EID 2023: ਈਦ ਮੌਕੇ ਇਸ ਵਾਰ ਬਣ ਰਿਹੈ ਖ਼ਾਸ ਸੰਯੋਗ, ਜਾਾਣੋ ਕਿਵੇਂ ?

Saudi Arabia: ਸਾਊਦੀ ਅਰਬ ਸਮੇਤ ਮੱਧ ਪੂਰਬ ਦੇ ਹੋਰ ਦੇਸ਼ਾਂ ਵਿੱਚ 22 ਅਪ੍ਰੈਲ, 2023 ਦਿਨ ਸ਼ਨੀਵਾਰ ਨੂੰ ਈਦ-ਉਲ-ਫਿਤਰ ਮਨਾਏ ਜਾਣ ਦੀ ਸੰਭਾਵਨਾ ਹੈ।

ਈਦ ਮੌਕੇ ਇਸ ਵਾਰ ਬਣ ਰਿਹੈ ਖ਼ਾਸ ਸੰਯੋਗ, ਜਾਾਣੋ ਕਿਵੇਂ ?

Saudi Arabia: ਬਜ਼ਾਰਾਂ ਵਿੱਚ ਈਦ ਦਾ ਕ੍ਰੇਜ਼ ਦੇਖਣ ਨੂੰ ਮਿਲਣ ਲੱਗਾ ਹੈ। ਦੁਨੀਆ ਭਰ 'ਚ ਈਦ ਦਾ ਤਿਉਹਾਰ ਬੜੀ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ। ਪਰ ਇਸ ਵਾਰ ਉਮੀਦ ਕੀਤੀ ਜਾ ਰਹੀ ਹੈ ਕਿ ਈਦ ਦਾ ਤਿਉਹਾਰ ਭਾਰਤ ਅਤੇ ਸਾਊਦੀ 'ਚ ਇੱਕੋ ਦਿਨ ਦੇਖਣ ਨੂੰ ਮਿਲੇਗਾ। ਖਾਸ ਗੱਲ ਇਹ ਹੈ ਕਿ ਈਦ ਦਾ ਫੈਸਲਾ ਚੰਦ ਨੂੰ ਦੇਖ ਕੇ ਕੀਤਾ ਜਾਂਦਾ ਹੈ। ਅਜਿਹੇ 'ਚ ਵੀਰਵਾਰ ਨੂੰ ਮੱਧ ਪੂਰਬ 'ਚ ਚੰਦਰਮਾ ਦੇ ਨਜ਼ਰ ਆਉਣ ਦੀ ਬਹੁਤ ਘੱਟ ਸੰਭਾਵਨਾ ਹੈ। ਨਤੀਜੇ ਵਜੋਂ ਭਾਰਤ ਅਤੇ ਸਾਊਦੀ ਅਰਬ ਵਿੱਚ ਈਦ ਦਾ ਤਿਉਹਾਰ ਇੱਕੋ ਦਿਨ ਦੇਖਿਆ ਜਾ ਸਕਦਾ ਹੈ।

ਅੰਤਰਰਾਸ਼ਟਰੀ ਖਗੋਲ ਵਿਗਿਆਨ ਕੇਂਦਰ ਨੇ ਦਾਅਵਾ ਕੀਤਾ ਹੈ ਕਿ ਮੱਧ ਪੂਰਬ ਦੇ ਜ਼ਿਆਦਾਤਰ ਦੇਸ਼ਾਂ ਵਿੱਚ ਵੀਰਵਾਰ ਨੂੰ ਅੱਧੇ ਚੰਦ ਨੂੰ ਨੰਗੀ ਅੱਖ ਜਾਂ ਦੂਰਬੀਨ ਨਾਲ ਦੇਖਣਾ ਲਗਭਗ ਅਸੰਭਵ ਹੈ। ਇਸ ਰਿਪੋਰਟ ਦੇ ਆਧਾਰ 'ਤੇ ਇਹ ਉਮੀਦ ਕੀਤੀ ਜਾ ਸਕਦੀ ਹੈ ਕਿ ਈਦ-ਉਲ-ਫਿਤਰ ਸ਼ਨੀਵਾਰ 22 ਅਪ੍ਰੈਲ, 2023 ਨੂੰ ਸਾਊਦੀ ਅਰਬ ਸਮੇਤ ਮੱਧ ਪੂਰਬ ਦੇ ਹੋਰ ਦੇਸ਼ਾਂ 'ਚ ਮਨਾਈ ਜਾਵੇਗੀ।

