ਅੰਬਾਂ ਦੇ ਸ਼ੌਕੀਨਾਂ ਨੂੰ ਝਟਕਾ! ਇਸ ਵਾਰ ਢਿੱਲੀ ਕਰਨੀ ਪਵੇਗੀ ਜੇਬ, ਇਸ ਵਾਰ ਪੈਦਾਵਾਰ 'ਚ 70 ਫੀਸਦੀ ਦੀ ਕਮੀ
Mango Rates: ਲਖਨਵੀ ਦਸ਼ਹਿਰੀ ਤੇ ਹੋਰ ਕਿਸਮਾਂ ਦੇ ਅੰਬਾਂ ਦੇ ਸ਼ੌਕੀਨ ਲੋਕਾਂ ਲਈ ਪ੍ਰੇਸ਼ਾਨ ਕਰਨ ਵਾਲੀ ਖਬਰ ਹੈ। ਇਸ ਵਾਰ ਉੱਤਰ ਪ੍ਰਦੇਸ਼ ਦੀ ਅੰਬ ਪੱਟੀ ਵਿੱਚ ਢੁੱਕਵਾਂ ਮੌਸਮ ਨਾ ਹੋਣ ਕਾਰਨ ‘ਫਲਾਂ ਦਾ ਰਾਜਾ’ ਅੰਬਾਂ ਦੀ ਪੈਦਾਵਾਰ ਵਿੱਚ ਕਰੀਬ 70 ਫੀਸਦੀ ਦੀ ਕਮੀ ਆਈ ਹੈ, ਜਿਸ ਕਾਰਨ ਇਸ ਵਾਰ ਅੰਬਾਂ ਨੂੰ ਖਾਣ ਲਈ ਪਹਿਲਾਂ ਨਾਲੋਂ ਜੇਬ ਢਿੱਲੀ ਕਰਨੀ ਪਵੇਗੀ।
Mango Rates: ਲਖਨਵੀ ਦਸ਼ਹਿਰੀ ਤੇ ਹੋਰ ਕਿਸਮਾਂ ਦੇ ਅੰਬਾਂ ਦੇ ਸ਼ੌਕੀਨ ਲੋਕਾਂ ਲਈ ਪ੍ਰੇਸ਼ਾਨ ਕਰਨ ਵਾਲੀ ਖਬਰ ਹੈ। ਇਸ ਵਾਰ ਉੱਤਰ ਪ੍ਰਦੇਸ਼ ਦੀ ਅੰਬ ਪੱਟੀ ਵਿੱਚ ਢੁੱਕਵਾਂ ਮੌਸਮ ਨਾ ਹੋਣ ਕਾਰਨ ‘ਫਲਾਂ ਦਾ ਰਾਜਾ’ ਅੰਬਾਂ ਦੀ ਪੈਦਾਵਾਰ ਵਿੱਚ ਕਰੀਬ 70 ਫੀਸਦੀ ਦੀ ਕਮੀ ਆਈ ਹੈ, ਜਿਸ ਕਾਰਨ ਇਸ ਵਾਰ ਅੰਬਾਂ ਨੂੰ ਖਾਣ ਲਈ ਪਹਿਲਾਂ ਨਾਲੋਂ ਜੇਬ ਢਿੱਲੀ ਕਰਨੀ ਪਵੇਗੀ। ਇਸ ਵਾਰ ਅੰਬਾਂ ਦੇ ਫੁੱਲਾਂ ਭਾਵ ਫਰਵਰੀ ਤੇ ਮਾਰਚ ਦੇ ਸਮੇਂ ਅਚਨਚੇਤ ਗਰਮੀ ਕਾਰਨ ਫੁੱਲ ਦਾ ਸਹੀ ਵਿਕਾਸ ਨਹੀਂ ਹੋ ਸਕਿਆ। ਇਸ ਕਾਰਨ ਇਸ ਵਾਰ ਅੰਬਾਂ ਦੀ ਪੈਦਾਵਾਰ ਵਿੱਚ ਭਾਰੀ ਗਿਰਾਵਟ ਆਉਣ ਦੀ ਸੰਭਾਵਨਾ ਹੈ।
