Budget Session: ਪੰਜਾਬ 'ਚ ਕੱਢੀ ਜਾਵੇਗੀ 'ਮਾਲਵਾ ਨਹਿਰ', 4 ਤੋਂ 5 ਲੱਖ ਟਿਊਬਵੈੱਲ ਹੋਣਗੇ ਬੰਦ, ਮੁੱਖ ਮੰਤਰੀ ਨੇ ਕੀਤਾ ਐਲਾਨ !
ਮਾਨ ਨੇ ਕਿਹਾ ਅਸੀਂ ਚਾਹੁੰਦੇ ਹਾਂ ਟਿਊਬਵੈਲਾਂ ਦੀ ਲੋੜ ਹੀ ਨਾ ਪਵੇ, ਸਾਡੇ ਕੋਲ ਨਹਿਰੀ ਪਾਣੀ ਹੀ ਬਹੁਤ ਆ ਜਾਵੇ ਜਿਸ ਦੇ ਲਈ ਮਾਲਵਾ ਨਹਿਰ ਦੀ ਤਜਵੀਜ਼ ਰੱਖੀ ਗਈ ਹੈ ਜਿਸ ਲਈ ਆਉਣ ਵਾਲੇ ਦਿਨਾਂ ਵਿੱਚ ਨੋਟੀਫਿਕੇਸ਼ਨ ਜਾਰੀ ਹੋ ਜਾਵੇਗਾ।
Bhagwant Mann: ਪੰਜਾਬ ਵਿਧਾਨ ਸਭਾ ਦਾ ਬਜਟ ਸੈਸ਼ਨ ਚੱਲ ਰਿਹਾ ਹੈ ਜਿਸ ਵਿੱਚ ਪਹਿਲੇ ਦਿਨਾਂ ਵਿੱਚ ਤਾਂ ਆਪਣੀ ਖਹਿਬੜਬਾਜ਼ੀ ਤੋਂ ਬਿਨਾਂ ਪੰਜਾਬ ਲਈ ਕਈ ਸੁਹਿਰਦਤਾ ਨਹੀਂ ਵਿਖਾਈ ਦਿੱਤੀ ਪਰ ਅੱਜ (5 ਮਾਰਚ) ਨੂੰ ਵਿੱਤ ਮੰਤਰੀ ਨੇ 2 ਲੱਖ 4 ਹਜ਼ਾਰ 918 ਕਰੋੜ ਦਾ ਬਜਟ ਪੇਸ਼ ਕੀਤਾ। ਇਸ ਮੌਕੇ ਮੁੱਖ ਮੰਤਰੀ ਭਗਵੰਤ ਸਿੰਘ ਨੇ ਪਾਣੀ ਦੇ ਡਿੱਗਦੇ ਪੱਧਰ ਨੂੰ ਰੋਕਣ ਲਈ ਨਵੀਂ ਨਹਿਰ ਦਾ ਐਲਾਨ ਕੀਤਾ ਹੈ।
ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਕਿਹਾ ਕਿ ਪੰਜਾਬ ਵਿੱਚ ਤਕਰੀਬਨ ਹਰ ਕਿਸਾਨ ਕੋਲ ਮੋਟਰ ਕੁਨੈਕਸ਼ਨ ਹੈ ਤੇ ਸਾਡਾ ਵਿਜ਼ਨ ਹੈ ਕਿ ਪੰਜਾਬ ਦੀਆਂ ਬੰਦ ਪਈਆਂ ਨਹਿਰਾਂ, ਰਜ਼ਬਾਹੇ, ਨਾਲੇ, ਖਾਲ ਤੇ ਕੱਸੀਆਂ ਨੂੰ ਮੁੜ ਸੁਰਜੀਤ ਜਾਵੇ ਜਿਸ ਨੂੰ ਲੈ ਕੇ ਕੰਮ ਵੀ ਹੋ ਰਿਹਾ ਹੈ। ਹਰ ਰੋਜ਼ 13 ਕਿਲੋਮੀਟਰ ਦੀ ਐਵਰੇਜ ਦੇ ਹਿਸਾਬ ਨਾਲ ਕੰਮ ਹੋ ਰਿਹਾ ਹੈ। ਮਾਨ ਨੇ ਕਿਹਾ ਕਿ ਕਈ ਲੋਕਾਂ ਦੀਆਂ ਵੀਡੀਓ ਸਾਹਮਣੇ ਆਈਆਂ ਹਨ ਕਿ 35 ਸਾਲਾਂ ਬਾਅਦ ਉਨ੍ਹਾਂ ਦੇ ਪਿੰਡਾਂ ਵਿੱਚ ਨਹਿਰੀ ਪਾਣੀ ਪਹੁੰਚਿਆ ਹੈ।
