Punjab News: ਪੰਜਾਬ 'ਚ ਆਇਆ ਸਿਆਸੀ ਤੂਫ਼ਾਨ, 'AAP' ਮੰਤਰੀ ਦੇ ਘਰੋਂ 2 ਬੈਗ ਲੈ ਗਈ ED: ਅਧਿਕਾਰੀ ਬੋਲੇ- ਮਨੀ ਲਾਂਡਰਿੰਗ 'ਚ ਮਦਦ ਕਰਨ ਦਾ ਸ਼ੱਕ, ਬਲੈਕ ਮਨੀ ਨੂੰ ਵਾਈਟ ਕਰਦੈ...
Punjab News: ਪੰਜਾਬ ਦੇ ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਦੇ ਘਰ ਅਤੇ ਕਾਰੋਬਾਰੀ ਅਦਾਰਿਆਂ 'ਤੇ ਲਗਭਗ 29 ਘੰਟੇ ਤੱਕ ਈਡੀ ਵੱਲੋਂ ਛਾਪੇਮਾਰੀ ਕੀਤੀ ਗਈ। ਟੀਮ ਨੇ ਸੰਜੀਵ ਅਰੋੜਾ, ਉਨ੍ਹਾਂ ਦੇ ਦੋ ਭਾਈਵਾਲਾਂ ਅਤੇ ਪੁੱਤਰਾਂ ਦੇ ਫਰਮਾਂ 'ਤੇ...
Punjab News: ਪੰਜਾਬ ਦੇ ਕੈਬਨਿਟ ਮੰਤਰੀ ਸੰਜੀਵ ਅਰੋੜਾ ਦੇ ਘਰ ਅਤੇ ਕਾਰੋਬਾਰੀ ਅਦਾਰਿਆਂ 'ਤੇ ਲਗਭਗ 29 ਘੰਟੇ ਤੱਕ ਈਡੀ ਵੱਲੋਂ ਛਾਪੇਮਾਰੀ ਕੀਤੀ ਗਈ। ਟੀਮ ਨੇ ਸੰਜੀਵ ਅਰੋੜਾ, ਉਨ੍ਹਾਂ ਦੇ ਦੋ ਭਾਈਵਾਲਾਂ ਅਤੇ ਪੁੱਤਰਾਂ ਦੇ ਫਰਮਾਂ 'ਤੇ ਸ਼ੁੱਕਰਵਾਰ ਸਵੇਰੇ 6:30 ਵਜੇ ਛਾਪੇਮਾਰੀ ਕੀਤੀ ਅਤੇ ਅੱਜ ਸ਼ਨੀਵਾਰ ਸਵੇਰੇ ਲਗਭਗ 11:50 ਵਜੇ ਟੀਮ ਉਨ੍ਹਾਂ ਦੇ ਘਰੋਂ ਨਿਕਲ ਗਈ। ਜਦੋਂ ਮੀਡੀਆ ਕਰਮਚਾਰੀਆਂ ਨੇ ਉਨ੍ਹਾਂ ਨਾਲ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ, ਤਾਂ ਉਹ ਉਨ੍ਹਾਂ ਨੂੰ ਦੱਸੇ ਬਿਨਾਂ ਇੱਕ ਕਾਰ ਵਿੱਚ ਸਵਾਰ ਹੋ ਕੇ ਚਲੇ ਗਏ। ਇਸ ਛਾਪੇਮਾਰੀ ਦੌਰਾਨ, ਅਧਿਕਾਰੀਆਂ ਨੂੰ ਦੋ ਬੈਗ ਲੈ ਕੇ ਜਾਂਦੇ ਦੇਖਿਆ ਗਿਆ।
