(Source: Dainik Bhaskar)
Navjot Singh Sidhu: ਸਿੱਧੂ ਨੇ ਰੈਲੀ ਕਰ ਸਾਧੇ ਅਕਾਲੀ ਅਤੇ ਆਪ 'ਤੇ ਨਿਸ਼ਾਨੇ, ਕਿਸਾਨ ਆਗੂਆਂ ਦੇ ਚੋਣਾਂ ਲੜਣ 'ਤੇ ਦਿੱਤਾ ਇਹ ਜਵਾਬ
Punjab Election 2022: ਰੈਲੀ ਦੌਰਾਨ ਸਿੱਧੂ ਨੇ ਕਿਹਾ ਕਿ 'ਆਪ' ਨੇ ਕਿਹਾ ਚਾਰ ਮੰਤਰੀ ਸਾਡੇ ਕੋਲ ਆਏ ਸੀ, ਇਸ ਸਵਾਲ ਦੇ ਜਵਾਬ 'ਚ ਸਿੱਧੂ ਨੇ ਉਨ੍ਹਾਂ 'ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਅੰਗੂਰ ਖੱਟੇ ਹਨ।
ਬਠਿੰਡਾ: ਪੰਜਾਬ 'ਚ ਵਿਧਾਨ ਸਭਾ ਚੋਣਾਂ ਕਰਕੇ ਮਾਹੌਲ ਗਰਮਾਇਆ ਹੋਇਆ ਹੈ। ਇਸ ਦੇ ਨਾਲ ਹੀ ਹਰ ਸਿਆਸੀ ਪਾਰਟੀ ਵਲੋਂ ਸ਼ਕਤੀ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ। ਇਸੇ ਦਰਮਿਆਨ ਹੁਣ ਬਠਿੰਡਾ ਦੇ ਨਾਰੂਆਨਾ ਵਿਖੇ ਪੰਜਾਬ ਕਾਂਗਰਸ ਦੇ ਸੂੂਬਾ ਪ੍ਰਧਾਨ ਨਵਜੋਤ ਸਿੰਘ ਸਿੱਧੂ ਵੱਲੋਂ ਦਿਹਾਤੀ ਇੰਚਾਰਜ ਦੇ ਹੱਕ ਵਿੱਚ ਰੈਲੀ ਕੀਤੀ ਗਈ। ਇਸ ਦੌਰਾਨ ਸਿੱਧੂ ਨੇ ਅਕਾਲੀ ਅਤੇ ਆਪ 'ਤੇ ਖੂਬ ਨਿਸ਼ਾਨੇ ਸਾਧੇ।
ਰੈਲੀ ਦੌਰਾਨ ਸਿੱਧੂ ਨੇ ਕਿਹਾ ਕਿ 'ਆਪ' ਨੇ ਕਿਹਾ ਚਾਰ ਮੰਤਰੀ ਸਾਡੇ ਕੋਲ ਆਏ ਸੀ, ਇਸ ਸਵਾਲ ਦੇ ਜਵਾਬ 'ਚ ਸਿੱਧੂ ਨੇ ਉਨ੍ਹਾਂ 'ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਅੰਗੂਰ ਖੱਟੇ ਹਨ। ਕਿਉਂਕਿ ਅਸੀਂ ਪੰਜ ਛੇ ਆਪ ਲੈ ਆਏ ਹਾਂ, ਆਪ ਚੋਂ ਰੂਬੀ ਆ ਗਈ। ਇਸ ਦੇ ਨਾਲ ਹੀ ਸਿੱਧੂ ਨੇ ਪਿਛਲੀਆਂ ਚੋਣਾਂ 'ਚ ਆਪ ਨੂੰ ਆਈਆਂ ਸੀਟਾਂ 'ਤੇ ਤੰਨਜ ਕਰਦਿਆਂ ਕਿਹਾ ਕਿ ਪਿਛਲੀ ਵਾਰ ਕਹਿੰਦੇ ਸੀ 100 ਸਿਟਾਂ ਆਉਣਗੀਆਂ, ਕਿੰਨੀ ਆਇਆਂ।
ਇਸ ਦੇ ਨਾਲ ਹੀ ਅਫਸਰਾਂ ਦੇ ਛੁੱਟੀ 'ਤੇ ਜਾਣ ਦੇ ਸਵਾਲ 'ਤੇ ਉਨ੍ਹਾਂ ਕਿਹਾ ਕਿ ਸੁਖਬੀਰ ਬਾਦਲ ਕੋਲ ਕੋਈ ਮੁੱਦਾ ਹੀ ਨਹੀਂ ਜਦੋਂ ਉਹ ਆਉਂਦਾ ਇਕੋ ਗੱਲ ਕਰਦਾ ਜਿਹੜੇ ਅਫ਼ਸਰ ਧੱਕਾ ਕਰਦੇ ਹਨ ਅਸੀਂ ਉਨ੍ਹਾਂ ਨੂੰ ਠੋਕਾਂਗੇ ਹੋਰ ਇਸ ਦੇ ਪੱਲੇ ਕੁੱਝ ਨਹੀਂ।
ਅਕਾਲੀ ਸਰਕਾਰ ਦੀ ਵਾਪਸੀ 'ਤੇ ਸਿੱਧੂ ਨੇ ਕਿਹਾ ਕਿ ਡਾਇਨਾ ਸੋਰ ਜੰਮ ਕੇ ਦੋਬਾਰਾ ਆ ਸਕਦੇ ਹਨ ਪਰ ਬਾਦਲ ਸਰਕਾਰ ਨਹੀਂ ਆ ਸਕਦੀ। ਅਸੀਂ ਤਾਂ ਆਪ ਕਹਿੰਦੇ ਹਾਂ ਜਦੋਂ ਤੱਕ ਇਹ ਜੀਜਾ-ਸਾਲਾਂ ਜਿਉਂਦੇ ਹਨ ਤਾਂ ਸਾਡੀ ਸਰਕਾਰ ਕੀਤੇ ਨਹੀਂ ਜਾਂਦੀ।
ਉਧਰ ਕਿਸਾਨਾਂ ਵਲੋਂ ਵੀ ਪੰਜਾਬ ਚੋਣਾਂ 'ਚ ਆਉਣ ਦੀ ਗੱਲ 'ਤੇ ਨਵਜੋਤ ਸਿੱਧੂ ਨੇ ਕਿਹਾ ਕਿ ਵਧੀਆ ਗੱਲ ਹੈ ਮੈਂ ਸਭ ਤੋਂ ਪਹਿਲਾਂ ਮਾਣ ਵਾਲੇ ਪਿੰਡ ਜਾਕੇ ਕਿਹਾ ਸੀ ਆਓ ਮੈਦਾਨ ਵਿੱਚ ਫੇਰ ਹੀ ਕਿਸਾਨਾਂ ਨੂੰ ਸਹੀ ਮੁੱਲ ਮਿਲੇਗਾ।
ਇਹ ਵੀ ਪੜ੍ਹੋ: Kareena Kapoor Corona Positive: ਬਾਲੀਵੁੱਡ 'ਤੇ ਫਿਰ ਪਈ ਕੋਰੋਨਾ ਦੀ ਮਾਰ, ਕਰੀਨਾ ਅਤੇ ਅੰਮ੍ਰਿਤਾ ਅਰੋੜਾ ਕੋਰੋਨਾ ਪੌਜ਼ੇਟਿਵ
ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
