ਜੌੜਾ ਫਾਟਕ 'ਤੇ ਵੱਡਾ ਰੇਲ ਹਾਦਸਾ ਹੋਣੋਂ ਟਲਿਆ, ਖੁੱਲ੍ਹੇ ਫਾਟਕ ਤੋਂ ਲੰਘੀਆਂ 2 ਟ੍ਰੇਨਾਂ
ਜੌੜਾ ਫਾਟਕ ਜੋ ਪਹਿਲਾਂ ਵੀ ਰੇਲ ਹਾਦਸੇ ਕਾਰਨ ਪਹਿਲਾਂ ਵੀ ਚਰਚਾ 'ਚ ਰਿਹਾ। ਹੁਣ ਇਕ ਵਾਰ ਫੇਰ ਇਹ ਰੇਲਵੇ ਫਾਟਕ ਵੀਰਵਾਰ ਸ਼ਾਮ ਨੂੰ ਇਕ ਵੱਡੇ ਹਾਦਸੇ ਦੇ ਸ਼ਿਕਾਰ ਹੋਣੋਂ ਬਚ ਗਿਆ।ਇੱਥੇ ਖੁੱਲ੍ਹੇ ਰੇਲਵੇ ਫਾਟਕ ਤੋਂ 2 ਗੱਡੀਆਂ ਲੰਘੀਆਂ।
ਅੰਮ੍ਰਿਤਸਰ: ਜੌੜਾ ਫਾਟਕ ਜੋ ਪਹਿਲਾਂ ਵੀ ਰੇਲ ਹਾਦਸੇ ਕਾਰਨ ਪਹਿਲਾਂ ਵੀ ਚਰਚਾ 'ਚ ਰਿਹਾ। ਹੁਣ ਇਕ ਵਾਰ ਫੇਰ ਇਹ ਰੇਲਵੇ ਫਾਟਕ ਵੀਰਵਾਰ ਸ਼ਾਮ ਨੂੰ ਇਕ ਵੱਡੇ ਹਾਦਸੇ ਦੇ ਸ਼ਿਕਾਰ ਹੋਣੋਂ ਬਚ ਗਿਆ।ਇੱਥੇ ਖੁੱਲ੍ਹੇ ਰੇਲਵੇ ਫਾਟਕ ਤੋਂ 2 ਗੱਡੀਆਂ ਲੰਘੀਆਂ। ਮੌਕੇ ’ਤੇ ਇਕ ਪੁਲਿਸ ਮੁਲਾਜ਼ਮ ਦੀ ਵਜ੍ਹਾ ਨਾਲ ਇਹ ਵੱਡਾ ਹਾਦਸਾ ਟਲ ਗਿਆ।
ਸਾਲ 2018 ਨੂੰ ਦੁਸਹਿਰੇ ਵਾਲੇ ਦਿਨ ਇੱਕ ਰੇਲ ਗੱਡੀ ਰੇਲਵੇ ਫਾਟਕ ਖੁੱਲ੍ਹਾ ਹੋਣ ਦੀ ਵਜ੍ਹਾ ਨਾਲ ਰੇਲ ਪੱਟੜੀ ’ਤੇ ਖੜ੍ਹੇ ਹੋ ਕੇ ਦੁਸਹਿਰਾ ਦੇਖ ਰਹੇ ਲੋਕਾਂ ਨੂੰ ਕੁਚਲਦੀ ਹੋਈ ਲੰਘ ਗਈ। ਇਸ ਵੱਡੇ ਹਾਦਸੇ 'ਚ ਕਈ ਕੀਮਤੀ ਜਾਨਾਂ ਚਲੀਆਂ ਗਈਆਂ ਅਤੇ ਕਈ ਲੋਕ ਜ਼ਖ਼ਮੀ ਹੋ ਗਏ।
