China ਵੱਡੇ ਹਮਲੇ ਦੀ ਤਿਆਰੀ 'ਚ, ਤਾਈਵਾਨ ਵੱਲ ਭੇਜੇ 80 ਲੜਾਕੂ ਜਹਾਜ਼ ਤੇ ਭਾਰੀ ਮਾਤਰਾ 'ਚ ਅਸਲਾ, ਚੀਨ-ਤਾਈਵਾਨ ਵਿਚਾਲੇ ਕੀ ਰੇੜਕਾ ?
China Taiwan Tension: ਤਾਈਵਾਨ ਦੇ ਆਲੇ-ਦੁਆਲੇ 38 ਜੰਗੀ ਜਹਾਜ਼ ਅਤੇ 9 ਜਲ ਸੈਨਾ ਦੇ ਜਹਾਜ਼ ਭੇਜੇ ਹਨ। ਉਨ੍ਹਾਂ ਦੱਸਿਆ ਕਿ ਬੁੱਧਵਾਰ ਸਵੇਰ ਤੋਂ ਦੁਪਹਿਰ ਤੱਕ ਫੌਜ ਨੇ ਜੇ-10 ਅਤੇ ਜੇ-16 ਲੜਾਕੂ ਜਹਾਜ਼ਾਂ ਸਮੇਤ 30 ਹੋਰ ਜਹਾਜ਼ ਉੱਥੇ ਭੇਜੇ
China Taiwan Tension: ਚੀਨ ਤਾਈਵਾਨ ਖਿਲਾਫ ਲਗਾਤਾਰ ਹਮਲਾਵਰ ਰੁਖ ਅਪਣਾ ਰਿਹਾ ਹੈ ਜਿਸ ਦਾ ਸਬੂਤ ਸਮੇਂ-ਸਮੇਂ 'ਤੇ ਦੇਖਣ ਨੂੰ ਮਿਲਿਆ ਹੈ। ਇਸੇ ਸਿਲਸਿਲੇ ਵਿੱਚ ਚੀਨ ਨੇ ਪਿਛਲੇ ਦੋ ਦਿਨਾਂ ਵਿੱਚ ਆਪਣੇ ਜਲ ਸੈਨਾ ਦੇ ਜਹਾਜ਼ਾਂ, ਲੜਾਕੂ ਜਹਾਜ਼ਾਂ ਤੇ ਜੰਗੀ ਜਹਾਜ਼ਾਂ ਦੇ ਇੱਕ ਵੱਡੇ ਸਮੂਹ ਨੂੰ ਤਾਇਵਾਨ ਵੱਲ ਭੇਜਿਆ ਹੈ। ਇਹ ਜਾਣਕਾਰੀ ਤਾਈਵਾਨ ਦੇ ਰੱਖਿਆ ਮੰਤਰਾਲੇ ਨੇ ਦਿੱਤੀ ਹੈ।
ਤਾਇਵਾਨ ਦੇ ਰੱਖਿਆ ਮੰਤਰਾਲੇ ਮੁਤਾਬਕ ਚੀਨ ਪੀਪਲਜ਼ ਲਿਬਰੇਸ਼ਨ ਆਰਮੀ ਨੇ ਮੰਗਲਵਾਰ ਸਵੇਰੇ 6 ਵਜੇ ਤੋਂ ਬੁੱਧਵਾਰ ਸਵੇਰੇ 6 ਵਜੇ ਦਰਮਿਆਨ ਤਾਈਵਾਨ ਦੇ ਆਲੇ-ਦੁਆਲੇ 38 ਜੰਗੀ ਜਹਾਜ਼ ਅਤੇ 9 ਜਲ ਸੈਨਾ ਦੇ ਜਹਾਜ਼ ਭੇਜੇ ਹਨ। ਉਨ੍ਹਾਂ ਦੱਸਿਆ ਕਿ ਬੁੱਧਵਾਰ ਸਵੇਰ ਤੋਂ ਦੁਪਹਿਰ ਤੱਕ ਫੌਜ ਨੇ ਜੇ-10 ਅਤੇ ਜੇ-16 ਲੜਾਕੂ ਜਹਾਜ਼ਾਂ ਸਮੇਤ 30 ਹੋਰ ਜਹਾਜ਼ ਉੱਥੇ ਭੇਜੇ।
ਇੰਨਾ ਹੀ ਨਹੀਂ, ਚੀਨ ਨੇ ਹੈਨਾਨ ਸੂਬੇ 'ਚ ਆਪਣੇ ਗੁਪਤ ਜਲ ਸੈਨਾ ਦੇ ਅੱਡੇ ਦਾ ਵੱਡੇ ਪੱਧਰ 'ਤੇ ਵਿਸਤਾਰ ਕੀਤਾ ਹੈ ਤਾਂ ਕਿ ਉਥੇ ਵਿਸ਼ਾਲ ਜੰਗੀ ਬੇੜੇ ਤਾਇਨਾਤ ਕੀਤੇ ਜਾ ਸਕਣ। ਮਹੱਤਵਪੂਰਨ ਗੱਲ ਇਹ ਹੈ ਕਿ, ਤਾਈਵਾਨ ਇਸ ਮਹੀਨੇ ਦੇ ਅੰਤ ਵਿੱਚ ਸਾਲਾਨਾ ਹਾਨ ਗੁਆਂਗ ਅਭਿਆਸ ਦਾ ਆਯੋਜਨ ਕਰੇਗਾ।