ਮੈਂਗੋ ਗ੍ਰੋਅਰਜ਼ ਐਸੋਸੀਏਸ਼ਨ ਆਫ ਇੰਡੀਆ ਦੇ ਪ੍ਰਧਾਨ ਇੰਸਰਾਮ ਅਲੀ ਨੇ ਦੱਸਿਆ ਕਿ ਉੱਤਰ ਪ੍ਰਦੇਸ਼ ਵਿੱਚ ਹਰ ਸਾਲ ਅੰਬਾਂ ਦਾ ਉਤਪਾਦਨ 35 ਤੋਂ 45 ਲੱਖ ਮੀਟ੍ਰਿਕ ਟਨ ਤੱਕ ਹੁੰਦਾ ਸੀ ਪਰ ਇਸ ਵਾਰ 10-12 ਲੱਖ ਮੀਟ੍ਰਿਕ ਟਨ ਤੋਂ ਵੱਧ ਪੈਦਾਵਾਰ ਦੀ ਉਮੀਦ ਨਹੀਂ। ਇਸ ਲਈ ਇਸ ਵਾਰ ਮੰਡੀ 'ਚ ਅੰਬ ਬਹੁਤ ਮਹਿੰਗੇ ਭਾਅ 'ਤੇ ਵਿਕਣਗੇ ਤੇ ਲੋਕਾਂ ਨੂੰ ਅੰਬ ਖਾਣ ਲਈ ਜ਼ਿਆਦਾ ਪੈਸੇ ਖਰਚ ਕਰਨੇ ਪੈਣਗੇ। ਮੌਸਮ ਵਿਗਿਆਨੀਆਂ ਮੁਤਾਬਕ ਪਿਛਲੇ 122 ਸਾਲਾਂ 'ਚ ਮਾਰਚ ਦਾ ਮਹੀਨਾ ਸਭ ਤੋਂ ਗਰਮ ਰਿਹਾ। ਇਸ ਤੋਂ ਇਲਾਵਾ ਅਪ੍ਰੈਲ ਦਾ ਮਹੀਨਾ ਪਿਛਲੇ 50 ਸਾਲਾਂ ਦਾ ਸਭ ਤੋਂ ਗਰਮ ਅਪ੍ਰੈਲ ਮਹੀਨਾ ਵੀ ਦਰਜ ਕੀਤਾ ਗਿਆ।
ਉਨ੍ਹਾਂ ਦੱਸਿਆ ਕਿ ਹਰ ਸਾਲ ਫਰਵਰੀ ਅਤੇ ਮਾਰਚ ਦੇ ਮਹੀਨੇ ਅੰਬਾਂ ਦੇ ਦਰੱਖਤ ਖਿੜ ਜਾਂਦੇ ਹਨ, ਜਿਨ੍ਹਾਂ ਨੂੰ ਵਿਕਸਿਤ ਹੋਣ ਲਈ ਵੱਧ ਤੋਂ ਵੱਧ ਤਾਪਮਾਨ 30 ਤੋਂ 35 ਡਿਗਰੀ ਸੈਲਸੀਅਸ ਦੀ ਲੋੜ ਹੁੰਦੀ ਹੈ ਪਰ ਇਸ ਵਾਰ ਮਾਰਚ ਮਹੀਨੇ 'ਚ ਹੀ ਤਾਪਮਾਨ 40 ਡਿਗਰੀ ਸੈਲਸੀਅਸ ਤੱਕ ਪਹੁੰਚ ਗਿਆ, ਜਿਸ ਕਾਰਨ ਅੰਬ ਫੁੱਲ ਝੁਲਸ ਗਏ ਅਤੇ ਫਸਲ ਨੂੰ ਭਾਰੀ ਨੁਕਸਾਨ ਹੋਇਆ। ਲਖਨਊ ਦਾ ਮਲੀਹਾਬਾਦ ਅੰਬ ਦੇ ਉਤਪਾਦਨ ਦਾ ਇੱਕ ਪ੍ਰਮੁੱਖ ਕੇਂਦਰ ਹੈ ਤੇ ਇੱਥੋਂ ਦਾ ਦੁਸਹਿਰੀ ਅੰਬ ਆਪਣੇ ਸੁਆਦ ਲਈ ਪੂਰੀ ਦੁਨੀਆ ਵਿੱਚ ਮਸ਼ਹੂਰ ਹੈ ਪਰ ਇਸ ਵਾਰ ਇੱਥੋਂ ਦੇ ਕਿਸਾਨ ਮੌਸਮ ਕਾਰਨ ਪੈਦਾ ਹੋਏ ਹਾਲਾਤ ਤੋਂ ਰਾਹਤ ਮਹਿਸੂਸ ਕਰ ਰਹੇ ਹਨ।
ਅਜਿਹੇ 'ਚ ਦੇਸ਼ ਦੇ ਜ਼ਿਆਦਾਤਰ ਸੂਬਿਆਂ 'ਚ ਅੰਬਾਂ ਦੀ ਕੀਮਤ 100 ਰੁਪਏ ਪ੍ਰਤੀ ਕਿੱਲੋ ਜਾਂ ਇਸ ਤੋਂ ਵੀ ਉੱਪਰ ਹੋ ਗਈ ਹੈ। ਅੰਬਾਂ ਦਾ ਸੀਜ਼ਨ ਹੋਣ ਦੇ ਬਾਵਜੂਦ ਦੇਸ਼ 'ਚ ਅੰਬ 100 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵਿਕ ਰਹੇ ਹਨ, ਜੋ ਇਸ ਦੀ ਸਪਲਾਈ 'ਚ ਕਮੀ ਨੂੰ ਦਰਸਾਉਂਦਾ ਹੈ। ਇੱਥੇ ਤੁਸੀਂ ਜਾਣ ਸਕਦੇ ਹੋ ਕਿ ਦੇਸ਼ ਦੇ ਵੱਖ-ਵੱਖ ਰਾਜਾਂ ਵਿੱਚ ਅੰਬ ਦੀ ਕੀ ਕੀਮਤ ਹੈ-
NCT ਦਿੱਲੀ- ਆਜ਼ਾਦਪੁਰ ਮੰਡੀ
ਦਸ਼ਹਿਰੀ ਅੰਬ - 100 ਰੁਪਏ/ਕਿਲੋ
ਲੰਗੜਾ ਅੰਬ - 80 ਰੁਪਏ ਪ੍ਰਤੀ ਕਿਲੋ
ਸਫੇਦਾ ਅੰਬ - 60 ਰੁਪਏ ਕਿਲੋ
ਤੋਤਾਪੁਰੀ - 40 ਰੁਪਏ ਪ੍ਰਤੀ ਕਿਲੋ
ਉੱਤਰ ਪ੍ਰਦੇਸ਼- ਲਖਨਊ
ਦਸਹਿਰੀ ਅੰਬ - 50 ਰੁਪਏ/ਕਿਲੋ
ਲੰਗੜਾ ਅੰਬ - 80 ਰੁਪਏ ਪ੍ਰਤੀ ਕਿਲੋ
ਸਫੇਦਾ ਅੰਬ - 60 ਰੁਪਏ ਕਿਲੋ
ਤੋਤਾਪੁਰੀ - 40 ਰੁਪਏ ਪ੍ਰਤੀ ਕਿਲੋ
ਮੱਧ ਪ੍ਰਦੇਸ਼-ਇੰਦੌਰ
ਦਸਹਿਰੀ ਅੰਬ - 100 ਰੁਪਏ/ਕਿਲੋ
ਲੰਗੜਾ - 120 ਰੁਪਏ ਕਿਲੋ