ਸੰਜੀਵ ਅਰੋੜਾ ਦੇ ਘਰ ਦੇ ਇੱਕ ਕਰਮਚਾਰੀ ਨੇ ਦੱਸਿਆ ਕਿ ਕੱਲ੍ਹ ਤੋਂ ਛਾਪੇਮਾਰੀ ਚੱਲ ਰਹੀ ਸੀ। 15 ਲੋਕ ਪਹੁੰਚੇ ਸਨ। ਟੀਮ ਨੇ ਪੂਰੇ ਘਰ ਦੀ ਤਲਾਸ਼ੀ ਲਈ। ਉਹ ਕੱਲ੍ਹ ਸਵੇਰੇ 6:30 ਵਜੇ ਪਹੁੰਚੇ ਅਤੇ ਅੱਜ ਸਵੇਰੇ 11:50 ਵਜੇ ਚਲੇ ਗਏ। ਅਧਿਕਾਰੀਆਂ ਦੁਆਰਾ ਜੋ ਬੈਗ ਹੱਥਾਂ ਵਿੱਚ ਸਨ, ਉਹ ਉਨ੍ਹਾਂ ਦੇ ਹੀ ਸਨ। ਛਾਪੇਮਾਰੀ ਲੁਧਿਆਣਾ, ਜਲੰਧਰ, ਗੁਰੂਗ੍ਰਾਮ ਅਤੇ ਚੰਡੀਗੜ੍ਹ ਵਿੱਚ ਕੁੱਲ 13 ਥਾਵਾਂ 'ਤੇ ਕੀਤੀ ਗਈ।
ਲੱਗੇ ਕਈ ਗੰਭੀਰ ਆਰੋਪ
ANI ਦੀ ਇੱਕ ਰਿਪੋਰਟ ਦੇ ਅਨੁਸਾਰ, ਅਧਿਕਾਰੀਆਂ ਨੇ ਦੱਸਿਆ ਕਿ ਸੰਜੀਵ ਅਰੋੜਾ 'ਤੇ ਆਪਣੇ ਰਾਜਨੀਤਿਕ ਪ੍ਰਭਾਵ ਰਾਹੀਂ ਪੰਜਾਬ ਵਿੱਚ ਗੈਰ-ਕਾਨੂੰਨੀ ਸੱਟੇਬਾਜ਼ੀ ਸੰਚਾਲਕਾਂ ਨੂੰ ਸਰਪ੍ਰਸਤੀ ਦੇਣ ਅਤੇ ਮੁਨਾਫ਼ੇ ਨੂੰ ਸਾਂਝਾ ਕਰਨ ਦਾ ਸ਼ੱਕ ਹੈ। ਉਸ 'ਤੇ ਸੱਟੇਬਾਜ਼ਾਂ ਤੋਂ ਬੇਹਿਸਾਬ ਪੈਸੇ ਨੂੰ ਜਾਇਜ਼ ਨਿਵੇਸ਼ਾਂ ਵਿੱਚ ਬਦਲਣ ਲਈ ਆਪਣੀਆਂ ਕੰਪਨੀਆਂ ਅਤੇ ਕਈ ਐਂਟਰੀ ਆਪਰੇਟਰਾਂ ਦੀ ਵਰਤੋਂ ਕਰਨ ਦਾ ਵੀ ਦੋਸ਼ ਹੈ।
ਇਸਦੇ ਨਾਲ ਹੀ ਮਨੀ ਲਾਂਡਰਿੰਗ ਵਿੱਚ ਸਹਾਇਤਾ ਕਰਨ ਦਾ ਵੀ ਸ਼ੱਕ ਹੈ। ਅਰੋੜਾ ਦੀਆਂ ਕੰਪਨੀਆਂ ਕਈ ਜਾਅਲੀ ਨਿਰਯਾਤ ਬਿੱਲਾਂ ਦੀ ਬੁਕਿੰਗ, ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਤੋਂ ਰਾਊਂਡ-ਟ੍ਰਿਪਿੰਗ ਫੰਡ, ਅਤੇ ਗੈਰ-ਮੌਜੂਦ ਜੀਐਸਟੀ ਸੰਸਥਾਵਾਂ ਤੋਂ ਜਾਅਲੀ ਖਰੀਦਦਾਰੀ ਦਿਖਾਉਣ ਲਈ ਵੀ ਜਾਂਚ ਅਧੀਨ ਹਨ।
