ਪ੍ਰਧਾਨ ਮੰਤਰੀ ਮੋਦੀ ਦਾ ਵੱਡਾ ਐਲਾਨ, ਕੁੱਝ ਹਫ਼ਤਿਆਂ 'ਚ ਆਏਗੀ ਕੋਰੋਨਾ ਵੈਕਸੀਨ

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਵਿੱਚ ਕੋਰੋਨਾ ਵਾਇਰਸ ਦੀ ਸਥਿਤੀ 'ਤੇ ਸਰਬ ਪਾਰਟੀ ਬੈਠਕ ਦੀ ਪ੍ਰਧਾਨਗੀ ਕੀਤੀ। ਪੀਐਮ ਮੋਦੀ ਨੇ ਵੀਡੀਓ ਕਾਨਫਰੰਸਿੰਗ ਰਾਹੀਂ ਸਰਬ ਪਾਰਟੀ ਮੀਟਿੰਗ ਨੂੰ ਸੰਬੋਧਿਤ ਕੀਤਾ।

ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਵਿੱਚ ਕੋਰੋਨਾ ਵਾਇਰਸ ਦੀ ਸਥਿਤੀ 'ਤੇ ਸਰਬ ਪਾਰਟੀ ਬੈਠਕ ਦੀ ਪ੍ਰਧਾਨਗੀ ਕੀਤੀ। ਪੀਐਮ ਮੋਦੀ ਨੇ ਵੀਡੀਓ ਕਾਨਫਰੰਸਿੰਗ ਰਾਹੀਂ ਸਰਬ ਪਾਰਟੀ ਮੀਟਿੰਗ ਨੂੰ ਸੰਬੋਧਿਤ ਕੀਤਾ। ਪੀਐਮ ਮੋਦੀ ਨੇ ਕਿਹਾ, "ਕੋਰੋਨਾ ਟੀਕਾ ਅਗਲੇ ਕੁਝ ਹਫ਼ਤਿਆਂ ਵਿੱਚ ਆ ਜਾਏਗਾ। ਫਿਲਹਾਲ ਅਸੀਂ ਬਾਜ਼ਾਰ ਵਿੱਚ ਕਈ ਹੋਰ ਟੀਕਿਆਂ ਦੇ ਨਾਮ ਸੁਣ ਰਹੇ ਹਾਂ ਪਰ ਵਿਸ਼ਵ ਸਭ ਤੋਂ ਘੱਟ ਮੁੱਲ ਵਾਲੇ, ਸਭ ਤੋਂ ਵੱਧ ਸੁਰੱਖਿਅਤ ਟੀਕੇ’ ਤੇ ਨਜ਼ਰ ਮਾਰ ਰਿਹਾ ਹੈ ਅਤੇ ਇਸ ਲਈ ਪੂਰੀ ਦੁਨੀਆ ਦੀ ਨਜ਼ਰ ਭਾਰਤ ਤੇ ਵੀ ਹੈ।"

ਸਰਬ ਪਾਰਟੀ ਬੈਠਕ ਵਿੱਚ, ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, "ਇੱਥੇ ਲਗਭਗ 8 ਅਜਿਹੇ ਸੰਭਾਵਿਤ ਟੀਕੇ ਹਨ ਜੋ ਅਜ਼ਮਾਇਸ਼ ਦੇ ਵੱਖ-ਵੱਖ ਪੜਾਵਾਂ ਵਿੱਚ ਹਨ ਅਤੇ ਜੋ ਸਿਰਫ ਭਾਰਤ ਵਿੱਚ ਪੈਦਾ ਕੀਤੇ ਜਾਣੇ ਹਨ। ਭਾਰਤ ਦੇ ਆਪਣੇ 3 ਟੀਕੇ ਟਰਾਇਲ ਵੱਖ-ਵੱਖ ਪੜਾਵਾਂ ਵਿੱਚ ਹਨ। ਮਾਹਰ ਮੰਨ ਰਹੇ ਹਨ ਕਿ ਟੀਕੇ ਲਈ ਹੁਣ ਇੰਤਜ਼ਾਰ ਜ਼ਿਆਦਾ ਨਹੀਂ ਹੋਵੇਗਾ। ਇਹ ਵਿਸ਼ਵਾਸ ਕੀਤਾ ਜਾਂਦਾ ਹੈ ਕਿ ਅਗਲੇ ਕੁਝ ਹਫ਼ਤਿਆਂ ਵਿੱਚ ਕੋਰੋਨਾ ਟੀਕਾ ਤਿਆਰ ਹੋ ਜਾਵੇਗਾ।ਜਿਵੇਂ ਹੀ ਵਿਗਿਆਨੀਆਂ ਤੋਂ ਹਰੀ ਝੰਡੀ ਮਿਲਦੀ ਹੈ ਤਾਂ ਭਾਰਤ ਵਿੱਚ ਟੀਕਾਕਰਨ ਮੁਹਿੰਮ ਦੀ ਸ਼ੁਰੂਆਤ ਕੀਤੀ ਜਾਏਗੀ।"

ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ, ਭਾਰਤ ਨੇ ਫਰਵਰੀ-ਮਾਰਚ ਦੇ ਭੈਅ, ਡਰ ਨਾਲ ਭਰੇ ਮਾਹੌਲ ਤੋਂ ਲੈ ਕੇ ਅੱਜ ਦਸੰਬਰ ਦੇ ਆਤਮਵਿਸ਼ਵਾਸ ਅਤੇ ਆਸ਼ਾਵਾਦੀ ਮਾਹੌਲ ਤੱਕ ਬਹੁਤ ਲੰਬੀ ਯਾਤਰਾ ਕੀਤੀ ਹੈ। ਹੁਣ ਜਦੋਂ ਅਸੀਂ ਟੀਕੇ ਦੇ ਕੰਡੇ ਖੜੇ ਹਾਂ, ਉਹੀ ਜਨਤਕ ਭਾਗੀਦਾਰੀ, ਉਹੀ ਵਿਗਿਆਨਕ ਪਹੁੰਚ, ਉਹੀ ਸਹਿਯੋਗ ਭਵਿੱਖ ਵਿੱਚ ਵੀ ਬਹੁਤ ਜ਼ਰੂਰੀ ਹੈ।