ਪੰਜਾਬ ਦੇ DIG ਨੇ ਸੇਵਾ-ਪਾਣੀ ਕਹਿ ਕੇ ਮੰਗੀ ਰਿਸ਼ਵਤ, ਬਚੌਲੀਏ ਨੂੰ ਕਿਹਾ- 8 ਫੜਨੇ ਨੇ 8, ਜਿੰਨੇ ਦਿੰਦਾ...
Punjab News: ਪੰਜਾਬ ਪੁਲਿਸ ਦੇ ਡੀਆਈਜੀ ਹਰਚਰਨ ਭੁੱਲਰ ਵਿਰੁੱਧ ਦਰਜ ਐਫਆਈਆਰ ਦੀ ਇੱਕ ਕਾਪੀ ਸਾਹਮਣੇ ਆਈ ਹੈ। ਇਸ ਵਿੱਚ ਡੀਆਈਜੀ ਭੁੱਲਰ ਨੇ ਸੇਵਾ-ਪਾਣੀ ਦੇ ਨਾਮ 'ਤੇ ਰਿਸ਼ਵਤ ਮੰਗੀ ਸੀ।
Punjab News: ਪੰਜਾਬ ਪੁਲਿਸ ਦੇ ਡੀਆਈਜੀ ਹਰਚਰਨ ਭੁੱਲਰ ਵਿਰੁੱਧ ਦਰਜ ਐਫਆਈਆਰ ਦੀ ਇੱਕ ਕਾਪੀ ਸਾਹਮਣੇ ਆਈ ਹੈ। ਇਸ ਵਿੱਚ ਡੀਆਈਜੀ ਭੁੱਲਰ ਨੇ ਸੇਵਾ-ਪਾਣੀ ਦੇ ਨਾਮ 'ਤੇ ਰਿਸ਼ਵਤ ਮੰਗੀ ਸੀ। ਡੀਆਈਜੀ ਨੇ ਆਪਣੇ ਵਿਚੋਲੇ ਨੂੰ ਇੱਕ ਵਟਸਐਪ ਕਾਲ ਕੀਤੀ, ਜਿਸ ਵਿੱਚ ਕਿਹਾ ਗਿਆ, "8 ਫੜਨੇ ਨੇ 8, ਜਿੰਨਾ ਦਿੰਦਾ ਨਾਲ-ਨਾਲ ਫੜੀ ਚੱਲ।" ਸੀਬੀਆਈ ਦੇ ਅਨੁਸਾਰ, ਜਿਸ ਨੰਬਰ ਤੋਂ ਕਾਲ ਕੀਤੀ ਗਈ ਸੀ ਉਹ ਡੀਆਈਜੀ ਭੁੱਲਰ ਦਾ ਸੀ।
ਇਸ ਤੋਂ ਬਾਅਦ, ਸੀਬੀਆਈ ਨੇ ਕੇਸ ਦਰਜ ਕਰਕੇ ਵਿਚੋਲੇ ਅਤੇ ਫਿਰ ਡੀਆਈਜੀ ਹਰਚਰਨ ਭੁੱਲਰ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਡੀਆਈਜੀ ਦੇ ਚੰਡੀਗੜ੍ਹ ਨਿਵਾਸ ਦੀ ਤਲਾਸ਼ੀ ਲੈਣ ਤੋਂ ਬਾਅਦ, ਸੀਬੀਆਈ ਨੇ ਤਿੰਨ ਬੈਗਾਂ ਅਤੇ ਇੱਕ ਬ੍ਰੀਫਕੇਸ ਵਿੱਚ ਪੈਕ ਕੀਤੇ ਇੱਕ ਕਰੋੜ ਰੁਪਏ ਤੋਂ ਵੱਧ ਦੀ ਨਕਦੀ ਜ਼ਬਤ ਕੀਤੀ। ਵੱਡੀ ਮਾਤਰਾ ਵਿੱਚ ਗਹਿਣੇ ਵੀ ਬਰਾਮਦ ਕੀਤੇ ਗਏ।
