Punjab News: ਪੰਜਾਬ ਦੀ ਬਠਿੰਡਾ ਜੇਲ੍ਹ ਮੁੜ ਚਰਚਾ ‘ਚ, ਹੈਰਾਨ ਕਰਨ ਵਾਲਾ ਖੁਲਾਸਾ!
ਬਠਿੰਡਾ ਕੇਂਦਰੀ ਜੇਲ੍ਹ ਮੁੜ ਤੋਂ ਸੁਰਖੀਆਂ 'ਚ ਆ ਗਈ ਹੈ। ਜੀ ਹਾਂ ਜੇਲ੍ਹ ਪਰਿਸਰ 'ਚ ਜੈਮਰ ਹੋਣ ਅਤੇ ਪ੍ਰਸ਼ਾਸਨ ਵੱਲੋਂ ਲਗਾਤਾਰ ਖੋਜ ਅਭਿਆਨ ਚਲਾਏ ਜਾਣ ਦੇ ਬਾਵਜੂਦ ਮੋਬਾਈਲ ਫ਼ੋਨਾਂ ਦਾ ਮਿਲਣਾ ਜਾਰੀ ਹੈ। ਇਹ ਸਥਿਤੀ ਨਾ ਸਿਰਫ ਜੇਲ੍ਹ ਦੀ ਸੁਰੱਖਿਆ ‘ਤੇ ਸਵਾਲ ਖੜੇ
ਬਠਿੰਡਾ ਕੇਂਦਰੀ ਜੇਲ੍ਹ ਮੁੜ ਤੋਂ ਮੋਬਾਈਲ ਫ਼ੋਨ ਬਰਾਮਦਗੀ ਦੇ ਮਾਮਲਿਆਂ ਨੂੰ ਲੈ ਕੇ ਚਰਚਾ ‘ਚ ਹੈ। ਜੇਲ੍ਹ ਪਰਿਸਰ ਵਿੱਚ ਜੈਮਰ ਹੋਣ ਅਤੇ ਪ੍ਰਸ਼ਾਸਨ ਵੱਲੋਂ ਲਗਾਤਾਰ ਖੋਜ ਅਭਿਆਨ ਚਲਾਏ ਜਾਣ ਦੇ ਬਾਵਜੂਦ ਮੋਬਾਈਲ ਫ਼ੋਨਾਂ ਦਾ ਮਿਲਣਾ ਜਾਰੀ ਹੈ। ਇਹ ਸਥਿਤੀ ਨਾ ਸਿਰਫ ਜੇਲ੍ਹ ਦੀ ਸੁਰੱਖਿਆ ‘ਤੇ ਸਵਾਲ ਖੜੇ ਕਰ ਰਹੀ ਹੈ, ਸਗੋਂ ਕਾਨੂੰਨ-ਵਿਵਸਥਾ ਲਈ ਵੀ ਗੰਭੀਰ ਚੁਣੌਤੀ ਬਣ ਚੁਕੀ ਹੈ। ਪਿਛਲੇ ਦੋ ਮਹੀਨਿਆਂ ਵਿੱਚ ਹੀ ਜੇਲ੍ਹ ਪ੍ਰਸ਼ਾਸਨ ਨੂੰ 16 ਤੋਂ ਵੱਧ ਮੋਬਾਈਲ ਫ਼ੋਨ ਬਰਾਮਦ ਹੋਏ ਹਨ। ਇਨ੍ਹਾਂ ਵਿੱਚ ਕਈ ਸਮਾਰਟਫ਼ੋਨ ਵੀ ਸ਼ਾਮਲ ਹਨ, ਜਿਨ੍ਹਾਂ ਤੋਂ ਇੰਟਰਨੈੱਟ ਵਰਤਣ ਦੇ ਨਿਸ਼ਾਨ ਮਿਲੇ ਹਨ। ਇਸ ਨਾਲ ਜੇਲ੍ਹ ਦੇ ਅੰਦਰੋਂ ਬਾਹਰੀ ਦੁਨੀਆ ਨਾਲ ਸੰਪਰਕ ਬਣਾਇਆ ਜਾਣ ਦੀ ਸੰਭਾਵਨਾ ਵਧ ਗਈ ਹੈ।
ਕੈਦੀਆਂ ਕੋਲ ਮੋਬਾਈਲ ਕਿਵੇਂ ਪਹੁੰਚ ਰਹੇ ਹਨ?
