PSEB ਸਰਟੀਫਿਕੇਟ ਦੀ ਦੂਜੀ ਕਾਪੀ ਲੈਣੀ ਹੋਈ ਹੁਣ ਹੋਰ ਵੀ ਸਖ਼ਤ! ਨਵਾਂ ਨਿਯਮ ਜਾਣੋ, ਕਿਵੇਂ ਬਚੋਗੇ ਮੁਸੀਬਤ ਤੋਂ? ਪੁਲਿਸ ਰਿਪੋਰਟ ਜ਼ਰੂਰੀ!
PSEB ਬੋਰਡ ਵੱਲੋਂ ਵੱਡਾ ਅਤੇ ਅਹਿਮ ਫੈਸਲਾ ਲਿਆ ਗਿਆ ਹੈ। ਜੀ ਹਾਂ ਕਈ ਵਾਰ ਲੋਕਾਂ ਦੇ ਸਰਟੀਫਿਕੇਟ ਗੁੰਮ ਜਾਂਦੇ ਹਨ, ਜਾਂ ਫਿਰ ਫੱਟ ਜਾਂਦੇ ਹਨ ਤਾਂ ਤੁਹਾਨੂੰ ਦੱਸ ਦੇਈਏ ਪੰਜਾਬ ਬੋਰਡ ਵੱਲੋਂ ਨਵਾਂ ਨਿਯਮ ਬਣਾ ਦਿੱਤਾ ਹੈ। ਜਿਸ ਚ ਪੁਲਿਸ ਰਿਪੋਰਟ..
ਪੰਜਾਬ ਸਕੂਲ ਸਿੱਖਿਆ ਬੋਰਡ (PSEB) ਵੱਲੋਂ ਹੁਣ ਕਿਸੇ ਵੀ ਸਰਟੀਫਿਕੇਟ ਦੀ ਦੂਜੀ ਕਾਪੀ ਲੈਣ ਲਈ ਪੁਲਿਸ ਵਿੱਚ ਰਿਪੋਰਟ ਦਰਜ ਕਰਵਾਉਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ। ਬੋਰਡ ਨੇ ਸਪੱਸ਼ਟ ਕੀਤਾ ਹੈ ਕਿ ਬਿਨਾ ਪੁਲਿਸ ਰਿਪੋਰਟ ਦੇ ਕਿਸੇ ਨੂੰ ਵੀ ਦੂਜਾ ਸਰਟੀਫਿਕੇਟ ਜਾਰੀ ਨਹੀਂ ਕੀਤਾ ਜਾਵੇਗਾ। ਜੇ ਕਿਸੇ ਦਾ ਸਰਟੀਫਿਕੇਟ ਫਟ ਗਿਆ ਹੈ ਤਾਂ ਉਸ ਨੂੰ ਉਹ ਅਸਲ ਫੱਟਿਆ ਸਰਟੀਫਿਕੇਟ ਬੋਰਡ ਦਫ਼ਤਰ ਵਿੱਚ ਜਮ੍ਹਾ ਕਰਵਾਉਣਾ ਪਵੇਗਾ।
ਦੂਜੀ ਕਾਪੀ ਲਈ ਪੁਲਿਸ ਰਿਪੋਰਟ ਕੀਤੀ ਲਾਜ਼ਮੀ
ਪੰਜਾਬ ਸਕੂਲ ਸਿੱਖਿਆ ਬੋਰਡ ਨੇ ਇਹ ਪਹਿਲੀ ਵਾਰ ਸਰਟੀਫਿਕੇਟ ਦੀ ਦੂਜੀ ਨਕਲ ਲਈ ਪੁਲਿਸ ਰਿਪੋਰਟ ਦੀ ਸ਼ਰਤ ਰੱਖੀ ਹੈ। ਇਸ ਸਬੰਧੀ ਬੋਰਡ ਨੇ ਸਕੂਲ ਪ੍ਰਿੰਸੀਪਲਾਂ ਨੂੰ ਵੀ ਸਪੱਸ਼ਟ ਹੁਕਮ ਜਾਰੀ ਕਰ ਦਿੱਤੇ ਹਨ। ਸਰਟੀਫਿਕੇਟ ਗੁੰਮ ਹੋਣ ਦੀ ਸੂਰਤ ਵਿੱਚ ਅਰਜ਼ੀਕਾਰ ਨੂੰ ਪੁਲਿਸ ਰਿਪੋਰਟ ਦੇ ਨਾਲ ਇੱਕ ਹਲਫਨਾਮਾ ਵੀ ਦੇਣਾ ਪਵੇਗਾ।
