Mumbai Blasts 2003 :  ਮੁੰਬਈ ਬੰਬ ਧਮਾਕਿਆਂ ਦਾ ਮੋਸਟ ਵਾਂਟੇਡ ਅੱਤਵਾਦੀ ਬਸ਼ੀਰ ਕੈਨੇਡਾ 'ਚ ਗ੍ਰਿਫਤਾਰ , ਪਾਕਿਸਤਾਨ ਨੇ ਦਿੱਤੀ ਸੀ ਟ੍ਰੇਨਿੰਗ, ਹੁਣ ਲਿਆਂਦਾ ਜਾਵੇਗਾ ਭਾਰਤ !

Vile Parle Bomb Blast: ਮੁੰਬਈ ਬੰਬ ਧਮਾਕਿਆਂ (2002-03) ਦੀ ਸਾਜ਼ਿਸ਼ ਵਿੱਚ ਸਭ ਤੋਂ ਵੱਧ ਲੋੜੀਂਦੇ ਅੱਤਵਾਦੀਆਂ ਵਿੱਚੋਂ ਇੱਕ ਸੀਏਐਮ ਬਸ਼ੀਰ ਨੂੰ ਕੈਨੇਡੀਅਨ ਸੁਰੱਖਿਆ ਏਜੰਸੀਆਂ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਇਸ ਦੌਰਾਨ ਮੁੰਬਈ ਪੁਲਿਸ ਨਿਯਮਾਂ ਦੀ ਪਾਲ

Mumbai blasts

Vile Parle Bomb Blast: ਮੁੰਬਈ ਬੰਬ ਧਮਾਕਿਆਂ (2002-03) ਦੀ ਸਾਜ਼ਿਸ਼ ਵਿੱਚ ਸਭ ਤੋਂ ਵੱਧ ਲੋੜੀਂਦੇ ਅੱਤਵਾਦੀਆਂ ਵਿੱਚੋਂ ਇੱਕ ਸੀਏਐਮ ਬਸ਼ੀਰ ਨੂੰ ਕੈਨੇਡੀਅਨ ਸੁਰੱਖਿਆ ਏਜੰਸੀਆਂ ਨੇ ਗ੍ਰਿਫਤਾਰ ਕਰ ਲਿਆ ਹੈ। ਇਸ ਦੌਰਾਨ ਮੁੰਬਈ ਪੁਲਿਸ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਬਸ਼ੀਰ ਨੂੰ ਭਾਰਤ ਹਵਾਲੇ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।

 

ਅੱਤਵਾਦੀ CMA ਬਸ਼ੀਰ ਨੂੰ ਭਾਰਤ ਵਿੱਚ ਪਾਬੰਦੀਸ਼ੁਦਾ ਇਸਲਾਮਿਕ ਮੂਵਮੈਂਟ ਆਫ ਇੰਡੀਆ (SIMI) ਦੇ ਸ਼ੁਰੂਆਤੀ ਕੱਟੜਪੰਥੀ ਨੇਤਾਵਾਂ ਵਿੱਚੋਂ ਇੱਕ ਮੰਨਿਆ ਜਾਂਦਾ ਹੈ। ਬਸ਼ੀਰ 'ਤੇ 2002-03 ਦੇ ਮੁੰਬਈ ਧਮਾਕਿਆਂ ਦੇ ਮਾਮਲੇ 'ਚ ਸ਼ਾਮਲ ਹੋਣ ਦਾ ਦੋਸ਼ ਹੈ। ਇਸ ਧਮਾਕੇ ਵਿਚ 12 ਲੋਕਾਂ ਦੀ ਜਾਨ ਚਲੀ ਗਈ ਅਤੇ ਕਈ ਜ਼ਖਮੀ ਹੋ ਗਏ ਸਨ। ਇਸ ਮਾਮਲੇ 'ਚ ਬਸ਼ੀਰ ਖਿਲਾਫ ਰੈੱਡ ਕਾਰਨਰ ਨੋਟਿਸ ਵੀ ਜਾਰੀ ਕੀਤਾ ਚੁੱਕਾ ਹੈ।

 ਕੈਨੇਡਾ ਤੋਂ ਭੱਜਦੇ ਸਮੇਂ ਫੜਿਆ ਗਿਆ ਬਸ਼ੀਰ 

ਅੱਤਵਾਦੀ ਬਸ਼ੀਰ ਨੂੰ ਚਨੇਪਰਮਬਿਲ ਮੁਹੰਮਦ ਬਸ਼ੀਰ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਬਸ਼ੀਰ ਨੂੰ ਕੈਨੇਡਾ ਤੋਂ ਭੱਜਣ ਦੀ ਕੋਸ਼ਿਸ਼ ਦੌਰਾਨ ਫੜਿਆ ਗਿਆ ਹੈ। ਬਸ਼ੀਰ ਖਿਲਾਫ ਇੰਟਰਪੋਲ ਵਲੋਂ ਜਾਰੀ ਰੈੱਡ ਕਾਰਨਰ ਨੋਟਿਸ ਦੇ ਆਧਾਰ 'ਤੇ ਉਸ 'ਤੇ ਕਤਲ, ਅੱਤਵਾਦੀ ਸਾਜ਼ਿਸ਼, ਸਾਜ਼ਿਸ਼ ਰਚਣ ਅਤੇ ਹੋਰ ਦੋਸ਼ ਹਨ, ਇਨ੍ਹਾਂ ਦੋਸ਼ਾਂ 'ਚ ਉਸ ਨੂੰ ਗ੍ਰਿਫਤਾਰ ਵੀ ਕੀਤਾ ਗਿਆ ਹੈ।

