ਰੋਜ਼ਨਾ ਸਿਰਫ਼ 2 ਰੁਪਏ ਜਮ੍ਹਾ ਕਰਵਾਓ, 36,000 ਰੁਪਏ ਮਹੀਨਾ ਪਾਓ, ਜਾਣੋ ਸਕੀਮ ਦੇ ਪੂਰੇ ਵੇਰਵੇ
ਯੋਜਨਾ ਵਿੱਚ, ਉਮਰ ਅਨੁਸਾਰ ਪ੍ਰੀਮੀਅਮ ਦਾ ਭੁਗਤਾਨ ਕਰਨਾ ਪਏਗਾ। ਜੇ ਕੋਈ 18 ਸਾਲ ਦੀ ਉਮਰ ਵਿੱਚ ਇਸ ਯੋਜਨਾ ਵਿੱਚ ਸ਼ਾਮਲ ਹੁੰਦਾ ਹੈ
ਨਵੀਂ ਦਿੱਲੀ: ਅੱਜਕੱਲ੍ਹ ਹਰ ਕੋਈ ਆਪਣੀ ਰਿਟਾਇਰਮੈਂਟ ਨੂੰ ਲੈ ਕੇ ਚਿੰਤਤ ਹੈ। ਲੋਕ ਨੌਕਰੀ ਦੀ ਸ਼ੁਰੂਆਤ ਤੋਂ ਹੀ ਰਿਟਾਇਰਮੈਂਟ ਯੋਜਨਾ ਬਾਰੇ ਸੋਚਣਾ ਸ਼ੁਰੂ ਕਰ ਦਿੰਦੇ ਹਨ ਤਾਂ ਜੋ ਉਨ੍ਹਾਂ ਨੂੰ ਬੁਢਾਪੇ ਵਿੱਚ ਕਿਸੇ ਉੱਤੇ ਨਿਰਭਰ ਨਾ ਹੋਣਾ ਪਵੇ। ਇਸ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਸਰਕਾਰ ਪ੍ਰਧਾਨ ਮੰਤਰੀ ‘ਸ਼੍ਰਮ ਯੋਗੀ ਮਾਨਧਨ ਪੈਨਸ਼ਨ ਯੋਜਨਾ’ ਤਹਿਤ ਪੈਨਸ਼ਨ ਸਹੂਲਤ ਪ੍ਰਦਾਨ ਕਰ ਰਹੀ ਹੈ। ਇਸ ਯੋਜਨਾ ਵਿੱਚ, 60 ਸਾਲ ਦੀ ਉਮਰ ਤੋਂ ਬਾਅਦ, 2 ਰੁਪਏ ਪ੍ਰਤੀ ਦਿਨ ਤੋਂ ਘੱਟ ਦੇ ਨਿਵੇਸ਼ ਤੇ 36,000 ਰੁਪਏ ਦੀ ਪੈਨਸ਼ਨ ਉਪਲਬਧ ਹੈ।
ਕੌਣ ਲੈ ਸਕਦਾ ਹੈ ਇਸ ਸਕੀਮ ਦਾ ਲਾਭ?
18 ਤੋਂ 40 ਸਾਲ ਦੀ ਉਮਰ ਦਾ ਵਿਅਕਤੀ ਇਸ ਯੋਜਨਾ ਵਿੱਚ ਸ਼ਾਮਲ ਹੋ ਸਕਦਾ ਹੈ। ਇਸ ਸਕੀਮ ਵਿੱਚ ਸ਼ਾਮਲ ਹੋਣ ਵਾਲੇ ਵਿਅਕਤੀ ਦੀ ਮਾਸਿਕ ਆਮਦਨੀ 15,000 ਰੁਪਏ ਤੋਂ ਘੱਟ ਹੋਣੀ ਚਾਹੀਦੀ ਹੈ ਤੇ ਉਸ ਨੂੰ ਈਪੀਐਫਓ, ਐਨਪੀਐਸ ਦੇ ਅਧੀਨ ਨਹੀਂ ਆਉਣਾ ਚਾਹੀਦਾ। ਇਸਦੇ ਨਾਲ ਹੀ, ਬਿਨੈਕਾਰ ਦਾ ਬਚਤ ਬੈਂਕ ਖਾਤਾ ਹੋਣਾ ਚਾਹੀਦਾ ਹੈ। ਇਸ ਯੋਜਨਾ ਲਈ ਆਧਾਰ ਕਾਰਡ, ਬੈਂਕ ਪਾਸਬੁੱਕ ਦਸਤਾਵੇਜ਼ ਲੋੜੀਂਦੇ ਹਨ।
ਉਮਰ ਅਨੁਸਾਰ ਵੱਖੋ-ਵੱਖਰੇ ਪ੍ਰੀਮੀਅਮ
