Amritsar News : ਸ਼ਮਸ਼ਾਨਘਾਟ 'ਚ ਗੂੰਜੀਆਂ ਵਿਆਹ ਦੀਆਂ ਸ਼ਹਿਨਾਈਆਂ , ਲਾੜਾ-ਲਾੜੀ ਨੇ ਲਏ 7 ਫੇਰੇ , ਪੰਜਾਬ 'ਚ ਹੋਇਆ ਅਨੋਖਾ ਵਿਆਹ

Punjab News : ਤੁਸੀਂ ਕਈ ਤਰ੍ਹਾਂ ਦੇ ਵਿਆਹ ਦੇਖੇ ਹੋਣਗੇ ,ਵਿਆਹ ਦੀਆਂ ਸ਼ਾਨਦਾਰ ਤਿਆਰੀਆਂ ਤੋਂ ਲੈ ਕੇ ਵੱਖ-ਵੱਖ ਥਾਵਾਂ 'ਤੇ ਵਿਆਹ ਦੀਆਂ ਖਬਰਾਂ ਦੇਖੀਆਂ ਹੋਣਗੀਆਂ। ਵਿਆਹ ਨੂੰ ਖਾਸ ਬਣਾਉਣ ਲਈ ਲੋਕ ਚੰਗੀ ਲੋਕੇਸ਼ਨ ਲਈ ਲੱਖਾਂ-ਕਰੋੜਾਂ ਰੁਪਏ ਖਰਚ ਕਰਦੇ ਹਨ।

Marriage

Punjab News : ਤੁਸੀਂ ਕਈ ਤਰ੍ਹਾਂ ਦੇ ਵਿਆਹ ਦੇਖੇ ਹੋਣਗੇ ,ਵਿਆਹ ਦੀਆਂ ਸ਼ਾਨਦਾਰ ਤਿਆਰੀਆਂ ਤੋਂ ਲੈ ਕੇ ਵੱਖ-ਵੱਖ ਥਾਵਾਂ 'ਤੇ ਵਿਆਹ ਦੀਆਂ ਖਬਰਾਂ ਦੇਖੀਆਂ ਹੋਣਗੀਆਂ। ਵਿਆਹ ਨੂੰ ਖਾਸ ਬਣਾਉਣ ਲਈ ਲੋਕ ਚੰਗੀ ਲੋਕੇਸ਼ਨ ਲਈ ਲੱਖਾਂ-ਕਰੋੜਾਂ ਰੁਪਏ ਖਰਚ ਕਰਦੇ ਹਨ। ਜਿਸ ਨਾਲ ਉਨ੍ਹਾਂ ਦਾ ਵਿਆਹ ਯਾਦਗਾਰੀ ਪਲ ਬਣ ਜਾਂਦਾ ਹੈ ਅਤੇ ਵਿਆਹ 'ਚ ਸ਼ਾਮਲ ਹੋਣ ਵਾਲੇ ਮਹਿਮਾਨ ਵੀ ਉਨ੍ਹਾਂ ਦੇ ਵਿਆਹ ਨੂੰ ਯਾਦ ਕਰਦੇ ਹਨ ਪਰ ਪੰਜਾਬ 'ਚ ਵਿਆਹ ਅਜਿਹੀ ਜਗ੍ਹਾ 'ਤੇ ਹੋਇਆ, ਜਿਸ ਬਾਰੇ ਸੋਚ ਕੇ ਲੋਕ ਹੈਰਾਨ ਰਹਿ ਜਾਣਗੇ। ਅੰਮ੍ਰਿਤਸਰ 'ਚ ਇੱਕ ਜੋੜੇ ਦਾ ਵਿਆਹ  ਸ਼ਮਸ਼ਾਨਘਾਟ 'ਚ ਹੋਇਆ ਹੈ।

 ਇਹ ਵੀ ਪੜ੍ਹੋ : 'ਵਾਰਿਸ ਪੰਜਾਬ ਦੇ' ਮੁਖੀ ਅੰਮ੍ਰਿਤਪਾਲ ਸਿੰਘ ਦਾ 10 ਫਰਵਰੀ ਨੂੰ ਹੋਵੇਗਾ ਵਿਆਹ: ਸੂਤਰ

