Punjab Poll Of Polls : ਪੰਜਾਬ ਪੋਲ ਆਫ਼ ਪੋਲਸ 'ਚ ਕਿਸੇ ਵੀ ਪਾਰਟੀ ਨੂੰ ਨਹੀਂ ਮਿਲ ਰਿਹਾ ਬਹੁਮਤ, ਜਾਣੋ ਕੀ ਹਨ ਫਾਈਨਲ ਅੰਕੜੇ

ਪੰਜਾਬ ਦੀ ਸਿਆਸੀ ਲੜਾਈ ਵਿੱਚ ਇਸ ਵਾਰ ਦੋ-ਤਿੰਨ ਨਹੀਂ ਸਗੋਂ ਪੰਜ ਵੱਡੀਆਂ ਟੀਮਾਂ ਵਿਚਾਲੇ ਮੁਕਾਬਲਾ ਦੇਖਣ ਨੂੰ ਮਿਲ ਰਿਹਾ ਹੈ।

punjab Election

ABP CVoter Punjab Election Survey 2022 : ਪੰਜਾਬ ਦੀ ਸਿਆਸੀ ਲੜਾਈ ਵਿੱਚ ਇਸ ਵਾਰ ਦੋ-ਤਿੰਨ ਨਹੀਂ ਸਗੋਂ ਪੰਜ ਵੱਡੀਆਂ ਟੀਮਾਂ ਵਿਚਾਲੇ ਮੁਕਾਬਲਾ ਦੇਖਣ ਨੂੰ ਮਿਲ ਰਿਹਾ ਹੈ। ਭਾਵੇਂ ਸਰਵੇਖਣ ਸੱਤਾਧਾਰੀ ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਦਰਮਿਆਨ ਸਖ਼ਤ ਮੁਕਾਬਲਾ ਦਰਸਾਉਂਦਾ ਹੈ ਪਰ ਇਸ ਵਾਰ ਸਿਆਸੀ ਮੈਦਾਨ ਵਿੱਚ ਅਕਾਲੀ-ਬਸਪਾ ਗਠਜੋੜ, ਕੈਪਟਨ ਅਮਰਿੰਦਰ ਸਿੰਘ ਦੀ ਪਾਰਟੀ ਤੇ ਭਾਜਪਾ ਦਾ ਗਠਜੋੜ ਤੇ ਇਸ ਸਭ ਤੋਂ ਇਲਾਵਾ ਕਿਸਾਨਾਂ ਦਾ ਇੱਕ ਵਰਗ ਵੀ ਹੈ, ਜੋ ਤਾਲ ਠੋਕ ਰਿਹਾ ਹੈ। ਅਜਿਹੇ 'ਚ ਕਿਹੜੀ ਪਾਰਟੀ ਬਹੁਮਤ ਤੱਕ ਪਹੁੰਚੇਗੀ ਅਤੇ ਕੌਣ ਕਿੰਗਮੇਕਰ ਦੀ ਭੂਮਿਕਾ ਨਿਭਾਏਗਾ, ਇਹ ਦੇਖਣਾ ਕਾਫੀ ਦਿਲਚਸਪ ਹੋਵੇਗਾ।

 

ਇਹ ਸਿਆਸੀ ਗਰਮੀ ਹੈ, ਅਜਿਹੇ 'ਚ ਸਾਰੇ ਨਿਊਜ਼ ਚੈਨਲ ਅਤੇ ਸਰਵੇਖਣ ਏਜੰਸੀਆਂ ਲੋਕਾਂ ਦਾ ਮੂਡ ਜਾਣਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। 'ਏਬੀਪੀ ਨਿਊਜ਼' ਪੰਜਾਬ 'ਚ ਲੋਕਾਂ ਦੀ ਸਿਆਸੀ ਨਬਜ਼ ਵੀ ਲਗਾਤਾਰ ਚੈੱਕ ਕਰ ਰਿਹਾ ਹੈ। ਇਸ ਦੌਰਾਨ ਅਸੀਂ ਤੁਹਾਡੇ ਲਈ ਪੰਜਾਬ ਦੇ ਮਹਾਪੋਲ ਯਾਨੀ ਪੰਜਾਬ ਪੋਲ ਆਫ਼ ਪੋਲਸ ਦੇ ਅੰਕੜੇ ਲੈ ਕੇ ਆਏ ਹਾਂ।