16ਵੀਂ ਪੰਜਾਬ ਵਿਧਾਨ ਸਭਾ ਦੇ ਬਜਟ ਸੈਸ਼ਨ ਦੌਰਾਨ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਕਿਹਾ ਕਿ ਪੰਜਾਬ ਸਰਕਾਰ ਦਾ 'ਵਿਜ਼ਨ' ਹੈ ਕਿ ਉਹ ਪੰਜਾਬ ਦੀ ਸਿੰਚਾਈ ਸੰਬੰਧੀ ਹਰ ਸਮੱਸਿਆ ਨੂੰ ਹੱਲ ਕਰਨ। ਇਸ ਬਾਬਤ ਉਨ੍ਹਾਂ ਨੇ ਨਵੀਂ 'ਮਾਲਵਾ ਨਹਿਰ' ਦੀ ਤਜਵੀਜ਼ ਦਾ ਪ੍ਰਸਤਾਵ ਰੱਖਿਆ । pic.twitter.com/3pEMNwVSbS
— Government of Punjab (@PunjabGovtIndia) March 5, 2024
ਮਾਨ ਨੇ ਕਿਹਾ ਅਸੀਂ ਚਾਹੁੰਦੇ ਹਾਂ ਟਿਊਬਵੈਲਾਂ ਦੀ ਲੋੜ ਹੀ ਨਾ ਪਵੇ, ਸਾਡੇ ਕੋਲ ਨਹਿਰੀ ਪਾਣੀ ਹੀ ਬਹੁਤ ਆ ਜਾਵੇ ਜਿਸ ਦੇ ਲਈ ਮਾਲਵਾ ਨਹਿਰ ਦੀ ਤਜਵੀਜ਼ ਰੱਖੀ ਗਈ ਹੈ ਜਿਸ ਲਈ ਆਉਣ ਵਾਲੇ ਦਿਨਾਂ ਵਿੱਚ ਨੋਟੀਫਿਕੇਸ਼ਨ ਜਾਰੀ ਹੋ ਜਾਵੇਗਾ।ਮਾਨ ਨੇ ਦੱਸਿਆ ਕਿ ਰਾਜਸਥਾਨ ਨੂੰ ਇੱਕ ਇੰਦਰਾ ਗਾਂਧੀ ਨਹਿਰ ਜਾਂਦੀ ਹੈ ਜਿਸ ਰਾਹੀ 18 ਹਜ਼ਾਰ ਕਿਊਸਿਕ ਪਾਣੀ ਜਾਂਦਾ ਹੈ। ਇਸ ਦੇ ਨਾਲ ਹੀ ਇੱਕ ਸਰਹਿੰਦ ਨਹਿਰ ਹੈ ਜਿਸ ਵਿੱਚ 5 ਹਜ਼ਾਰ ਪਾਣੀ ਜਾਂਦਾ ਹੈ ਇਸ ਦੇ ਨਾਲ ਹੀ ਇੱਕ ਮਾਲਵਾ ਨਹਿਰ ਬਣਾਈ ਜਾਵੇਗੀ ਜਿਸ ਨਾਲ ਫਾਜਿਲਕਾ ਤੇ ਅਬੋਹਰ ਦੇ ਇਲਾਕਿਆਂ ਨੂੰ ਕਦੇ ਪਾਣੀ ਦੀ ਕਮੀ ਨਹੀਂ ਆਵੇਗੀ। ਮਾਨ ਨੇ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਆਉਣ ਵਾਲੇ ਕੁਝ ਹੀ ਮਹੀਨਿਆਂ ਵਿੱਚ ਅਸੀਂ 14 ਲੱਖ ਚੋਂ 4 ਲੱਖ ਤੋਂ ਜ਼ਿਆਦਾ ਟਿਊਬਵੈਲ ਕਰਵਾ ਦਿਆਂਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