ਇਸ ਤੋਂ ਇਲਾਵਾ, ਤਾਈਵਾਨ ਸਾਲਾਨਾ ਵਾਨਆਨ ਅਭਿਆਸ ਵੀ ਆਯੋਜਿਤ ਕਰੇਗਾ, ਜਿਸਦਾ ਉਦੇਸ਼ ਨਾਗਰਿਕਾਂ ਨੂੰ ਕੁਦਰਤੀ ਆਫ਼ਤਾਂ ਲਈ ਤਿਆਰ ਕਰਨਾ ਅਤੇ ਹਵਾਈ ਹਮਲੇ ਦੀ ਸਥਿਤੀ ਵਿੱਚ ਨਿਕਾਸੀ ਦਾ ਅਭਿਆਸ ਕਰਨਾ ਹੈ। ਤਾਇਵਾਨ ਦੀਆਂ ਇਨ੍ਹਾਂ ਤਿਆਰੀਆਂ ਨੂੰ ਦੇਖ ਕੇ ਚੀਨ ਇਕ ਤਰ੍ਹਾਂ ਨਾਲ ਪਰੇਸ਼ਾਨ ਹੈ, ਜਿਸ ਦੀ ਝਲਕ ਸਾਫ ਦਿਖਾਈ ਦੇ ਰਹੀ ਹੈ।
ਚੀਨ ਲਗਾਤਾਰ ਤਾਈਵਾਨ ਨੂੰ ਆਪਣਾ ਖੇਤਰ ਹੋਣ ਦਾ ਦਾਅਵਾ ਕਰਦਾ ਹੈ। ਜਦੋਂ ਕਿ ਤਾਈਵਾਨ ਸਵੈ-ਸ਼ਾਸਨ ਹੋਣ ਦਾ ਦਾਅਵਾ ਕਰਦਾ ਹੈ। ਹਾਲ ਹੀ ਦੇ ਸਾਲਾਂ ਵਿਚ ਅਮਰੀਕਾ ਅਤੇ ਤਾਈਵਾਨ ਦੀ ਨੇੜਤਾ ਵਧੀ ਹੈ, ਜਿਸ ਨੂੰ ਚੀਨ ਬਿਲਕੁਲ ਵੀ ਪਸੰਦ ਨਹੀਂ ਕਰ ਰਿਹਾ ਹੈ। ਅਜਿਹੇ 'ਚ ਡਰੈਗਨ ਨੇ ਤਾਈਵਾਨ ਨੂੰ ਕਈ ਵਾਰ ਧਮਕੀ ਦਿੱਤੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਪਿਛਲੇ ਸਾਲ ਅਗਸਤ ਵਿੱਚ ਅਮਰੀਕੀ ਸਪੀਕਰ ਨੈਨਸੀ ਪੇਲੋਸੀ ਦੇ ਤਾਇਵਾਨ ਦੌਰੇ ਤੋਂ ਚੀਨ ਨਾਰਾਜ਼ ਹੋ ਗਿਆ ਸੀ। ਉਦੋਂ ਚੀਨ ਇੰਨਾ ਹਿੱਲ ਗਿਆ ਸੀ ਕਿ ਉਸ ਨੇ ਕਈ ਖੇਤਰਾਂ ਵਿਚ ਅਮਰੀਕਾ ਨਾਲ ਰਿਸ਼ਤੇ ਖਤਮ ਕਰਨ ਦਾ ਐਲਾਨ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਚੀਨ ਦੇ 66 ਲੜਾਕੂ ਜਹਾਜ਼ ਅਤੇ 13 ਜੰਗੀ ਜਹਾਜ਼ਾਂ ਨੇ ਮੱਧ ਰੇਖਾ ਨੂੰ ਪਾਰ ਕਰਕੇ ਆਪਣਾ ਰਵੱਈਆ ਦਿਖਾਇਆ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
