ਪੰਜਾਬ 'ਚ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ 1000 ਪਾਰ, ਅੱਧੇ ਤੋਂ ਵੱਧ ਸ਼ਰਧਾਲੂ ਪੀੜਤ

ਪੰਜਾਬ ਵਿੱਚ ਕੋਰੋਨਾ ਸੰਕਰਮਿਤ ਮਰੀਜ਼ਾਂ ਦੀ ਗਿਣਤੀ 1000 ਤੋਂ ਪਾਰ ਹੋ ਗਈ ਹੈ। ਇਸ ਅੰਕੜੇ ਨੇ ਸੂਬਾ ਸਰਕਾਰ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕਾ ਦਿੱਤੀ ਹੈ।

ਸੰਕੇਤਕ ਤਸਵੀਰ

ਰੌਬਟ ਦੀ ਰਿਪੋਰਟ ਚੰਡੀਗੜ੍ਹ: ਪੰਜਾਬ ਵਿੱਚ ਕੋਰੋਨਾ ਸੰਕਰਮਿਤ ਮਰੀਜ਼ਾਂ ਦੀ ਗਿਣਤੀ 1000 ਤੋਂ ਪਾਰ ਹੋ ਗਈ ਹੈ। ਇਸ ਅੰਕੜੇ ਨੇ ਸੂਬਾ ਸਰਕਾਰ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕਾ ਦਿੱਤੀ ਹੈ। ਨਾਂਦੇੜ ਤੋਂ 97 ਹੋਰ ਸ਼ਰਧਾਲੂ ਸਕਾਰਾਤਮਕ ਪਾਏ ਗਏ ਹਨ। ਹੁਸ਼ਿਆਰਪੁਰ ਵਿੱਚ 40 ਤੇ ਇਸ ਦੇ ਨੇੜਲੇ ਜ਼ਿਲ੍ਹਾ ਨਵਾਂਸ਼ਹਿਰ ਵਿੱਚ ਮਹਾਰਾਸ਼ਟਰ ਤੋਂ 57 ਸ਼ਰਧਾਲੂ ਵਾਪਸ ਆਉਣ ਦੀ ਖ਼ਬਰ ਮਿਲੀ ਹੈ। ਰਾਜ ਵਿੱਚ ਸਥਿਤੀ ਇੰਨੀ ਮਾੜੀ ਹੈ ਕਿ ਸਿਰਫ ਚਾਰ ਦਿਨਾਂ ਵਿੱਚ ਇਹ ਅੰਕੜਾ ਤਿੰਨ ਸੌ ਤੋਂ ਇੱਕ ਹਜ਼ਾਰ ਨੂੰ ਪਾਰ ਕਰ ਗਿਆ ਹੈ।

ਸੂਬੇ 'ਚ ਕੋਰੋਨਾਵਾਇਰਸ ਮਰੀਜ਼ਾਂ ਦੀ ਗਿਣਤੀ 1034 ਹੋ ਗਈ ਹੈ। ਇਸ ਵਿੱਚ 593 ਨਾਂਦੇੜ ਤੋਂ ਪਰਤੇ ਸ਼ਰਧਾਲੂ ਹਨ। ਇਸ ਦੌਰਾਨ ਕੋਰੋਨਾਵਾਇਰਸ ਮਹਾਮਾਰੀ ਤੋਂ 112 ਲੋਕ ਸਿਹਤਯਾਬ ਹੋ ਗਏ ਹਨ।

