Power - ਆਮ ਲੋਕਾਂ ਨੂੰ ਝਟਕਾ, ਬਿਜਲੀ ਦੀਆਂ ਕੀਮਤਾਂ 'ਚ ਹੋਇਆ ਵਾਧਾ, 10 ਫੀਸਦ ਵਧਾਏ ਰੇਟ
Power tariff increased : ਦਿੱਲੀ ਬਿਜਲੀ ਰੈਗੂਲੇਟਰੀ ਕਮਿਸ਼ਨ (DERC) ਨੇ ਪਾਵਰ ਡਿਸਕਾਮ, BYPL (BSES ਯਮੁਨਾ) ਅਤੇ BRPL (BSES ਰਾਜਧਾਨੀ) ਦੀਆਂ ਪਟੀਸ਼ਨਾਂ ਨੂੰ ਸਵੀਕਾਰ ਕਰ ਲਿਆ ਹੈ। ਡੀਈਆਰਸੀ ਨੇ 22 ਜੂਨ ਦੇ ਇੱਕ ਹੁਕਮ ਵਿੱਚ ਇਨ੍ਹਾਂ..
ਨਵੀਂ ਦਿੱਲੀ : ਆਮ ਆਦਮੀ ਪਾਰਟੀ ਦੀ ਸਰਕਾਰ ਦੇ ਕਾਰਜਕਾਲ 'ਚ ਆਮ ਜਨਤਾ ਨੂੰ ਇੱਕ ਵੱਡਾ ਝਟਕਾ ਦੇ ਦਿੱਤਾ ਹੈ। ਰਾਜਧਾਨੀ ਦਿੱਲੀ ਵਿੱਚ ਬਿਜਲੀ ਦਰਾਂ 'ਚ ਵਾਧਾ ਕੀਤਾ ਗਿਆ ਹੈ। ਦਿੱਲੀ ਵਿੱਚ PPAC (ਪਾਵਰ ਪਰਚੇਜ਼ ਐਗਰੀਮੈਂਟ ਕਾਸਟ) ਰਾਹੀਂ ਬਿਜਲੀ ਡਿਊਟੀ ਵਧਾਈ ਗਈ ਹੈ। ਦੱਖਣੀ ਦਿੱਲੀ, ਪੱਛਮੀ ਦਿੱਲੀ, ਦਿੱਲੀ ਦੇ ਟਰਾਂਸ-ਯਮੁਨਾ ਖੇਤਰਾਂ, ਪੁਰਾਣੀ ਦਿੱਲੀ ਅਤੇ ਨਵੀਂ ਦਿੱਲੀ ਦੇ ਵਸਨੀਕਾਂ ਨੂੰ ਇਸ ਵਾਧੇ ਨਾਲ ਝਟਕਾ ਲੱਗਾ ਹੈ। BSES ਖੇਤਰਾਂ ਵਿੱਚ ਬਿਜਲੀ ਦੀ ਖਪਤ ਲਗਭਗ 10% ਮਹਿੰਗੀ ਹੋ ਜਾਵੇਗੀ। ਇੰਨਾ ਹੀ ਨਹੀਂ, ਇਸ ਦਾ ਅਸਰ NDMC (ਨਵੀਂ ਦਿੱਲੀ ਖੇਤਰ) 'ਚ ਰਹਿਣ ਵਾਲੇ ਲੋਕਾਂ 'ਤੇ ਵੀ ਪਵੇਗਾ।
ਦਰਅਸਲ, ਦਿੱਲੀ ਬਿਜਲੀ ਰੈਗੂਲੇਟਰੀ ਕਮਿਸ਼ਨ (DERC) ਨੇ ਪਾਵਰ ਡਿਸਕਾਮ, BYPL (BSES ਯਮੁਨਾ) ਅਤੇ BRPL (BSES ਰਾਜਧਾਨੀ) ਦੀਆਂ ਪਟੀਸ਼ਨਾਂ ਨੂੰ ਸਵੀਕਾਰ ਕਰ ਲਿਆ ਹੈ। ਡੀਈਆਰਸੀ ਨੇ 22 ਜੂਨ ਦੇ ਇੱਕ ਹੁਕਮ ਵਿੱਚ ਇਨ੍ਹਾਂ ਕੰਪਨੀਆਂ ਦੀ ਬਿਜਲੀ ਖਰੀਦ ਦੀ ਉੱਚ ਕੀਮਤ ਦੇ ਆਧਾਰ 'ਤੇ ਟੈਰਿਫ ਵਧਾਉਣ ਦੀ ਮੰਗ ਨੂੰ ਕੀਤਾ ਹੈ।