 

ਹਵਾਲਗੀ ਲਈ ਭੈਣ ਦਾ ਲਿਆ ਜਾਵੇਗਾ ਖੂਨ  

ਤੁਹਾਨੂੰ ਦੱਸ ਦੇਈਏ ਕਿ ਬਸ਼ੀਰ ਦੇ ਖਿਲਾਫ ਰੈੱਡ ਕਾਰਨਰ ਨੋਟਿਸ ਦਸੰਬਰ 2002 ਵਿੱਚ ਮੁੰਬਈ ਸੈਂਟਰਲ ਸਟੇਸ਼ਨ ਬਲਾਸਟ , ਜਨਵਰੀ 2003 ਵਿੱਚ ਵਿਲੇ ਪਾਰਲੇ ਬਲਾਸਟ ਅਤੇ ਮਾਰਚ 2003 ਵਿੱਚ ਮੁਲੁੰਡ ਟਰੇਨ ਬਲਾਸਟ ਨਾਲ ਸਬੰਧਤ ਹੈ। ਮੁੰਬਈ ਪੁਲਿਸ ਨੇ ਚਲ ਰਹੀ ਹਵਾਲਗੀ ਪ੍ਰਕਿਰਿਆ ਦੇ ਹਿੱਸੇ ਵਜੋਂ ਡੀਐਨਏ ਪ੍ਰੋਫਾਈਲਿੰਗ ਲਈ ਬਸ਼ੀਰ ਦੀ ਭੈਣ ਦੇ ਖੂਨ ਦੇ ਨਮੂਨੇ ਇਕੱਠੇ ਕਰਨ ਲਈ ਏਰਨਾਕੁਲਮ ਦੀ ਵਿਸ਼ੇਸ਼ ਅਦਾਲਤ ਤੋਂ ਇਜਾਜ਼ਤ ਮੰਗੀ ਹੈ।

 

ਬਸ਼ੀਰ ਨੇ ਇੰਜੀਨੀਅਰਿੰਗ ਵਿਚ ਡਿਪਲੋਮਾ ਕੀਤਾ

ਬਸ਼ੀਰ ਦਾ ਜਨਮ ਸਾਲ 1961 ਵਿੱਚ ਕੇਰਲਾ ਦੇ ਪਿੰਡ ਕਪਰਾਸੇਰੀ ਵਿੱਚ ਹੋਇਆ ਸੀ, ਉਸਨੇ ਏਅਰੋਨਾਟਿਕਲ ਇੰਜੀਨੀਅਰਿੰਗ ਵਿੱਚ ਡਿਪਲੋਮਾ ਕੀਤਾ ਹੈ। ਬਾਅਦ ਵਿੱਚ ਉਹ ਅਲੁਵਾ ਟਾਊਨ ਵਿੱਚ ਸਿਮੀ ਦੇ ਇੱਕ ਪ੍ਰਮੁੱਖ ਨੇਤਾ ਵਜੋਂ ਉਭਰਿਆ। 1980 ਦੇ ਅਖੀਰ ਵਿੱਚ ਬਸ਼ੀਰ ਨੂੰ ਸਿਮੀ ਦਾ ਆਲ ਇੰਡੀਆ ਪ੍ਰਧਾਨ ਬਣਾਇਆ ਗਿਆ ਸੀ। ਇੰਨਾ ਹੀ ਨਹੀਂ ਬਸ਼ੀਰ ਨੇ ਕਈ ਨੌਜਵਾਨਾਂ ਨੂੰ ਅੱਤਵਾਦੀ ਗਤੀਵਿਧੀਆਂ ਨੂੰ ਅੰਜਾਮ ਦੇਣ ਲਈ ਪ੍ਰੇਰਿਤ ਕੀਤਾ ਅਤੇ ਨੌਜਵਾਨਾਂ ਨੂੰ ਕੱਟੜਪੰਥੀ ਬਣਾਉਣ 'ਚ ਅਹਿਮ ਭੂਮਿਕਾ ਨਿਭਾਈ।

ਬਸ਼ੀਰ ਨੇ 1990 ਦੇ ਦਹਾਕੇ ਦੇ ਸ਼ੁਰੂ ਵਿੱਚ ਪਾਕਿਸਤਾਨ ਦੇ ਦੌਰੇ ਦੌਰਾਨ ਆਈਐਸਆਈ ਤੋਂ ਅੱਤਵਾਦੀ ਸਿਖਲਾਈ ਪ੍ਰਾਪਤ ਕੀਤੀ ਸੀ। ਸਾਲ 2011 'ਚ ਬਸ਼ੀਰ ਦਾ ਨਾਂ ਭਾਰਤ ਦੇ 50 ਮੋਸਟ ਵਾਂਟੇਡ ਅੱਤਵਾਦੀਆਂ ਦੀ ਸੂਚੀ 'ਚ ਸ਼ਾਮਲ ਸੀ। ਬਸ਼ੀਰ ਹੁਣ 62 ਸਾਲ ਦਾ ਹੈ ਪਰ ਬਸ਼ੀਰ ਅਜੇ ਵੀ ਖੁਫੀਆ ਏਜੰਸੀਆਂ ਦੇ ਰਾਡਾਰ 'ਤੇ ਸੀ।