ਅਮਰੀਕੀ ਮੌਸਮ ਵਿਭਾਗ ਮੁਤਾਬਕ ਸ਼ਿਕਾਗੋ ਦੇ ਉੱਤਰੀ ਤੇ ਮੱਧ ਇਲਾਕੇ ‘ਚ ਭਾਰੀ ਬਰਫਬਾਰੀ ਹੋਈ ਹੈ। ਇਸ ਖੇਤਰ ‘ਚ ਤਿੰਨ ਤੋਂ ਛੇ ਇੰਚ ਬਰਫ ਵਿੱਛੀ ਹੈ। ਮੰਗਲਵਾਰ ਦੁਪਹਿਰ ਬਾਅਦ ਬਰਫਬਾਰੀ ਦੀ ਸੰਭਾਵਨਾ ਹੈ। ਇੱਕ ਨਿਊਜ਼ ਏਜੰਸੀ ਨੇ ਅਮਰੀਕਨ ਏਅਰਲਾਈਨ ਦੇ ਹਵਾਲੇ ਨਾਲ ਦੱਸਿਆ ਕਿ ਸੋਮਵਾਰ ਨੂੰ ਰਨਵੇ ‘ਤੇ ਜੰਮੀ ਬਰਫ ਕਰਕੇ ਇੱਕ ਜਹਾਜ਼ ਨੂੰ ਖਿੱਚ ਕੇ ਲਿਆਂਦਾ ਗਿਆ।
ਸੋਮਵਾਰ ਨੂੰ ਸ਼ਿਕਾਗੋ ਦੀਆਂ ਸੜਕਾਂ ‘ਤੇ ਅੱਧਾ ਫੁੱਟ ਤਕ ਬਰਫ ਸੀ। ਉੱਤਰੀ ਪੱਛਮੀ ਇੰਡੀਆਨਾ ‘ਚ ਛੇ ਇੰਚ ਤਕ ਬਰਫਬਾਰੀ ਹੋਈ। ਕੁਝ ਸਥਾਨਕ ਲੋਕਾਂ ਦਾ ਕਹਿਣਾ ਹੈ ਕਿ ਠੰਢ ਇਸ ਵਾਰ ਜਲਦੀ ਆ ਗਈ ਹੈ। ਇੱਕ ਵਿਅਕਤੀ ਦਾ ਕਹਿਣਾ ਹੈ ਕਿ ਮੈਂ 60 ਸਾਲ ਤੋਂ ਇੱਥੇ ਹਾਂ ਪਰ ਕਦੇ ਇੰਨੀ ਜਲਦੀ ਠੰਢ ਮਹਿਸੂਸ ਨਹੀਂ ਕੀਤੀ।