ਸੀਬੀਆਈ ਦੇ ਚੰਡੀਗੜ੍ਹ ਪੁਲਿਸ ਸਟੇਸ਼ਨ ਵਿੱਚ ਦਰਜ ਐਫਆਈਆਰ ਵਿੱਚ ਕਿਹਾ ਗਿਆ ਹੈ ਕਿ 11 ਅਕਤੂਬਰ ਨੂੰ ਫਤਿਹਗੜ੍ਹ ਸਾਹਿਬ ਦੇ ਮੰਡੀ ਗੋਬਿੰਦਗੜ੍ਹ ਜ਼ਿਲ੍ਹੇ ਦੇ ਵਸਨੀਕ ਆਕਾਸ਼ ਬੱਤਾ ਨੇ ਇੱਕ ਸ਼ਿਕਾਇਤ ਦਰਜ ਕਰਵਾਈ ਸੀ ਕਿ ਡੀਆਈਜੀ, ਆਪਣੇ ਵਿਚੋਲੇ, ਕ੍ਰਿਸ਼ਨੂ ਰਾਹੀਂ, ਰਿਸ਼ਵਤ ਦੀ ਮੰਗ ਕਰ ਰਿਹਾ ਹੈ। ਬਦਲੇ ਵਿੱਚ, ਉਸ ਨੂੰ ਭਰੋਸਾ ਦਿੱਤਾ ਗਿਆ ਸੀ ਕਿ 2023 ਵਿੱਚ ਸਰਹਿੰਦ ਵਿੱਚ ਦਰਜ ਐਫਆਈਆਰ ਨੰਬਰ 155 ਵਿੱਚ ਉਸਦੇ ਵਿਰੁੱਧ ਕੋਈ ਪੁਲਿਸ ਕਾਰਵਾਈ ਨਹੀਂ ਕੀਤੀ ਜਾਵੇਗੀ। ਉਸਨੂੰ ਇਹ ਵੀ ਕਿਹਾ ਗਿਆ ਸੀ ਕਿ ਫਿਰ ਉਹ ਆਸਾਨੀ ਨਾਲ ਆਪਣਾ ਸਕ੍ਰੈਪ ਕਾਰੋਬਾਰ ਜਾਰੀ ਰੱਖ ਸਕਦਾ ਹੈ।
ਬੱਤਾ ਨੇ ਕਿਹਾ ਕਿ ਡੀਆਈਜੀ ਭੁੱਲਰ ਉਸ ਤੋਂ ਮਹੀਨਾਵਾਰ ਪੈਮੇਂਟ ਦੀ ਮੰਗ ਕਰ ਰਹੇ ਸੀ, ਜਿਸ ਨੂੰ ਉਹ "ਸੇਵਾ-ਪਾਣੀ" ਕਹਿੰਦੇ ਸਨ। ਉਸ ਨੂੰ ਧਮਕੀ ਦਿੱਤੀ ਗਈ ਸੀ ਕਿ ਜੇਕਰ ਉਸ ਨੇ ਪੈਮੇਂਟ ਨਹੀਂ ਕੀਤੀ, ਤਾਂ ਉਸ ਨੂੰ ਸਕ੍ਰੈਪ ਕਾਰੋਬਾਰ ਦੇ ਇੱਕ ਝੂਠੇ ਮਾਮਲੇ ਵਿੱਚ ਫਸਾਇਆ ਜਾਵੇਗਾ। ਇਸ ਤੋਂ ਬਾਅਦ, ਸੀਬੀਆਈ ਨੇ ਸ਼ਿਕਾਇਤ ਨੂੰ ਜਾਂਚ ਲਈ ਚੰਡੀਗੜ੍ਹ ਸੀਬੀਆਈ ਦੇ ਸਬ-ਇੰਸਪੈਕਟਰ ਸਚਿਨ ਸਿੰਘ ਨੂੰ ਸੌਂਪ ਦਿੱਤਾ।
ਇਸ ਤੋਂ ਬਾਅਦ ਜਾਂਚ ਸ਼ੁਰੂ ਹੋਈ ਤੇ ਪਤਾ ਲੱਗਿਆ ਕਿ ਡੀਆਈਜੀ ਭੁੱਲਰ ਨੇ ਪੁਰਾਣੀ ਐਫਆਈਆਰ ਦਾ ਨਿਪਟਾਰਾ ਕਰਨ ਦੇ ਬਦਲੇ ਆਪਣੇ ਵਿਚੋਲੇ ਕ੍ਰਿਸ਼ਨੂ ਰਾਹੀਂ 8 ਲੱਖ ਰੁਪਏ ਦੀ ਮੰਗ ਕੀਤੀ ਸੀ। ਜਾਂਚ ਦੌਰਾਨ, ਡੀਆਈਜੀ ਵੱਲੋਂ ਵਿਚੋਲੇ ਕ੍ਰਿਸ਼ਨੂ ਨੂੰ ਇੱਕ ਵਟਸਐਪ ਕਾਲ ਆਈ ਜਿਸ ਵਿੱਚ ਡੀਆਈਜੀ ਭੁੱਲਰ ਨੇ ਉਸ ਨੂੰ ਕਿਹਾ, "8 ਫੜਨੇ ਨੇ 8 (ਮੈਂ 8 ਲੱਖ ਲੈਣਾ ਚਾਹੁੰਦਾ ਹਾਂ)।" ਫਿਰ ਉਸ ਨੇ ਕਿਹਾ, "ਜਿੰਨੇ ਦਿੰਦਾ ਨਾਲ ਨਾਲ ਫੜੀ ਚੱਲ, ਓਹਨੂੰ ਕਹਿਦੇ 8 ਕਰ ਦੇ ਪੂਰਾ (ਜੋ ਵੀ ਉਹ ਦੇ ਰਿਹਾ ਹੈ, ਉਸ ਨੂੰ ਨਾਲ-ਨਾਲ ਲੈ ਕੇ ਚੱਲ, ਉਸਨੂੰ ਕਹਿ ਦੇ 8 ਪੂਰੇ ਕਰਨੇ ਆ)।"
ਇਸ ਤੋਂ, ਸੀਬੀਆਈ ਨੇ ਸਿੱਟਾ ਕੱਢਿਆ ਕਿ ਡੀਆਈਜੀ ਨੇ ਆਪਣੇ ਵਿਚੋਲੇ ਨੂੰ 8 ਲੱਖ ਰੁਪਏ ਇਕੱਠੇ ਕਰਨ ਦਾ ਨਿਰਦੇਸ਼ ਦਿੱਤਾ ਸੀ। ਸੀਬੀਆਈ ਦੇ ਅਨੁਸਾਰ, ਵਿਚੋਲੇ ਨਾਲ ਗੱਲਬਾਤ ਵਿੱਚ ਵਰਤਿਆ ਗਿਆ ਫ਼ੋਨ ਨੰਬਰ ਡੀਆਈਜੀ ਹਰਚਰਨ ਭੁੱਲਰ ਦਾ ਸੀ। ਇਸ ਤੋਂ ਬਾਅਦ, ਸੀਬੀਆਈ ਨੇ ਇਸ ਮਾਮਲੇ ਵਿੱਚ ਡੀਆਈਜੀ ਭੁੱਲਰ ਅਤੇ ਵਿਚੋਲੇ ਵਿਰੁੱਧ ਕੇਸ ਦਰਜ ਕੀਤਾ।
Before You Go
ਬਠਿੰਡਾ'ਚ BJP ਆਗੂ ਦੇ ਕਲੀਨਿਕ 'ਤੇ ਹਮਲਾ cctv ਨੇ ਖੋਲ੍ਹੇ ਰਾਜ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
