ਵਰਨਣ ਯੋਗ ਹੈ ਕਿ ਫਰਾਂਸ ਦੇ ਨਵੇਂ ਰਾਸ਼ਟਰਪਤੀ ਇਮੈਨੁਅਲ ਮੈਕਰੋਨ ਨੇ ਆਪਣੀ ਚੋਣ ਮੁਹਿੰਮ ਦੌਰਾਨ ਇਸ ਕਾਨੂੰਨ ਨੂੰ ਲਿਆਉਣ ਦੀ ਗੱਲ ਕੀਤੀ ਸੀ। ਇਸ ਕਾਨੂੰਨ ਦੇ ਤਹਿਤ ਫਰਾਂਸ ਦੇ ਨਾਗਰਿਕ ਚੰਗੀ ਨੀਤ ਰੱਖ ਕੇ ਗਲਤੀ ਕਰ ਸਕਦੇ ਹਨ। ਇਸ ਗਲਤੀ ਉੱਤੇ ਉਨ੍ਹਾਂ ਨੂੰ ਸਜ਼ਾ ਨਹੀਂ ਹੋਵੇਗੀ।
ਇਸ ਕਾਨੂੰਨ ਹੇਠ ਫਰਾਂਸ ਵਿਚ ਲੋਕ ਜੇ ਸਰਕਾਰੀ ਕੰਮ ਕਰਵਾਉਣ ਵੇਲੇ ਕੋਈ ਗਲਤੀ ਕਰ ਦਿੰਦੇ ਹਨ ਤੇ ਇਸ ਪਿੱਛੇ ਉਨ੍ਹਾਂ ਦੀ ਨੀਤ ਸਾਫ, ਭਾਵ ਕੋਈ ਗਲਤ ਇਰਾਦਾ ਨਹੀਂ ਤਾਂ ਉਨ੍ਹਾਂ ਦੀ ਗਲਤੀ ਮੁਆਫ ਕੀਤੀ ਜਾਵੇਗੀ। ਇਹ ਛੋਟ ਸਿਰਫ ਅਜਿਹੀ ਪਹਿਲੀ ਗਲਤੀ ਕਰਨ ਉੱਤੇ ਮਿਲੇਗੀ। ਇਸ ਦੇ ਇਲਾਵਾ ਜੇ ਪ੍ਰਸ਼ਾਸਨ ਚਾਹੇ ਤਾਂ ਜਾਂਚ ਕਰ ਸਕਦਾ ਹੈ ਕਿ ਗਲਤੀ ਪਿੱਛੇ ਦੀ ਨੀਤ ਚੰਗੀ ਹੈ ਜਾਂ ਬੁਰੀ। ਜੇ ਇਹ ਗਲਤੀ ਸਿਹਤ ਵਿਭਾਗ ਦੇ ਕੰਮਕਾਜ ਵਿਚ ਹੁੰਦੀ ਹੈ ਤਾਂ ਉਸ ਉੱਤੇ ਇਹ ਕਾਨੂੰਨ ਲਾਗੂ ਨਹੀਂ ਹੁੰਦਾ।