ਬਾਲ-ਬਾਲ ਬਚੇ ਯਾਤਰੀ! ਬਿਹਾਰ ਤੋਂ ਜਲੰਧਰ ਆ ਰਹੀ ਐਕਸਪ੍ਰੈਸ ਟਰੇਨ ਵਿੱਚ ਲੱਗੀ ਅੱਗ, ਮੱਚੀ ਹਫੜਾ-ਦਫੜੀ
ਜਲੰਧਰ ਆ ਰਹੀ ਐਕਸਪ੍ਰੈਸ ਟਰੇਨ ਵਿੱਚ ਅੱਗ ਦੀ ਖਬਰ ਨੇ ਯਾਤਰੀਆਂ ਦੇ ਵਿੱਚ ਹੜਕੰਪ ਮਚਾ ਦਿੱਤਾ। ਜਿਸ ਕਰਕੇ ਯਾਤਰੀ ਇੱਧਰ-ਉੱਧਰ ਭੱਜਣ ਲੱਗ ਪਏ। ਟਰੇਨ ਨੂੰ ਕਿਸੇ ਯਾਤਰੀ ਵੱਲੋਂ ਚੇਨ ਖਿੱਚ ਕੇ ਰੋਕਿਆ ਗਿਆ, ਜਿਸ ਨਾਲ ਇਕ ਸੰਭਾਵਿਤ ਵੱਡਾ ਹਾਦਸਾ ਟਲ
ਸ਼ਨੀਵਾਰ ਨੂੰ ਚਲਦੀ ਟਰੇਨ ਵਿੱਚ ਅੱਗ ਲੱਗਣ ਦੀ ਖ਼ਬਰ ਨੇ ਯਾਤਰੀਆਂ ਦੀਆਂ ਦਿਲ ਦੀਆਂ ਧੜਕਨਾਂ ਨੂੰ ਵਧਾ ਦਿੱਤਾ। ਘਟਨਾ ਬਿਹਾਰ ਦੇ ਦਰਭੰਗਾ ਤੋਂ ਪੰਜਾਬ ਦੇ ਜਲੰਧਰ ਜਾ ਰਹੀ ਅੰਤਯੋਦਯ ਐਕਸਪ੍ਰੈਸ ਵਿੱਚ ਵਾਪਰੀ, ਜਦੋਂ ਉੱਤਰ ਪ੍ਰਦੇਸ਼ ਦੇ ਸੰਤਕਬੀਰ ਨਗਰ ਜ਼ਿਲ੍ਹੇ ਦੇ ਖਲੀਲਾਬਾਦ ਸਟੇਸ਼ਨ ਦੇ ਨੇੜੇ ਟਰੇਨ ਦੇ ਇੱਕ ਕੋਚ ਦੇ ਪਹੀਏ ਤੋਂ ਅਚਾਨਕ ਧੂੰਆ ਉੱਠਣ ਲੱਗਾ। ਧੂੰਆ ਹੌਲੀ-ਹੌਲੀ ਪੂਰੀ ਬੋਗੀ ਵਿੱਚ ਫੈਲ ਗਿਆ ਅਤੇ ਉੱਥੇ ਮੌਜੂਦ ਯਾਤਰੀ ਡਰ ਅਤੇ ਘਬਰਾਹਟ ਵਿੱਚ ਇੱਧਰ-ਉੱਧਰ ਦੌੜਣ ਲੱਗੇ। ਟਰੇਨ ਨੂੰ ਕਿਸੇ ਯਾਤਰੀ ਵੱਲੋਂ ਚੇਨ ਖਿੱਚ ਕੇ ਰੋਕਿਆ ਗਿਆ, ਜਿਸ ਨਾਲ ਇਕ ਸੰਭਾਵਿਤ ਵੱਡਾ ਹਾਦਸਾ ਟਲ ਗਿਆ।
ਅੱਗ ਕਿਵੇਂ ਲੱਗੀ? ਅਸਲੀ ਕਾਰਣ ਸਾਹਮਣੇ ਆਇਆ
ਸ਼ੁਰੂਆਤੀ ਜਾਂਚ ਤੋਂ ਬਾਅਦ ਇਹ ਸਪੱਸ਼ਟ ਹੋਇਆ ਕਿ ਟਰੇਨ ਵਿੱਚ ਅੱਗ ਨਹੀਂ ਲੱਗੀ ਸੀ, ਬਲਕਿ ਕਿਸੇ ਯਾਤਰੀ ਨੇ ਚੇਨ ਪੁਲਿੰਗ ਕਰ ਦਿੱਤੀ ਸੀ, ਜਿਸ ਕਰਕੇ ਬ੍ਰੇਕ ਬਾਈਂਡਿੰਗ (ਬ੍ਰੇਕ ਜਾਮ ਹੋ ਜਾਣਾ) ਦੀ ਸਥਿਤੀ ਬਣ ਗਈ ਸੀ ਅਤੇ ਪਹੀਿਆਂ ਕੋਲੋਂ ਧੂੰਆ ਨਿਕਲਣ ਲੱਗਾ। ਇਸ ਧੂੰਏ ਨੂੰ ਦੇਖ ਕੇ ਪਹਿਲਾਂ ਇਹ ਲੱਗਿਆ ਕਿ ਟਰੇਨ ਵਿੱਚ ਅੱਗ ਲੱਗ ਗਈ ਹੋਵੇ, ਪਰ ਡਰਾਈਵਰ ਅਤੇ ਗਾਰਡ ਦੀ ਸਮਝਦਾਰੀ ਨਾਲ ਸਥਿਤੀ ਨੂੰ ਤੁਰੰਤ ਕਾਬੂ ਕਰ ਲਿਆ ਗਿਆ।
