ISRO ਦਾ PSLV C62 ਮਿਸ਼ਨ ਫੇਲ੍ਹ, ਤੀਜੇ ਸਟੇਜ 'ਚ ਅਨਵੇਸ਼ਾ ਸੈਟੇਲਾਈਟ ਰਸਤੇ ਤੋਂ ਭਟਕਿਆ, ਤੀਜੇ ਪੜਾਅ ‘ਚ ਆਈ ਗੜਬੜੀ
12 ਜਨਵਰੀ 2026 ਨੂੰ ਇੰਡੀਆਨ ਸਪੇਸ ਰਿਸਰਚ ਆਰਗਨਾਈਜ਼ੇਸ਼ਨ (ISRO) ਨੇ ਇਸ ਸਾਲ ਦਾ ਪਹਿਲਾ ਮਿਸ਼ਨ ਲਾਂਚ ਕੀਤਾ। ਇਸਦੇ ਤਹਿਤ ਸਤਿਸ਼ ਧਵਨ ਸਪੇਸ ਸੈਂਟਰ, ਸ਼੍ਰੀਹਰੀਕੋਟਾ ਤੋਂ ਸਵੇਰੇ 10:17 ਵਜੇ 16 ਸੈਟੇਲਾਈਟਸ ਨੂੰ ਸਪੇਸ ਵਿੱਚ ਭੇਜਿਆ ਗਿਆ।
12 ਜਨਵਰੀ 2026 ਨੂੰ ਇੰਡੀਆਨ ਸਪੇਸ ਰਿਸਰਚ ਆਰਗਨਾਈਜ਼ੇਸ਼ਨ (ISRO) ਨੇ ਇਸ ਸਾਲ ਦਾ ਪਹਿਲਾ ਮਿਸ਼ਨ ਲਾਂਚ ਕੀਤਾ। ਇਸਦੇ ਤਹਿਤ ਸਤਿਸ਼ ਧਵਨ ਸਪੇਸ ਸੈਂਟਰ, ਸ਼੍ਰੀਹਰੀਕੋਟਾ ਤੋਂ ਸਵੇਰੇ 10:17 ਵਜੇ 16 ਸੈਟੇਲਾਈਟਸ ਨੂੰ ਸਪੇਸ ਵਿੱਚ ਭੇਜਿਆ ਗਿਆ। ਪਰ ਇਸ ਦੌਰਾਨ PSLV-C62 ਰਾਕੇਟ ਆਪਣੇ ਨਿਰਧਾਰਿਤ ਰਸਤੇ ਤੋਂ ਭਟਕ ਗਿਆ। ISRO ਨੇ ਪ੍ਰੈਸ ਕਾਨਫਰੰਸ ਵਿੱਚ ਇਸਦੀ ਜਾਣਕਾਰੀ ਦਿੱਤੀ।
ISRO ਮੁਖੀ ਨੇ ਕਿਹਾ- ਗੜਬੜੀ ਦੇਖੀ ਗਈ
ISRO ਦੇ ਚੀਫ ਡਾ. ਵੀ. ਨਾਰਾਇਣਨ ਨੇ ਕਿਹਾ, "PSLV ਰਾਕੇਟ ਦਾ ਪ੍ਰਦਰਸ਼ਨ ਪਹਿਲੇ ਅਤੇ ਦੂਜੇ ਪੜਾਅ ਦੇ ਅੰਤ ਤੱਕ ਸਧਾਰਣ ਰਿਹਾ। ਪਰ ਤੀਜੇ ਪੜਾਅ ਦੇ ਅਖੀਰ ਵਿੱਚ ਰਾਕੇਟ ਦੇ ਘੁੰਮਣ ਦੀ ਗਤੀ ਵਿੱਚ ਥੋੜ੍ਹੀ ਬਹੁਤ ਗੜਬੜੀ ਦੇਖੀ ਗਈ, ਜਿਸ ਦੇ ਬਾਅਦ ਇਹ ਰਸਤੇ ਤੋਂ ਭਟਕ ਗਿਆ। ਅਸੀਂ ਡਾਟਾ ਦਾ ਵਿਸ਼ਲੇਸ਼ਣ ਕਰ ਰਹੇ ਹਾਂ।"
PSLV ਰਾਕੇਟ ਦੀ ਕੁੱਲ 64ਵੀਂ ਉਡਾਣ
PSLV ਦੁਨੀਆ ਦੇ ਸਭ ਤੋਂ ਭਰੋਸੇਮੰਦ ਲਾਂਚ ਵਾਹਨਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਇਸ ਰਾਹੀਂ ਚੰਦਰਯਾਨ-1, ਮੰਗਲਯਾਨ ਅਤੇ ਆਦਿਤਿਆ-L1 ਵਰਗੇ ਮਿਸ਼ਨ ਲਾਂਚ ਕੀਤੇ ਗਏ ਹਨ। ਇਹ PSLV ਰਾਕੇਟ ਦੀ ਕੁੱਲ 64ਵੀਂ ਉਡਾਣ ਵੀ ਹੈ। ਇਹ ਭਾਰਤ ਦਾ 9ਵਾਂ ਕਾਮਰਸ਼ੀਅਲ ਮਿਸ਼ਨ ਹੈ, ਜੋ ਅਰਥ ਓਬਜ਼ਰਵੇਸ਼ਨ ਸੈਟੇਲਾਈਟ ਬਣਾਉਣ ਅਤੇ ਉਸਦੇ ਲਾਂਚ ਲਈ ਕੀਤਾ ਗਿਆ।
