Automatic Tractor: ਹੁਣ ਆਪਣੇ-ਆਪ ਚੱਲੇਗਾ ਟਰੈਕਟਰ! ਪੀਏਯੂ ਨੇ ਬਣਾਇਆ ਏਆਈ ਨਾਲ ਚੱਲਣ ਵਾਲਾ ਟਰੈਕਟਰ
Automatic Tractor: ਸਾਲ 2025 ਵਿੱਚ ਵਧੇਰੇ ਪਾਵਰਫੁੱਲ ਤੇ ਐਡਵਾਂਸ ਫੀਚਰਾਂ ਵਾਲੇ ਟਰੈਕਟਰ ਲਾਂਚ ਕੀਤੇ ਜਾ ਰਹੇ ਹਨ। ਭਾਵੇਂ ਉਹ ਜੌਨ ਡੀਅਰ ਹੋਵੇ ਜਾਂ ਮਹਿੰਦਰਾ, ਸਾਰੀਆਂ ਕੰਪਨੀਆਂ ਭਾਰਤੀ ਕਿਸਾਨਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ।
Automatic Tractor: ਸਾਲ 2025 ਵਿੱਚ ਵਧੇਰੇ ਪਾਵਰਫੁੱਲ ਤੇ ਐਡਵਾਂਸ ਫੀਚਰਾਂ ਵਾਲੇ ਟਰੈਕਟਰ ਲਾਂਚ ਕੀਤੇ ਜਾ ਰਹੇ ਹਨ। ਭਾਵੇਂ ਉਹ ਜੌਨ ਡੀਅਰ ਹੋਵੇ ਜਾਂ ਮਹਿੰਦਰਾ, ਸਾਰੀਆਂ ਕੰਪਨੀਆਂ ਭਾਰਤੀ ਕਿਸਾਨਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਆਟੋ ਨੈਕਸਟ ਟਰੈਕਟਰ ਵੀ ਕਿਸਾਨਾਂ ਵਿੱਚ ਕਾਫੀ ਮਕਬੂਲ ਹਨ ਜੋ ਏਆਈ ਤੇ 5ਜੀ ਤਕਨਾਲੋਜੀ 'ਤੇ ਚੱਲਦੇ ਹਨ ਪਰ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (ਪੀਏਯੂ) ਨੇ ਖੇਤੀਬਾੜੀ ਵਿੱਚ ਕ੍ਰਾਂਤੀ ਲਿਆਉਣ ਲਈ ਇੱਕ ਵੱਡਾ ਕਦਮ ਚੁੱਕਿਆ ਹੈ।
ਲੋਕ ਜਿੱਥੇ ਭਾਰਤ ਵਿੱਚ ਟੇਸਲਾ ਦੀ ਆਟੋ-ਡਰਾਈਵਿੰਗ ਕਾਰ ਦੀ ਉਡੀਕ ਕਰ ਰਹੇ ਹਨ, ਉੱਥੇ ਹੀ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਨੇ ਇੱਕ ਏਆਈ (ਆਰਟੀਫੀਸ਼ੀਅਲ ਇੰਟੈਲੀਜੈਂਸ) ਵਾਲਾ ਟਰੈਕਟਰ ਬਣਾਇਆ ਹੈ, ਜੋ ਭਾਰਤ ਦੇ ਖੇਤਾਂ ਦਾ ਡਿਜੀਟਲ ਸਾਥੀ ਬਣ ਜਾਵੇਗਾ।
ਆਟੋਮੈਟਿਕ ਟਰੈਕਟਰ ਕਿਹੜੇ ਕੰਮ ਕਰਨ ਦੇ ਸਮਰੱਥ?