ਇਸ ਯੋਜਨਾ ਵਿੱਚ, ਉਮਰ ਅਨੁਸਾਰ ਪ੍ਰੀਮੀਅਮ ਦਾ ਭੁਗਤਾਨ ਕਰਨਾ ਪਏਗਾ। ਜੇ ਕੋਈ 18 ਸਾਲ ਦੀ ਉਮਰ ਵਿੱਚ ਇਸ ਯੋਜਨਾ ਵਿੱਚ ਸ਼ਾਮਲ ਹੁੰਦਾ ਹੈ, ਤਾਂ ਉਸਨੂੰ ਹਰ ਮਹੀਨੇ 55 ਰੁਪਏ ਜਮ੍ਹਾਂ ਕਰਵਾਉਣੇ ਪੈਣਗੇ। ਭਾਵ, ਪ੍ਰਤੀ ਦਿਨ 2 ਰੁਪਏ ਤੋਂ ਘੱਟ ਦੀ ਰਕਮ ਦਾ ਨਿਵੇਸ਼ ਕਰਨਾ ਪਏਗਾ। ਇਸੇ ਤਰ੍ਹਾਂ, 25 ਸਾਲ ਦੀ ਉਮਰ ਦੇ ਵਿਅਕਤੀ ਲਈ, ਇਹ ਰਕਮ 80 ਰੁਪਏ ਹੈ। ਜਦੋਂ ਕਿ 40 ਸਾਲ ਦੀ ਉਮਰ ਦੇ ਲੋਕਾਂ ਨੂੰ 200 ਰੁਪਏ ਦਾ ਯੋਗਦਾਨ ਦੇਣਾ ਪਵੇਗਾ। ਇਹ ਰਕਮ 60 ਸਾਲ ਦੀ ਉਮਰ ਤਕ ਜਮ੍ਹਾਂ ਕਰਵਾਉਣੀ ਪੈਂਦੀ ਹੈ।
ਇਸ ਤਰ੍ਹਾਂ ਦੇਵੋ ਅਰਜ਼ੀ
· ਸਭ ਤੋਂ ਪਹਿਲਾਂ ਪ੍ਰਧਾਨ ਮੰਤਰੀ ‘ਸ਼੍ਰਮ ਯੋਗੀ ਮਾਨਧਨ ਯੋਜਨਾ’ ਦੀ ਵੈਬਸਾਈਟ maandhan.in/shramyogi ਉੱਤੇ ਜਾਓ।
· ਇਸ ਤੋਂ ਬਾਅਦ ਹੋਮ ਪੇਜ 'ਤੇ Click Here to Apply Now ‘ਐਪਲਾਈ ਕਰਨ ਲਈ ਇੱਥੇ ਕਲਿਕ ਕਰੋ) ਲਿੰਕ ’ਤੇ ਕਲਿਕ ਕਰੋ।
· ਇਸ ਤੋਂ ਬਾਅਦ ਤੁਸੀਂ ਦੋ ਵਿਕਲਪ ਵੇਖੋਗੇ ਜਿਨ੍ਹਾਂ ਵਿੱਚੋਂ Self Enrolment (ਸੈਲਫ ਐਨਰੋਲਮੈਂਟ) ’ਤੇ ਕਲਿਕ ਕਰੋ।
· ਫਿਰ ਆਪਣਾ ਮੋਬਾਈਲ ਨੰਬਰ ਦਾਖਲ ਕਰੋ ਤੇ Proceed (ਪ੍ਰੋਸੀਡ) 'ਤੇ ਕਲਿਕ ਕਰੋ।
· ਇਸ ਤੋਂ ਬਾਅਦ ਬਿਨੈਕਾਰ ਦਾ ਨਾਮ, ਈਮੇਲ ਆਈਡੀ ਆਦਿ ਭਰੋ ਅਤੇ ਕੈਪਚਾ ਕੋਡ ਦਰਜ ਕਰੋ। ਫਿਰ OTP (ਓਟੀਪੀ) ਦਾਖਲ ਕਰੋ ਜੋ ਤੁਹਾਡੇ ਕੋਲ ਆਇਆ ਹੋਵੇਗਾ।
· ਇਸ ਤੋਂ ਬਾਅਦ, ਲੋੜੀਂਦੇ ਦਸਤਾਵੇਜ਼ ਅਪਲੋਡ ਕਰੋ ਤੇ ਫਾਰਮ ਜਮ੍ਹਾਂ ਕਰਨ ਤੋਂ ਬਾਅਦ, ਇਸ ਦਾ ਪ੍ਰਿੰਟ ਆਊਟ ਲਓ ਤੇ ਇਸ ਨੂੰ ਆਪਣੇ ਨਾਲ ਰੱਖ ਲਵੋ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