ਜੇਲ੍ਹ ਸੂਤਰਾਂ ਦੇ ਅਨੁਸਾਰ, ਕੁਝ ਕੈਦੀ ਮੋਬਾਈਲ ਫ਼ੋਨ ਦਾ ਉਪਯੋਗ ਬਾਹਰੀ ਅਪਰਾਧੀਆਂ ਨਾਲ ਸੰਪਰਕ ਬਣਾਏ ਰੱਖਣ ਅਤੇ ਜੇਲ੍ਹ ਦੇ ਅੰਦਰ ਗੈਰਕਾਨੂੰਨੀ ਗਤੀਵਿਧੀਆਂ ਚਲਾਉਣ ਲਈ ਕਰਦੇ ਹਨ। ਜਾਂਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ—ਕੁਝ ਮੋਬਾਈਲ ਮੁਲਾਕਾਤੀਆਂ ਦੀ ਮਦਦ ਨਾਲ ਅੰਦਰ ਲਿਆਂਦੇ ਗਏ, ਕੁਝ ਜੇਲ੍ਹ ਪਰਿਸਰ ਵਿੱਚੋਂ ਬਾਹਰੋਂ ਸੁੱਟੇ ਗਏ ਅਤੇ ਕਈ ਮਾਮਲਿਆਂ ਵਿੱਚ ਜੇਲ੍ਹ ਸਟਾਫ਼ ਦੀ ਮਿਲੀਭੁਗਤ ਦੀ ਸੰਭਾਵਨਾ ਤੋਂ ਵੀ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। ਜੇਲ੍ਹ ਪ੍ਰਸ਼ਾਸਨ ਨੇ ਸੁਰੱਖਿਆ ਵਧਾਉਣ ਲਈ ਸੀਸੀਟੀਵੀ ਕੈਮਰਿਆਂ (CCTV cameras) ਦੀ ਗਿਣਤੀ ਵਧਾਈ ਹੈ, ਵਾਚਟਾਵਰ ਤੋਂ ਨਿਗਰਾਨੀ ਤੇਜ਼ ਕੀਤੀ ਹੈ ਅਤੇ ਵਿਸ਼ੇਸ਼ ਟੀਮਾਂ ਰਾਹੀਂ ਅਚਾਨਕ ਛਾਪੇਮਾਰੀ ਕੀਤੀ ਜਾ ਰਹੀ ਹੈ। ਇਸਦੇ ਬਾਵਜੂਦ ਹਰ ਦੂਜੇ-ਤੀਜੇ ਦਿਨ ਮੋਬਾਈਲ ਦੀ ਬਰਾਮਦਗੀ ਪ੍ਰਸ਼ਾਸਨਿਕ ਖਾਮੀਆਂ ਵੱਲ ਇਸ਼ਾਰਾ ਕਰਦੀ ਹੈ।
ਪਿਛਲੇ ਦੋ ਮਹੀਨਿਆਂ ਵਿੱਚ ਹੋਈਆਂ ਬਰਾਮਦਗੀਆਂ:
6 ਅਕਤੂਬਰ – ਦੋ ਮੋਬਾਈਲ, ਦੋ ਚਾਰਜਰ, ਦੋ ਇਅਰਫੋਨ, 49 ਪੂੜੀਆਂ ਜਰਦਾ ਅਤੇ 10 ਬੰਡਲ ਬੀੜੀ।
18 ਅਕਤੂਬਰ – ਚਾਰ ਹਵਾਲਾਤੀਆਂ ਕੋਲੋਂ ਮੋਬਾਈਲ ਅਤੇ ਸਿਮ ਕਾਰਡ ਬਰਾਮਦ।
19 ਅਕਤੂਬਰ – ਕੈਦੀ ਯੁਧਵੀਰ ਸਿੰਘ ਕੋਲੋਂ ਮੋਬਾਈਲ।
25 ਅਕਤੂਬਰ – ਟਾਵਰ ਨੰਬਰ 15–16 ਕੋਲ ਦੋ ਸਮਾਰਟਫੋਨ, ਚਾਰਜਰ, ਡਾਟਾ ਕੇਬਲ, ਜਰਦਾ।
25 ਅਕਤੂਬਰ – ਲੰਗਰ ਹਾਲ ਦੇ ਬਾਹਰ ਪਾਈਪ ਕੋਲ ਮੋਬਾਈਲ।