ਭਾਰਤ ਅਤੇ ਸਾਊਦੀ 'ਚ ਇਸ ਦਿਨ ਈਦ ਮਨਾਈ ਜਾਵੇਗੀ

ਤੁਹਾਨੂੰ ਦੱਸ ਦੇਈਏ ਕਿ ਸਾਊਦੀ 'ਚ ਈਦ ਦੀਆਂ ਛੁੱਟੀਆਂ 13 ਅਪ੍ਰੈਲ ਤੋਂ ਸ਼ੁਰੂ ਹੋ ਗਈਆਂ ਹਨ, ਜੋ ਹੁਣ ਈਦ ਤੋਂ ਬਾਅਦ ਹੀ ਖਤਮ ਹੋਣਗੀਆਂ। ਸਾਊਦੀ ਸੁਪਰੀਮ ਕੋਰਟ ਨੇ ਖਾੜੀ ਦੇਸ਼ ਦੇ ਸਾਰੇ ਮੁਸਲਮਾਨਾਂ ਨੂੰ ਵੀਰਵਾਰ ਸ਼ਾਮ ਨੂੰ ਸ਼ਵਾਲ ਮਹੀਨੇ ਦਾ ਅੱਧਾ ਚੰਦ ਦੇਖਣ ਦੀ ਅਪੀਲ ਕੀਤੀ ਹੈ। ਹਾਲਾਂਕਿ ਚੰਦਰਮਾ ਦੇਖਣ ਦੀ ਸੰਭਾਵਨਾ ਬਹੁਤ ਘੱਟ ਹੈ। ਅਜਿਹੇ 'ਚ ਸੰਭਾਵਨਾਵਾਂ ਦੇ ਆਧਾਰ 'ਤੇ ਇਹ ਕਿਹਾ ਜਾ ਸਕਦਾ ਹੈ ਕਿ ਭਾਰਤ ਅਤੇ ਸਾਊਦੀ 'ਚ ਈਦ ਇਕ ਹੀ ਦਿਨ ਮਨਾਈ ਜਾਵੇਗੀ।

ਜ਼ਿਕਰਯੋਗ ਹੈ ਕਿ ਈਦ ਦਾ ਤਿਉਹਾਰ ਇਕ ਮਹੀਨੇ ਦੇ ਵਰਤ ਦੇ ਅੰਤ 'ਤੇ ਮਨਾਇਆ ਜਾਂਦਾ ਹੈ। ਰਮਜ਼ਾਨ ਦਾ ਪਵਿੱਤਰ ਮਹੀਨਾ 24 ਮਾਰਚ ਤੋਂ ਸ਼ੁਰੂ ਹੋਇਆ। ਇਸ ਤੋਂ ਬਾਅਦ 29 ਤੋਂ 30 ਰੋਜ਼ੇ ਰੱਖਣ ਤੋਂ ਬਾਅਦ ਚੰਦ ਨੂੰ ਦੇਖ ਕੇ ਈਦ ਦਾ ਐਲਾਨ ਕੀਤਾ ਜਾਂਦਾ ਹੈ। ਅਜਿਹੇ 'ਚ ਇਸ ਸਾਲ ਭਾਰਤ 'ਚ ਈਦ 22 ਅਪ੍ਰੈਲ 2023 ਨੂੰ ਮਨਾਈ ਜਾ ਸਕਦੀ ਹੈ।

ਭਾਰਤ ਸਾਊਦੀ ਸਬੰਧ

ਦੱਸ ਦਈਏ ਕਿ ਸਾਊਦੀ ਅਰਬ ਨਾਲ ਭਾਰਤ ਦੇ ਸਬੰਧ ਹਾਲ ਹੀ ਦੇ ਸਮੇਂ ਵਿੱਚ ਸੁਧਰੇ ਹਨ। ਇਸ ਦੇ ਨਾਲ ਹੀ ਪਾਕਿਸਤਾਨ ਅਤੇ ਸਾਊਦੀ ਅਰਬ ਦੇ ਸਬੰਧਾਂ 'ਚ ਖਟਾਸ ਆ ਗਈ ਹੈ। ਸਾਊਦੀ ਨੇ ਅਜੋਕੇ ਸਮੇਂ ਵਿੱਚ ਭਾਰਤ ਨਾਲ ਆਪਣੇ ਸਬੰਧਾਂ ਨੂੰ ਪਹਿਲ ਦਿੱਤੀ ਹੈ। ਇਸ ਦੇ ਨਾਲ ਹੀ ਪਾਕਿਸਤਾਨ ਤੋਂ ਦੂਰੀ ਬਣਾਉਣ ਦਾ ਕੰਮ ਕੀਤਾ ਗਿਆ ਹੈ।