Independence Day on 15th August : ਭਾਰਤ ਤੋਂ ਇਲਾਵਾ ਇਹ ਚਾਰ ਦੇਸ਼ 15 ਅਗਸਤ ਹੋਏ ਸੀ ਆਜ਼ਾਦ, ਜਾਣੋ

Independence Day: ਭਾਰਤ 15 ਅਗਸਤ ਨੂੰ ਆਪਣਾ 77ਵਾਂ ਆਜ਼ਾਦੀ ਦਿਵਸ ਮਨਾਉਣ ਜਾ ਰਿਹਾ ਹੈ। ਇਸ ਨਾਲ ਹੀ 4 ਅਜਿਹੇ ਦੇਸ਼ ਹਨ ਜੋ 15 ਅਗਸਤ ਦਿਨ ਹੀ ਆਜ਼ਾਦ ਹੋਏ ਸੀ ਤੇ ਇਸੇ ਦਿਨ ਆਪਣੀ ਆਜ਼ਾਦੀ ਦਾ ਜ਼ਸ਼ਨ ਮਨਾਉਂਦੇ ਹਨ।

ਭਾਰਤ ਤੋਂ ਇਲਾਵਾ ਇਹ ਚਾਰ ਦੇਸ਼ 15 ਅਗਸਤ ਹੋਏ ਸੀ ਆਜ਼ਾਦ

Independence Day on 15th August : ਭਾਰਤ ਇਸ ਸਾਲ ਆਪਣਾ 77ਵਾਂ ਸੁਤੰਤਰਤਾ ਦਿਵਸ ਮਨਾਉਣ ਜਾ ਰਿਹਾ ਹੈ। ਦੇਸ਼ 15 ਅਗਸਤ 1947 ਨੂੰ ਆਜ਼ਾਦ ਹੋਇਆ ਅਤੇ ਉਦੋਂ ਤੋਂ ਹਰ ਸਾਲ ਇਸ ਦਿਨ ਨੂੰ ਆਜ਼ਾਦੀ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ। 15 ਅਗਸਤ ਨੂੰ ਆਪਣੀ ਆਜ਼ਾਦੀ ਦਾ ਜਸ਼ਨ ਮਨਾਉਣ ਵਾਲਾ ਭਾਰਤ ਇਕੱਲਾ ਨਹੀਂ ਹੈ। ਇਸ ਤੋਂ ਇਲਾਵਾ 4 ਦੇਸ਼ ਅਜਿਹੇ ਹਨ ਜਿਨ੍ਹਾਂ ਨੂੰ 15 ਅਗਸਤ ਨੂੰ ਹੀ ਆਜ਼ਾਦੀ ਮਿਲੀ ਸੀ। ਜਿਸ ਵਿੱਚ ਬਹਿਰੀਨ, ਉੱਤਰੀ ਅਤੇ ਦੱਖਣੀ ਕੋਰੀਆ, ਲੀਚਟਨਸਟਾਈਨ ਅਤੇ Republic of Congo ਸ਼ਾਮਲ ਹਨ।

13 ਸਾਲ ਬਾਅਦ ਮਿਲੀ ਸੀ ਕਾਂਗੋ ਨੂੰ ਆਜ਼ਾਦੀ, ਜਾਣੋ ਇੱਥੇ ਹੈ ਇਹ ਦੇਸ਼ 

ਕਾਂਗੋ ਅਫ਼ਰੀਕੀ ਮਹਾਂਦੀਪ ਦੇ ਮੱਧ ਵਿੱਚ ਸਥਿਤ ਇੱਕ ਲੋਕਤੰਤਰੀ ਦੇਸ਼ ਹੈ, ਜੋ ਭਾਰਤ ਦੀ ਆਜ਼ਾਦੀ ਤੋਂ 13 ਸਾਲ ਬਾਅਦ 15 ਅਗਸਤ 1960 ਨੂੰ ਆਜ਼ਾਦ ਹੋਇਆ ਸੀ। ਇਸ ਤੋਂ ਪਹਿਲਾਂ, 1880 ਤੋਂ ਆਜ਼ਾਦੀ ਤੱਕ, ਇਸ 'ਤੇ ਫਰਾਂਸ ਦਾ ਕਬਜ਼ਾ ਸੀ। ਕਾਂਗੋ ਖੇਤਰ ਦੇ ਹਿਸਾਬ ਨਾਲ ਅਫ਼ਰੀਕੀ ਮਹਾਂਦੀਪ ਦਾ ਤੀਜਾ ਸਭ ਤੋਂ ਵੱਡਾ ਦੇਸ਼ ਹੈ।

