Ganesh Chaturthi : PM ਮੋਦੀ ਨੇ ਗਣੇਸ਼ ਉਤਸਵ 'ਤੇ ਦੇਸ਼ ਵਾਸੀਆਂ ਨੂੰ ਦਿੱਤੀ ਵਧਾਈ, CM ਯੋਗੀ ਨੇ ਵੀ ਕੀਤੀ ਖੁਸ਼ਹਾਲੀ ਦੀ ਕਾਮਨਾ

Ganesh Chaturthi 2022 : ਦੇਸ਼ ਭਰ ਵਿੱਚ ਅੱਜ ਗਣੇਸ਼ ਚਤੁਰਥੀ ਪੂਜਾ (Ganesh Chaturthi 2022) ਦੀ ਧੂਮ ਹੈ। ਥਾਂ-ਥਾਂ ਮੂਰਤੀ ਦੀ ਸਥਾਪਨਾ ਅਤੇ ਸਮਾਗਮ ਕਰਵਾਏ ਜਾ ਰਹੇ ਹਨ।

ਪੀਐੱਮ ਮੋਦੀ ਨੇ ਗਣੇਸ਼ ਉਤਸਵ ਦੀ ਦਿੱਤੀ ਵਧਾਈ

Ganesh Chaturthi 2022 : ਦੇਸ਼ ਭਰ ਵਿੱਚ ਅੱਜ ਗਣੇਸ਼ ਚਤੁਰਥੀ ਪੂਜਾ (Ganesh Chaturthi 2022) ਦੀ ਧੂਮ ਹੈ। ਥਾਂ-ਥਾਂ ਮੂਰਤੀ ਦੀ ਸਥਾਪਨਾ ਅਤੇ ਸਮਾਗਮ ਕਰਵਾਏ ਜਾ ਰਹੇ ਹਨ। ਗਣਪਤੀ ਬੱਪਾ ਮੋਰੀਆ ਦੇ ਨਾਅਰਿਆਂ ਨਾਲ ਮਾਹੌਲ ਗੂੰਜ ਰਿਹਾ ਹੈ। ਇਸ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਵਾਸੀਆਂ ਨੂੰ ਗਣੇਸ਼ ਉਤਸਵ ਦੀ ਵਧਾਈ ਦਿੱਤੀ ਹੈ। ਗਣੇਸ਼ ਚਤੁਰਥੀ ਦੀਆਂ ਸ਼ੁਭਕਾਮਨਾਵਾਂ ਦਿੰਦਿਆਂ ਉਨ੍ਹਾਂ ਕਿਹਾ ਕਿ ਭਗਵਾਨ ਗਣੇਸ਼ ਜੀ ਦਾ ਆਸ਼ੀਰਵਾਦ ਹਮੇਸ਼ਾ ਸਾਡੇ ਸਾਰਿਆਂ 'ਤੇ ਬਣਿਆ ਰਹੇ। ਇਸ ਦੇ ਨਾਲ ਹੀ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਵੀ ਸੂਬੇ ਦੇ ਲੋਕਾਂ ਨੂੰ ਗਣੇਸ਼ ਉਤਸਵ ਦੀ ਵਧਾਈ ਦਿੱਤੀ ਹੈ।

ਹਿੰਦੂ ਕੈਲੰਡਰ ਦੇ ਅਨੁਸਾਰ, ਗਣੇਸ਼ ਚਤੁਰਥੀ ਦਾ ਤਿਉਹਾਰ ਭਾਦਰਪਦ ਮਹੀਨੇ ਦੇ ਸ਼ੁਕਲ ਪੱਖ ਦੀ ਚਤੁਰਥੀ ਤਿਥੀ ਨੂੰ ਮਨਾਇਆ ਜਾਂਦਾ ਹੈ। ਮੰਨਿਆ ਜਾਂਦਾ ਹੈ ਕਿ ਇਸ ਦਿਨ ਭਗਵਾਨ ਗਣੇਸ਼ ਦਾ ਜਨਮ ਹੋਇਆ ਸੀ।

ਪੀਐਮ ਮੋਦੀ ਨੇ ਦੇਸ਼ ਵਾਸੀਆਂ ਨੂੰ ਦਿੱਤੀ ਵਧਾਈ 
ਗਣੇਸ਼ ਚਤੁਰਥੀ 'ਤੇ ਵਧਾਈ ਦਿੰਦੇ ਹੋਏ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਅਸੀਂ ਹਮੇਸ਼ਾ ਗਣੇਸ਼ ਜੀ ਨੂੰ ਨਮਸਕਾਰ ਅਤੇ ਪੂਜਾ ਕਰਦੇ ਹਾਂ, ਜੋ ਰੁਕਾਵਟਾਂ ਨੂੰ ਨਸ਼ਟ ਕਰਦੇ ਹਨ ਅਤੇ ਜਿਨ੍ਹਾਂ ਤੋਂ ਕੰਮ ਸੰਪੰਨ ਹੁੰਦਾ ਹੈ। ਉਨ੍ਹਾਂ ਲੋਕਾਂ ਲਈ ਕਾਮਨਾ ਕਰਦੇ ਹੋਏ ਕਿਹਾ ਕਿ ਗਣੇਸ਼ ਜੀ ਦਾ ਆਸ਼ੀਰਵਾਦ ਹਮੇਸ਼ਾ ਸਾਡੇ ਸਾਰਿਆਂ 'ਤੇ ਬਣਿਆ ਰਹੇ। ਤੁਹਾਨੂੰ ਗਣੇਸ਼ ਚਤੁਰਥੀ ਦੀਆਂ ਬਹੁਤ ਬਹੁਤ ਮੁਬਾਰਕਾਂ। ਗਣਪਤੀ ਬੱਪਾ ਮੋਰਿਆ!

