Eiffel Tower: ਆਖ਼ਰ Eiffel Tower ਦੇ ਕਰਮਚਾਰੀ ਕਿਉਂ ਕਰ ਰਹੇ ਨੇ ਹੜਤਾਲ ? 100 ਸਾਲ ਪੁਰਾਣੀ ਹੈ ਵਜ੍ਹਾ !
Eiffel Tower Strike: ਕਰਮਚਾਰੀਆਂ ਦੇ ਹੜਤਾਲ 'ਤੇ ਜਾਣ ਤੋਂ ਬਾਅਦ ਪ੍ਰਮੁੱਖ ਸੈਲਾਨੀਆਂ ਦੇ ਆਕਰਸ਼ਣਾਂ ਵਿੱਚੋਂ ਇੱਕ ਆਈਫਲ ਟਾਵਰ ਨੂੰ ਬੰਦ ਕਰ ਦਿੱਤਾ ਗਿਆ। ਇਹ ਟਾਵਰ ਬਣਾਉਣ ਵਾਲੇ ਇੰਜੀਨੀਅਰ ਦੀ ਮੌਤ ਦੀ 100ਵੀਂ ਵਰ੍ਹੇਗੰਢ 'ਤੇ ਹੋਇਆ ਹੈ।
Eiffel Tower: ਫਰਾਂਸ ਦੀ ਰਾਜਧਾਨੀ ਪੈਰਿਸ (paris) ਵਿੱਚ ਸਥਿਤ ਆਈਫਲ ਟਾਵਰ(Eiffel Tower) ਬੁੱਧਵਾਰ (27 ਦਸੰਬਰ) ਨੂੰ ਬੰਦ ਕਰ ਦਿੱਤਾ ਗਿਆ। ਆਈਫਲ ਟਾਵਰ, ਦੁਨੀਆ ਦੇ ਪ੍ਰਮੁੱਖ ਸੈਲਾਨੀਆਂ ਦੇ ਆਕਰਸ਼ਣਾਂ (Tourist Attraction) ਵਿੱਚੋਂ ਇੱਕ, ਕਰਮਚਾਰੀਆਂ ਦੇ ਹੜਤਾਲ 'ਤੇ ਜਾਣ ਤੋਂ ਬਾਅਦ ਬੰਦ ਕਰ ਦਿੱਤਾ ਗਿਆ ਸੀ। ਇਹ ਜਾਣਕਾਰੀ ਆਈਫਲ ਟਾਵਰ ਨੂੰ ਚਲਾਉਣ ਵਾਲੀ ਸੰਸਥਾ SETE ਨੇ ਦਿੱਤੀ ਹੈ।
ਏਪੀ ਦੀ ਰਿਪੋਰਟ ਦੇ ਅਨੁਸਾਰ, ਕੱਟੜ ਖੱਬੇ ਪੱਖੀ ਸੀਜੀਟੀ ਯੂਨੀਅਨ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਇਹ ਹੜਤਾਲ ਟਾਵਰ ਬਣਾਉਣ ਵਾਲੇ ਇੰਜੀਨੀਅਰ ਗੁਸਤਾਵ ਆਈਫਲ ਦੀ ਮੌਤ ਦੀ 100ਵੀਂ ਵਰ੍ਹੇਗੰਢ 'ਤੇ ਬੁਲਾਈ ਗਈ ਸੀ। ਯੂਨੀਅਨ ਨੇ ਕਿਹਾ ਕਿ ਸਾਡੀਆਂ ਕੁਝ ਮੰਗਾਂ ਹਨ, ਜਿਸ ਕਾਰਨ ਇਹ ਹੜਤਾਲ ਕੀਤੀ ਗਈ ਹੈ। ਹਾਲਾਂਕਿ ਮੰਗਾਂ ਕੀ ਹਨ, ਇਸ ਬਾਰੇ ਕੋਈ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਦੇ ਡਿਜ਼ਾਈਨਰ ਗੁਸਤਾਵ ਦੀ ਅੱਜ ਦੇ ਦਿਨ ਯਾਨੀ 28 ਦਸੰਬਰ 1923 ਨੂੰ ਮੌਤ ਹੋ ਗਈ ਸੀ।