ਉੱਤਰੀ ਕੋਰੀਆਂ ਤੇ ਦੱਖਣੀ ਕੋਰੀਆ 

ਇਸ ਦੇ ਨਾਲ ਹੀ ਉੱਤਰੀ ਕੋਰੀਆ ਅਤੇ ਦੱਖਣੀ ਕੋਰੀਆ ਦੋਵੇਂ ਹਰ ਸਾਲ 15 ਅਗਸਤ ਨੂੰ ਰਾਸ਼ਟਰੀ ਮੁਕਤੀ ਦਿਵਸ ਵਜੋਂ ਮਨਾਉਂਦੇ ਹਨ। ਕਿਉਂਕਿ ਇਸ ਦਿਨ ਦੂਜੇ ਵਿਸ਼ਵ ਯੁੱਧ ਦੇ ਅੰਤ ਵਿੱਚ ਕੋਰੀਆ ਉੱਤੇ ਜਾਪਾਨ ਦੇ 35 ਸਾਲਾਂ ਦੇ ਕਬਜ਼ੇ ਅਤੇ ਬਸਤੀਵਾਦੀ ਰਾਜ ਦਾ ਅੰਤ ਹੋਇਆ ਸੀ। ਆਜ਼ਾਦੀ ਦੇ ਤਿੰਨ ਸਾਲ ਬਾਅਦ, ਕੋਰੀਆ ਉੱਤਰੀ ਕੋਰੀਆ ਅਤੇ ਦੱਖਣੀ ਕੋਰੀਆ ਵਿੱਚ ਵੰਡਿਆ ਗਿਆ ਸੀ।

ਬਹਿਰੀਨ

15 ਅਗਸਤ 1971 ਨੂੰ ਬਹਿਰੀਨ ਉੱਤੇ ਬ੍ਰਿਟਿਸ਼ ਬਸਤੀਵਾਦੀ ਰਾਜ ਦਾ ਵੀ ਅੰਤ ਹੋ ਗਿਆ। ਭਾਰਤ ਦੀ ਆਜ਼ਾਦੀ ਤੋਂ ਦੋ ਦਹਾਕਿਆਂ ਬਾਅਦ ਬਹਿਰੀਨ ਨੇ ਆਪਣੀ ਆਜ਼ਾਦੀ ਦਾ ਐਲਾਨ ਕੀਤਾ। ਹਾਲਾਂਕਿ ਇਹ ਦੇਸ਼ ਇਸ ਦਿਨ ਆਪਣਾ ਸੁਤੰਤਰਤਾ ਦਿਵਸ ਨਹੀਂ ਮਨਾਉਂਦਾ। ਮਰਹੂਮ ਸ਼ਾਸਕ ਈਸਾ ਬਿਨ ਸਲਮਾਨ ਅਲ ਖਲੀਫਾ ਦੇ ਗੱਦੀ 'ਤੇ ਚੜ੍ਹਨ ਦੀ ਯਾਦ ਵਿੱਚ 15 ਅਗਸਤ ਦੀ ਬਜਾਏ, 16 ਦਸੰਬਰ ਨੂੰ ਇਸ ਦੇਸ਼ ਵਿੱਚ ਰਾਸ਼ਟਰੀ ਦਿਵਸ ਵਜੋਂ ਮਨਾਇਆ ਜਾਂਦਾ ਹੈ।

ਲੀਚਟਨਸਟਾਈਨ

ਲੀਚਟਨਸਟਾਈਨ ਵੀ 15 ਅਗਸਤ ਨੂੰ ਆਪਣਾ ਰਾਸ਼ਟਰੀ ਦਿਵਸ ਮਨਾਉਂਦਾ ਹੈ। ਇਹ ਦੁਨੀਆ ਦਾ ਛੇਵਾਂ ਸਭ ਤੋਂ ਛੋਟਾ ਦੇਸ਼ ਹੈ। ਲੀਚਟਨਸਟਾਈਨ 1866 ਵਿਚ ਜਰਮਨ ਸ਼ਾਸਨ ਤੋਂ ਆਜ਼ਾਦ ਹੋਇਆ। ਇਹ ਦੇਸ਼ 1940 ਤੋਂ 15 ਅਗਸਤ ਨੂੰ ਆਪਣੇ ਰਾਸ਼ਟਰੀ ਦਿਵਸ ਵਜੋਂ ਮਨਾ ਰਿਹਾ ਹੈ। 5 ਅਗਸਤ, 1940 ਨੂੰ, ਲੀਚਟਨਸਟਾਈਨ ਸਰਕਾਰ ਨੇ ਅਧਿਕਾਰਤ ਤੌਰ 'ਤੇ 15 ਅਗਸਤ ਨੂੰ ਰਾਸ਼ਟਰੀ ਛੁੱਟੀ ਵਜੋਂ ਐਲਾਨ ਕੀਤਾ ਸੀ।