ਮੈਕਸੀਕੋ 'ਚ ਚੱਲੀਆਂ ਅੰਨ੍ਹੇਵਾਹ ਗੋਲੀਆਂ, 19 ਲੋਕਾਂ ਦੀ ਕਤਲ, ਕਈ ਜ਼ਖਮੀ

ਮੈਕਸੀਕੋ ਸਿਟੀ: ਕੇਂਦਰੀ ਮੈਕਸੀਕੋ ਵਿੱਚ ਐਤਵਾਰ ਨੂੰ ਅੰਨ੍ਹੇਵਾਹ ਗੋਲੀਆਂ ਚਲਾ ਕੇ 19 ਲੋਕਾਂ ਦੀ ਹੱਤਿਆ ਕਰ ਦਿੱਤੀ ਗਈ, ਸਟੇਟ ਅਟਾਰਨੀ ਜਨਰਲ ਦੇ ਦਫ਼ਤਰ (ਐਫਜੀਈ) ਨੇ ਇੱਕ ਬਿਆਨ ਵਿੱਚ ਇਹ ਜਾਣਕਾਰੀ ਦਿੱਤੀ।

ਮੈਕਸੀਕੋ ਫਾਇਰਿੰਗ

ਮੈਕਸੀਕੋ ਸਿਟੀ: ਕੇਂਦਰੀ ਮੈਕਸੀਕੋ ਵਿੱਚ ਐਤਵਾਰ ਨੂੰ ਅੰਨ੍ਹੇਵਾਹ ਗੋਲੀਆਂ ਚਲਾ ਕੇ 19 ਲੋਕਾਂ ਦੀ ਹੱਤਿਆ ਕਰ ਦਿੱਤੀ ਗਈ, ਸਟੇਟ ਅਟਾਰਨੀ ਜਨਰਲ ਦੇ ਦਫ਼ਤਰ (ਐਫਜੀਈ) ਨੇ ਇੱਕ ਬਿਆਨ ਵਿੱਚ ਇਹ ਜਾਣਕਾਰੀ ਦਿੱਤੀ। ਜਾਣਕਾਰੀ ਮੁਤਾਬਕ ਐਤਵਾਰ ਰਾਤ ਕਰੀਬ 10:30 ਵਜੇ ਅਧਿਕਾਰੀਆਂ ਨੂੰ ਮੌਕੇ 'ਤੇ ਬੁਲਾਇਆ ਗਿਆ। ਮਿਕੋਆਕਨ ਰਾਜ ਦੇ ਲਾਸ ਤਿਨਾਜਾਸ ਦੇ ਕਸਬੇ ਵਿੱਚ ਇੱਕ ਤਿਉਹਾਰ ਦੇ ਇਕੱਠ ਦੌਰਾਨ ਇਹ ਹਮਲਾ ਹੋਇਆ। 

FGE ਨੇ ਕਿਹਾ, "19 ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ ਜਿਹਨਾਂ 'ਚ 16 ਮਰਦ ਅਤੇ ਤਿੰਨ ਔਰਤਾਂ ਸ਼ਾਮਲ ਹਨ। ਇਸ ਤੋਂ ਇਲਾਵਾ ਇਸ ਹਮਲੇ 'ਚ ਕਈ ਲੋਕ ਜ਼ਖਮੀ ਹੋਏ ਹਨ ਜਿਨ੍ਹਾਂ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ । ਅਧਿਕਾਰੀਆਂ ਨੇ ਗੋਲੀ ਚਲਾਉਣ ਦਾ ਕੋਈ ਕਾਰਨ ਨਹੀਂ ਦੱਸਿਆ ਪਰ ਇਹ ਕਿਹਾ ਗਿਆ ਹੈ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। 

