ਸਬਰੀਮਾਲਾ ਮੰਦਰ 'ਚ ਦਾਖ਼ਲ ਹੋਣ ਵਾਲੀ ਪਹਿਲੀ ਮਹਿਲਾ ਨੂੰ ਸੱਸ ਨੇ ਚਾੜ੍ਹਿਆ ਕੁਟਾਪਾ..!

ਨਵੀਂ ਦਿੱਲੀ: ਕੇਰਲ ਦੇ ਸਬਰੀਮਾਲਾ ਮੰਦਰ ਵਿੱਚ ਦਾਖ਼ਲਾ ਲੈਣ ਵਾਲੀਆਂ ਦੋ ਔਰਤਾਂ ਵਿੱਚੋਂ ਇੱਕ ਦੀ ਸੱਸ ਵੱਲੋਂ ਉਸ ਨੂੰ ਕੁਟਾਪਾ ਚਾੜ੍ਹਨ ਦੀ ਖ਼ਬਰ ਹੈ। ਕਨਕਦੁਰਗਾ ਨਾਂਅ ਦੀ ਮਹਿਲਾ ਨੂੰ ਸਿਰ ਵਿੱਚ ਸੱਟ ਲੱਗੀ ਹੈ ਤੇ ਉਹ ਹਸਪਤਾਲ ਵਿੱਚ ਇਲਾਜ ਅਧੀਨ ਹੈ। ਤਾਜ਼ਾ ਜਾਣਕਾਰੀ ਮੁਤਾਬਕ ਉਸ ਨੇ ਆਪਣੀ ਸੱਸ ਵਿਰੁੱਧ ਸ਼ਿਕਾਇਤ ਦਿੱਤੀ ਤੇ ਪੁਲਿਸ ਨੇ ਕੇਸ ਵੀ ਦਰਜ ਕਰ ਲਿਆ ਹੈ।

Kerala: Kanaka Durga, who had entered Sabarimala temple earlier this month, has complained to Perinthalmanna police alleging that she has been thrashed by her mother-in-law. Case has been registered.

— ANI (@ANI) January 15, 2019

ਕਨਕਦੁਰਗਾ ਆਪਣੀ ਉਮਰ ਦੇ ਚੌਥੇ ਦਹਾਕੇ ਵਿੱਚ ਹੈ ਤੇ ਉਹ ਸੁਪਰੀਮ ਕੋਰਟ ਦੇ 10 ਤੋਂ 50 ਸਾਲ ਦੀਆਂ ਔਰਤਾਂ ਨੂੰ ਅੰਦਰ ਜਾਣ ਦੀ ਆਗਿਆ ਸਬੰਧੀ ਹੁਕਮਾਂ ਤਹਿਤ ਭਗਵਾਨ ਅਇਅੱਪਾ ਦੇ ਮੰਦਰ ਵਿੱਚ ਦਾਖ਼ਲ ਹੋਈ ਸੀ। ਮੰਦਰ ਜਾਣ ਮਗਰੋਂ ਉਸ ਨੂੰ ਲਗਾਤਾਰ ਧਮਕੀਆਂ ਮਿਲ ਰਹੀਆਂ ਸਨ, ਜਿਸ ਕਾਰਨ ਉਹ ਦੋ ਹਫ਼ਤਿਆਂ ਤੋਂ ਰੂਪੋਸ਼ ਸੀ। ਜਦ ਮੰਗਲਵਾਰ ਨੂੰ ਉਹ ਆਪਣੇ ਘਰ ਪਹੁੰਚੀ ਤਾਂ ਉਸ 'ਤੇ ਹਮਲਾ ਹੋ ਗਿਆ। ਉਸ ਦੀ ਸੱਸ ਨੇ ਉਸ ਦੇ ਸਿਰ 'ਤੇ ਵਾਰ ਕੀਤਾ। ਖ਼ਬਰਾਂ ਮੁਤਾਬਕ ਮਹਿਲਾ ਦੀ ਹਾਲਤ ਸਥਿਰ ਹੈ। ਕਨਕਦੁਰਗਾ ਤੇ ਉਸ ਦੇ ਨਾਲ ਜਾਣ ਵਾਲੀ ਬਿੰਦੂ ਅੰਮੀਨੀ ਸਬਰੀਮਾਲਾ ਮੰਦਰ ਵਿੱਚ ਜਾ ਕੇ ਇਤਿਹਾਸ ਰਚਣ ਵਾਲੀਆਂ ਪਹਿਲੀਆਂ ਔਰਤਾਂ ਤਾਂ ਬਣ ਗਈਆਂ, ਪਰ ਦੁਰਗਾ ਨੂੰ ਉਸ ਦੇ ਪਰਿਵਾਰ ਤੋਂ ਹੀ ਖ਼ਤਰਾ ਬਣ ਗਿਆ। ਦੋਵੇਂ ਪਿਛਲੇ 13 ਦਿਨਾਂ ਤੋਂ ਕੋਚੀ ਦੀ ਅਣਦੱਸੀ ਥਾਂ 'ਤੇ ਰਹਿ ਰਹੀਆਂ ਸਨ।