यतो बुद्धिरज्ञाननाशो मुमुक्षोः, यतः सम्पदो भक्तसन्तोषिकाः स्युः।

यतो विघ्ननाशो यतः कार्यसिद्धिः, सदा तं गणेशं नमामो भजामः।।

गणेश चतुर्थी की ढेरों शुभकामनाएं। गणपति बाप्पा मोरया!

Best wishes on Ganesh Chaturthi. May the blessings of Bhagwan Shri Ganesh always remain upon us. pic.twitter.com/crUwqL6VdH

— Narendra Modi (@narendramodi) August 31, 2022

 

ਸੀਐਮ ਯੋਗੀ ਨੇ ਵੀ ਖੁਸ਼ਹਾਲੀ ਦੀ ਕੀਤੀ ਕਾਮਨਾ 
ਦੂਜੇ ਪਾਸੇ ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਆਦਿਤਿਆਨਾਥ ਨੇ ਵੀ ਗਣੇਸ਼ ਚਤੁਰਥੀ ਦੀ ਵਧਾਈ ਦਿੱਤੀ ਹੈ। ਮੁੱਖ ਮੰਤਰੀ ਯੋਗੀ ਨੇ ਟਵੀਟ ਕੀਤਾ, "ਪਵਿੱਤਰ ਤਿਉਹਾਰ 'ਸ਼੍ਰੀ ਗਣੇਸ਼ ਚਤੁਰਥੀ' 'ਤੇ ਰਾਜ ਦੇ ਸਾਰੇ ਲੋਕਾਂ ਅਤੇ ਸ਼ਰਧਾਲੂਆਂ ਨੂੰ ਦਿਲੋਂ ਸ਼ੁਭਕਾਮਨਾਵਾਂ ! ਵਿਘਨਹਰਤਾ, ਮੰਗਲਕਰਤਾ ਭਗਵਾਨ ਸ੍ਰੀ ਗਣੇਸ਼ ਨੂੰ ਪ੍ਰਾਰਥਨਾ ਹੈ ਕਿ ਸਭ ਨੂੰ ਖੁਸ਼ਹਾਲੀ, ਸੁਖ ਸਮ੍ਰਿਧੀ ਅਤੇ ਅਰੋਗਤਾ ਦਾ ਆਸ਼ੀਰਵਾਦ ਦੇਣ ।

समस्त प्रदेश वासियों एवं श्रद्धालुओं को पावन पर्व 'श्री गणेश चतुर्थी' की हार्दिक बधाई एवं शुभकामनाएं!

विघ्नहर्ता, मंगलकर्ता, भगवान श्री गणेश से प्रार्थना है कि सबको सुख-समृद्धि तथा आरोग्यता का आशीर्वाद प्रदान करें।

— Yogi Adityanath (@myogiadityanath) August 30, 2022

ਸ਼ੁਭ ਸਮਾਂ ਅਤੇ ਪੂਜਾ ਵਿਧੀ
ਗਣੇਸ਼ ਚਤੁਰਥੀ 2022 ਦੇ ਦਿਨ, ਸੂਰਜ ਚੜ੍ਹਨ ਤੋਂ ਪਹਿਲਾਂ ਇਸ਼ਨਾਨ ਕਰਨਾ ਚਾਹੀਦਾ ਹੈ ਅਤੇ ਵਰਤ ਦਾ ਪ੍ਰਣ ਲੈਣਾ ਚਾਹੀਦਾ ਹੈ। ਜਿੱਥੇ ਗਣਪਤੀ ਬੱਪਾ ਦੀ ਸਥਾਪਨਾ ਕੀਤੀ ਜਾਣੀ ਹੈ, ਉਸ ਸਥਾਨ ਨੂੰ ਗੰਗਾਜਲ ਛਿੜਕ ਕੇ ਪਵਿੱਤਰ ਕਰੋ। ਪੂਜਾ ਸਥਾਨ ਨੂੰ ਉੱਤਰ-ਪੂਰਬ ਦਿਸ਼ਾ ਵਿੱਚ ਰੱਖੋ ਅਤੇ ਉਸ ਉੱਤੇ ਲਾਲ ਜਾਂ ਸਫੈਦ ਕੱਪੜਾ ਵਿਛਾ ਕੇ ਪੂਜਾ ਸਮੱਗਰੀ ਤਿਆਰ ਕਰੋ। ਭਾਦਰਪਦ ਸ਼ੁਕਲ ਪੱਖ ਚਤੁਰਥੀ ਮਿਤੀ 30 ਅਗਸਤ 2022, ਦੁਪਹਿਰ 3.33 ਤੋਂ 31 ਅਗਸਤ 2022, ਦੁਪਹਿਰ 3.22 ਵਜੇ ਹੈ। ਪੰਚਾਗਾਂ ਵਿੱਚ ਗਣੇਸ਼ ਜੀ ਦੀ ਸਥਾਪਨਾ ਦਾ ਸ਼ੁਭ ਸਮਾਂ 31 ਅਗਸਤ ਯਾਨੀ ਅੱਜ ਸਵੇਰੇ 11.05 ਵਜੇ ਤੋਂ ਦੁਪਹਿਰ 1.38 ਵਜੇ ਤੱਕ ਦੱਸਿਆ ਗਿਆ ਹੈ