ਜੰਮੂ-ਕਸ਼ਮੀਰ: ਸ੍ਰੀਨਗਰ-ਪੁਲਵਾਮਾ 'ਚ ਅੱਤਵਾਦੀ ਐਕਟਿਵ, ਦੋ ਗੈਰ-ਕਸ਼ਮੀਰੀ ਨਾਗਰਿਕਾਂ ਸਮੇਤ ਦੋ ਹੋਰ ਜਵਾਨ ਸ਼ਹੀਦ
ਸ਼ਨੀਵਾਰ ਨੂੰ ਪੰਪੋਰ 'ਚ ਇੱਕ ਮੁੱਠਭੇੜ ਹੋਈ ਜਿਸ ਵਿੱਚ ਦੋ ਅੱਤਵਾਦੀ ਮਾਰੇ ਗਏ। ਇਸ ਦੇ ਨਾਲ ਹੀ ਕੁਝ ਘੰਟਿਆਂ ਦੇ ਅੰਦਰ, ਇੱਕ ਹੀ ਦਿਨ ਵਿੱਚ ਦੋ ਗੈਰ-ਕਸ਼ਮੀਰੀ ਨਾਗਰਿਕਾਂ ਦੇ ਕਤਲ ਦੀ ਜਾਣਕਾਰੀ ਵੀ ਸਾਹਮਣੇ ਆਈ ਹੈ।
ਸ੍ਰੀਨਗਰ: ਜੰਮੂ -ਕਸ਼ਮੀਰ ਵਿੱਚ ਪਿਛਲੇ 9 ਦਿਨਾਂ ਵਿੱਚ 9 ਵੱਡੇ ਮੁਕਾਬਲੇ ਹੋਏ ਹਨ। ਜਿਸ 'ਚ ਸੁਰੱਖਿਆ ਬਲਾਂ ਨੇ 13 ਅੱਤਵਾਦੀਆਂ ਨੂੰ ਮਾਰ ਦਿੱਤਾ ਹੈ, ਪਰ ਨੁਕਸਾਨ ਦੋ-ਪੱਖੀ ਹੋ ਰਿਹਾ ਹੈ। ਪੁੰਛ ਇਲਾਕੇ ਵਿੱਚ 11 ਅਕਤੂਬਰ ਤੋਂ ਮੁਕਾਬਲਾ ਚੱਲ ਰਿਹਾ। ਇਸ ਵਿੱਚ ਦੋ ਜੇਸੀਓ ਸਮੇਤ 9 ਜਵਾਨ ਸ਼ਹੀਦ ਹੋਏ ਹਨ। ਸੁਰੱਖਿਆ ਬਲ ਚੋਣਵੇਂ ਤੌਰ 'ਤੇ ਅੱਤਵਾਦੀਆਂ ਨੂੰ ਖ਼ਤਮ ਕਰ ਰਹੇ ਹਨ, ਜਿਸ ਕਾਰਨ ਅੱਤਵਾਦੀ ਪਰੇਸ਼ਾਨ ਹੋ ਗਏ ਹਨ। ਗੁੱਸੇ ਵਿੱਚ ਆਏ ਅੱਤਵਾਦੀਆਂ ਨੇ ਹੁਣ ਗੈਰ-ਕਸ਼ਮੀਰੀ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾਉਣਾ ਸ਼ੁਰੂ ਕਰ ਦਿੱਤਾ ਹੈ।
ਸ਼ਨੀਵਾਰ ਨੂੰ ਅੱਤਵਾਦੀਆਂ ਨੇ ਦੋ ਨਾਗਰਿਕਾਂ ਦੀ ਜਾਨ ਲੈ ਲਈ। ਸਾਗੀਰ ਅਹਿਮਦ ਸਹਾਰਨਪੁਰ ਦਾ ਵਸਨੀਕ ਸੀ, ਜਿਸ ਨੂੰ ਅੱਤਵਾਦੀਆਂ ਨੇ ਮਾਰ ਦਿੱਤਾ। ਇਸ ਦੇ ਨਾਲ ਹੀ ਅਰਵਿੰਦ ਕੁਮਾਰ ਬਾਂਕਾ ਦਾ ਵਸਨੀਕ ਸੀ ਜਿਸ ਨੂੰ ਅੱਤਵਾਦੀਆਂ ਨੇ ਗੋਲੀ ਮਾਰ ਦਿੱਤੀ। ਦੋਵਾਂ ਪਰਿਵਾਰਾਂ ਵਿੱਚ ਸੋਗ ਦੀ ਲਹਿਰ ਹੈ, ਰੋ-ਰੋ ਕੇ ਪਰਿਵਾਰ ਦਾ ਬੁਰਾ ਹਾਲ ਹੈ।
ਪੁੰਛ ਮੁਕਾਬਲੇ ਵਿੱਚ ਸ਼ਹੀਦ ਹੋਏ ਇੱਕ ਜੇਸੀਓ ਅਤੇ ਇੱਕ ਜਵਾਨ
