'71 ਦੀ ਜੰਗ ਦੇ ਹੀਰੋ ਬ੍ਰਿਗੇਡੀਅਰ ਸੰਧੂ ਨੂੰ ਸਰਕਾਰੀ ਸਨਮਾਨਾਂ ਨਾਲ ਵਿਦਾਈ

ਚੰਡੀਗੜ੍ਹ: ਬ੍ਰਿਗੇਡੀਅਰ ਐਨ.ਐਸ. ਸੰਧੂ ਦਾ ਸ਼ਨੀਵਾਰ ਨੂੰ ਮਿਲਿਟ੍ਰੀ ਸਨਮਾਨਾਂ ਦੇ ਨਾਲ ਚੰਡੀਗੜ੍ਹ ਦੇ ਸੈਕਟਰ 25 ਗ੍ਰਾਊਂਡ 'ਚ ਅੰਤਿਮ ਸੰਸਕਾਰ ਕੀਤਾ ਗਿਆ। ਬ੍ਰਿਗੇਡੀਅਰ ਸੰਧੂ 1971 ਵਿੱਚ ਹੋਈ ਭਾਰਤ-ਪਾਕਿ ਜੰਗ ਤੋਂ ਬਾਅਦ ਮਹਾਂਵੀਰ ਚੱਕਰ (ਐਮ.ਵੀ.ਸੀ.) ਚੱਕਰ ਨਾਲ ਸਨਮਾਨਤ ਸਨ। ਉਨ੍ਹਾਂ ਦੀ ਸ਼ੁੱਕਰਵਾਰ ਨੂੰ ਚੰਡੀਗੜ੍ਹ ਵਿੱਚ ਕੈਂਸਰ ਨਾਲ ਮੌਤ ਹੋ ਗਈ ਸੀ। ਉਹ 87 ਸਾਲ ਦੇ ਸਨ। ਸੰਧੂ ਨੂੰ ਭਾਰਤ ਦੇ ਸੈਕਿੰਡ ਸਭ ਤੋਂ ਉੱਚੇ ਵੀਰਤਾ ਐਵਾਰਡ ਦਾ ਸਨਮਾਨਿਆ ਗਿਆ ਸੀ। ਉਹ (10 ਡੋਗਰਾ) ਦੇ ਕਮਾਂਡਿੰਗ ਅਫ਼ਸਰ ਦੇ ਤੌਰ 'ਤੇ ਪਾਕਿਸਤਾਨ ਦੇ ਖੇਤਰ 'ਚ ਵਿੱਚ ਇੱਕ ਮੁੱਖ ਪੁਲ ਉੱਤੇ ਕਬਜ਼ਾ ਕਰ ਲਿਆ ਸੀ। ਸੀਨੀਅਰ ਅਧਿਕਾਰੀਆਂ ਨੇ ਕਿਹਾ ਕਿ ਡੇਰਾ ਬਾਬਾ ਨਾਨਕ ਦੀ ਵੱਡੀ ਜਿੱਤ ਦਾ ਸਿਹਰਾ ਸੰਧੂ ਦੇ ਸਿਰ ਸੀ, ਜੋ ਪਾਕਿਸਤਾਨੀ ਫ਼ੌਜ ਲਈ ਇੱਕ ਵੱਡਾ ਝਟਕਾ ਸੀ। ਸੰਧੂ ਕਮਾਂਡ ਦੇ ਅਧੀਨ ਇੱਕ ਅਧਿਕਾਰੀ ਕੈਪਟਨ ਡੀ.ਐਸ. ਅਹਿਲਾਵਤ ਨੂੰ ਮਰਨ ਉਪਰੰਤ ਮਹਾਵੀਰ ਚੱਕਰ ਨਾਲ ਸਨਮਾਨਿਆ ਸੀ।