ਪੀਏਯੂ ਦੇ ਵਾਈਸ-ਚਾਂਸਲਰ ਸਤਬੀਰ ਸਿੰਘ ਗੋਸਲ ਨੇ ਕਿਹਾ ਕਿ ਇਹ ਏਆਈ (ਆਰਟੀਫੀਸ਼ੀਅਲ ਇੰਟੈਲੀਜੈਂਸ) ਟਰੈਕਟਰ ਜੀਪੀਐਸ, ਸੈਂਸਰਾਂ ਤੇ ਸਮਾਰਟ ਕੰਪਿਊਟਰਾਂ ਰਾਹੀਂ ਚੱਲੇਗਾ। ਇਹ ਖੇਤਾਂ ਵਿੱਚ ਸਾਰਾ ਕੰਮ ਖੁਦ ਕਰੇਗਾ। ਇਸ ਨੂੰ ਚਲਾਉਣ ਲਈ ਕਿਸੇ ਮਨੁੱਖ ਦੀ ਲੋੜ ਨਹੀਂ ਪਵੇਗੀ। ਜਿਹੜੇ ਕੰਮ ਕਿਸਾਨਾਂ ਦੀ ਮਿਹਨਤ ਤੇ ਸਮਾਂ ਲੈਂਦੇ ਹਨ, ਇਹ ਸਵੈ-ਡਰਾਈਵਿੰਗ ਟਰੈਕਟਰ ਉਹ ਕੰਮ ਆਸਾਨੀ ਨਾਲ ਕਰੇਗਾ।
ਇਹ ਆਧੁਨਿਕ ਟਰੈਕਟਰ ਆਪਣੇ ਆਪ ਪੈਲੀ ਵਾਹੇਗਾ। ਇਸ ਵਿੱਚ ਡਿਸਕ ਹੈਰੋਂ, ਕਲਟੀਵੇਟਰ, ਰੋਟਾਵੇਟਰ ਆਦਿ ਵਰਗੇ ਖੇਤੀਬਾੜੀ ਉਪਕਰਣਾਂ ਨੂੰ ਚਲਾਉਣ ਦੀ ਅਥਾਹ ਸਮਰੱਥਾ ਹੈ ਤੇ ਇਹ ਟਰੈਕਟਰ ਬੀਜ ਵੀ ਆਸਾਨੀ ਨਾਲ ਬੀਜੇਗਾ। ਇਸ ਦੇ ਨਾਲ ਹੀ ਇਹ PAU ਟਰੈਕਟਰ ਰਸਤੇ ਵਿੱਚ ਆਉਣ ਵਾਲੀਆਂ ਰੁਕਾਵਟਾਂ ਤੋਂ ਬਚਦਾ ਹੈ ਤੇ ਬਿਨਾਂ ਕਿਸੇ ਡਰਾਈਵਰ ਦੇ ਸਾਰੇ ਕੰਮ ਕਰਦਾ ਹੈ।
ਆਟੋ-ਸਟੀਅਰਿੰਗ ਸਿਸਟਮ ਤਕਨਾਲੋਜੀ
ਇਹ ਟਰੈਕਟਰ GNSS (ਗਲੋਬਲ ਨੈਵੀਗੇਸ਼ਨ ਸੈਟੇਲਾਈਟ ਸਿਸਟਮ) 'ਤੇ ਅਧਾਰਤ ਇੱਕ ਆਟੋ-ਸਟੀਅਰਿੰਗ ਸਿਸਟਮ 'ਤੇ ਚੱਲਦਾ ਹੈ, ਜੋ ਅਜੇ ਭਾਰਤ ਵਿੱਚ ਪ੍ਰਸਿੱਧ ਨਹੀਂ। ਕਿਸਾਨ ਨੂੰ ਆਪਣੇ ਇਨਪੁਟ ਦਰਜ ਕਰਨੇ ਪੈਂਦੇ ਹਨ, ਜਿਸ ਤੋਂ ਬਾਅਦ ਇਹ ਐਡਵਾਂਸ ਟਰੈਕਟਰ ਸੈਟੇਲਾਈਟ ਸਿਗਨਲਾਂ, ਸੈਂਸਰਾਂ ਤੇ ISOBUS-ਅਨੁਕੂਲ ਟੱਚਸਕ੍ਰੀਨ ਕੰਸੋਲ ਦੀ ਮਦਦ ਨਾਲ ਸਹੀ ਦਿਸ਼ਾ ਵਿੱਚ ਚੱਲਦਾ ਹੈ। ਇਹ ਟਰੈਕਟਰ ਘੱਟ ਵਿਜੀਬਿਲਟੀ ਵਿੱਚ ਵੀ ਬਿਨਾਂ ਕਿਸੇ ਗਲਤੀ ਦੇ ਚੱਲਦਾ ਹੈ।
PAU ਸਮਾਰਟ ਸੀਡਰ
PAU ਸਮਾਰਟ ਸੀਡਰ ਇੱਕ ਖੇਤੀਬਾੜੀ ਉਪਕਰਣ ਹੈ, ਜਿਸ ਦੀ ਵਰਤੋਂ ਝੋਨੇ ਦੀ ਪਰਾਲੀ ਸਾੜੇ ਬਗੈਰ ਕਣਕ ਨੂੰ ਸਿੱਧੇ ਬੀਜਣ ਲਈ ਕੀਤੀ ਜਾਂਦੀ ਹੈ। ਇਹ AI ਸੰਚਾਲਿਤ ਟਰੈਕਟਰ PAU ਸਮਾਰਟ ਸੀਡਰ ਨੂੰ ਆਸਾਨੀ ਨਾਲ ਵੀ ਚਲਾ ਸਕਦਾ ਹੈ।
ਕਿਸਾਨਾਂ ਲਈ ਆਟੋਮੈਟਿਕ ਟਰੈਕਟਰ ਦਾ ਫਾਇਦਾ