 ਸ਼ਮਸ਼ਾਨਘਾਟ ਵਿੱਚ ਰਹਿੰਦੇ ਸਨ ਦਾਦੀ-ਪੋਤੀ 

ਅੰਮ੍ਰਿਤਸਰ ਦੇ ਮੋਹਕਮਪੁਰਾ ਇਲਾਕੇ ਦੇ ਸ਼ਮਸ਼ਾਨਘਾਟ 'ਚ ਹੋਇਆ ਇਹ ਵਿਆਹ ਆਲੇ-ਦੁਆਲੇ ਦੇ ਇਲਾਕੇ 'ਚ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਪਿੰਡ ਮੋਹਕਮਪੁਰਾ ਦੇ ਸ਼ਮਸ਼ਾਨਘਾਟ ਵਿੱਚ ਦਾਦਾ-ਦਾਦੀ ਅਤੇ ਉਨ੍ਹਾਂ ਦੀ ਇੱਕ ਦੋਹਤੀ ਕਾਫੀ ਸਮੇਂ ਤੋਂ ਰਹਿ ਰਹੇ ਸਨ ਪਰ ਕੁਝ ਸਮਾਂ ਪਹਿਲਾਂ ਉਸ ਦੇ ਦਾਦਾ ਦਾ ਦੇਹਾਂਤ ਹੋ ਗਿਆ ਸੀ ਅਤੇ ਦਾਦੀ ਤੇ ਪੋਤੀ ਇਕੱਲੇ ਰਹਿ ਗਏ ਸਨ। ਦਾਦੀ ਬੁੱਢੀ ਹੋਣ ਕਾਰਨ ਉਸ ਨੂੰ ਹਮੇਸ਼ਾ ਆਪਣੀ ਪੋਤੀ ਦੀ ਚਿੰਤਾ ਰਹਿੰਦੀ ਸੀ ਕਿ ਜੇ ਉਹ ਵੀ ਮਰ ਗਈ ਤਾਂ ਉਸ ਦੀ ਪੋਤੀ ਦਾ ਕੀ ਬਣੇਗਾ। ਦਾਦੀ ਨੂੰ ਆਪਣੀ ਪੋਤੀ ਦੇ ਵਿਆਹ ਦੀ ਚਿੰਤਾ ਸੀ।

 

 ਇਹ ਵੀ ਪੜ੍ਹੋ : ਚੰਡੀਗੜ੍ਹ-ਮੋਹਾਲੀ ਬਾਰਡਰ 'ਤੇ ਝੜਪ ਮਗਰੋਂ 39 ਜਣਿਆਂ ਖਿਲਾਫ ਕੇਸ ਦਰਜ, ਅੱਜ ਅਦਾਲਤ 'ਚ ਕੀਤਾ ਜਾਵੇਗਾ ਪੇਸ਼

 ਢੋਲ ਨਗਾੜਿਆ ਨਾਲ ਸ਼ਮਸ਼ਾਨਘਾਟ ਪਹੁੰਚੇ ਬਾਰਾਤੀ 

ਸਥਾਨਕ ਲੋਕਾਂ ਨੂੰ ਵੀ ਦਾਦੀ ਅਤੇ ਪੋਤੀ ਬਾਰੇ ਜਾਣਕਾਰੀ ਸੀ। ਇਨ੍ਹਾਂ ਲੋਕਾਂ ਨੇ ਮਿਲ ਕੇ ਪਹਿਲਾਂ ਲੜਕੀ ਲਈ ਲੜਕਾ ਲੱਭਿਆ ਅਤੇ ਫਿਰ ਉਸ ਦੇ ਵਿਆਹ ਦਾ ਪੂਰਾ ਇੰਤਜ਼ਾਮ ਕੀਤਾ। ਲੜਕੀ ਦੇ ਵਿਆਹ ਦੀਆਂ ਤਿਆਰੀਆਂ ਉਸੇ ਸ਼ਮਸ਼ਾਨਘਾਟ ਵਿੱਚ ਕੀਤੀਆਂ ਗਈਆਂ ਸਨ ,ਜਿੱਥੇ ਦਾਦੀ ਅਤੇ ਪੋਤੀ ਦੋਵੇਂ ਰਹਿੰਦੇ ਸਨ। ਇਸ ਸ਼ਮਸ਼ਾਨਘਾਟ ਲਈ ਲਾੜਾ ਢੋਲ-ਢਮਕਿਆਂ ਨਾਲ ਬਾਰਾਤ ਲੈ ਕੇ ਆਇਆ ਸੀ। ਸ਼ਮਸ਼ਾਨਘਾਟ ਦੇ ਅੰਦਰ ਹੀ ਸਾਰੇ ਬਾਰਾਤੀਆਂ ਲਈ ਇੱਕ ਦਾਵਤ ਦਾ ਆਯੋਜਨ ਕੀਤਾ ਗਿਆ ਸੀ। ਲੋਕਾਂ ਨੇ ਕਿਹਾ ਕਿ ਇਸ ਤੋਂ ਵੱਧ ਪਵਿੱਤਰ ਕੋਈ ਥਾਂ ਨਹੀਂ ਹੋ ਸਕਦੀ। ਹਰ ਕਿਸੇ ਨੇ ਇੱਕ ਨਾ ਇੱਕ ਦਿਨ ਸ਼ਮਸ਼ਾਨਘਾਟ ਜਾਣਾ ਹੈ। ਅਜਿਹਾ ਨਜ਼ਾਰਾ ਪਹਿਲੀ ਵਾਰ ਦੇਖਿਆ ਕਿ ਧੀ ਦੀ ਡੋਲੀ ਸ਼ਮਸ਼ਾਨਘਾਟ ਤੋਂ ਵਿਦਾ ਹੋਈ ਹੈ।