ਟਾਵਰ ਅਗਲੇ ਨੋਟਿਸ ਤੱਕ ਬੰਦ
ਆਈਫਲ ਟਾਵਰ ਦੇ ਬੁਲਾਰੇ ਦੇ ਅਨੁਸਾਰ, ਸੈਲਾਨੀ ਅਜੇ ਵੀ ਟਾਵਰ ਦੇ ਹੇਠਾਂ ਸ਼ੀਸ਼ੇ ਨਾਲ ਬੰਦ ਐਸਪਲੇਨੇਡ ਤੱਕ ਪਹੁੰਚ ਕਰ ਸਕਦੇ ਹਨ, ਪਰ ਅਗਲੇ ਨੋਟਿਸ ਤੱਕ 300 ਮੀਟਰ (984 ਫੁੱਟ) ਲੈਂਡਮਾਰਕ ਤੱਕ ਪਹੁੰਚ ਬੰਦ ਹੈ। ਬੁਲਾਰੇ ਨੇ ਕਿਹਾ ਕਿ ਹੜਤਾਲ ਦਾ ਐਲਾਨ ਪੈਰਿਸ ਸ਼ਹਿਰ ਨਾਲ ਸਮਝੌਤੇ ਦੀ ਗੱਲਬਾਤ ਤੋਂ ਪਹਿਲਾਂ ਕੀਤਾ ਗਿਆ ਸੀ। ਯੂਨੀਅਨ ਦੇ ਨੁਮਾਇੰਦਿਆਂ ਨੇ ਅਜੇ ਤੱਕ ਇਹ ਨਹੀਂ ਦੱਸਿਆ ਕਿ ਇਹ ਹੜਤਾਲ ਕਦੋਂ ਤੱਕ ਚੱਲੇਗੀ।
ਬੰਬ ਨਾਲ ਉਡਾਉਣ ਦੀ ਵੀ ਮਿਲੀ ਸੀ ਧਮਕੀ
ਦੱਸ ਦਈਏ ਕਿ ਦੁਨੀਆ ਵਿੱਚ ਸਭ ਤੋਂ ਵੱਧ ਵੇਖੀਆਂ ਜਾਣ ਵਾਲੀਆਂ ਥਾਵਾਂ ਵਿੱਚੋਂ ਇੱਕ, ਆਈਫਲ ਟਾਵਰ ਆਮ ਤੌਰ 'ਤੇ ਸਾਲ ਵਿੱਚ 365 ਦਿਨ ਖੁੱਲ੍ਹਾ ਰਹਿੰਦਾ ਹੈ। ਹਾਲਾਂਕਿ, ਇੱਥੇ ਕਦੇ-ਕਦਾਈਂ ਹੜਤਾਲਾਂ ਦੇਖਣ ਨੂੰ ਮਿਲਦੀਆਂ ਹਨ। ਜ਼ਿਕਰਯੋਗ ਹੈ ਕਿ ਇਸ ਸਾਲ ਅਗਸਤ 'ਚ ਆਈਫਲ ਟਾਵਰ ਨੂੰ ਬੰਬ ਨਾਲ ਉਡਾਉਣ ਦੀ ਧਮਕੀ ਮਿਲੀ ਸੀ, ਜਿਸ ਤੋਂ ਬਾਅਦ ਸਾਵਧਾਨੀ ਦੇ ਤੌਰ 'ਤੇ ਇਸ ਨੂੰ ਖਾਲੀ ਕਰਵਾ ਲਿਆ ਗਿਆ ਸੀ। ਹਾਲਾਂਕਿ ਬੰਬ ਦੀ ਇਹ ਧਮਕੀ ਮਹਿਜ਼ ਅਫਵਾਹ ਹੀ ਨਿਕਲੀ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਇਤਿਹਾਸਕ ਟਾਵਰ ਦਾ ਨਿਰਮਾਣ ਕੰਮ ਜਨਵਰੀ 1887 ਵਿੱਚ ਸ਼ੁਰੂ ਹੋਇਆ ਸੀ ਅਤੇ 31 ਮਾਰਚ 1889 ਨੂੰ ਖਤਮ ਹੋਇਆ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