ਲੁਧਿਆਣਾ ਅਤੇ ਜਲੰਧਰ ਵਿੱਚ ED ਦਾ ਛਾਪਾ
ਜਾਂਚ ਏਜੰਸੀ ਦੀਆਂ ਟੀਮਾਂ ਸ਼ੁੱਕਰਵਾਰ ਸਵੇਰੇ 7 ਵਜੇ ਦੇ ਕਰੀਬ ਲੁਧਿਆਣਾ ਦੇ ਗੁਰਦੇਵ ਨਗਰ ਵਿੱਚ ਮੰਤਰੀ ਦੇ ਘਰ (ਮਕਾਨ ਨੰਬਰ 3311) 'ਤੇ ਪਹੁੰਚੀਆਂ। ਕੇਂਦਰੀ ਸੁਰੱਖਿਆ ਬਲਾਂ ਨੂੰ ਬਾਹਰ ਤਾਇਨਾਤ ਕੀਤਾ ਗਿਆ ਸੀ, ਜਿਸ ਨਾਲ ਅੰਦਰ-ਬਾਹਰ ਜਾਣ 'ਤੇ ਪਾਬੰਦੀ ਲਗਾਈ ਗਈ ਸੀ। ਲੁਧਿਆਣਾ ਤੋਂ ਇਲਾਵਾ, ਈਡੀ ਨੇ ਜਲੰਧਰ ਵਿੱਚ ਰੀਅਲ ਅਸਟੇਟ ਕਾਰੋਬਾਰੀਆਂ ਹੇਮੰਤ ਸੂਦ ਅਤੇ ਚੰਦਰਸ਼ੇਖਰ ਅਗਰਵਾਲ ਦੇ ਅਹਾਤੇ 'ਤੇ ਵੀ ਛਾਪਾ ਮਾਰਿਆ।
ਸੂਦ ਹੈਂਪਟਨ ਹੋਮਜ਼ ਦਾ ਡਾਇਰੈਕਟਰ ਹੈ ਅਤੇ ਸੰਜੀਵ ਅਰੋੜਾ ਦਾ ਕਰੀਬੀ ਮੰਨਿਆ ਜਾਂਦਾ ਹੈ। ਲੁਧਿਆਣਾ ਦੇ ਸਰਾਭਾ ਨਗਰ ਵਿੱਚ ਹੇਮੰਤ ਸੂਦ ਦੇ ਘਰ ਨੰਬਰ 175-I 'ਤੇ ਵੀ ਛਾਪਾ ਮਾਰਿਆ ਗਿਆ। ਅਗਰਵਾਲ ਅਰੋੜਾ ਦੇ ਰੀਅਲ ਅਸਟੇਟ ਕਾਰੋਬਾਰ ਵਿੱਚ ਵੀ ਭਾਈਵਾਲ ਹੈ। ਈਡੀ ਦੀਆਂ ਟੀਮਾਂ ਨੇ ਲੁਧਿਆਣਾ, ਜਲੰਧਰ, ਗੁਰੂਗ੍ਰਾਮ ਅਤੇ ਚੰਡੀਗੜ੍ਹ ਵਿੱਚ ਮੰਤਰੀ ਅਤੇ ਉਸਦੇ ਭਾਈਵਾਲਾਂ ਦੇ ਕੁੱਲ 13 ਟਿਕਾਣਿਆਂ ਦੀ ਤਲਾਸ਼ੀ ਲਈ। ਜਾਣਕਾਰੀ ਲਈ ਦੱਸ ਦੇਈਏ ਕਿ ਇਸ ਛਾਪੇਮਾਰੀ ਕਾਰਨ ਸਿਆਸੀ ਜਗਤ ਵਿੱਚ ਹਾਹਾਕਾਰ ਮੱਚ ਗਿਆ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
