G20 summit: ਕਿਵੇਂ ਦਾ ਹੈ ਭਾਰਤ ਮੰਡਪਮ? ਜਿੱਥੇ ਹੋਵੇਗਾ ਜੀ-20 ਸੰਮੇਲਨ, ਜਾਣੋ ਖਾਸੀਅਤ
G-20 Summit: ਜੀ-20 ਸਿਖਰ ਸੰਮੇਲਨ 9 ਅਤੇ 10 ਸਤੰਬਰ ਨੂੰ ਦਿੱਲੀ ਵਿੱਚ ਹੋਣ ਜਾ ਰਿਹਾ ਹੈ ਅਤੇ ਇਸ ਦੇ ਲਈ ਪ੍ਰਗਤੀ ਮੈਦਾਨ ਵਿੱਚ ਇੱਕ ਅੰਤਰਰਾਸ਼ਟਰੀ ਪ੍ਰਦਰਸ਼ਨੀ ਕਮ ਕਨਵੈਨਸ਼ਨ ਸੈਂਟਰ ਬਣਾਇਆ ਗਿਆ ਹੈ
G-20 Summit: ਜੀ-20 ਸਿਖਰ ਸੰਮੇਲਨ 9 ਅਤੇ 10 ਸਤੰਬਰ ਨੂੰ ਦਿੱਲੀ ਵਿੱਚ ਹੋਣ ਜਾ ਰਿਹਾ ਹੈ ਅਤੇ ਇਸ ਦੇ ਲਈ ਪ੍ਰਗਤੀ ਮੈਦਾਨ ਵਿੱਚ ਇੱਕ ਅੰਤਰਰਾਸ਼ਟਰੀ ਪ੍ਰਦਰਸ਼ਨੀ ਕਮ ਕਨਵੈਨਸ਼ਨ ਸੈਂਟਰ ਬਣਾਇਆ ਗਿਆ ਹੈ; ਜਿਸ ਨੂੰ ਭਾਰਤ ਮੰਡਪਮ ਦਾ ਨਾਂ ਦਿੱਤਾ ਗਿਆ ਹੈ। ਇਸ ਦਾ ਉਦਘਾਟਨ 26 ਜੁਲਾਈ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕੀਤਾ ਸੀ।
ਦਰਅਸਲ, ਇਸ ਦਾ ਨਾਮ ਭਾਰਤ ਮੰਡਪਮ ਰੱਖਣ ਪਿੱਛੇ ਇੱਕ ਵੱਡਾ ਕਾਰਨ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ਬਾਰੇ ਦੱਸਿਆ ਸੀ ਕਿ ਇਹ ਭਗਵਾਨ ਬਸਵੇਸ਼ਵਰ ਦੇ 'ਅਨੁਭਵ ਮੰਡਪਮ' ਭਾਵ ਬਹਿਸ ਅਤੇ ਸੰਵਾਦ ਦੀ ਲੋਕਤੰਤਰੀ ਵਿਧੀ ਤੋਂ ਪ੍ਰੇਰਿਤ ਸੀ।
Nataraja statue stands in front of the grand Bharat Mandapam #G20India
— OMG (@omgs_tweets) September 5, 2023
pic.twitter.com/Obqt8fK0pt
ਜਾਣੋ ਭਾਰਤ ਮੰਡਪਮ ਨਾਲ ਜੁੜੇ ਮੁੱਥ ਤੱਥ
ਪ੍ਰਗਤੀ ਮੈਦਾਨ ਦਾ ਪੁਨਰ ਵਿਕਾਸ 2017 ਵਿੱਚ ਸ਼ੁਰੂ ਹੋਇਆ ਸੀ ਅਤੇ ਇਸ ਲਈ ਰਾਸ਼ਟਰੀ ਪ੍ਰੋਜੈਕਟ ਦੇ ਤਹਿਤ ਕੰਮ ਕੀਤਾ ਗਿਆ ਸੀ। ਇਸ 'ਤੇ 2700 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ। ਇਕੱਲੇ ਭਾਰਤ ਮੰਡਪਮ ਦੇ ਨਿਰਮਾਣ 'ਤੇ 750 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ। ਇਹ ਲਗਭਗ 123 ਏਕੜ ਵਿੱਚ ਫੈਲਿਆ ਹੋਇਆ ਹੈ। ਦੇਸ਼ ਦੇ ਸਭ ਤੋਂ ਵੱਡੇ ਸੰਮੇਲਨ ਕੇਂਦਰ ਵਿੱਚ 10,000 ਲੋਕਾਂ ਦੇ ਬੈਠਣ ਦੀ ਸਮਰੱਥਾ ਹੈ।