ਪੁੰਛ ਅਤੇ ਰਾਜੌਰੀ ਵਿੱਚ 11 ਅਕਤੂਬਰ ਤੋਂ ਅੱਤਵਾਦੀਆਂ ਦੇ ਖਿਲਾਫ ਆਪਰੇਸ਼ਨ ਚੱਲ ਰਿਹਾ ਹੈ, ਹੁਣ ਤੱਕ ਇਸ ਆਪਰੇਸ਼ਨ ਵਿੱਚ 9 ਜਵਾਨ ਸ਼ਹੀਦ ਹੋ ਚੁੱਕੇ ਹਨ। 11 ਅਕਤੂਬਰ ਨੂੰ ਇੱਕ ਜੇਸੀਓ ਸਮੇਤ 5 ਸੈਨਿਕ ਸ਼ਹੀਦ ਹੋਏ ਸੀ। 15 ਅਕਤੂਬਰ ਨੂੰ 2 ਰਾਈਫਲ ਜਵਾਨ ਸ਼ਹੀਦ ਹੋਏ ਸੀ। ਇਸ ਤੋਂ ਬਾਅਦ ਸ਼ਨੀਵਾਰ ਨੂੰ ਇੱਕ ਜੇਸੀਓ ਅਤੇ ਇੱਕ ਜਵਾਨ ਦੀ ਲਾਸ਼ ਮਿਲੀ। ਡੇਰਾ ਗਲੀ ਵਿੱਚ 5 ਅਤੇ ਬੀਂਬਰ ਗਲੀ ਵਿੱਚ 4 ਜਵਾਨ ਸ਼ਹੀਦ ਹੋਏ। ਕੰਟਰੋਲ ਰੇਖਾ ਦੇ ਨਾਲ ਲੱਗਦੇ ਪੁੰਛ ਦੇ ਜੰਗਲਾਂ ਵਿੱਚ ਸੁਰੱਖਿਆ ਬਲਾਂ ਨੇ ਕੁਝ ਅੱਤਵਾਦੀਆਂ ਨੂੰ ਵੀ ਘੇਰ ਲਿਆ ਹੈ।
ਪਿਛਲੇ 9 ਦਿਨਾਂ ਤੋਂ ਕਸ਼ਮੀਰ ਘਾਟੀ ਅਜਿਹੀਆਂ ਗੋਲੀਆਂ ਦੀ ਆਵਾਜ਼ ਨਾਲ ਕੰਬ ਰਹੀ ਹੈ। ਦਿਨ -ਰਾਤ ਐਨਕਾਉਂਟਰ ਹੋ ਰਹੇ ਹਨ, ਕਿਤੇ ਅੱਤਵਾਦੀ ਮਾਰੇ ਜਾ ਰਹੇ ਹਨ ਅਤੇ ਕਿਤੇ ਸੈਨਿਕ ਸ਼ਹੀਦ ਹੋ ਰਹੇ ਹਨ। ਸ਼ਨੀਵਾਰ ਨੂੰ ਪੰਪੋਰ ਵਿੱਚ ਸੁਰੱਖਿਆ ਬਲਾਂ ਅਤੇ ਅੱਤਵਾਦੀਆਂ ਦੇ ਵਿੱਚ ਇੱਕ ਮੁੱਠਭੇੜ ਹੋਈ ਜਿਸ ਵਿੱਚ ਦੋ ਅੱਤਵਾਦੀ ਮਾਰੇ ਗਏ।
ਗ਼ੈਰ-ਕਸ਼ਮੀਰੀਆਂ ਦੀ ਹੱਤਿਆ ਨੂੰ ਲੈ ਕੇ ਰਾਜਨੀਤੀ
ਇੱਕ ਦਿਨ ਵਿੱਚ ਕੁਝ ਘੰਟਿਆਂ ਦੇ ਅੰਦਰ ਦੋ ਗੈਰ-ਕਸ਼ਮੀਰੀ ਨਾਗਰਿਕਾਂ ਦੀ ਹੱਤਿਆ ਤੋਂ ਬਾਅਦ ਰਾਜਨੀਤੀ ਵੀ ਹੋ ਰਹੀ ਹੈ। ਉਮਰ ਅਬਦੁੱਲਾ ਅਤੇ ਮਹਿਬੂਬਾ ਮੁਫਤੀ ਨੇ ਗੈਰ-ਕਸ਼ਮੀਰੀਆਂ ਦੀ ਮੌਤ 'ਤੇ ਸੋਗ ਪ੍ਰਗਟ ਕੀਤਾ ਪਰ ਇਸ ਨੂੰ ਸਰਕਾਰ ਅਤੇ ਸੁਰੱਖਿਆ ਬਲਾਂ ਦੀ ਨਾਕਾਮੀ ਵੀ ਕਿਹਾ। ਹਾਲਾਂਕਿ, ਸੁਰੱਖਿਆ ਬਲਾਂ ਦਾ ਦਾਅਵਾ ਹੈ ਕਿ ਅੱਤਵਾਦੀਆਂ ਦੀ ਪਛਾਣ ਕਰ ਲਈ ਗਈ ਹੈ ਅਤੇ ਉਨ੍ਹਾਂ ਨੂੰ ਛੇਤੀ ਹੀ ਖ਼ਤਮ ਕਰ ਦਿੱਤਾ ਜਾਵੇਗਾ। ਸੁਰੱਖਿਆ ਬਲਾਂ ਦਾ ਸੰਦੇਸ਼ ਸਾਫ਼ ਹੈ ਕਿ ਆਉਣ ਵਾਲੇ ਦਿਨਾਂ ਵਿੱਚ ਅੱਤਵਾਦੀਆਂ ਦੇ ਖਿਲਾਫ ਆਪਰੇਸ਼ਨ ਤੇਜ਼ ਹੋਵੇਗਾ।
ਇਹ ਵੀ ਪੜ੍ਹੋ: Ammy Virk ਇਸ ਸਾਲ ਲੈ ਕੇ ਆ ਰਹੇ ਪਹਿਲੀ ਫਿਲਮ, ਨਾੰ ਹੈ 'ਦੇ ਦੇ ਗੇੜਾ'
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