30 ਅਕਤੂਬਰ – ਇੱਕ ਕੈਦੀ ਕੋਲੋਂ ਫੋਨ ਅਤੇ ਇਅਰਫੋਨ।
31 ਅਕਤੂਬਰ – ਕੈਦੀ ਮਨੋਜ ਕੁਮਾਰ ਦੀ ਬੈਰਕ ਕੋਲੋਂ ਮੋਬਾਈਲ ਅਤੇ ਹੈਡਫੋਨ।
12 ਨਵੰਬਰ – ਕੈਦੀ ਅਮਰੀਕ ਸਿੰਘ ਕੋਲੋਂ ਮੋਬਾਈਲ ਅਤੇ ਦੋ ਫੋਨ ਲਾਵਾਰਿਸ਼ ਬਰਾਮਦ।
13 ਨਵੰਬਰ – ਚਾਰ ਕੈਦੀਆਂ ਕੋਲੋਂ ਤਿੰਨ ਮੋਬਾਈਲ।
18 ਨਵੰਬਰ – ਬੈਰਕ ਨੰਬਰ 4 ਕੋਲੋਂ ਸਮਾਰਟਫੋਨ।
19 ਨਵੰਬਰ – ਵੀਸੀ ਰੂਮ ਦੀ ਛੱਤ ਤੋਂ ਮੋਬਾਈਲ ਬਰਾਮਦ।
ਅੰਦਰੂਨੀ ਸਹਿਯੋਗੀਆਂ ਦਾ ਲਗਾਇਆ ਜਾ ਰਿਹਾ ਪਤਾ
ਜ਼ਿਆਦਾਤਰ ਮਾਮਲਿਆਂ ਵਿੱਚ ਪੁਲਿਸ ਨੇ ਕੇਸ ਦਰਜ ਕਰ ਲਏ ਹਨ, ਪਰ ਬਾਹਰੀ ਸਪਲਾਇਰਾਂ ਜਾਂ ਅੰਦਰੂਨੀ ਸਹਿਯੋਗੀਆਂ ਦਾ ਪਤਾ ਅਜੇ ਤੱਕ ਨਹੀਂ ਲੱਗਿਆ। ਹਾਲ ਹੀ ਵਿੱਚ ਛਾਪੇਮਾਰੀ ਦੌਰਾਨ ਵੀਸੀ ਰੂਮ ਦੀ ਛੱਤ ਤੋਂ ਇੱਕ ਬਿਨਾਂ ਸਿਮ ਵਾਲਾ ਮੋਬਾਈਲ ਬਰਾਮਦ ਹੋਇਆ। ਚੈਟ ਹਿਸਟਰੀ ਚੈੱਕ ਕਰਨ ‘ਤੇ ਪਤਾ ਲੱਗਾ ਕਿ ਇਹ ਕੈਦੀ ਸੰਦੀਪ ਸਿੰਘ (ਪੰਜ ਗੋਰਾਇਆ, ਅੰਮ੍ਰਿਤਸਰ) ਦਾ ਹੈ। ਸੰਦੀਪ ਨੇ ਚੈਟਿੰਗ ਕਰਨ ਦੀ ਗੱਲ ਵੀ ਮਨਜ਼ੂਰ ਕੀਤੀ। ਅਸਿਸਟੈਂਟ ਸੁਪਰਿੰਟੈਂਡੈਂਟ ਗੁਰਮੀਤ ਸਿੰਘ ਨੇ ਕੈਂਟ ਥਾਣੇ ਵਿੱਚ ਸ਼ਿਕਾਇਤ ਦਰਜ ਕਰਵਾਈ, ਜਿਸ ਤੋਂ ਬਾਅਦ ਪੁਲਿਸ ਨੇ ਕੇਸ ਦਰਜ ਕਰ ਜਾਂਚ ਸ਼ੁਰੂ ਕੀਤੀ। ਲਗਾਤਾਰ ਮੋਬਾਈਲ ਬਰਾਮਦ ਹੋਣ ਕਾਰਨ ਪੰਜਾਬ ਦੀ ਜੇਲ੍ਹ ਸੁਰੱਖਿਆ ਵਿਵਸਥਾ ‘ਤੇ ਸਵਾਲ ਉਠਣ ਲੱਗੇ ਹਨ।
Before You Go
Khanauri Border ’ਤੇ Kisan Andolan ਨੂੰ ਲੈ ਕੇ Governor Kataria ਦਾ ਵੱਡਾ ਬਿਆਨ | Abp Sanjha | Shorts
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
