(Source: ECI/ABP News/ABP Majha)
Coonoor Chopper Crash: ਚਸ਼ਮਦੀਦ ਨੇ ਦੱਸੀ ਹਾਦਸੇ ਦੀ ਕਹਾਣੀ, ਲੋਕਾਂ ਨੂੰ ਸੜ੍ਹਦੇ 'ਤੇ ਡਿੱਗਦੇ ਵੇਖਿਆ
ਚੀਫ਼ ਆਫ਼ ਡਿਫੈਂਸ ਸਟਾਫ਼ ਬਿਪਿਨ ਰਾਵਤ ਅਤੇ 13 ਹੋਰਾਂ ਨੂੰ ਲੈ ਕੇ ਜਾ ਰਿਹਾ ਫੌਜ ਦਾ ਹੈਲੀਕਾਪਟਰ ਬੁੱਧਵਾਰ, 8 ਦਸੰਬਰ ਨੂੰ ਕੂਨੂਰ ਨੇੜੇ ਹਾਦਸਾਗ੍ਰਸਤ ਹੋ ਗਿਆ।
CDS Chopper Crash: ਚੀਫ਼ ਆਫ਼ ਡਿਫੈਂਸ ਸਟਾਫ਼ ਬਿਪਿਨ ਰਾਵਤ ਅਤੇ 13 ਹੋਰਾਂ ਨੂੰ ਲੈ ਕੇ ਜਾ ਰਿਹਾ ਫੌਜ ਦਾ ਹੈਲੀਕਾਪਟਰ ਬੁੱਧਵਾਰ, 8 ਦਸੰਬਰ ਨੂੰ ਕੂਨੂਰ ਨੇੜੇ ਹਾਦਸਾਗ੍ਰਸਤ ਹੋ ਗਿਆ। ਜ਼ਮੀਨ 'ਤੇ ਮੌਜੂਦ ਇੱਕ ਚਸ਼ਮਦੀਦ ਨੇ ਕ੍ਰੈਸ਼ ਦੀ ਉੱਚੀ ਆਵਾਜ਼ ਸੁਣੀ ਅਤੇ ਹੈਲੀਕਾਪਟਰ ਨੂੰ ਅਸਮਾਨ ਤੋਂ ਡਿੱਗਦੇ ਅਤੇ ਅੱਗ ਦੀਆਂ ਲਪਟਾਂ ਨਾਲ ਦੇਖਿਆ। ਉਸ ਨੇ ਫਿਰ ਹੈਲੀਕਾਪਟਰ ਦੇ ਕ੍ਰੈਸ਼ ਹੋਣ 'ਤੇ ਤਿੰਨ ਤੋਂ ਚਾਰ ਲੋਕਾਂ ਨੂੰ ਡਿੱਗਦੇ ਦੇਖਿਆ।
ਕ੍ਰਿਸ਼ਨਸਵਾਮੀ, ਚਸ਼ਮਦੀਦ ਗਵਾਹ ਨੇ ਕਿਹਾ, “ਮੈਂ ਹੈਲੀਕਾਪਟਰ ਨੂੰ ਹੇਠਾਂ ਆਉਂਦੇ ਦੇਖਿਆ। ਭਿਆਨਕ ਉੱਚੀ ਆਵਾਜ਼ਾਂ ਆ ਰਹੀਆਂ ਸਨ। ਇਹ ਇੱਕ ਦਰੱਖਤ ਨਾਲ ਟਕਰਾ ਗਿਆ ਅਤੇ ਫਿਰ ਉਸਨੂੰ ਅੱਗ ਲੱਗ ਗਈ। ”ਉਨ੍ਹਾਂ ਦੱਸਿਆ ਕਿ ਹੈਲੀਕਾਪਟਰ ਜ਼ਮੀਨ 'ਤੇ ਡਿੱਗਣ ਤੋਂ ਪਹਿਲਾਂ ਨੇੜੇ ਹੀ ਇਕ ਵੱਡੇ ਦਰੱਖਤ ਨਾਲ ਟਕਰਾ ਗਿਆ।
