ਸਰਕਾਰ ਸੁੱਤੀ ਰਹੀ, ਫੌਜੀ ਜਾਨਾਂ ਦੇ ਚੁਕਾਉਂਦੇ ਰਹੇ ਕੀਮਤ, ਰਾਹੁਲ ਦਾ ਮੋਦੀ 'ਤੇ ਮੁੜ ਹਮਲਾ
ਏਬੀਪੀ ਸਾਂਝਾ | 19 Jun 2020 02:43 PM (IST)
ਰਾਹੁਲ ਗਾਂਧੀ ਨੇ ਪਹਿਲਾਂ ਭਾਰਤੀ ਸੈਨਿਕਾਂ ਦੇ ਐਲਏਸੀ 'ਤੇ ਬਿਨਾਂ ਹਥਿਆਰਾਂ ਦੇ ਜਾਣ ਦੇ ਫੈਸਲੇ 'ਤੇ ਵੀ ਸਰਕਾਰ ਨੂੰ ਘੇਰਿਆ ਸੀ। ਇਸ 'ਤੇ ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਨੇ ਜਵਾਬ ਦਿੱਤਾ ਕਿ ਫੌਜੀਆਂ ਕੋਲ ਹਥਿਆਰ ਸੀ ਪਰ ਸਮਝੌਤੇ ਤਹਿਤ ਦੋਵੇਂ ਦੇਸ਼ ਫਾਇਰ ਨਹੀਂ ਕਰਦੇ।
ਨਵੀਂ ਦਿੱਲੀ: ਲੱਦਾਖ ਦੀ ਗਲਵਾਨ ਘਾਟੀ ਵਿੱਚ 20 ਜਵਾਨਾਂ ਦੀ ਸ਼ਹਾਦਤ ਦੇ ਮੁੱਦੇ 'ਤੇ ਸਾਬਕਾ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਸ਼ੁੱਕਰਵਾਰ ਨੂੰ ਦਾਅਵਾ ਕੀਤਾ ਕਿ ਸਰਕਾਰ ਚੀਨੀ ਹਮਲੇ ਦੇ ਇਰਾਦੇ ਤੋਂ ਅਣਜਾਣ ਸੀ, ਜਿਸ ਦਾ ਭੁਗਤਾਨ ਭਾਰਤੀ ਸੈਨਿਕਾਂ ਨੂੰ ਕਰਨਾ ਪਿਆ। ਸਰਕਾਰ ਸੁੱਤੀ ਰਹੀ, ਮੁੱਲ ਸਿਪਾਹੀਆਂ ਨੇ ਚੁਕਾਏ: ਉਨ੍ਹਾਂ ਨੇ ਟਵੀਟ ਕਰਦਿਆਂ ਰੱਖਿਆ ਰਾਜ ਮੰਤਰੀ ਸ਼੍ਰੀਪਦ ਨਾਇਕ ਦੇ ਬਿਆਨ ਨਾਲ ਜੁੜੀਆਂ ਖ਼ਬਰਾਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ, “ਇਹ ਗੱਲ ਪੂਰੀ ਤਰ੍ਹਾਂ ਸਪੱਸ਼ਟ ਹੋ ਗਈ ਹੈ ਕਿ ਗਲਵਾਨ ਘਾਟੀ ਵਿੱਚ ਚੀਨੀ ਹਮਲਾ ਪਹਿਲਾਂ ਤੋਂ ਯੋਜਨਾਬੱਧ ਸੀ। ਸਰਕਾਰ ਸੌਂ ਰਹੀ ਸੀ ਤੇ ਸਮੱਸਿਆ ਤੋਂ ਇਨਕਾਰ ਕੀਤਾ। ਸਾਡੇ ਸ਼ਹੀਦ ਸੈਨਿਕਾਂ ਨੂੰ ਇਸ ਦੀ ਕੀਮਤ ਚੁਕਾਉਣੀ ਪਈ।”