ਅਰਜ਼ੀਕਾਰ ਨੂੰ ਹਲਫਨਾਮੇ ਵਿੱਚ ਇਹ ਵੀ ਲਿਖਣਾ ਪਵੇਗਾ ਕਿ ਭਵਿੱਖ ਵਿੱਚ ਜੇ ਉਸਦਾ ਅਸਲ ਸਰਟੀਫਿਕੇਟ ਮਿਲ ਜਾਂਦਾ ਹੈ ਤਾਂ ਉਹ ਦੂਜੀ ਕਾਪੀ ਵਿੱਚੋਂ ਇੱਕ ਸਰਟੀਫਿਕੇਟ PSEB ਦਫ਼ਤਰ ਵਿੱਚ ਜਮ੍ਹਾ ਕਰਵਾ ਦੇਵੇਗਾ।
ਬੋਰਡ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਪੁਲਿਸ ਰਿਪੋਰਟ ਦੀ ਸ਼ਰਤ ਇਸ ਲਈ ਰੱਖੀ ਗਈ ਹੈ ਤਾਂ ਜੋ ਸਿਰਫ਼ ਉਹੀ ਲੋਕ ਦੂਜੇ ਸਰਟੀਫਿਕੇਟ ਲਈ ਅਰਜ਼ੀ ਦਾਖਲ ਕਰਨ ਜਿਨ੍ਹਾਂ ਨੂੰ ਸੱਚਮੁੱਚ ਇਸਦੀ ਲੋੜ ਹੋਵੇ।
ਕਈ ਵਾਰੀ ਨੌਜਵਾਨ ਆਪਣੇ ਸਰਟੀਫਿਕੇਟ ਬੈਂਕ ਵਿੱਚ ਜਮ੍ਹਾ ਕਰਵਾ ਕੇ ਲੋਨ ਲੈ ਲੈਂਦੇ ਹਨ। ਬੈਂਕ ਸਰਟੀਫਿਕੇਟ ਦੇ ਬਦਲੇ ਲੋਨ ਜਾਰੀ ਕਰ ਦਿੰਦੇ ਹਨ। ਕੁਝ ਲੋਕ ਲੋਨ ਲਈ ਆਪਣਾ ਸਰਟੀਫਿਕੇਟ ਬੈਂਕ ਵਿੱਚ ਰੱਖਵਾ ਦਿੰਦੇ ਹਨ ਅਤੇ ਫਿਰ ਬੋਰਡ ਤੋਂ ਉਸਦੀ ਦੂਜੀ ਕਾਪੀ ਕਢਵਾ ਲੈਂਦੇ ਹਨ। ਇਸ ਦੌਰਾਨ ਬੋਰਡ ਨੂੰ ਇਹ ਪਤਾ ਨਹੀਂ ਹੁੰਦਾ ਕਿ ਉਹ ਸਰਟੀਫਿਕੇਟ ਬੈਂਕ ਵਿੱਚ ਪਹਿਲਾਂ ਹੀ ਜਮ੍ਹਾ ਹੈ।
ਅਜਿਹੇ ਮਾਮਲਿਆਂ ਵਿੱਚ ਕਈ ਵਾਰ ਬੋਰਡ ਨੂੰ ਕਾਨੂੰਨੀ ਕਾਰਵਾਈ ਦਾ ਹਿੱਸਾ ਬਣਨਾ ਪੈਂਦਾ ਹੈ। ਇਸ ਲਈ ਹੁਣ ਬੋਰਡ ਪੁਲਿਸ ਰਿਪੋਰਟ ਜਾਂ ਨੁਕਸਾਨਸ਼ੁਦਾ (ਡੈਮੇਜ) ਸਰਟੀਫਿਕੇਟ ਮੰਗ ਕੇ ਇਹ ਯਕੀਨੀ ਬਣਾਵੇਗਾ ਕਿ ਅਰਜ਼ੀਕਾਰ ਦਾ ਸਰਟੀਫਿਕੇਟ ਵਾਕਈ ਗੁੰਮ ਗਿਆ ਹੈ ਜਾਂ ਖਰਾਬ ਹੋਇਆ ਹੈ, ਇਸ ਕਰਕੇ ਹੀ ਉਹ ਦੂਜੀ ਕਾਪੀ ਦੀ ਡਿਮਾਂਡ ਕਰ ਰਿਹਾ ਹੈ।
ਆਵੇਦਕ ਆਨਲਾਈਨ ਜਾਂ ਆਫਲਾਈਨ, ਦੋਹਾਂ ਤਰੀਕਿਆਂ ਨਾਲ ਅਰਜ਼ੀ ਦੇ ਸਕਦਾ ਹੈ।
PSEB ਤੋਂ ਸਰਟੀਫਿਕੇਟ ਦੀ ਦੂਜੀ ਕਾਪੀ ਹਾਸਲ ਕਰਨ ਲਈ:
ਆਫਲਾਈਨ ਮੋਡ: ਬਿਨੈਕਾਰ ਨੂੰ ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੇ ਮੁੱਖ ਦਫ਼ਤਰ ਮੋਹਾਲੀ ਵਿਖੇ ਜਾ ਕੇ ਸਿੰਗਲ ਵਿੰਡੋ 'ਤੇ ਅਰਜ਼ੀ ਦੇਣੀ ਪਵੇਗੀ।
ਆਨਲਾਈਨ ਮੋਡ: ਬਿਨੈਕਾਰ ਘਰ ਬੈਠੇ ਹੀ ਆਨਲਾਈਨ ਅਪਲਾਈ ਕਰ ਸਕੇਗਾ, ਜਿਸ ਨਾਲ ਪ੍ਰਕਿਰਿਆ ਆਸਾਨ ਅਤੇ ਤੇਜ਼ ਹੋ ਜਾਂਦੀ ਹੈ।
2002 ਤੋਂ ਪਹਿਲਾਂ ਵਾਲਿਆਂ ਨੂੰ ਨਹੀਂ ਮਿਲੇਗੀ ਮਾਰਕਸ ਡੀਟੇਲ
PSEB ਨੇ ਸਪਸ਼ਟ ਕੀਤਾ ਹੈ ਕਿ ਜੇ ਕਿਸੇ ਬਿਨੈਕਾਰ ਨੂੰ 2002 ਤੋਂ ਪਹਿਲਾਂ ਦੀ ਡੀਟੇਲ ਮਾਰਕਸ ਸ਼ੀਟ ਚਾਹੀਦੀ ਹੈ, ਤਾਂ ਉਸਨੂੰ ਵਿਸ਼ੇ-ਵਾਇਜ਼ ਮਾਰਕਸ ਨਹੀਂ ਦਿੱਤੇ ਜਾਣਗੇ।
ਇਹਨਾਂ ਬਿਨੈਕਾਰਾਂ ਨੂੰ ਸਿਰਫ਼ ਇਹ ਲਿਖ ਕੇ ਮਿਲੇਗਾ ਕਿ ਉਹ ਪਾਸ ਸੀ ਜਾਂ ਫੇਲ, ਮਾਰਕਸ ਦੀ ਡੀਟੇਲ ਨਹੀਂ ਦਿੱਤੀ ਜਾਵੇਗੀ।
PSEB ਨੇ 2020 ਤੋਂ 2024 ਤੱਕ ਵਿਦਿਆਰਥੀਆਂ ਨੂੰ ਸਿਰਫ਼ ਈ-ਸਰਟੀਫਿਕੇਟ ਜਾਰੀ ਕੀਤੇ ਸਨ।
ਜਿਨ੍ਹਾਂ ਵਿਦਿਆਰਥੀਆਂ ਨੇ ਉਸ ਸਮੇਂ ਹਾਰਡ ਕਾਪੀ ਦੀ ਫੀਸ ਵੀ ਭਰੀ ਸੀ, ਉਹਨਾਂ ਨੂੰ ਹੀ ਹਾਰਡ ਕਾਪੀ ਮਿਲੀ ਸੀ।
ਹੁਣ ਜੇ ਇਸ ਸਮੇਂ ਦੇ ਕਿਸੇ ਵੀ ਵਿਦਿਆਰਥੀ ਨੂੰ ਸਰਟੀਫਿਕੇਟ ਦੀ ਹਾਰਡ ਕਾਪੀ ਚਾਹੀਦੀ ਹੈ, ਤਾਂ ਮਾਮਲਾ ਮੁਸ਼ਕਲ ਬਣਦਾ ਹੈ, ਕਿਉਂਕਿ:
ਉਹ ਗੁੰਮ ਹੋਣ ਦੀ ਪੁਲਿਸ ਰਿਪੋਰਟ ਨਹੀਂ ਕਰਵਾ ਸਕਦੇ
ਉਹਨਾਂ ਕੋਲ ਡੈਮੇਜਡ ਸਰਟੀਫਿਕੇਟ ਵੀ ਨਹੀਂ ਹੋਵੇਗਾ
ਅਤੇ ਪਹਿਲੇ ਹੀ ਹਾਰਡ ਕਾਪੀ ਜਾਰੀ ਨਹੀਂ ਕੀਤੀ ਗਈ ਸੀ
Before You Go
Sajjan Kumar Death | 1984 ਸਿੱਖ ਕਤਲੇਆਮ ਦੇ ਦੋਸ਼ੀ ਸੱਜਣ ਕੁਮਾਰ ਦੀ ਮੌਤ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