 

ਕਈ ਓਪੀਨੀਅਨ ਪੋਲਾਂ 'ਤੇ ਨਜ਼ਰ ਮਾਰੀਏ ਤਾਂ ਸਪੱਸ਼ਟ ਹੁੰਦਾ ਹੈ ਕਿ ਆਮ ਆਦਮੀ ਪਾਰਟੀ ਪੰਜਾਬ 'ਚ ਸੱਤਾ ਦੇ ਸਭ ਤੋਂ ਨੇੜੇ ਨਜ਼ਰ ਆ ਰਹੀ ਹੈ, ਹਾਲਾਂਕਿ ਦੋ ਸਰਵੇਖਣਾਂ ਨੂੰ ਛੱਡ ਕੇ ਕੋਈ ਵੀ ਪਾਰਟੀ ਨੂੰ ਬਹੁਮਤ ਨਹੀਂ ਦੇ ਰਿਹਾ। ਕਾਂਗਰਸ ਦੀ ਗੱਲ ਕਰੀਏ ਤਾਂ ਇਸ ਨੂੰ ਵੀ ਡੀਬੀ ਲਾਈਵ (ਦੇਸ਼ਬੰਧੂ ਲਾਈਵ) ਦੇ ਸਰਵੇਖਣ ਵਿੱਚ ਹੀ ਸੱਤਾ ਮਿਲਦੀ ਨਜ਼ਰ ਆ ਰਹੀ ਹੈ। ਡੀਬੀ ਲਾਈਵ ਦੇ ਸਰਵੇਖਣ ਵਿੱਚ ਕਾਂਗਰਸ 62 ਤੋਂ 64 ਸੀਟਾਂ ਜਿੱਤ ਰਹੀ ਹੈ, ਜਦੋਂ ਕਿ ਇੰਡੀਆ ਅਹੇਡ-ਈਟੀਜੀ ਦੇ ਸਰਵੇਖਣ ਵਿੱਚ ਆਮ ਆਦਮੀ ਪਾਰਟੀ ਨੂੰ 59-64 ਸੀਟਾਂ ਤੇ ਇੰਡੀਆ ਨਿਊਜ਼ ਦੇ ਸਰਵੇਖਣ ਵਿੱਚ 58-65 ਸੀਟਾਂ ਮਿਲ ਰਹੀਆਂ ਹਨ। 

 

ਪੰਜਾਬ ਦਾ ਮਹਾਪੋਲ

ਕੁੱਲ ਸੀਟਾਂ - 117

 

                                         ਕਾਂਗਰਸ -   ਆਪ -    ਅਕਾਲੀ -   ਭਾਜਪਾ  

 

C Voter-                             37-43      52-58    17-23       1-3
 
Zee-ਡਿਜ਼ਾਇਨ ਬਾਕਸਡ             35-38       36-39    32-35      4-7

Republic P-MARQ-           42-48       50-56    13-17      1-3
 
Polstrat NewsX -               40-45       47-52    22-26      1-2

India Ahead-ETG-             40-44       59-64     8-11       1-2

DB Live-                            62-64       34-36    12-14      2-4

Time now- VETO              41-47       54-58     11-15     1-3

India News- ਜਨ ਕ ਬਾਤ    32-42       58-65     15-18     1-2

 

 ਪੋਲ ਆਫ਼ ਪੋਲ-                     41-46       49-53     16-20    1-3