ਚੀਨ ‘ਚ ਸੋਮਵਾਰ ਸ਼ਾਮ ਨੂੰ ਇੱਕ ਅਦਾਲਤ ਨੇ ਰੌਬਰਟ ਲਾਇਡ ਸ਼ੈਲਨਬਰਗ ਨਾਮ ਦੇ ਵਿਅਕਤੀ ਨੂੰ ਮੌਤ ਦੀ ਸਜ਼ਾ ਸੁਣਾਈ। ਮਾਮਲੇ ‘ਚ ਅਚਾਨਕ ਹੀ ਮੁੜ ਸੁਣਵਾਈ ਹੋਈ ਸੀ, ਅਤੇ ਫੇਰ ਇਹ ਫੈਸਲਾ ਲਿਆ ਗਿਆ। ਇਸ ਨਾਲ ਦੋਨੇ ਦੇਸ਼ਾਂ ਵਿਚਾਲੇ ਪਹਿਲਾਂ ਤੋਂ ਚਲ ਰਹੇ ਵਿਵਾਦ ਦੇ ਵਧਣ ਦੀ ਸੰਭਾਵਨਾ ਮੰਨੀ ਜਾ ਰਹੀ ਹੈ।
ਬੀਤੇ ਸਾਲ ਦਸੰਬਰ ‘ਚ ਵੈਨਕੂਵਰ ‘ਚ ਚੀਨ ਦੀ ਦਿੱਗਜ ਟੈਲੀਕਾਮ ਕੰਪਨੀ ਹੁਆਵੇ ਦੀ ਐਗਜੀਕਿਊਟਿਵ ਦੀ ਗਿਰਫ਼ਤਾਰੀ ਤੋਂ ਬਾਅਦ ਤੋਂ ਦੋਨਾਂ ਦੇਸ਼ਾਂ ਵਿਚਾਲੇ ਤਨਾ-ਤਣੀ ਚਲ ਰਹੀ ਹੈ। ਅਦਾਲਤ ਨੇ ਕਨੇਡੀਅਨ ਵਿਅਕਤੀ ਦੀ ਬੇਕਸੂਰ ਹੋਣ ਦੀ ਅਪੀਲ ਖਾਰਿਜ ਕਰਦੇ ਹੋਏ, ਉਸਨੂੰ ਡਰੱਗ ਤਸਕਰੀ ਮਾਮਲੇ ‘ਚ ਸਜਾਏ ਮੌਤ ਦੇ ਹੁਕਮ ਦਿੱਤੇ ਹਨ।