ਸਰਕਾਰ ਕਿਸਾਨਾਂ ਨਾਲ ਕਰ ਰਹੀ ਹੈ ਧੋਖਾ, ਮੁੜ ਤੋਂ ਹੋਵੇਗਾ ਵੱਡਾ ਅੰਦੋਲਨ-ਟਿਕੈਤ
ਉੱਤਰ ਪ੍ਰਦੇਸ਼, ਪੰਜਾਬ, ਹਰਿਆਣਾ ਵਿੱਚ ਸਰਕਾਰ ਪਿੰਡ ਦੀ ਸੁਸਾਇਟੀ ਅਤੇ ਜ਼ਮੀਨ ਲੀਜ਼ ’ਤੇ ਲੈਣ ਦਾ ਕੰਮ ਕਰ ਰਹੀ ਹੈ। ਇਸ ਦੇ ਲਈ ਕਿਸਾਨਾਂ ਨੂੰ ਇਕਜੁੱਟ ਹੋ ਕੇ ਵੱਡੀ ਲੜਾਈ ਲੜਨੀ ਪਵੇਗੀ।
Rakesh Tikait: ਭਾਰਤੀ ਕਿਸਾਨ ਯੂਨੀਅਨ ਦੇ ਕੌਮੀ ਬੁਲਾਰੇ ਰਾਕੇਸ਼ ਟਿਕੈਤ (Rakesh Tikait) ਅਲੀਗੜ੍ਹ ਦੇ ਤਪਲ ਇਲਾਕੇ ਵਿੱਚ ਕਿਸਾਨ ਆਗੂ ਵਿਜੇ ਤੱਲਣ ਦੇ ਘਰ ਪਹੁੰਚੇ। ਇਸ ਦੌਰਾਨ ਘੱਟੋ ਘੱਟ ਸਮਰਥਣ ਮੁੱਲ (MSP) ਦੇ ਸਵਾਲ 'ਤੇ ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਸਰਕਾਰ ਕਿਸਾਨਾਂ ਨਾਲ ਧੋਖਾ ਕਰ ਰਹੀ ਹੈ। ਵੱਡੇ ਵਪਾਰੀਆਂ ਨੂੰ ਕਿਵੇਂ ਫਾਇਦਾ ਹੋਵੇਗਾ ਇਸ 'ਤੇ ਕੰਮ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਨੂੰ ਸਸਤੀ ਜ਼ਮੀਨ, ਸਸਤਾ ਅਨਾਜ ਦੇ ਕੇ ਲਾਭ ਪਹੁੰਚਾਇਆ ਜਾ ਰਿਹਾ ਹੈ। ਸਰਕਾਰ ਵਪਾਰੀਆਂ ਦੇ ਹੱਕ ਵਿੱਚ ਕੰਮ ਕਰ ਰਹੀ ਹੈ।
ਐੱਮਐੱਸਪੀ ਬਾਰੇ ਕੀ ਕਿਹਾ
ਟਿਕੈਤ ਨੇ ਕਿਹਾ ਕਿ ਜੇ ਸਰਕਾਰ ਐੱਮਐੱਸਪੀ ਨੂੰ ਕਾਨੂੰਨ ਗਾਰੰਟੀ ਬਣਾਉਂਦੀ ਹੈ ਤਾਂ ਬਿਹਾਰ ਦਾ ਕਿਸਾਨ 800 ਰੁਪਏ ਵਿੱਚ ਆਪਣਾ ਝੋਨਾ ਨਹੀਂ ਵੇਚੇਗਾ। ਉੱਤਰ ਪ੍ਰਦੇਸ਼, ਪੰਜਾਬ, ਹਰਿਆਣਾ ਦੇ ਕਿਸਾਨ ਸਸਤੇ ਭਾਅ ਨਹੀਂ ਵੇਚਣਗੇ। ਇਸ ਲਈ ਸਰਕਾਰ ਐੱਮਐੱਸਪੀ ਨੂੰ ਕਾਨੂੰਨ ਗਾਰੰਟੀ ਨਹੀਂ ਦੇਵੇਗੀ, ਕਿਉਂਕਿ ਵਪਾਰੀ ਨੂੰ ਅਨਾਜ ਸਸਤੇ ਵਿੱਚ ਦੇਣਾ ਪੈਂਦਾ ਹੈ ਅਤੇ ਖਪਤਕਾਰਾਂ ਨੂੰ ਮਹਿੰਗੇ ਭਾਅ ’ਤੇ ਅਨਾਜ ਵੇਚਣ ਦਾ ਕੰਮ ਵਪਾਰੀ ਹੀ ਕਰਨਗੇ।