ਗਵਾਹਾਂ ਦੇ ਅਨੁਸਾਰ, ਹਮਲਾਵਰਾਂ ਨੇ ਵੱਖਰੇ ਵਾਹਨਾਂ ਵਿੱਚ ਜਾਣ ਤੋਂ ਪਹਿਲਾਂ ਅੰਨ੍ਹੇਵਾਹ ਗੋਲੀਬਾਰੀ ਕੀਤੀ। ਸਥਾਨਕ ਨਿਊਜ਼ ਸਾਈਟ ਰੈੱਡ ਮਿਕੋਆਕਨ ਵੱਲੋਂ ਪ੍ਰਕਾਸ਼ਿਤ ਇੱਕ ਕਲਿੱਪ ਵਿੱਚ ਸੈਂਕੜੇ ਗੋਲੀਆਂ ਦੀ ਆਵਾਜ਼ ਸੁਣੀ ਜਾ ਸਕਦੀ ਹੈ। ਹਮਲਾਵਰਾਂ ਦਾ ਪਤਾ ਲਗਾਉਣ ਲਈ ਸਿਪਾਹੀਆਂ ਨੂੰ ਭੇਜਿਆ ਗਿਆ।

ਲਾਸ ਤਿਨਾਜਾਸ ਦੇ ਨੇੜੇ ਖੇਤਰ ਲਈ ਕਈ ਤਰ੍ਹਾਂ ਦੇ ਗਰੋਹ ਲੜਦੇ ਹਨ, ਚੋਰੀ ਹੋਏ ਈਂਧਨ ਦੀ ਢੋਆ-ਢੁਆਈ ਕਰਦੇ ਹਨ ਅਤੇ ਸਰਕਾਰੀ ਤੇਲ ਫਰਮ ਵੱਲੋਂ ਨਿਯੰਤਰਿਤ ਪੈਟਰੋਲ ਪਾਈਪਾਂ ਨੂੰ ਗੈਰ-ਕਾਨੂੰਨੀ ਤੌਰ 'ਤੇ ਟੈਪ ਕਰਦੇ ਹਨ।

ਮਿਕੋਆਕਨ ਅਤੇ ਗੁਆਂਢੀ ਗੁਆਨਾਜੁਆਟੋ ਵਿੱਚ ਸਾਲਾਂ ਤੋਂ ਖੂਨ-ਖਰਾਬਾ ਸ਼ੁਰੂ ਹੋ ਗਿਆ ਹੈ। ਪਿਛਲੇ ਮਹੀਨੇ ਮਿਚੋਆਕਨ 'ਚ ਹੋਏ ਇੱਕ ਜ਼ਬਰਦਸਤ ਹਮਲੇ 'ਚ 17 ਲੋਕਾਂ ਦੀ ਮੌਤ ਹੋ ਗਈ ਸੀ ਮੰਨਿਆ ਗਿਆ ਸੀ ਕਿ ਇਹ ਹਮਲਾ ਗੈਂਗਸ ਵਿਚਾਲੇ ਚੱਲ ਰਹੇ ਵਿਵਾਦ ਕਾਰਨ ਹੋਇਆ ਸੀ, ਅਲ ਜਜ਼ੀਰਾ ਨੇ ਰਿਪੋਰਟ ਕੀਤੀ।

ਉਪ ਸੁਰੱਖਿਆ ਮੰਤਰੀ ਰਿਕਾਰਡੋ ਮੇਜੀਆ ਦੇ ਅਨੁਸਾਰ, ਇਹ ਹਮਲਾ ਜੈਲਿਸਕੋ ਨਿਊ ਜਨਰੇਸ਼ਨ ਕਾਰਟੈਲ ਦੇ ਇੱਕ ਸੈੱਲ ਦੁਆਰਾ ਦੂਜੇ ਵਿਰੁੱਧ "ਬਦਲੇ" ਤੋਂ ਪ੍ਰੇਰਿਤ ਸੀ।

ਦੂਜੇ ਪਾਸੇ, ਅਧਿਕਾਰੀਆਂ ਨੇ ਕਿਹਾ ਕਿ ਉਹ ਮਰਨ ਵਾਲਿਆਂ ਦੀ ਗਿਣਤੀ ਦੀ ਪੁਸ਼ਟੀ ਕਰਨ ਵਿੱਚ ਅਸਮਰੱਥ ਹਨ ਕਿਉਂਕਿ ਕੋਈ ਅਵਸ਼ੇਸ਼ ਨਹੀਂ ਲੱਭੇ ਹਨ। ਘਟਨਾ ਸਥਾਨ 'ਤੇ, 11 ਸੰਭਾਵਿਤ ਪੀੜਤਾਂ ਦੇ ਡੀਐਨਏ ਨਮੂਨੇ ਪ੍ਰਾਪਤ ਕੀਤੇ ਗਏ ਸਨ।