ਇਹ ਭਾਰਤ ਦੇ ਪ੍ਰਾਈਵੇਟ ਸਪੇਸ ਸੈਕਟਰ ਲਈ ਮਹੱਤਵਪੂਰਣ ਮੰਨਿਆ ਜਾ ਰਿਹਾ ਹੈ, ਕਿਉਂਕਿ ਪਹਿਲੀ ਵਾਰੀ ਕਿਸੇ ਭਾਰਤੀ ਨਿੱਜੀ ਕੰਪਨੀ ਨੇ PSLV ਮਿਸ਼ਨ ਵਿੱਚ ਇੰਨੀ ਵੱਡੀ ਹਿੱਸੇਦਾਰੀ ਕੀਤੀ ਹੈ। ਇਸ ਮਿਸ਼ਨ ਨੂੰ ਨਿਊ ਸਪੇਸ ਇੰਡੀਆ ਲਿਮਿਟੇਡ (NSIL) ਨੇ ਆਪਰੇਟ ਕੀਤਾ, ਜੋ ISRO ਦੀ ਕਾਮਰਸ਼ੀਅਲ ਯੂਨਿਟ ਹੈ।
ਸਟੀਕ ਨਿਗਰਾਨੀ ਲਈ ਅਨਵੇਸ਼ਾ ਸੈਟੇਲਾਈਟ ਜਰੂਰੀ
ਇਸ ਮਿਸ਼ਨ ਵਿੱਚ ਅਨਵੇਸ਼ਾ ਸੈਟੇਲਾਈਟ ਵੀ ਸ਼ਾਮਲ ਹੈ, ਜਿਸਨੂੰ ਰੱਖਿਆ ਅਨੁਸੰਧਾਨ ਅਤੇ ਵਿਕਾਸ ਸੰਸਥਾ (DRDO) ਨੇ ਵਿਕਸਤ ਕੀਤਾ ਹੈ। ਇਹ ਇੱਕ ਖ਼ੁਫ਼ੀਆ ਸੈਟੇਲਾਈਟ ਹੈ ਜੋ ਅਡਵਾਂਸਡ ਇਮੇਜਿੰਗ ਫੀਚਰਾਂ ਨਾਲ ਸਜਿਆ ਹੋਇਆ ਹੈ। ਇਸਦਾ ਮਕਸਦ ਸਟੀਕ ਨਿਗਰਾਨੀ ਅਤੇ ਮੈਪਿੰਗ ਕਰਨਾ ਹੈ। ਅੰਤਰਿਕਸ਼ ਵਿੱਚ ਹੋਣ ਦੇ ਬਾਵਜੂਦ, ਇਹ ਝਾੜੀਆਂ, ਜੰਗਲਾਂ ਜਾਂ ਬੰਕਰਾਂ ਵਿੱਚ ਛੁਪੇ ਦੁਸ਼ਮਨਾਂ ਦੀਆਂ ਤਸਵੀਰਾਂ ਖਿੱਚ ਸਕਦਾ ਹੈ।
ਭਾਰਤ ਦਾ ਪਹਿਲਾ ਔਰਬਿਟਲ AI ਚਿੱਤਰ ਉਪਗ੍ਰਹਿ
MOI-1 ਇਸ ਮਿਸ਼ਨ ਦਾ ਸਭ ਤੋਂ ਖ਼ਾਸ ਸੈਟੇਲਾਈਟ ਹੈ। ਇਹ ਭਾਰਤ ਦੀ ਪਹਿਲੀ ਆਰਬਿਟਲ AI ਇਮੇਜ਼ ਲੈਬ ਹੈ, ਜਿਸਨੂੰ ਹੈਦਰਾਬਾਦ ਦੀਆਂ ਸਟਾਰਟਅਪ ਕੰਪਨੀਆਂ, ਟੇਕ ਮੀ ਟੂ ਸਪੇਸ ਅਤੇ ਈਓਨ ਸਪੇਸ ਲੈਬ ਨੇ ਮਿਲਕੇ ਤਿਆਰ ਕੀਤਾ ਹੈ। MOI-1 ਸੈਟੇਲਾਈਟ ਇੱਕ ਕਿਸਮ ਦਾ ‘ਸਪੇਸ ਕਲਾਉਡ’ ਹੈ, ਜਿਸ ਨਾਲ ਲੋਕ ਸਿੱਧਾ ਸੈਟੇਲਾਈਟ ਤੇ ਆਪਣੇ ਐਕਸਪੇਰੀਮੈਂਟ ਕਰ ਸਕਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
