ਹਾਦਸੇ 'ਚ ਟੀਵੀ ਪ੍ਰੈਜ਼ੈਂਟਰ ਜੈੱਫ ਆਈਸਨਬਰਗ ਦੀ ਮੌਤ, ਕਰ ਰਹੇ ਸੀ ਰਿਕਾਰਡ ਬਣਾਉਣ ਦੀ ਕੋਸ਼ਿਸ਼

ਟੀਵੀ ਟੀਵੀ ਪ੍ਰੈਜ਼ੈਂਟਰ ਜੈੱਫ ਆਈਸਨਬਰਗ ਦੀ ਐਲਵਿੰਗਟਨ ਏਅਰਫੀਲਡ 'ਤੇ ਜੈੱਫ ਸਟ੍ਰੇਟਲਾਈਨਰਜ਼ ਲਿਮਟਿਡ ਤੇ ਯੂਕੇਟੀਏ ਵੱਲੋਂ ਇੱਕ ਪ੍ਰੋਗਰਾਮ ਦੌਰਾਨ ਇੱਕ ਹਾਦਸੇ ਵਿੱਚ ਮੌਤ ਹੋ ਗਈ।

ਨਵੀਂ ਦਿੱਲੀ: ਟੀਵੀ ਟੀਵੀ ਪ੍ਰੈਜ਼ੈਂਟਰ ਜੈੱਫ ਆਈਸਨਬਰਗ ਦੀ ਐਲਵਿੰਗਟਨ ਏਅਰਫੀਲਡ 'ਤੇ ਜੈੱਫ ਸਟ੍ਰੇਟਲਾਈਨਰਜ਼ ਲਿਮਟਿਡ ਤੇ ਯੂਕੇਟੀਏ ਵੱਲੋਂ ਇੱਕ ਪ੍ਰੋਗਰਾਮ ਦੌਰਾਨ ਇੱਕ ਹਾਦਸੇ ਵਿੱਚ ਮੌਤ ਹੋ ਗਈ। ਜੈੱਫ ਆਈਸਨਬਰਗ ਸਪੀਡ ਦਾ ਬਹੁਤ ਸ਼ੌਕੀਨ ਸੀ, ਬ੍ਰਿਟਿਸ਼ ਲੈਂਡ ਸਪੀਡ ਰਿਕਾਰਡ ਬਣਾਉਣ ਦੀ ਕੋਸ਼ਿਸ਼ ਕਰਦਿਆਂ ਉਹ ਇੱਕ ਦੁਰਘਟਨਾ ਦਾ ਸ਼ਿਕਾਰ ਹੋ ਗਿਆ।

ਦੱਸਿਆ ਜਾ ਰਿਹਾ ਹੈ ਕਿ ਜੈੱਫ ਆਈਸਨਬਰਗ ਸਾਲ 2016 'ਚ ਐਲਵਿੰਗਟਨ ਏਅਰਫੀਲਡ 'ਚ ਵੀ ਹਾਦਸੇ ਦਾ ਸ਼ਿਕਾਰ ਹੋਏ ਸੀ। ਸਾਲ 2016 ਦਾ ਇਹ ਹਾਦਸਾ ਇੰਨਾ ਭਿਆਨਕ ਸੀ ਕਿ ਇਸ ਹਾਦਸੇ ਵਿੱਚ ਉਸ ਦੀਆਂ 11 ਹੱਡੀਆਂ ਟੁੱਟ ਗਈਆਂ। ਹਾਲਾਂਕਿ, ਹਾਦਸੇ 'ਚ ਬਾਲ-ਬਾਲ ਬਚਣ ਤੋਂ ਬਾਅਦ ਵੀ, ਸਪੀਡ ਦੇ ਦੀਵਾਨੇ  ਜੈੱਫ ਆਈਸਨਬਰਗ ਨੇ ਇੱਕ ਬ੍ਰਿਟਿਸ਼ ਲੈਂਡ ਸਪੀਡ ਰਿਕਾਰਡ ਸਥਾਪਤ ਕਰਨ ਦੀ ਕੋਸ਼ਿਸ਼ ਕੀਤੀ, ਜਿਸ ਦੌਰਾਨ ਵਾਹਨ ਦੇ ਵਿਗੜ ਰਹੇ ਸੰਤੁਲਨ ਦੇ ਕਾਰਨ ਹੋਏ ਇੱਕ ਹਾਦਸੇ ਕਾਰਨ ਉਸ ਦੀ ਮੌਤ ਹੋ ਗਈ।

ਟੀਵੀ ਪ੍ਰੈਜ਼ੈਂਟਰ  ਜੈੱਫ ਆਈਸਨਬਰਗ ਸਪੋਰਟਸ ਨਿਊਟ੍ਰੀਸ਼ਨ ਕੰਪਨੀ ਮੈਕਸਿਮਲ ਦਾ ਸੰਸਥਾਪਕ ਵੀ ਸੀ। ਉਸ ਨੇ ਆਈਟੀਵੀ ਲਈ ਸਪੀਡ ਫ੍ਰੀਕਸ ਨਾਮਕ ਇੱਕ ਸ਼ੋਅ ਬਣਾਇਆ, ਜੋ ਪਿਛਲੇ ਸਾਲ ਪ੍ਰਸਾਰਤ ਹੋਇਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਜੈੱਫ ਆਈਸਨਬਰਗ ਹਾਦਸੇ ਦੇ ਸਮੇਂ ਪੋਰਸ਼ 911 ਟਰਬੋ ਐਸ ਚਲਾ ਰਿਹਾ ਸੀ। ਇਸ ਦੇ ਨਾਲ ਹੀ ਪੁਲਿਸ ਅਤੇ ਮੋਟੋ ਯੂਕੇ ਨੇ ਇਸ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