ਕ੍ਰਿਸ਼ਨਸਵਾਮੀ ਨੇ ਦੱਸਿਆ ਕਿ ਉਸ ਦਾ ਘਰ ਹਾਦਸੇ ਵਾਲੀ ਥਾਂ ਤੋਂ ਲਗਭਗ 100 ਮੀਟਰ ਦੂਰ ਹੈ। ਇਹ ਹਾਦਸਾ ਦੁਪਹਿਰ 12.20 ਵਜੇ ਦੇ ਕਰੀਬ ਉਸ ਸਮੇਂ ਵਾਪਰਿਆ ਜਦੋਂ Mi ਸੀਰੀਜ਼ ਦਾ ਹੈਲੀਕਾਪਟਰ ਰਿਜ ਲਾਈਨ ਨਾਲ ਟਕਰਾਇਆ ਅਤੇ ਖੇਤਰ ਵਿੱਚ ਦਰੱਖਤਾਂ ਨਾਲ ਟਕਰਾ ਗਿਆ। ਹਾਦਸੇ ਵਾਲੀ ਥਾਂ ਮੇਟੂਪਲਯਾਮ ਅਤੇ ਕੂਨੂਰ ਦੇ ਵਿਚਕਾਰ ਘਾਟ ਰੋਡ 'ਤੇ ਸੀ।
“ਜਦੋਂ ਮੈਂ ਭੱਜਿਆ ਤਾਂ ਧੂੰਏਂ ਦੇ ਗੁਬਾਰ ਸਨ। ਮਿੰਟਾਂ ਵਿੱਚ, ਅੱਗ ਮੇਰੇ ਘਰ ਤੋਂ ਉੱਚੀ ਸੀ, ”ਕ੍ਰਿਸ਼ਨਸਵਾਮੀ ਨੇ ਕਿਹਾ। ਉਸਨੇ ਅਗੇ ਕਿਹਾ ਕਿ ਇਲਾਕੇ ਵਿੱਚ ਰਹਿਣ ਵਾਲੇ ਕੁਮਾਰ ਨਾਮਕ ਇੱਕ ਨੌਜਵਾਨ ਲੜਕੇ ਨੇ ਪੁਲਿਸ ਅਤੇ ਫਾਇਰ ਅਧਿਕਾਰੀਆਂ ਨੂੰ ਫੋਨ ਕੀਤਾ। ਉਸ ਤੋਂ ਠੀਕ ਬਾਅਦ, ਮੈਂ ਕਿਸੇ ਨੂੰ ਸੜਦੇ ਅਤੇ ਡਿੱਗਦੇ ਦੇਖਿਆ। ਦੋ-ਤਿੰਨ ਹੋਰ ਸੜਦੇ ਹੋਏ ਡਿੱਗ ਪਏ। ਫਿਰ ਮੈਂ ਦੂਰ ਆ ਗਿਆ ਕਿਉਂਕਿ ਮੈਂ ਡਰ ਗਿਆ ਸੀ।
ਹੈਲੀਕਾਪਟਰ 'ਤੇ ਬਿਪਿਨ ਰਾਵਤ ਦੀ ਪਤਨੀ ਮਧੁਲਿਕਾ ਸਮੇਤ ਨੌਂ ਯਾਤਰੀ ਅਤੇ ਚਾਲਕ ਦਲ ਦੇ ਪੰਜ ਮੈਂਬਰ ਸਵਾਰ ਸਨ। ਦੁਪਹਿਰ 3.20 ਵਜੇ ਤੱਕ, ਸੂਤਰਾਂ ਦਾ ਕਹਿਣਾ ਸੀ ਕਿ 11 ਦੀ ਮੌਤ ਹੋ ਗਈ ਹੈ, ਜਦਕਿ ਬਾਕੀਆਂ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ। ਬਾਕੀ ਯਾਤਰੀਆਂ ਦੀ ਹਾਲਤ ਕੀ ਹੈ, ਇਹ ਤੁਰੰਤ ਪਤਾ ਨਹੀਂ ਲੱਗ ਸਕਿਆ ਸੀ। ਪਰ ਹੁਣ ਇਹ ਸਾਫ ਹੋ ਗਿਆ ਹੈ ਕਿ ਇਸ ਹਾਦਸੇ ਵਿੱਚ ਸਿਰਫ ਇੱਕ ਗਰੁਪ ਕੈਪਟਨ ਵਰੁਣ ਸਿੰਘ ਹੀ ਬਚੇ ਹਨ ਜਦਕਿ ਬਾਕੀ ਸਾਰੇ 13 ਲੋਕਾਂ ਦੀ ਮੌਤ ਹੋ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
