'ਕਫ਼ ਸਿਰਪ ਨਹੀਂ, ਜ਼ਹਿਰ ਹਨ ਇਹ...' WHO ਨੇ ਕੋਲਡਰਿਫ ਮਾਮਲੇ ਦੇ ਬਾਅਦ ਤਿੰਨ ਕੰਪਨੀਆਂ ਨੂੰ ਦਿੱਤੀ ਸਖ਼ਤ ਚੇਤਾਵਨੀ, ਜ਼ਰੂਰ ਜਾਣੋ ਨਾਮ
ਦੇਸ਼ ਚ ਕਹਿਰ ਮਚਾਉਣ ਵਾਲੀ ਕਫ ਸਿਰਪ ਨੂੰ ਲੈ ਕੇ WHO ਵੱਲੋਂ ਸ਼ਖਤ ਰੁਖ ਅਪਣਾਇਆ ਗਿਆ ਹੈ। ਜਿਸ ਕਰਕੇ ਤਿੰਨ ਹੋਰ ਫਾਰਮਾਸ ਨੂੰ ਚੇਤਾਵਨੀ ਜਾਰੀ ਕੀਤੀ ਗਈ ਹੈ। ਕੋਲਡਰਿਫ ਕਰਕੇ ਮੱਧ ਪ੍ਰਦੇਸ਼ ਵਿੱਚ ਕਈ ਬੱਚਿਆਂ ਦੀ ਮੌਤ ਹੋਈ।
ਭਾਰਤ ਵਿੱਚ ਜ਼ਹਿਰੀਲੇ ਕਫ਼ ਸਿਰਪ ਕਾਰਨ 20 ਤੋਂ ਵੱਧ ਬੱਚਿਆਂ ਦੀ ਮੌਤ ਹੋ ਚੁੱਕੀ ਹੈ। ਵਿਸ਼ਵ ਸਿਹਤ ਸੰਸਥਾ (WHO) ਨੇ ਇਸ ਮਾਮਲੇ ਨੂੰ ਧਿਆਨ ਵਿੱਚ ਰੱਖਦਿਆਂ ਤਿੰਨ ਫਾਰਮਾ ਕੰਪਨੀਆਂ ਲਈ ਚੇਤਾਵਨੀ ਜਾਰੀ ਕੀਤੀ ਹੈ। ਉਹਨਾਂ ਦੇ ਕਫ਼ ਸਿਰਪ ਬਾਰੇ ਅਲਰਟ ਦਿੱਤਾ ਗਿਆ ਹੈ। ਇਸ ਵਿੱਚ ਕੋਲਡਰਿਫ ਵੀ ਸ਼ਾਮਿਲ ਹੈ, ਜਿਸ ਕਾਰਨ ਮੱਧ ਪ੍ਰਦੇਸ਼ ਵਿੱਚ ਕਈ ਬੱਚਿਆਂ ਦੀ ਮੌਤ ਹੋਈ। WHO ਨੇ ਕਿਹਾ ਕਿ ਜੇ ਇਹ ਕਫ਼ ਸਿਰਪ ਕਿਤੇ ਵੀ ਦਿੱਸਣ, ਤਾਂ ਇਸ ਬਾਰੇ ਤੁਰੰਤ ਜਾਣਕਾਰੀ ਦੇਣੀ ਚਾਹੀਦੀ ਹੈ।
ਅਜਿਹੇ ਸਿਰਪ ਸਿਹਤ ਲਈ ਘਾਤਕ
ਨਿਊਜ਼ ਏਜੰਸੀ ਰਾਇਟਰਸ ਦੀ ਖ਼ਬਰ ਮੁਤਾਬਕ ਗਲੋਬਲ ਹੈਲਥ ਏਜੰਸੀ ਨੇ ਸ਼੍ਰੀਸਨ ਫਾਰਮਾ ਦੀ ਕੋਲਡਰਿਫ, ਰੈਡਨੇਕਸ ਫਾਰਮਾ ਦੀ ਰੈਸਪੀਫ੍ਰੈਸ਼ ਟੀਆਰ ਅਤੇ ਸ਼ੇਪ ਫਾਰਮਾ ਦੀ ਰਿਲਾਈਪ ਸਿਰਪ ਦੇ ਖਾਸ ਬੈਚ ਦੀ ਪਹਿਚਾਣ ਕੀਤੀ ਹੈ, ਜਿਸ ਵਿੱਚ ਮਿਲਾਵਟ ਪਾਈ ਗਈ ਹੈ। WHO ਦਾ ਕਹਿਣਾ ਹੈ ਕਿ ਇਹ ਸਿਰਪ ਸਿਹਤ ਲਈ ਖ਼ਤਰਾ ਪੈਦਾ ਕਰ ਸਕਦੀ ਹੈ ਅਤੇ ਇਸ ਕਾਰਨ ਗੰਭੀਰ ਅਤੇ ਖ਼ਤਰਨਾਕ ਬਿਮਾਰੀ ਵੀ ਹੋ ਸਕਦੀ ਹੈ।
