ਸ਼ੇਅਰ ਬਾਜ਼ਾਰ ਨੇ ਮੁੜ ਬਣਾਇਆ ਰਿਕਾਰਡ, ਸੈਂਸਕਸ 33,693 'ਤੇ ਪੁੱਜਾ

ਪ੍ਰਤੀਕਾਤਮਕ ਤਸਵੀਰ

ਮੁੰਬਈ: ਅਮਰੀਕਾ ਦੇ ਨਵੇਂ ਫੈਡਰਲ ਰਿਜ਼ਰਵ ਮੁਖੀ ਦੇ ਨਾਂ ਦਾ ਐਲਾਨ ਹੋਣ ਤੋਂ ਬਾਅਦ ਸੈਂਸਕਸ ਅਤੇ ਨਿਫਟੀ ਨੇ ਨਵਾਂ ਰਿਕਾਰਡ ਬਨਾਇਆ। ਸੈਂਸਕਸ 33,693 ਦੇ ਨਵੇਂ ਮੁਕਾਮ 'ਤੇ ਪੁੱਜਿਆ ਜਦਕਿ ਨਿਫਟੀ 10,462 ਦੇ ਨਵੇਂ ਰਿਕਾਰਡ 'ਤੇ ਖੁੱਲ੍ਹਿਆ। 30 ਸ਼ੇਅਰਾਂ ਵਾਲਾ ਸੈਂਸਕਸ ਇੰਡੈਕਸ ਸ਼ੁੱਕਰਵਾਰ ਸਵੇਰੇ 119.36 ਪੁਆਇੰਟਾਂ ਦੇ ਉਛਾਲ ਦੇ ਨਾਲ 33,693 'ਤੇ ਖੁੱਲਿਆ ਜਦਕਿ 50 ਸ਼ੇਅਰਾਂ ਵਾਲਾ ਨਿਫਟੀ ਇੰਡੈਕਸ 37.90 ਪੁਆਇੰਟ ਉੱਤੇ ਜਾ ਕੇ 10,461 'ਤੇ ਖੁੱਲ੍ਹੇ। ਵੀਰਵਾਰ ਨੂੰ ਸੈਂਸਕਸ ਅਤੇ ਨਿਫਟੀ 33,657 ਅਤੇ 10,453 'ਤੇ ਬੰਦ ਹੋਏ ਸਨ। ਸ਼ੁਰੂਆਤੀ ਕਾਰੋਬਾਰ 'ਚ ਸ਼ੁੱਕਰਵਾਰ ਨੂੰ ਭਾਰਤੀ ਏਅਰਟੈਲ, ਐਕਸਿਸ ਬੈਂਕ, ਐਲ ਐਂਡ ਟੀ, ਡਾਕਟਰ ਰੈੱਡੀਜ਼ ਅਤੇ ਐਸ.ਬੀ.ਆਈ. ਦੇ ਸ਼ੇਅਰਾਂ ਦੀ ਕੀਮਤ 'ਚ ਵਾਧਾ ਹੋਇਆ। ਡਾਲਰ ਦੇ ਮੁਕਾਬਲੇ ਰੁਪਇਆ ਵੀ ਅੱਠ ਪੈਸੇ ਮਜ਼ਬੂਤੀ ਨਾਲ ਖੁੱਲ੍ਹਿਆ।