ਮਿਲੀ ਜਾਣਕਾਰੀ ਅਨੁਸਾਰ ਇਸ ਦਰਦਨਾਕ ਹਾਦਸੇ ਦਾ ਦ੍ਰਿਸ਼ ਵੀਰਵਾਰ ਦੀ ਸ਼ਾਮ ਨੂੰ ਮੁੜ ਵਾਪਰ ਸਕਦਾ ਸੀ ਪਰ ਕੁਝ ਲੋਕਾਂ ਅਤੇ ਪੁਲਿਸ ਦੀ ਸਮਝਦਾਰੀ ਕਾਰਨ ਇਹ ਹਾਦਸਾ ਵਾਪਰਨ ਤੋਂ ਬਚ ਗਿਆ। ਦਰਅਸਲ ਵੀਰਵਾਰ ਸਾਮ 6:30 ਵਜੇ ਜੌੜਾ ਰੇਲਵੇ ਫਾਟਕ ਖੁੱਲ੍ਹਾ ਰਿਹਾ ਅਤੇ ਉਸੇ ਸਮੇਂ ਉਥੋਂ ਦੋ ਟਰੇਨਾਂ ਵੀ ਲੰਘੀਆਂ। ਇਸ ਦੌਰਾਨ ਮੌਕੇ ’ਤੇ ਮੌਜੂਦ ਪੁਲਿਸ ਜਵਾਨ ਨੇ ਆਪਣੀ ਸੂਝ-ਬੂਝ ਦਿਖਾਉਂਦੇ ਹੋਏ ਵੱਡਾ ਹਾਦਸਾ ਹੋਣ ਤੋਂ ਪਹਿਲਾਂ ਹੀ ਟਲ ਗਿਆ।
ਫਾਟਕ ਦੀ ਰੇਲਵੇ ਲਾਈਨ ’ਤੇ ਇਕ ਛੋਟਾ ਆਟੋ ਆ ਕੇ ਰੁਕਦਾ ਹੈ। ਗੇਟਮੈਨ ਉਸ ਨੂੰ ਹਟਾਉਣ ਲਈ ਚਿਤਾਵਨੀ ਦਿੰਦਾ ਹੈ, ਜਦੋਂਕਿ ਆਟੋ ਚਾਲਕ ਉਥੋਂ ਆਟੋ ਨਹੀਂ ਹਟਾ ਸਕਿਆ ਅਤੇ ਰੇਲਵੇ ਫਾਟਕ ਇਸ ਵਜਾ ਨਾਲ ਖੁੱਲਾ ਹੀ ਰਹਿ ਜਾਂਦਾ ਹੈ। ਪੁਲਿਸ ਨੂੰ ਇਸ ਬਾਰੇ ਕੋਈ ਸੂਚਨਾ ਦਿੰਦਾ ਹੈ ਤਾਂ ਪੁਲਿਸ ਮੌਕੇ ’ਤੇ ਪੁੱਜ ਜਾਂਦੀ ਹੈ। ਇਕ ਪੁਲਿਸ ਕਰਮਚਾਰੀ ਫਾਟਕ ਤੋਂ ਲੋਕਾਂ ਨੂੰ ਹਟਾਉਣ ਦੀ ਕੋਸ਼ਿਸ਼ ਕਰਦਾ ਹੈ, ਸੋ ਕਈ ਲੋਕ ਉਥੋਂ ਪਿੱਛੇ ਹੱਟ ਜਾਂਦੇ ਹਨ। ਰੇਲਵੇ ਫਾਟਕ ਖੁੱਲਾ ਰਹਿ ਜਾਣ ਦੇ ਕਾਰਨ ਗੈਟਮੈਨ ਅਤੇ ਪੁਲਿਸ ਕਰਮਚਾਰੀ ਦੇ ਹੱਥ ਪੈਰ ਫੁੱਲ ਜਾਂਦੇ ਹਨ ਅਤੇ ਉਹ ਤੁਰੰਤ ਇਸ ਸਬੰਧੀ ਆਪਣੇ ਆਲਾ ਅਧਿਕਾਰੀਆਂ ਨੂੰ ਸੂਚਿਤ ਕਰਦੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
