ਪਾਕਿਸਤਾਨੀ ਡਰੋਨ 2 ਵਾਰ ਭਾਰਤੀ ਖੇਤਰ 'ਚ ਹੋਇਆ ਦਾਖ਼ਲ , ਪੁਲਿਸ ਅਤੇ BSF ਵੱਲੋਂ ਤਲਾਸ਼ੀ ਮੁਹਿੰਮ ਜਾਰੀ

 ਭਾਰਤ-ਪਾਕਿਸਤਾਨ ਸਰਹੱਦੀ ਖੇਤਰ ਜ਼ਿਲਾ ਤਰਨਤਾਰਨ 'ਚ ਸ਼ੁੱਕਰਵਾਰ-ਸ਼ਨੀਵਾਰ ਦਰਮਿਆਨੀ ਰਾਤ ਵੱਖ-ਵੱਖ ਸਮੇਂ 'ਤੇ ਦੋ ਪਾਕਿਸਤਾਨੀ ਡਰੋਨ ਦਿਖਾਈ ਦਿੱਤੇ। ਕਰੀਬ 82 ਰਾਊਂਡ ਗੋਲੀਆਂ ਅਤੇ 10 ਰਾਉਂਡ ਇਲਿਊਮਿਨੇਸ਼ਨ ਬੰਬ ਦਾਗੇ ਗਏ।

Pakistani drone

ਤਰਨਤਾਰਨ : ਭਾਰਤ-ਪਾਕਿਸਤਾਨ ਸਰਹੱਦੀ ਖੇਤਰ ਜ਼ਿਲਾ ਤਰਨਤਾਰਨ 'ਚ ਸ਼ੁੱਕਰਵਾਰ-ਸ਼ਨੀਵਾਰ ਦਰਮਿਆਨੀ ਰਾਤ ਵੱਖ-ਵੱਖ ਸਮੇਂ 'ਤੇ ਦੋ ਪਾਕਿਸਤਾਨੀ ਡਰੋਨ (Pakistani drone )ਦਿਖਾਈ ਦਿੱਤੇ। ਕਰੀਬ 82 ਰਾਊਂਡ ਗੋਲੀਆਂ ਅਤੇ 10 ਰਾਉਂਡ ਇਲਿਊਮਿਨੇਸ਼ਨ ਬੰਬ ਦਾਗੇ ਗਏ। ਇਸ ਘਟਨਾ ਤੋਂ ਬਾਅਦ ਇਲਾਕੇ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ। ਪੁਲਿਸ ਅਤੇ ਸੀਮਾ ਸੁਰੱਖਿਆ ਬਲ ਦੀ ਵਿਸ਼ੇਸ਼ ਟੀਮ ਵੱਲੋਂ ਸਵੇਰ ਤੋਂ ਹੀ ਤਲਾਸ਼ੀ ਮੁਹਿੰਮ ਜਾਰੀ ਹੈ।

 

ਦਰਅਸਲ 'ਚ ਸ਼ੁੱਕਰਵਾਰ ਰਾਤ 10.12 ਵਜੇ 103 ਬਟਾਲੀਅਨ ਦੀ ਸੀਮਾ ਸੁਰੱਖਿਆ ਬਲ ਦੀ ਟੀਮ ਸਰਹੱਦ 'ਤੇ ਸਖ਼ਤ ਪਹਿਰਾ ਦੇ ਰਹੀ ਸੀ। ਉਦੋਂ ਪਾਕਿਸਤਾਨ ਵਾਲੇ ਪਾਸਿਓਂ ਇੱਕ ਸ਼ੱਕੀ ਵਸਤੂ ਭਾਰਤੀ ਸਰਹੱਦੀ ਖੇਤਰ ਵਿੱਚ ਦਾਖ਼ਲ ਹੋਈ। ਜਿਸ ਤੋਂ ਬਾਅਦ ਟੀਮ ਇਕਦਮ ਚੌਕਸ ਹੋ ਗਈ। ਟੀਮ ਨੇ ਪਹਿਲਾਂ ਹੀ ਚੇਤਾਵਨੀ ਜਾਰੀ ਕੀਤੀ ਸੀ। 

 

ਜਵਾਨਾਂ ਨੇ ਅਤਿ-ਆਧੁਨਿਕ ਉਪਕਰਨਾਂ ਰਾਹੀਂ ਪਤਾ ਲਗਾਇਆ ਤਾਂ ਸੂਚਨਾ ਮਿਲੀ ਕਿ ਪਾਕਿਸਤਾਨੀ ਡਰੋਨ ਭਾਰਤੀ ਖੇਤਰ ਵਿੱਚ ਦਾਖ਼ਲ ਹੋ ਗਿਆ ਹੈ। ਟੀਮ ਨੇ 09 ਰਾਉਂਡ ਅਤੇ 04 ਰਾਉਂਡ ਇਲਿਊਮੀਨੇਸ਼ਨ ਬੰਬ ਦਾਗੇ। ਫਿਰ ਬਾਅਦ ਵਿਚ ਪਾਕਿਸਤਾਨੀ ਡਰੋਨ ਪਾਕਿਸਤਾਨ ਖੇਤਰ ਵੱਲ ਵਾਪਸ ਚਲਾ ਗਿਆ। ਫਿਲਹਾਲ, ਬੀਐਸਐਫ ਦੇ ਬੁਲਾਰੇ ਵੱਲੋਂ ਕੋਈ ਵੀ ਸ਼ੱਕੀ ਵਸਤੂ ਮਿਲਣ ਦੀ ਪੁਸ਼ਟੀ ਨਹੀਂ ਕੀਤੀ ਗਈ ਹੈ। 

ਇਸ ਤੋਂ ਬਾਅਦ ਸ਼ੁੱਕਰਵਾਰ-ਸ਼ਨੀਵਾਰ ਦੀ ਰਾਤ 1.10 ਵਜੇ ਪਾਕਿਸਤਾਨ ਵਾਲੇ ਪਾਸਿਓਂ ਡਰੋਨ ਫਿਰ ਤੋਂ ਭਾਰਤੀ ਖੇਤਰ 'ਚ ਦਾਖਲ ਹੋਇਆ। ਇਸ ਵਾਰ 73 ਰਾਉਂਡ ਅਤੇ 06 ਰਾਊਂਡ ਰੌਸ਼ਨ ਬੰਬ ਦਾਗੇ ਗਏ। ਭਾਰਤੀ ਖੇਤਰ ਵਿੱਚ ਕਰੀਬ ਚਾਰ ਮਿੰਟ ਤੱਕ ਡਰੋਨ ਦੀ ਮੌਜੂਦਗੀ ਦਰਜ ਕੀਤੀ ਗਈ। ਢੁੱਕਵਾਂ ਜਵਾਬ ਮਿਲਣ ਤੋਂ ਬਾਅਦ ਡਰੋਨ ਪਾਕਿਸਤਾਨੀ ਖੇਤਰ 'ਚ ਵਾਪਸ ਆ ਗਿਆ। ਦੋਵਾਂ ਮਾਮਲਿਆਂ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਬੀਐਸਐਫ ਅਤੇ ਪੁਲੀਸ ਟੀਮ ਵੱਲੋਂ ਸਬੰਧਤ ਇਲਾਕੇ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਜਾ ਰਹੀ ਹੈ।

 

ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ 'ਤੇ ਵੀ ਫੋਲੋ ਕਰ ਸਕਦੇ ਹੋ।