ਭਾਰਤ ਮੰਡਪਮ ਤਿੰਨ ਮੰਜ਼ਿਲਾਂ 'ਤੇ ਬਣਿਆ ਹੈ ਅਤੇ ਇੱਥੇ ਜੀ-20 ਸੰਮੇਲਨ ਹੋਣ ਜਾ ਰਿਹਾ ਹੈ। ਇਸ ਦੀ ਹਰ ਮੰਜ਼ਿਲ 'ਤੇ ਭਾਰਤੀ ਸੰਸਕ੍ਰਿਤੀ ਦੀ ਛਾਪ ਦੇਖੀ ਜਾ ਸਕਦੀ ਹੈ। ਇਸ ਨੂੰ ਬਹੁਤ ਹੀ ਖੂਬਸੂਰਤੀ ਨਾਲ ਸਜਾਇਆ ਗਿਆ ਹੈ। ਭਾਰਤੀ ਪਰੰਪਰਾਗਤ ਵਿਭਿੰਨਤਾ, ਕਲਾ ਅਤੇ ਬਹੁ-ਸੱਭਿਆਚਾਰ ਦੀ ਵਿਰਾਸਤ ਨੂੰ ਹਰ ਕਮਰੇ ਅਤੇ ਹਰ ਜਗ੍ਹਾ ਦੇਖਿਆ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ: Pm Modi: 7 ਸਤੰਬਰ ਨੂੰ ਇੰਡੋਨੇਸ਼ੀਆ ਜਾਣਗੇ PM ਮੋਦੀ, ASEAN-ਭਾਰਤ ਸੰਮੇਲਨ 'ਚ ਲੈਣਗੇ ਹਿੱਸਾ
ਭਾਰਤ ਮੰਡਪਮ ਵਿੱਚ ਇੱਕ ਹਾਲ ਵੀ ਬਣਾਇਆ ਗਿਆ ਹੈ ਜਿਸ ਵਿੱਚ 7 ਹਜ਼ਾਰ ਲੋਕ ਆਰਾਮ ਨਾਲ ਬੈਠ ਸਕਦੇ ਹਨ। ਇਹ ਦੁਨੀਆ ਦੇ ਸਭ ਤੋਂ ਵੱਡੇ ਹਾਲਾਂ ਵਿੱਚੋਂ ਇੱਕ ਹੈ ਅਤੇ ਸਿਡਨੀ (ਆਸਟ੍ਰੇਲੀਆ) ਦੇ ਓਪੇਰਾ ਹਾਊਸ ਤੋਂ ਬਹੁਤ ਵੱਡਾ ਹੈ।
ਭਾਰਤ ਮੰਡਪਮ ਦੀ ਇੱਕ ਹੋਰ ਵੱਡੀ ਖਾਸੀਅਤ ਇਹ ਹੈ ਕਿ ਇਸ ਵਿੱਚ ਓਪਨ ਐਮਫੀਥੀਏਟਰ ਵੀ ਬਣਾਇਆ ਗਿਆ ਹੈ। ਇਨ੍ਹਾਂ 'ਚ ਇਕ ਵਾਰ 'ਚ 3 ਹਜ਼ਾਰ ਤੋਂ ਜ਼ਿਆਦਾ ਲੋਕ ਇਕੱਠੇ ਬੈਠ ਸਕਦੇ ਹਨ। ਭਾਰਤ ਮੰਡਪਮ ਦਾ ਕੁੱਲ ਖੇਤਰਫਲ ਫੁੱਟਬਾਲ ਸਟੇਡੀਅਮ ਤੋਂ ਲਗਭਗ 26 ਗੁਣਾ ਵੱਡਾ ਹੈ।
ਭਾਰਤ ਮੰਡਪਮ ਵਿੱਚ ਵੀਆਈਪੀ ਲੌਂਜ ਏਰੀਆ ਵੀ ਬਣਾਇਆ ਗਿਆ ਹੈ। ਇਸ ਨੂੰ ਵੱਖ-ਵੱਖ ਵਿਸ਼ੇਸ਼ਤਾਵਾਂ ਨਾਲ ਤਿੰਨ ਮੰਜ਼ਿਲਾਂ 'ਤੇ ਬਣਾਇਆ ਗਿਆ ਹੈ। ਦਰਅਸਲ, ਇਸ ਨੂੰ ਮੀਟਿੰਗਾਂ, ਕਾਨਫਰੰਸਾਂ ਅਤੇ ਪ੍ਰਦਰਸ਼ਨੀਆਂ ਲਈ ਤਿਆਰ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ: G20 Summit: ਜੇ ਤੁਸੀਂ G-20 ਦੌਰਾਨ ਗ਼ਲਤੀ ਨਾਲ ਪ੍ਰਗਤੀ ਮੈਦਾਨ ਖੇਤਰ 'ਚ ਪਹੁੰਚ ਜਾਂਦੇ ਹੋ ਤਾਂ ਕੀ ਹੋਵੇਗਾ?
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