ਯੂਨੀਵਰਸਿਟੀ ਦੇ ਡੀਨ ਮਨਜੀਤ ਸਿੰਘ ਨੇ ਕਿਹਾ ਕਿ ਇਹ ਤਕਨਾਲੋਜੀ ਕਿਸਾਨਾਂ ਨੂੰ ਬਹੁਤ ਸਾਰੇ ਲਾਭ ਦੇਵੇਗੀ। ਇਸ ਦੇ ਨਤੀਜੇ ਇਸ ਪ੍ਰਕਾਰ ਹਨ:
ਖੇਤ ਦੀ ਕੁਸ਼ਲਤਾ ਵਿੱਚ 12% ਤੱਕ ਵਾਧਾ
ਥਕਾਵਟ ਵਿੱਚ 85% ਤੱਕ ਕਮੀ
40% ਤੱਕ ਮਜ਼ਦੂਰੀ ਦੀ ਲੋੜ ਵਿੱਚ ਕਮੀ
ਆਟੋ-ਸਟੀਅਰਿੰਗ ਸਿਸਟਮ ਨਾਲ, ਓਵਰਲੈਪ 3% ਤੋਂ ਘੱਟ ਕੇ ਲਗਪਗ 1% ਹੋਇਆ
ਕਾਸ਼ਤ ਵਿੱਚ ਛੱਡੇ ਗਏ ਖੇਤਰ 2-7% ਤੋਂ ਘੱਟ ਕੇ 1% ਤੋਂ ਘੱਟ ਹੋਏ
ਵਾਈਸ-ਚਾਂਸਲਰ ਸਤਬੀਰ ਸਿੰਘ ਗੋਸਲ ਨੇ ਆਟੋ-ਸਟੀਅਰਿੰਗ ਸਿਸਟਮ ਨਾਲ ਲੈਸ ਟਰੈਕਟਰ ਦਾ ਪ੍ਰਦਰਸ਼ਨ ਕਰਦੇ ਹੋਏ ਕਿਹਾ ਕਿ ਇਹ ਤਕਨਾਲੋਜੀ ਸ਼ੁੱਧਤਾ ਖੇਤੀ ਲਈ ਵਿਕਸਤ ਕੀਤੀ ਗਈ ਸੀ। ਇਸ ਦੇ ਨਾਲ ਹੁਣ AI ਫੈਸਲੇ ਲੈਣ ਦਾ ਕੰਮ ਵੀ ਕਰ ਸਕਦਾ ਹੈ।
ਇਹ ਟਰੈਕਟਰ ਕ੍ਰਾਂਤੀ ਭਾਰਤ ਵਿੱਚ ਕਿਵੇਂ ਆਵੇਗੀ?
ਇਹ ਤਕਨਾਲੋਜੀ ਇੱਕ ਅਮਰੀਕੀ ਕੰਪਨੀ ਦੀ ਮਦਦ ਨਾਲ ਵਿਕਸਤ ਕੀਤੀ ਗਈ ਹੈ। PAU ਇਸ ਤਕਨਾਲੋਜੀ ਦਾ ਸਮਰਥਨ ਕਰੇਗੀ। ਕਿਸਾਨਾਂ ਨੂੰ ਇਸ ਦੇ ਲਾਭ ਦਿਖਾਉਣ ਲਈ ਭਾਰਤ ਦੇ ਚੋਟੀ ਦੇ ਖੇਤੀਬਾੜੀ ਸਮਾਗਮਾਂ ਤੇ ਮੇਲਿਆਂ ਵਿੱਚ ਲਿਜਾਇਆ ਜਾਵੇਗਾ। ਗੋਸਲ ਨੇ ਕਿਹਾ ਕਿ ਸਾਨੂੰ ਉਮੀਦ ਹੈ ਕਿ ਇਸ ਤਕਨਾਲੋਜੀ ਨੂੰ ਭਾਰਤ ਵਿੱਚ ਕੰਪਨੀਆਂ ਦੁਆਰਾ ਅਪਣਾਇਆ ਜਾਵੇਗਾ।
ਪੀਏਯੂ ਦੇ ਡਾਇਰੈਕਟਰ ਰਿਸਰਚ ਅਜਮੇਰ ਸਿੰਘ ਢੱਟ ਨੇ ਕਿਹਾ ਕਿ ਇਹ ਭਾਰਤ ਵਿੱਚ ਡਿਜੀਟਲ ਖੇਤੀ ਵੱਲ ਇੱਕ ਕਦਮ ਹੈ, ਅਜਿਹੇ ਵਿਗਿਆਨਕ ਹੱਲ ਭਾਰਤੀ ਖੇਤੀਬਾੜੀ ਦਾ ਭਵਿੱਖ ਹਨ। ਗੋਸਲ ਨੇ ਇਹ ਵੀ ਕਿਹਾ ਕਿ ਇਹ ਤਕਨਾਲੋਜੀ ਵਿਦੇਸ਼ਾਂ ਵਿੱਚ ਆਮ ਹੋ ਗਈ ਹੈ ਤੇ ਹੁਣ ਭਾਰਤ ਵੀ ਉਸੇ ਰਸਤੇ 'ਤੇ ਅੱਗੇ ਵਧੇਗਾ।
Before You Go
ਚੇਨ ਸਨੈਚਰਾਂ ਦੀ ਉਲਟੀ ਪੈ ਗਈ ਚਾਲ! ਲੋਕਾਂ ਨੇ ਇੱਕ ਨੂੰ ਮੌਕੇ 'ਤੇ ਹੀ ਦਬੋਚਿਆ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