ਅਗਲੇ 9 ਮਹੀਨਿਆਂ ਲਈ, (ਜੁਲਾਈ 2023 ਤੋਂ ਮਾਰਚ 2024) BYPL ਖਪਤਕਾਰਾਂ ਨੂੰ 9.42% ਵਾਧੂ ਟੈਰਿਫ ਦਾ ਭੁਗਤਾਨ ਕਰਨਾ ਪਵੇਗਾ, ਜਦੋਂ ਕਿ BRPL ਖਪਤਕਾਰਾਂ ਨੂੰ 6.39% ਵਾਧੂ ਟੈਰਿਫ ਦਾ ਭੁਗਤਾਨ ਕਰਨਾ ਪਵੇਗਾ ਇਸ ਤੋਂ ਇਲਾਵਾ NDMC ਖੇਤਰ ਵਿੱਚ ਰਹਿਣ ਵਾਲੇ ਲੋਕਾਂ ਨੂੰ ਇਸੇ ਮਿਆਦ ਵਿੱਚ 2% ਵਾਧੂ ਟੈਰਿਫ ਦਾ ਭੁਗਤਾਨ ਕਰਨਾ ਹੋਵੇਗਾ। ਇਹ ਖਰਚੇ ਇਹਨਾਂ ਖੇਤਰਾਂ ਲਈ ਪਹਿਲਾਂ ਹੀ ਲਾਗੂ PPAC (ਪਾਵਰ ਪਰਚੇਜ਼ ਐਗਰੀਮੈਂਟ ਕੋਸਟ) ਤੋਂ ਇਲਾਵਾ ਹੋਣਗੇ ਜੋ ਕਿ NDMC ਲਈ 28%, BRPL ਲਈ 20.69% ਅਤੇ BYPL ਲਈ 22.18% ਹੈ।
ਟੀਪੀਡੀਡੀਐਲ (ਟਾਟਾ ਪਾਵਰ ਦਿੱਲੀ ਡਿਸਟ੍ਰੀਬਿਊਸ਼ਨ ਲਿਮਟਿਡ) ਦੇ ਖੇਤਰਾਂ ਵਿੱਚ ਰਹਿਣ ਵਾਲੇ ਖਪਤਕਾਰਾਂ ਨੂੰ ਰਾਹਤ ਮਿਲੇਗੀ, ਉਨ੍ਹਾਂ ਲਈ ਕੋਈ ਵਾਧਾ ਨਹੀਂ ਹੋਵੇਗਾ। ਇਸ ਵਿੱਚ ਉੱਤਰੀ ਅਤੇ ਉੱਤਰ ਪੱਛਮੀ ਦਿੱਲੀ ਦੇ ਖੇਤਰ ਸ਼ਾਮਲ ਹਨ। ਦਰਅਸਲ, ਇਨ੍ਹਾਂ ਕੰਪਨੀਆਂ ਨੇ ਪਿਛਲੇ ਮਹੀਨੇ ਕਮਿਸ਼ਨ ਨੂੰ ਇੱਕ ਪੱਤਰ ਰਾਹੀਂ ਪੀਪੀਏਸੀ ਵਿੱਚ ਫੌਰੀ ਵਾਧੇ ਦੀ ਮੰਗ ਕਰਦੇ ਹੋਏ ਦਾਅਵਾ ਕੀਤਾ ਹੈ ਕਿ ਉਨ੍ਹਾਂ ਨੂੰ ਵਾਧੂ, ਬੀਵਾਈਪੀਐਲ- 45.64% ਅਤੇ ਬੀਆਰਪੀਐਲ- 48.47%, ਪੀ.ਪੀ.ਏ.ਸੀ. ਇਨ੍ਹਾਂ ਕੰਪਨੀਆਂ ਵੱਲੋਂ ਕੀਤੇ ਗਏ ਸਾਰੇ ਖਰਚਿਆਂ ਨੂੰ ਵਿਚਾਰ ਕੇ 22 ਜੂਨ ਨੂੰ ਹੁਕਮ ਜਾਰੀ ਕੀਤੇ ਗਏ ਹਨ
ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ। ਸਾਡੀ ABP ਸਾਂਝਾ ਦੀ ਵੈੱਬਸਾਈਟ https://punjabi.abplive.com/ 'ਤੇ ਜਾ ਕੇ ਵੀ ਖ਼ਬਰਾਂ ਨੂੰ ਪੜ੍ਹ ਸਕਦੇ ਹੋ।
Before You Go
ਧਾਰਮਿਕ ਫ਼ੈਸਲੇ ਤੋਂ ਬਾਅਦ AAP MLA ਦਾ ਜਥੇਦਾਰ ਨੂੰ ਸਿੱਧਾ ਚੈਲੇਂਜ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
