ABP ਨਿਊਜ਼ ਨੇ ਬੈਲਜੀਅਮ 'ਚ ਲੱਭਿਆ ਨੀਰਵ ਮੋਦੀ ਦਾ ਘਰ

ਬੈਲਜੀਅਮ: ਪੰਜਾਬ ਨੈਸ਼ਨਲ ਬੈਂਕ ਵਿੱਚ ਹੋਏ 11,500 ਕਰੋੜ ਦੇ ਮਹਾ-ਘੁਟਾਲੇ ਦੀ ਖ਼ਬਰ ਏਬੀਪੀ ਨਿਊਜ਼ ਨੇ ਸਭ ਤੋਂ ਪਹਿਲਾਂ ਤੁਹਾਨੂੰ ਵਿਖਾਈ ਸੀ। ਹੁਣ ਅਸੀਂ ਇਸ ਘਪਲੇ ਨਾਲ ਜੁੜੀਆਂ ਜਾਣਕਾਰੀਆਂ ਤੁਹਾਨੂੰ ਸਭ ਤੋਂ ਪਹਿਲਾਂ ਵਿਖਾ ਰਹੇ ਹਾਂ। ਘੁਟਾਲੇ ਦਾ ਮੁੱਖ ਮੁਲਜ਼ਮ ਹੀਰਾ ਵਪਾਰੀ ਨੀਰਵ ਮੋਦੀ ਦੇਸ਼ ਛੱਡ ਕੇ ਭੱਜ ਚੁੱਕਾ ਹੈ। ਉਹ ਕਿੱਥੇ ਹੈ ਇਸ ਬਾਰੇ ਕੋਈ ਨਹੀਂ ਜਾਣਦਾ। ਉਸ ਦੀ ਭਾਲ ਵਿੱਚ ਏਬੀਪੀ ਨਿਊਜ਼ ਬੈਲਜੀਅਮ ਪੁੱਜਿਆ। ਇਹ ਉਹੀ ਸ਼ਹਿਰ ਵਿੱਚ ਜਿਸ ਨੇ ਨੀਰਵ ਮੋਦੀ ਨੂੰ ਬ੍ਰਾਂਡ ਨੀਰਵ ਮੋਦੀ ਬਣਾਇਆ। ਐਂਟਵਰਪ ਸ਼ਹਿਰ ਨੂੰ ਹੀਰਿਆਂ ਦੀ ਰਾਜਧਾਨੀ ਵੀ ਕਿਹਾ ਜਾਂਦਾ ਹੈ। ਏਬੀਪੀ ਨਿਊਜ਼ ਨੀਰਵ ਮੋਦੀ ਦੇ ਦਫ਼ਤਰ ਵੀ ਪੁਜਿਆ ਪਰ ਨੀਰਵ ਉੱਥੇ ਨਹੀਂ ਮਿਲਿਆ ਅਤੇ ਉਸ ਦੇ ਮੁਲਾਜ਼ਮਾਂ ਨੇ ਵੀ ਗੱਲ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਪੱਤਰਕਾਰ ਪੂਨਮ ਜੋਸ਼ੀ ਨੇ ਐਂਟਵਰਪ ਸ਼ਹਿਰ ਦੇ ਹੀਰਾ ਕਾਰੋਬਾਰੀਆਂ ਤੋਂ ਪੁੱਛਿਆ ਕਿ ਇਸ ਘੁਟਾਲੇ ਦਾ ਅਸਰ ਨੀਰਵ ਦੇ ਬਿਜ਼ਨੈਸ 'ਤੇ ਕਿੰਨਾ ਕੁ ਪਵੇਗਾ? ਇਸ 'ਤੇ ਭਾਰਤੀ ਮੂਲ ਦੇ ਹੀਰਾ ਵਪਾਰੀ ਜੈਏਸ਼ ਮਹਿਤਾ ਦਾ ਕਹਿਣਾ ਹੈ ਕਿ ਨੀਰਵ ਮੋਦੀ ਦੇ ਇਸ ਘੁਟਲਾ ਨਾਲ ਉਨਾਂ ਦੇ ਵਪਾਰ 'ਤੇ ਕੋਈ ਫਰਕ ਨਹੀਂ ਪਵੇਗਾ। ਹੀਰਾ ਵਪਾਰੀ ਜੁਮਿਤ ਮਹਿਤਾ ਨੇ ਕਿਹਾ ਕਿ ਨੀਰਵ ਮੋਦੀ ਦੇ ਇਸ ਬੈਂਕਿੰਗ ਘਪਲੇ ਤੋਂ ਬਾਅਦ ਬੈਲਜ਼ੀਅਮ ਵਿੱਚ ਉਸ ਲਈ ਕਾਨੂੰਨ ਸਖ਼ਤ ਹੋ ਜਾਣਗੇ। ਆਉਣ ਵਾਲੇ ਦਿਨਾਂ ਵਿੱਚ ਇਸ ਦਾ ਅਸਰ ਵੇਖਣ ਨੂੰ ਮਿਲ ਸਕਦਾ ਹੈ।