ਪੰਜਾਬ ਵਿੱਚ ਅੱਧੇ ਤੋਂ ਵੱਧ ਕੋਰੋਨਾ ਸਕਾਰਾਤਮਕ ਮਰੀਜ਼ ਸ਼ਰਧਾਲੂ ਦੱਸ ਦੇਈਏ ਕਿ ਲੌਕਡਾਉਨ ਦੌਰਾਨ ਸਿੱਖ ਸ਼ਰਧਾਲੂ ਮਹਾਰਾਸ਼ਟਰ ਦੇ ਨਾਂਦੇੜ ਵਿੱਚ ਫਸੇ ਹੋਏ ਸਨ। ਪਰ 24 ਅਪ੍ਰੈਲ ਨੂੰ ਸੰਗਤਾਂ ਨੂੰ ਨਾਂਦੇੜ ਤੋਂ ਪੰਜਾਬ ਲਿਆਉਣ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ। 26 ਅਪ੍ਰੈਲ ਨੂੰ, ਪਹਿਲਾ ਜੱਥਾ ਵਾਪਸ ਆਇਆ। ਲਗਭਗ ਸਾਢੇ ਤਿੰਨ ਹਜ਼ਾਰ ਸ਼ਰਧਾਲੂ ਲਿਆਂਦੇ ਗਏ ਸਨ। ਇਸ ਸਮੇਂ ਦੌਰਾਨ, ਅਣਗਹਿਲੀ ਕਾਰਨ, ਅਚਾਨਕ ਪੰਜਾਬ ਵਿੱਚ ਕੇਸਾਂ ਵਿੱਚ ਵਾਧਾ ਹੋਇਆ। ਹੁਣ ਸਥਿਤੀ ਇਹ ਹੈ ਕਿ ਪੰਜਾਬ ਵਿੱਚ ਕੁੱਲ ਕੇਸ 1000 ਦੇ ਪਾਰ ਹੋ ਗਏ ਹਨ, ਜਿਨ੍ਹਾਂ ਵਿਚੋਂ ਅੱਧੇ ਤੋਂ ਵੱਧ ਸ਼ਰਧਾਲੂ ਹਨ। ਜਦੋਂਕਿ ਸੈਂਕੜੇ ਸ਼ਰਧਾਲੂਆਂ ਦੀਆਂ ਰਿਪੋਰਟਾਂ ਆਉਣੀਆਂ ਅਜੇ ਬਾਕੀ ਹਨ।ਇਥੋਂ ਇਹ ਸਾਫ ਹੁੰਦਾ ਹੈ ਕਿ ਸ਼ਰਧਾਲੂਆਂ ਦੇ ਪੰਜਾਬ ਪਰਤਣ ਤੇ ਕੋਰੋਨਾ ਮਰੀਜ਼ਾਂ  ਦਾ ਅੰਕੜਾ ਸਰਕਾਰ ਦੀਆਂ ਲਾਪਰਵਾਹੀਆਂ ਨਾਲ ਹੀ ਵੱਧਿਆ ਹੈ। ਖ਼ਤਰਨਾਕ ਗੱਲ ਇਹ ਹੈ ਕਿ ਇਹ ਸ਼ਰਧਾਲੂ ਪੰਜਾਬ ਦੇ ਵੱਖ-ਵੱਖ ਹਿੱਸਿਆਂ ਵਿੱਚ ਫੈਲ ਗਏ, ਜਿਸ ਕਾਰਨ ਕੋਰੋਨਾ ਫੈਲਣ ਦਾ ਜੋਖਮ ਵਧਿਆ ਹੈ। ਏਬੀਪੀ ਨਿਊਜ਼ ਨੇ ਸਭ ਤੋਂ ਪਹਿਲਾਂ ਦਿਖਾਇਆ ਸੀ ਕਿ ਕਿਵੇਂ ਪੰਜਾਬ ਸਰਕਾਰ ਦੀ ਅਣਗਹਿਲੀ ਕਾਰਨ ਕੋਰੋਨਾ ਬੰਬ ਸੂਬੇ 'ਚ ਫੱਟਿਆ ਹੈ। ਏਬੀਪੀ ਨਿਊਜ਼ ਦੀ ਰਿਪੋਰਟ ਤੋਂ ਬਾਅਦ, ਸਰਕਾਰ ਜਾਗ ਗਈ ਸੀ, ਪਰ ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ ਕਿਉਂਕਿ ਸਰਕਾਰ ਨੇ ਗਲਤੀਆਂ ਦਾ ਪਹਾੜ ਬਣਾ ਦਿੱਤਾ ਸੀ। ਇਨ੍ਹਾਂ ਗਲਤੀਆਂ ਦਾ ਨਤੀਜਾ ਇਹ ਹੋਇਆ ਕਿ ਹੁਣ ਤੱਕ, ਪੰਜਾਬ ਜੋ ਕਿ ਕੋਰੋਨਾ ਨੂੰ ਰੋਕਣ 'ਚ ਮੋਹਰੀ ਸੀ, ਅਚਾਨਕ ਹੀ ਕਰੋਨਾ ਦੀ ਪਕੜ ਵਿੱਚ ਆ ਗਿਆ ਹੈ। ਜ਼ਿਲ੍ਹਾ                     ਮਹਾਰਾਸ਼ਟਰ ਤੋਂ ਪਰਤੇ ਸ਼ਰਧਾਲੂ    

• ਅੰਮ੍ਰਿਤਸਰ                                  199
• ਜਲੰਧਰ                                       02
• ਮੁਹਾਲੀ                                        21
• ਪਟਿਆਲਾ                                   27
• ਲੁਧਿਆਣਾ                                   56
• ਪਠਾਨਕੋਟ                                   00
• ਨਵਾਂਸ਼ਹਿਰ                                   63
• ਤਰਨ ਤਾਰਨ                                15
• ਮਾਨਸਾ                                      00
• ਕਪੂਰਥਲਾ                                   11
• ਹੁਸ਼ਿਆਰਪੁਰ                               77
• ਫਰੀਦਕੋਟ                                  03
• ਸੰਗਰੂਰ                                     03
• ਮੋਗਾ                                         19
• ਗੁਰਦਾਸਪੁਰ                              28
• ਮੁਕਤਸਰ                                  03
• ਰੋਪੜ                                        02
• ਬਰਨਾਲਾ                                  00
• ਫਤਹਿਗੜ੍ਹ ਸਾਹਿਬ                     06
• ਬਠਿੰਡਾ                                     35
• ਫਿਰੋਜ਼ਪੁਰ                                 19
• ਫਾਜ਼ਿਲਕਾ                               04 ਕੁੱਲ                                     593