ਕਫ਼ ਸਿਰਪ ਵਿੱਚ ਖਤਰਨਾਕ ਰਸਾਇਣ
ਖਾਂਸੀ ਦੀਆਂ ਇਨ੍ਹਾਂ ਦਵਾਈਆਂ ਦੀ ਜਾਂਚ ਦੌਰਾਨ ਡਾਇਥਾਈਲਿਨ ਗਲਾਈਕੋਲ ਨਾਮਕ ਇੱਕ ਜ਼ਹਿਰੀਲਾ ਰਸਾਇਣ ਮਿਲਿਆ ਹੈ, ਜਿਸਦਾ ਭਾਰੀ ਪੱਧਰ ਉੱਤੇ ਇਸਤੇਮਾਲ ਕੀਤਾ ਗਿਆ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸ ਰਸਾਇਣ ਦਾ ਨਾ ਕੋਈ ਰੰਗ ਹੈ ਅਤੇ ਨਾ ਕੋਈ ਗੰਧ, ਇਸ ਲਈ ਇਸਦੀ ਬਿਨਾਂ ਜਾਂਚ ਦੇ ਪਛਾਣ ਕਰਨਾ ਮੁਸ਼ਕਲ ਹੈ। ਇਸਦਾ ਇਸਤੇਮਾਲ ਸਿਰਪ ਨੂੰ ਮਿੱਠਾ ਕਰਨ ਲਈ ਕੀਤਾ ਜਾਂਦਾ ਹੈ। ਹੈਰਾਨ ਕਰਨ ਵਾਲੀ ਗੱਲ ਇਹ ਵੀ ਹੈ ਕਿ ਡਾਇਥਾਈਲਿਨ ਗਲਾਈਕੋਲ ਦਾ ਮਨੁੱਖੀ ਸਿਹਤ ਲਈ ਖ਼ਤਰਨਾਕ ਪ੍ਰਭਾਵ ਹੋ ਸਕਦਾ ਹੈ।
ਸ਼੍ਰੀਸਨ ਫਾਰਮਾ ਦਾ ਲਾਇਸੰਸ ਰੱਦ ਹੋਇਆ
ਤਮਿਲਨਾਡੂ ਦੀ ਸ਼੍ਰੀਸਨ ਫਾਰਮਾਸਿਊਟਿਕਲ ਕੰਪਨੀ ਦਾ ਲਾਇਸੰਸ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਗਿਆ ਹੈ। ਕੰਪਨੀ ਨੂੰ ਹੁਣ ਬੰਦ ਕਰਨ ਦਾ ਹੁਕਮ ਵੀ ਜਾਰੀ ਕੀਤਾ ਗਿਆ ਹੈ। ਰਾਜ ਸਰਕਾਰ ਨੇ ਸੋਮਵਾਰ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ। ਰਾਜ ਦਵਾਈ ਨਿਯੰਤਰਣ ਵਿਭਾਗ ਦੇ ਅਧਿਕਾਰੀਆਂ ਨੇ ਇਕ ਜਾਂਚ ਦੌਰਾਨ ਪਾਇਆ ਕਿ ਕਫ਼ ਸਿਰਪ ਵਿੱਚ 48.6 ਪ੍ਰਤੀਸ਼ਤ ਡਾਇਥਾਈਲਿਨ ਗਲਾਈਕੋਲ (DEG) ਮੌਜੂਦ ਸੀ। ਕੰਪਨੀ ਦੇ ਮਾਲਕ ਜੀ. ਰੰਗਨਾਥਨ ਨੂੰ ਹਾਲ ਹੀ ਵਿੱਚ ਗ੍ਰਿਫ਼ਤਾਰ ਕਰ ਲਿਆ ਗਿਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