ਸਫੇਦਾ - 80 ਰੁਪਏ ਪ੍ਰਤੀ ਕਿਲੋਗ੍ਰਾਮ
ਤੋਤਾਪੁਰੀ - 80 ਰੁਪਏ ਪ੍ਰਤੀ ਕਿਲੋ
ਬਿਹਾਰ- ਪਟਨਾ
ਸਾਦਾ ਅੰਬ - 80 ਰੁਪਏ ਪ੍ਰਤੀ ਕਿਲੋ
ਵੱਖ-ਵੱਖ ਕਿਸਮਾਂ ਦੇ ਅੰਬਾਂ ਦੀ ਕੀਮਤ - 80 ਰੁਪਏ ਪ੍ਰਤੀ ਕਿਲੋ ਤੋਂ 120 ਰੁਪਏ ਪ੍ਰਤੀ ਕਿਲੋ
ਗੁਜਰਾਤ-ਅਹਿਮਦਾਬਾਦ ਮੰਡੀ
ਦਸਹਿਰੀ ਅੰਬ - 100 ਰੁਪਏ/ਕਿਲੋ
ਲੰਗੜਾ - 140 ਰੁਪਏ ਕਿਲੋ
ਸਫੇਦਾ - 120 ਰੁਪਏ ਪ੍ਰਤੀ ਕਿਲੋਗ੍ਰਾਮ
ਤੋਤਾਪੁਰੀ - 140 ਰੁਪਏ/ਕਿਲੋ
ਮਹੱਤਵਪੂਰਨ ਗੱਲ ਇਹ ਹੈ ਕਿ ਭਾਰਤ ਦੁਨੀਆ ਵਿੱਚ ਅੰਬਾਂ ਦਾ ਸਭ ਤੋਂ ਵੱਡਾ ਉਤਪਾਦਕ ਹੈ। ਦੁਨੀਆ ਦੇ ਕੁੱਲ ਉਤਪਾਦਨ ਦਾ ਲਗਭਗ 50 ਪ੍ਰਤੀਸ਼ਤ ਇੱਥੇ ਪੈਦਾ ਹੁੰਦਾ ਹੈ। ਭਾਰਤ ਵਿੱਚ ਅੰਬਾਂ ਦਾ ਉਤਪਾਦਨ ਆਂਧਰਾ ਪ੍ਰਦੇਸ਼, ਤਾਮਿਲਨਾਡੂ, ਉੱਤਰ ਪ੍ਰਦੇਸ਼, ਕਰਨਾਟਕ, ਬਿਹਾਰ ਤੇ ਗੁਜਰਾਤ ਸਮੇਤ ਕਈ ਰਾਜਾਂ ਵਿੱਚ ਹੁੰਦਾ ਹੈ, ਪਰ ਬਾਜ਼ਾਰ ਵਿੱਚ ਲਖਨਊ ਦਸਹਿਰੀ ਦੀ ਖਾਸ ਮੰਗ ਹੈ। ਇਸ ਸਾਲ ਅੰਬਾਂ ਦੀ ਫਸਲ ਨੂੰ ਭਾਰੀ ਨੁਕਸਾਨ ਹੋਣ ਕਾਰਨ ਇਹ ਲੋਕਾਂ ਲਈ ਕਾਫੀ ਮਹਿੰਗਾ ਹੋ ਗਿਆ ਹੈ।
Before You Go
ਚੇਨ ਸਨੈਚਰਾਂ ਦੀ ਉਲਟੀ ਪੈ ਗਈ ਚਾਲ! ਲੋਕਾਂ ਨੇ ਇੱਕ ਨੂੰ ਮੌਕੇ 'ਤੇ ਹੀ ਦਬੋਚਿਆ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