ਪ੍ਰਸ਼ਾਸਨ ਦੀ ਤੁਰੰਤ ਕਾਰਵਾਈ ਨਾਲ ਯਾਤਰੀਆਂ ਨੂੰ ਰਾਹਤ
ਜਿਵੇਂ ਹੀ ਇਸ ਘਟਨਾ ਦੀ ਸੂਚਨਾ ਮਿਲੀ, SDM ਸਦਰ ਅਤੇ ਪੁਲਿਸ ਅਧਿਕਾਰੀ ਤੁਰੰਤ ਮੌਕੇ ਤੇ ਪਹੁੰਚੇ ਅਤੇ ਹਾਲਾਤ ਦਾ ਜਾਇਜ਼ਾ ਲਿਆ। ਨਾਲ ਹੀ ਰੇਲਵੇ ਦੀ ਤਕਨੀਕੀ ਟੀਮ ਨੂੰ ਵੀ ਬੁਲਾਇਆ ਗਿਆ, ਜਿਸਨੇ ਮੌਕੇ ‘ਤੇ ਆ ਕੇ ਜਾਂਚ ਕੀਤੀ ਅਤੇ ਇਹ ਯਕੀਨੀ ਬਣਾਇਆ ਕਿ ਹੁਣ ਟਰੇਨ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ।
ਜਾਨ-ਮਾਲ ਦਾ ਕੋਈ ਨੁਕਸਾਨ ਨਹੀਂ, ਫਿਰ ਸ਼ੁਰੂ ਹੋਈ ਯਾਤਰਾ
ਇਸ ਪੂਰੀ ਘਟਨਾ ਵਿੱਚ ਕਿਸੇ ਵੀ ਯਾਤਰੀ ਨੂੰ ਕਿਸੇ ਵੀ ਤਰ੍ਹਾਂ ਦੀ ਕੋਈ ਸੱਟ ਨਹੀਂ ਆਈ ਅਤੇ ਨਾ ਹੀ ਕੋਈ ਵੱਡਾ ਨੁਕਸਾਨ ਹੋਇਆ। ਲਗਭਗ 45 ਮਿੰਟ ਦੇ ਰੁਕਾਅ ਤੋਂ ਬਾਅਦ ਟਰੇਨ ਨੂੰ ਮੁੜ ਰਵਾਨਾ ਕੀਤਾ ਗਿਆ। ਇਸ ਦੌਰਾਨ ਸਾਰੇ ਯਾਤਰੀਆਂ ਨੂੰ ਸ਼ਾਂਤ ਕੀਤਾ ਗਿਆ ਅਤੇ ਉਹਨਾਂ ਨੂੰ ਭਰੋਸਾ ਦਿਵਾਇਆ ਗਿਆ ਕਿ ਯਾਤਰਾ ਸੁਰੱਖਿਅਤ ਹੈ।
ਯਾਤਰੀਆਂ ਨੇ ਦੱਸਿਆ ਖੌਫ ਦੀ ਘਟਨਾ
ਘਟਨਾ ਦੇ ਸਮੇਂ ਟਰੇਨ ਵਿੱਚ ਸਵਾਰ ਕੁਝ ਯਾਤਰੀਆਂ ਨੇ ਦੱਸਿਆ ਕਿ ਅਚਾਨਕ ਧੂੰਆ ਉਠਦਾ ਦੇਖ ਕੇ ਲੱਗਾ ਕਿ ਟਰੇਨ ਵਿੱਚ ਅੱਗ ਲੱਗ ਗਈ ਹੈ। ਲੋਕ ਆਪਣੀਆਂ ਸੀਟਾਂ ਛੱਡ ਕੇ ਬਾਹਰ ਵੱਲ ਦੌੜਣ ਲੱਗੇ। ਇੱਕ ਯਾਤਰੀ ਨੇ ਕਿਹਾ, "ਸਾਨੂੰ ਲੱਗਾ ਕਿ ਬੋਗੀ ਵਿੱਚ ਅੱਗ ਲੱਗ ਗਈ ਹੈ, ਜਾਨ ਬਚਾਉਣ ਲਈ ਅਸੀਂ ਦੌੜ ਪਏ। ਬਾਅਦ ਵਿੱਚ ਪਤਾ ਚਲਾ ਕਿ ਬ੍ਰੇਕ ਵਿੱਚ ਸਮੱਸਿਆ ਸੀ।"
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
