
Happy Independence Day 2025: ਹਰ ਸਾਲ ਸੁਤੰਤਰਤਾ ਦਿਵਸ ‘ਤੇ ਦਿੱਲੀ ਦੇ ਲਾਲ ਕਿਲ੍ਹੇ ਵਿੱਚ ਇੱਕ ਵਿਸ਼ਾਲ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਜਾਂਦਾ ਹੈ। ਇਸ ਸਮਾਰੋਹ ਵਿੱਚ ਪ੍ਰਧਾਨ ਮੰਤਰੀ ਝੰਡਾ ਲਹਿਰਾਉਂਦੇ ਹਨ ਅਤੇ ਦੇਸ਼ ਨੂੰ ਸੰਬੋਧਨ ਕਰਦੇ ਹਨ। ਇਸ ਪ੍ਰੋਗਰਾਮ ਦਾ ਹਿੱਸਾ ਬਣਨ ਲਈ ਕਈ ਲੋਕ ਉਤਸੁਕ ਰਹਿੰਦੇ ਹਨ, ਪਰ ਬਹੁਤ ਸਾਰੇ ਲੋਕਾਂ ਨੂੰ ਇਹ ਨਹੀਂ ਪਤਾ ਹੁੰਦਾ ਕਿ ਉਹ ਇਸ ਸਮਾਰੋਹ ਵਿੱਚ ਕਿਵੇਂ ਸ਼ਾਮਲ ਹੋ ਸਕਦੇ ਹਨ। ਜੇ ਤੁਸੀਂ ਸੁਤੰਤਰਤਾ ਦਿਵਸ ਦਾ ਪ੍ਰੋਗਰਾਮ ਦੇਖਣ ਲਈ ਲਾਲ ਕਿਲ੍ਹਾ ਜਾਣਾ ਚਾਹੁੰਦੇ ਹੋ, ਤਾਂ ਇੱਥੇ ਜਾਣੋ ਟਿਕਟ ਕਿਵੇਂ ਬੁੱਕ ਕਰਨੀ ਹੈ।
ਦਿੱਲੀ ਦੇ ਲਾਲ ਕਿਲ੍ਹੇ ਵਿੱਚ ਹੋਣ ਵਾਲੇ ਸੁਤੰਤਰਤਾ ਦਿਵਸ ਦੇ ਪ੍ਰੋਗਰਾਮ ਵਿੱਚ ਸ਼ਾਮਲ ਹੋਣ ਲਈ ਤੁਸੀਂ 13 ਅਗਸਤ ਤੋਂ ਰੱਖਿਆ ਮੰਤਰਾਲੇ ਦੀ ਵੈਬਸਾਈਟ aamantran.mod.gov.in ਜਾਂ e-invitations.mod.gov.in ‘ਤੇ ਜਾ ਕੇ ਆਸਾਨੀ ਨਾਲ ਆਨਲਾਈਨ ਟਿਕਟ ਬੁੱਕ ਕਰ ਸਕਦੇ ਹੋ।
ਜਦੋਂਕਿ ਆਫਲਾਈਨ ਟਿਕਟ 10 ਤੋਂ 12 ਅਗਸਤ ਤੱਕ ਦਿੱਲੀ ਦੇ ਚੁਣਿੰਦਾ ਸਰਕਾਰੀ ਇਮਾਰਤਾਂ ਅਤੇ ਖਾਸ ਕਾਊਂਟਰਾਂ ਤੋਂ ਲਿਆ ਸਕਦੇ ਹੋ। ਟਿਕਟ ਲੈਣ ਲਈ ਤੁਹਾਨੂੰ ਆਧਾਰ ਕਾਰਡ, ਵੋਟਰ ਆਈਡੀ ਕਾਰਡ ਜਾਂ ਪਾਸਪੋਰਟ ਵਰਗਾ ਫੋਟੋ ਪਛਾਣ ਪੱਤਰ ਦਿਖਾਉਣਾ ਜਰੂਰੀ ਹੈ।
ਟਿਕਟ ਦੀ ਕੀਮਤ 20 ਰੁਪਏ, 100 ਰੁਪਏ ਜਾਂ 500 ਰੁਪਏ ਹੈ, ਜਿਸ ਦੀ ਅਦਾਇਗੀ ਨਕਦ ਜਾਂ ਡਿਜ਼ਿਟਲ ਢੰਗ ਨਾਲ ਕੀਤੀ ਜਾ ਸਕਦੀ ਹੈ। ਤੁਹਾਨੂੰ ਜੋ ਟਿਕਟ ਮਿਲੇ, ਉਸਨੂੰ ਸੰਭਾਲ ਕੇ ਰੱਖੋ ਕਿਉਂਕਿ ਦਾਖਲੇ ਸਮੇਂ ਇਸਦੀ ਜਾਂਚ ਕੀਤੀ ਜਾਵੇਗੀ।
ਆਨਲਾਈਨ ਟਿਕਟ ਬੁਕਿੰਗ ਦੇ ਕਦਮ
- ਆਨਲਾਈਨ ਟਿਕਟ ਬੁਕ ਕਰਨ ਲਈ ਅਧਿਕਾਰਕ ਵੈਬਸਾਈਟ ‘ਤੇ ਜਾਓ।
- ਫਿਰ ਸੁਤੰਤਰਤਾ ਦਿਵਸ 2025 ਟਿਕਟ ਬੁਕਿੰਗ ਵਾਲੇ ਵਿਕਲਪ ‘ਤੇ ਕਲਿਕ ਕਰੋ।
- ਹੁਣ ਆਪਣਾ ਨਾਮ, ਮੋਬਾਈਲ ਨੰਬਰ ਅਤੇ ਤੁਹਾਨੂੰ ਕਿੰਨੀਆਂ ਟਿਕਟਾਂ ਚਾਹੀਦੀਆਂ ਹਨ, ਉਸਦੀ ਜਾਣਕਾਰੀ ਭਰੋ।
- ਇੱਕ ਵੈਧ ਪਛਾਣ ਪੱਤਰ (ਆਧਾਰ, ਵੋਟਰ ਆਈਡੀ ਕਾਰਡ ਜਾਂ ਪਾਸਪੋਰਟ) ਅੱਪਲੋਡ ਕਰੋ।
- ਟਿਕਟ ਦੀ ਕਿਸਮ ਚੁਣੋ – 20 ਰੁਪਏ (ਜਨਰਲ), 100 ਰੁਪਏ (ਸਟੈਂਡਰਡ), ਜਾਂ 500 ਰੁਪਏ (ਪ੍ਰੀਮੀਅਮ)।
- ਡੈਬਿਟ/ਕ੍ਰੈਡਿਟ ਕਾਰਡ ਜਾਂ UPI ਦੀ ਵਰਤੋਂ ਕਰਕੇ ਭੁਗਤਾਨ ਕਰੋ।
- QR ਕੋਡ ਅਤੇ ਸੀਟ ਦੀ ਜਾਣਕਾਰੀ ਨਾਲ ਈ-ਟਿਕਟ ਡਾਊਨਲੋਡ ਕਰੋ।
- ਟਿਕਟ ਨੂੰ ਡਿਜ਼ਿਟਲ ਤੌਰ ‘ਤੇ ਸੇਵ ਕਰੋ ਜਾਂ ਪ੍ਰਿੰਟਆਉਟ ਕੱਢੋ।
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
