ਪੁਲਿਸ ਦੀ ਸੋਸ਼ਲ ਮੀਡੀਆ 'ਤੇ ਤਾਰੀਫ, ਡਿਊਟੀ 'ਤੇ ਦਿਲ ਜਿੱਤਣ ਵਾਲਾ ਕੰਮ

ਆਸਾਮ ਦੇ ਦੋ ਪੁਲਿਸ ਕਰਮੀਆਂ ਦੀ ਸੋਸ਼ਲ ਮੀਡੀਆ ‘ਤੇ ਖੂਬ ਤਾਰੀਫ ਹੋ ਰਹੀ ਹੈ। ਉਨ੍ਹਾਂ ਦੀ ਇੱਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ ਜਿਸ ‘ਚ ਉਨ੍ਹਾਂ ਦੀ ਗੋਦ ‘ਚ ਬੱਚੇ ਨਜ਼ਰ ਆ ਰਹੇ ਹਨ। ਇਨ੍ਹਾਂ ਬੱਚਿਆਂ ਦੀਆਂ ਮਾਂਵਾਂ ਪ੍ਰੀਖਿਆ ਦੇ ਰਹੀਆਂ ਹਨ।

ਨਵੀਂ ਦਿੱਲੀ: ਆਸਾਮ ਦੇ ਦੋ ਪੁਲਿਸ ਕਰਮੀਆਂ ਦੀ ਸੋਸ਼ਲ ਮੀਡੀਆ ‘ਤੇ ਖੂਬ ਤਾਰੀਫ ਹੋ ਰਹੀ ਹੈ। ਉਨ੍ਹਾਂ ਦੀ ਇੱਕ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ ਜਿਸ ‘ਚ ਉਨ੍ਹਾਂ ਦੀ ਗੋਦ ‘ਚ ਬੱਚੇ ਨਜ਼ਰ ਆ ਰਹੇ ਹਨ। ਇਨ੍ਹਾਂ ਬੱਚਿਆਂ ਦੀਆਂ ਮਾਂਵਾਂ ਪ੍ਰੀਖਿਆ ਦੇ ਰਹੀਆਂ ਹਨ। ਦਿਲ ਜਿੱਤਣ ਵਾਲੀ ਇਹ ਘਟਨਾ ਮੰਗਲਦੋਈ ਦੇ ਡੌਨ ਬਾਸਕੋ ਹਾਈ ਸਕੂਲ ਦੀ ਹੈ, ਜਿੱਥੇ ਕਈ ਮਹਿਲਾਵਾਂ ਨੇ ਟੀਈਟੀ ‘ਚ ਹਿੱਸਾ ਲਿਆ। ਪ੍ਰੀਖਿਆ ਹਾਲ ‘ਚ ਐਂਟਰੀ ਕਰਨ ਤੋਂ ਪਹਿਲਾਂ ਕੁਝ ਟੀਈਟੀ ਉਮੀਦਵਾਰਾਂ ਨੇ ਆਪਣੇ ਬੱਚੇ ਪੁਲਿਸ ਕਰਮੀਆਂ ਨੂੰ ਸੌਂਪ ਦਿੱਤੇ, ਜਿਨ੍ਹਾਂ ਨੂੰ ਪ੍ਰੀਖਿਆ ਕੇਂਦਰ ‘ਚ ਸੁਰੱਖਿਆ ਲਈ ਤਾਇਨਾਤ ਕੀਤਾ ਗਿਆ ਸੀ। ਆਸਾਮ ਪੁਲਿਸ ਨੇ ਆਪਣੇ ਅਧਿਕਾਰਤ ਟਵਿਟਰ ਹੈਂਡਲ ‘ਤੇ ਬੱਚਿਆਂ ਨੂੰ ਫੜੇ ਦੋ ਪੁਲਿਸ ਕਰਮੀਆਂ ਦੀ ਤਸਵੀਰ ਸ਼ੇਅਰ ਕੀਤੀ ਹੈ।

Mother is a verb. It’s something you do, not just who you are! Assam Police personnel in Darrang district taking care of the lil’ ones, while their mothers write the TET Exam. pic.twitter.com/u6fIx6hOjb

— Assam Police (@assampolice) November 10, 2019

ਪੋਸਟ ਵਾਇਰਲ ਹੋ ਗਈ ਤੇ ਇਸ ਨੂੰ ਵੇਖ ਕਈ ਲੋਕਾਂ ਨੇ ਇਨ੍ਹਾਂ ਦੀ ਖੂਬ ਤਾਰੀਫ ਕੀਤੀ ਹੈ। ਲੋਕਾਂ ਦਾ ਕਹਿਣਾ ਹੈ ਕਿ ਇਹ ਆਪਣੀ ਡਿਊਟੀ ਸਮੇਂ ਚੰਗਾ ਕੰਮ ਕਰ ਰਹੀਆਂ ਸੀ। ਟੀਈਟੀ ਪ੍ਰੀਖਿਆ 10 ਨਵੰਬਰ ਨੂੰ ਪੂਰੇ ਆਸਾਮ ‘ਚ ਹੋਈ ਸੀ।