ਇਹ ਵੀ ਪੜ੍ਹੋ:
ਦੇਸ਼ ਵਿੱਚ ਹੋਵੇਗਾ ਅੰਦੋਲਨ
ਟਿਕੈਤ ਨੇ ਕਿਹਾ ਕਿ ਉੱਤਰ ਪ੍ਰਦੇਸ਼, ਪੰਜਾਬ, ਹਰਿਆਣਾ ਵਿੱਚ ਸਰਕਾਰ ਪਿੰਡ ਦੀ ਸੁਸਾਇਟੀ ਅਤੇ ਜ਼ਮੀਨ ਲੀਜ਼ ’ਤੇ ਲੈਣ ਦਾ ਕੰਮ ਕਰ ਰਹੀ ਹੈ। ਇਸ ਦੇ ਲਈ ਕਿਸਾਨਾਂ ਨੂੰ ਇਕਜੁੱਟ ਹੋ ਕੇ ਵੱਡੀ ਲੜਾਈ ਲੜਨੀ ਪਵੇਗੀ। ਇਸ ਦੇ ਨਾਲ ਹੀ ਮੇਘਾਲਿਆ ਦੇ ਰਾਜਪਾਲ ਸੱਤਿਆਪਾਲ ਮਲਿਕ ਵੱਲੋਂ ਇਕ ਹੋਰ ਕਿਸਾਨ ਅੰਦੋਲਨ ਛੇੜਨ ਦੇ ਸਵਾਲ 'ਤੇ ਰਾਕੇਸ਼ ਟਿਕੈਤ ਨੇ ਕਿਹਾ ਕਿ ਉਹ ਸਰਕਾਰ 'ਚ ਸ਼ਾਮਲ ਹਨ। ਉਨ੍ਹਾਂ ਕਿਹਾ ਕਿ ਦੇਸ਼ 'ਚ ਅੰਦੋਲਨ ਹੋਵੇਗਾ, ਕਦੋਂ ਹੋਵੇਗਾ, ਉਸ ਦਾ ਸਥਾਨ ਕਿੱਥੇ ਹੋਵੇਗਾ, ਕਿਹੜੇ ਮੁੱਦੇ ਹੋਣਗੇ, ਇਹ ਤੈਅ ਹੋਵੇਗਾ ਪਰ ਹੁਣ ਦੇਸ਼ 'ਚ ਵੱਡੇ ਅੰਦੋਲਨ ਹੋਣਗੇ।
ਐੱਮਐੱਸਪੀ ਨੂੰ ਲੈ ਕੇ ਹੋਵੇਗਾ ਅੰਦੋਲਨ
ਟਿਕੈਤ ਨੇ ਕਿਹਾ ਕਿ ਐੱਮਐੱਸਪੀ ਨੂੰ ਲੈ ਕੇ ਦੇਸ਼ ਵਿੱਚ ਵੱਡਾ ਅੰਦੋਲਨ ਹੋਵੇਗਾ ਅਤੇ ਹੋਰ ਮੁੱਦੇ ਵੀ ਹਨ। ਸਰਕਾਰ ਜ਼ਮੀਨ, ਬੈਂਕਿੰਗ, ਪਸ਼ੂ, ਬੀਜ ਬੈਂਕ ਵਰਗੇ ਕਾਨੂੰਨ ਲਿਆ ਰਹੀ ਹੈ, ਜਿਸ ਨਾਲ ਕਿਸਾਨਾਂ ਅਤੇ ਮਜ਼ਦੂਰਾਂ ਦਾ ਨੁਕਸਾਨ ਹੋਵੇਗਾ। ਉਨ੍ਹਾਂ ਕਿਹਾ ਕਿ ਅਗਨੀਵੀਰ ਸਕੀਮ ਵੀ ਸਰਕਾਰ ਦੀ ਫਲਾਪ ਸਕੀਮ ਹੈ। ਦੇਸ਼ ਦੇ ਨੌਜਵਾਨ ਵੀ ਇਸ ਅੰਦੋਲਨ ਵਿੱਚ ਸ਼ਾਮਲ ਹੋਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
