ਬਿਜਲੀ ਮੁਲਾਜ਼ਮਾਂ ਨੂੰ ਝਟਕਾ, ਮਿਲੀ 60 ਪ੍ਰਤੀਸ਼ਤ ਤਨਖਾਹ, ਬਾਕੀ 20 ਅਪਰੈਲ ਤੋਂ ਬਾਅਦ

ਪਾਵਰਕਾਮ ਨੇ ਆਪਣੇ ਕਰਮਚਾਰੀਆਂ ਨੂੰ ਝਟਕਾ ਦਿੰਦੇ ਹੋਏ ਉਨ੍ਹਾਂ ਦੀ ਸੈਲਰੀ ‘ਚ 60 ਫੀਸਦ ਦਾ ਕਟੌਤੀ ਕੀਤੀ ਹੈ। ਵਿਭਾਗ ਦਾ ਦਾਅਵਾ ਹੈ ਕਿ ਬਾਕੀ ਤਨਖਾਹ 20 ਅਪਰੈਲ ਤੱਕ ਅਦਾ ਕਰ ਦਿੱਤੀ ਜਾਵੇਗੀ।

ਚੰਡੀਗੜ੍ਹ: ਪੰਜਾਬ ਰਾਜ ਪਾਵਰ ਕਾਰਪੋਰੇਸ਼ਨ (ਪੀਪੀਸੀਐਲ) ਨੇ ਅਪਰੈਲ ਮਹੀਨੇ ਦੀ ਤਨਖਾਹ ਵਿੱਚ 40% ਦੀ ਕਟੌਤੀ ਕੀਤੀ ਹੈ। 24 ਘੰਟਿਆਂ ਲਈ ਡਿਊਟੀ 'ਤੇ ਤਾਇਨਾਤ ਤਕਨੀਕੀ ਸਟਾਫ ਦੀ ਸਿਰਫ 60% ਤਨਖਾਹ ਖਾਤਿਆਂ ਤੱਕ ਪਹੁੰਚੀ ਹੈ। ਜਦਕਿ ਪਾਵਰਕਾਮ ਨੇ ਬਾਕੀ ਤਨਖਾਹ 20 ਅਪਰੈਲ ਤੱਕ ਦੇਣ ਦਾ ਵਾਅਦਾ ਕੀਤਾ ਹੈ। ਪਾਵਰਕਾਮ ਨੇ ਕਿਹਾ ਹੈ ਕਿ ਜਿਨ੍ਹਾਂ ਕਰਮਚਾਰੀਆਂ ਅਤੇ ਅਧਿਕਾਰੀਆਂ ਦੀ ਤਨਖਾਹ 30 ਹਜ਼ਾਰ ਤੋਂ ਘੱਟ ਹੈ, ਉਨ੍ਹਾਂ ਨੂੰ ਪੂਰੀ ਤਨਖਾਹ ਦਿੱਤੀ ਗਈ ਹੈ ਅਤੇ ਜਿਨ੍ਹਾਂ ਦੀ ਤਨਖਾਹ 30 ਹਜ਼ਾਰ ਤੋਂ ਵੱਧ ਹੈ, ਉਨ੍ਹਾਂ ਨੂੰ ਅੱਧੀ ਤਨਖਾਹ ਦਿੱਤੀ ਜਾ ਰਹੀ ਹੈ। ਅੱਧੀ ਤਨਖਾਹ ਮਿਲਣ ਤੋਂ ਬਾਅਦ, ਗਰਿੱਡ ਸਬ ਸਟੇਸ਼ਨ ਕਰਮਚਾਰੀ ਯੂਨੀਅਨ ਪੰਜਾਬ ਦੇ ਇੱਕ ਕਰਮਚਾਰੀ ਪਾਵਰਕਾਮ ਨੇ ਚੇਅਰਮੈਨ ਤੇ ਐਮਡੀ ਨੂੰ ਇੱਕ ਪੱਤਰ ਲਿਖ ਕੇ ਮੰਗ ਕੀਤੀ ਹੈ ਕਿ ਉਨ੍ਹਾਂ ਨੂੰ ਤਨਖਾਹ ਪੂਰੀ ਦਿੱਤੀ ਜਾਵੇ। ਕਰਮਚਾਰੀਆਂ ਨੇ ਜਤਾਇਆ ਗੁੱਸਾ: ਚਿੱਠੀ ‘ਚ ਕਿਹਾ ਗਿਆ ਹੈ ਕਿ ਉਨ੍ਹਾਂ ਨੂੰ ਕੋਰੋਨਵਾਇਰਸ ਦਾ ਬਹਾਨਾ ਬਣਾ ਤਨਖਾਹ ਦਾ 60 ਫੀਸਦ ਹਿੱਸਾ ਦਿੱਤਾ ਗਿਆ ਹੈ। ਜਿੰਨੀ ਤਨਖਾਹ ਆਈ ਹੈ, ਉਸ ‘ਚ ਘਰੇਲੂ ਖਰਚਿਆਂ ਦੇ ਕਾਰਨ ਬਹੁਤ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਏਗਾ। ਦੂਜੇ ਪਾਸੇ ਪਾਵਰਕਾਮ ਨੇ ਖਪਤਕਾਰਾਂ ਨੂੰ 15 ਅਪ੍ਰੈਲ ਤੱਕ ਬਿਜਲੀ ਦੇ ਬਿੱਲ ਜਮ੍ਹਾ ਕਰਵਾਉਣ ਲਈ ਵੀ ਕਿਹਾ ਹੈ।